بالی وڈ کے بے تاج بادشاہ اور سپراسٹار سلمان خان کے قریبی دوست کنگ خان نے ٹائیگر تھری کے ٹیزر پر اپنا ردعمل دیا ہے جس سے واضح ہوتا ہے کہ دونوں کے درمیان تعلقات کتنے بہترین ہیں۔
سلو بھائی کی ٹائیگر تھری کے ٹیزر نے ریلیز ہوتے ہی تہلکہ مچادیا ہے اور ہر طرف اسی کا چرچا ہے، اسی حوالے سے ایک مداح نے شاہ رخ خان سے سوشل میڈیا پلیٹ فارم ایکس پر سوال کیا کہ کیا انھوں نے ٹائیگر تھری کا ٹیزر دیکھ لیا؟
اس کے جواب میں ’جوان‘ کے اداکار کا کہنا تھا کہ ’ٹائیگر تھری زبردست لگ رہی ہے۔ بھائی بھائی ہی ہے، مجھے یہ بہت پسند آیا۔‘ ساتھ میں انھوں نے اپنی فلم جوان کا ہیش ٹیگ بھی استعمال کیا۔
Tiger 3 is looking awesome. Bhai Bhai hi hai!!! Loved it….#Jawan https://t.co/2IjRUB03jR
— Shah Rukh Khan (@iamsrk) September 27, 2023
اس سے قبل سلمان خان بھی ان کی بلاک بسٹر فلم جوان کے ریلیز ہونے سے پہلے اپنی بھرپور محبت کا اظہار کرچکے ہیں۔
دبنگ خان نے انسٹاگرام پر لکھا تھا کہ ’پٹھان جوان بن گیا، شاندار ٹریلر، بہت پسند آیا، اس طرح کی فلمیں ہمیں صرف سنیما میں دیکھنی چاہئیں، میں تو اسے پہلے دن ہی دیکھنے والا ہوں، مزہ آگیا، واہ‘۔ جس پر شاہ رخ نے ان کا شکریہ بھی ادا کیا تھا۔
واضح رہے کہ شاہ رخ نے ’ایکس‘ پر ایک ’آسک می اینی تھنگ‘ سیشن رکھا تھا جس میں مداحوں نے ان سے مختلف سوالات پوچھنے کے ساتھ ٹائیگر تھری کے حوالے سے بھی پوچھا تھا۔