کراچی: شہر قائد میں 1991 میں 8 مزدوروں کو قتل کرنے والا ٹارگٹ کلر ’اسٹیل باڈی‘ گرفتار ہو گیا۔
تفصیلات کے مطابق رینجرز اور پولیس نے انٹیلیجنس معلومات کی بنیاد پر موسیٰ کالونی گلبرگ میں بڑی کارروائی کرتے ہوئےانتہائی مطلوب ٹارگٹ کلر سہیل حسین عرف اسٹیل باڈی کو گرفتار کر لیا ہے۔
ترجمان رینجرز کے مطابق ملزم منشیات فروشی میں بھی ملوث ہے، گرفتار ملزم نے 1991 میں ساتھیوں کے ہمراہ 8 مزدوروں کو قتل کیا تھا، 2003 میں مذہبی جماعت کے 2 کارکنان کی ٹارگٹ کلنگ کی اور 2013 میں 12 سالہ بچے کو موسیٰ کالونی میں ہاتھ پیر باندھ کر سفاکانہ طریقے سے قتل کیا تھا۔
کراچی میں رینجرز آپریشن شروع ہونے پر ملزم 2014 میں بنگلادیش فرار ہو گیا تھا، جہاں منشیات کیس میں وہ 4 سال قید رہا اور رہا ہو کر 2018 میں پھر کراچی آیا۔
لکی مروت: دہشت گردوں نے پولیس اہلکار کو اغوا کے بعد قتل کردیا
ملزم سہیل حسین عرف اسٹیل باڈی نے موسیٰ کالونی میں اپنے بھائی اور ساتھی کے ہمراہ منشیات کا کام شروع کیا، ملزم پولیس کو متعدد مقدمات میں انتہائی مطلوب تھا، ملزم کے دیگر ساتھیوں کی گرفتار ی کے لیے بھی چھاپے مارے جا رہے ہیں، جب کہ مزید قانونی کارروائی کے لیے ملزم کو پولیس کے حوالے کر دیا گیا ہے۔
