ARYNews.tv | Urdu – Har Lamha Bakhabar

Tag: ٹارگٹ کلرز

  • رینجرز، ایم کیو ایم لندن کے تین ٹارگٹ کلرز سمیت 9 ملزمان گرفتار

    رینجرز، ایم کیو ایم لندن کے تین ٹارگٹ کلرز سمیت 9 ملزمان گرفتار

    کراچی : سندھ رینجرز نے مختلف علاقوں میں کارروائی کر کے سیاسی جماعت کے تین 3 دہشت گردوں سمیت 9 ملزمان کو حراست میں لے کر اسلحہ، گولیاں اور منشیات برآمد کرلی ہیں.

    تفصیلات کے مطابق سندھ کے دارالخلافہ میں قیام امن کے لیے سندھ رینجرز کا جرائم کی بیخ کنی کے لیے کراچی آپریشن کامیابی سے جاری ہے اور اس حوالے سے تازہ دم کارروائی میں 9 خطرناک ملزمان کو حراست میں لے لیا گیا ہے.

    ترجمان رینجرز کے مطابق گرفتار کیے جانے والے ملزمان میں سے 3 کا تعلق ایک سیاسی جماعت کے عسکری ونگ سے ہے جو ٹارگٹ کلنگ، منشیات فروشی سمیت اسٹریٹ کرائم میں ملوث ہیں جب کہ ملزمان کی شناخت عبد العزیزعرف بابے، محمد احسان عرف ملاح اور محمد سلیمان کے نام سے ہوئی ہے.

    ترجمان رینجرز کے مطابق دو مختلف کارروائیوں میں عوامی کالونی اور بریگیڈ کے علاقوں سے 4 اسٹریٹ کرمنلز کو گرفتارکیا گیا ہے جو ڈکیتی سمیت دیگر وارداتوں میں ملوث ہیں اور اسٹریٹ کرائم کے دوران شہریوں سے مال و زیور چھیننے کے مقدمات میں پولیس کو مطلوب تھے.

    ترجمان رینجرز کے مطابق گرفتار ملزمان سے بری تعداد اسلحہ، گولیاں اور منشیات برآمد کی گئی ہیں جب کہ ملزمان کو قانونی چارہ جوئی کے لیے مقامی پولیس کے حوالے کردیا گیا ہے.

  • کراچی میں دہشت گردی کا خطرہ، ساؤتھ افریقا کے ٹارگٹ کلرز متحرک

    کراچی میں دہشت گردی کا خطرہ، ساؤتھ افریقا کے ٹارگٹ کلرز متحرک

    کراچی:حساس اداروں نے شہر میں دہشت گردی کے ممکنہ حملوں کے پیش نظر الرٹ جاری کردیا جس میں کہا گیا ہے کہ ایم کیو ایم لندن ساؤتھ افریقا کا 17 رکنی ٹارگٹ کلر گروپ ایک بار پھر شہر میں متحرک ہوگیا ہے۔

    ذرائع کے مطابق حساس اداروں کی جانب سے کراچی میں دہشت گردی کا تھریٹ الرٹ جاری کیا گیا، جس میں کہا گیا ہے کہ ایم کیوایم لندن ساؤتھ افریقا کا ٹارگٹ کلنگ گروپ ایک بار پھر متحرک ہوگیا ہے۔

    الرٹ کے مطابق عابد نامی گروپ میں ایم کیو ایم لندن کے 17 ٹارگٹ کلرز شامل ہیں جن کا تعلق ساؤتھ افریقا سے ہے، شہر میں آئندہ ٹارگٹ کلنگ کے لیے ساؤتھ افریقا نیٹ ورک استعمال ہوسکتا ہے۔

    الرٹ میں خبردار کیا گیا ہے کہ ٹارگٹ کلرز پولیس افسران،شہریوں اورمیڈیا اور خصوصاً سائٹ ایریا میں موجود میڈیا ہاؤس کے افراد کو نشانہ بناسکتے ہیں جبکہ ٹارگٹ کلرز کو شہر میں سیاست دانوں کو ٹارگٹ کرنے کا ٹاسک بھی دیا گیا ہے۔

  • سندھ رینجرز کی کارروائیاں، 4 افراد گرفتار

    سندھ رینجرز کی کارروائیاں، 4 افراد گرفتار

    کراچی: سندھ رینجرز کی لانڈھی، کیماڑی اور ناظم آباد میں کارروائیاں 2 ٹارگٹ کلرز سمیت 4 ملزمان کو گرفتار کر کے تفتیش کے لیے نامعلوم مقام پر منتقل کردیا گیا۔

    ترجمان رینجرز سندھ کی جانب سے جاری کردہ اعلامیے میں کہا گیا ہے کہ ’’کراچی کے مختلف علاقوں لانڈھی، کیماڑی اور ناظم آباد میں مصدقہ اطلاعات پر رینجرز کی کارروائیوں میں 4 ملزمان کو گرفتار کیا گیا ہے‘‘۔

    پڑھیں:  لانڈھی اور گلشن اقبال میں‌ رینجرز کے چھاپے، اسلحہ برآمد

    ترجمان رینجرز کا کہنا ہے کہ ہے ’’گرفتار ملزمان میں 2 ٹارگٹ کلرز اور بھتہ خور شامل ہیں ملزمان کے قبضے سے اسلحہ بھی برآمد کیا گیا ہے‘‘۔

    مزید پڑھیں: اے آر وائی کے چینل پر حملے میں ملوث ملزمان گرفتار،ڈی جی رینجرز

    رینجرز کی جانب سے شہریوں سے اپیل کی گئی ہے کہ ’’شرپسند عناصر پر کڑی نظر رکھیں اور اپنے ارد گرد ہونے والی کسی بھی مشکوک سرگرمی کی اطلاع رینجرز ہیلپ لائن، واٹس اپ یا پھر ای میل ایڈریس پر دیں۔ ترجمان رینجرز نے اعلان کیا ہے کہ ’’اطلاع دینے والے افراد کا نام صیغہ راز میں رکھا جائے گا‘‘۔

  • ٹارگٹ کلرز اور بھتہ خورسمیت چارملزمان گرفتار، اسلحہ برآمد

    ٹارگٹ کلرز اور بھتہ خورسمیت چارملزمان گرفتار، اسلحہ برآمد

    کراچی : رینجرز اور پولیس نے مختلف کارروائیوں میں ٹارگٹ کلنگ اور بھتہ خوری میں ملوث چارملزمان کو گرفتارکرلیا، ملزمان کا تعلق سیاسی جماعت اور گینگ وار سے ہے۔۔

    ترجمان رینجرز کے مطابق رینجرزنے شاہ کالونی سے دو افراد کو گرفتار کرکے پولیس کے حوالے کردیا۔ ترجمان رینجرزکا کہنا ہے ملزمان ماہ رمضان میں بھتہ وصول کرکے سیکٹرآفس میں جمع کراتے تھے۔

    ملزمان کےقبضہ سےاسلحہ بھی برآمد ہوا ہے۔ رینجرزکا کہنا ہے کہ عدنان عرف ڈیٹونیٹر تین افراد کے قتل میں بھی ملوث ہے،جبکہ ملزم ناصر نے چارافراد کےقتل کا اعتراف کیا ہے۔

    دوسری طرف سی ٹی ڈی نے کارروائی کرتے ہوئے لیاری گینگ وار کے دو کارندے گرفتار کرلیے۔ انچارج سی ٹی ڈی کے مطابق ملزمان بارہ سےزائد ٹارگٹ کلنگ کی وارداتوں میں ملوث ہیں، گرفتارملزمان سے کلاشنکوف اوردو دستی بم برآمد ہوئے ہیں۔

    علاوہ ازیں کراچی کے مختلف علاقوں میں فائرنگ کے مختلف واقعات میں چار افراد زخمی ہوگئے،پولیس کے مطابق ناظم آباد سات نمبر کے قریب مسلح افراد کی فائرنگ سے تین افراد زخمی ہوگئے۔

    زخمیوں کی شناخت ڈاکٹرعبدالرزاق،عبداللہ اور واطف کے ناموں سے ہوئی ہے، فائرنگ کرنے والے ایک شخص کو اہل علاقہ نے پکڑ کر تشدد کے بعد پولیس کے حوالے کردیا۔

    پولیس کے مطابق گرفتار ملزم ڈکیت گروہ کا کارندہ ہ اور اس کے دو ساتھی فرار ہوگئے جو ناظم آباد میں اسلحہ کے زور پر لوٹ مار کرنے آئے تھے،ملیر میں فائرنگ سے ایک شخص زخمی ہوگیا۔

     

  • کراچی میں رینجرز کے چھاپے،دو ٹارگٹ کلرز سمیت پانچ ملزمان گرفتار

    کراچی میں رینجرز کے چھاپے،دو ٹارگٹ کلرز سمیت پانچ ملزمان گرفتار

    کراچی: شہر قائد کے مختلف علاقوں میں رینجرز نے ٹارگیٹڈ آپریشن کرتے ہوئے پانچ دہشتگردوں کو گرفتار کرکے اسلحہ برآمد کرلیا۔

    رینجرز حکام نے بتایا کہ خفیہ اطلاع پر رینجرز نے کورنگی،بلدیہ ٹاون،منگھو پیر اور نارتھ ناظم آباد کے علاقوں میں کاروائیاں کرتے ہوئے پانچ ملزمان کو گرفتار کیا ہے جن سے اسلحہ اور سینکڑوں گولیاں برآمد ہوئی ہیں۔

    گرفتار ملزمان میں سیاسی جماعت کے ایک عسکری ونگز سے تعلق رکھنے والے دو ٹارگٹ کلرز جبکہ کالعدم تنظیم کے تین کارندے شامل ہیں ملزمان کو نامعلوم مقام پر منتقل کرکے مزید تفتیش کی جارہی ہے۔

  • کراچی میں فائرنگ سے دو افراد جاں بحق، دو ٹارگٹ کلرز گرفتار

    کراچی میں فائرنگ سے دو افراد جاں بحق، دو ٹارگٹ کلرز گرفتار

    کراچی : فائرنگ اور پرتشدد واقعات میں دو افراد جاں بحق ہوگئے، رینجرز نے اورنگی ٹاون سے دو ٹارگٹ کلرز کو گرفتار کرلیا۔

    پولیس کے مطابق اورنگی ٹاؤن بارہ نمبر کے قریب نامعلوم افراد کی فائرنگ سے شبیر احمد نامی شخص جان کی بازی ہار گیا۔

    لیاقت آباد ایف سی ایریا سے بھی مکان سے ایک شخص کی لاش ملی، جس کی شناخت نہیں ہوسکی،لاش کو پوسٹ مارٹم کے لئے عباس شہید اسپتال منتقل کردیا گیا ہےْ

    دوسری جانب رینجرز نے اورنگی ٹاون میں کارروائی کرتے ہوئے عسکری ونگ کے دو ٹارگٹ کلرز کو گرفتار کرکے اسلحہ برامد کرلیاہے۔

  • کراچی : سیاسی جماعت سے تعلق رکھنے والے مبینہ دو ٹارگٹ کلرز گرفتار

    کراچی : سیاسی جماعت سے تعلق رکھنے والے مبینہ دو ٹارگٹ کلرز گرفتار

    کراچی : محکمہ انسداد دہشت گردی نے سیاسی جماعت سے تعلق رکھنے والے مبینہ دو ٹارگٹ کلرز کو گرفتار کرکے اسلحہ برآمد کرلیا۔

    پولیس حکام کے مطابق گرفتار ملزمان صابر ٹنڈا اورعدیل ٹکڑی قتل ۔اغواء۔جلاو گھیراو اور لوٹ مار کی متعدد وارداتوں میں ملوث ہیں ملزم صابر نے دوران تفتیش انکشاف کیا ہے کہ اس نے دو ہزار گیارہ میں زمان ٹاون کے علاقے میں واقع کلینک کے ملازم کو اغواء کے بعد تشدد اور فائرنگ کرکے قتل کیاجبکہ ایک شخص کو تتلی باغ شادی ہالز سے اغواء کرکے قتل کیاجبکہ عظمت بنگالی نامی شخص کو سیاسی اختلافات کی بنیاد پر فائرنگ کرکے قتل کیا ۔

    ملزم عدیل دو افراد کو اغوء کے بعد فائرنگ کرکے قتل کرنے میں ملوث ہے ملزم کا ایک ساتھی شاہد چھٹہ رینجرز سے مقابلے میں ہلاک بھی ہوچکا ہے دونوں ملزمان کورنگی صنعتی ایریا کے علاقے میں جلاو گھیراو اور لوٹ مار کی و ارداتوں میں ملوث ہیں ملزمان سے مزید تفتیش جاری ہے۔

  • پولیس و رینجرزکی کارروائیاں،3 ٹارگٹ کلرزسمیت 9 ملزمان گرفتار

    پولیس و رینجرزکی کارروائیاں،3 ٹارگٹ کلرزسمیت 9 ملزمان گرفتار

    کراچی : پولیس اور رینجرز نے مختلف کارروائیوں میں ٹارگٹ کلرز سمیت نو ملزمان گرفتار کر لئے۔

    ترجمان رینجرز کے مطابق رامسوامی میں کارروائی کر کے تین ٹارگٹ کلرز گرفتار کئےگئے جن کا تعلق عسکری ونگ سےہے.

    رینجرز نے بڑا بورڈ اور الفلاح میں کارروائی کرکے ڈکیتی اور اغوا میں ملوث چار ملزمان کو گرفتار کرلیا۔ اے سی ایل سی پولیس نے پاپوش قبرستان کے قریب کارروائی کرتے ہوئے اسٹریٹ کرائم میں ملوث چار ملزمان گرفتار کر لئے۔

    ملزمان سےاسلحہ،موبائل فون اورمسروقہ موٹرسائیکل برآمد ہوئی۔ اسپیشل انویسٹی گیشن یونٹ نے کھارادر سے دوملزمان کو گرفتار کر کے اسلحہ برآمد کرلیا۔

  • کراچی کے مختلف علاقوں سے دس ٹارگٹ کلرز گرفتار

    کراچی کے مختلف علاقوں سے دس ٹارگٹ کلرز گرفتار

    کراچی : شہر کے مختلف علاقوں میں رینجرز نے کارروائیاں کرتے ہوئے دس ٹارگٹ کلرز گرفتارکرلئے۔

    ترجمان رینجرز سندھ کے اعلامیہ کے مطابق گرفتار ٹارگٹ کلرز میں سے تین کا تعلق متحدہ قومی موومنٹ اورچار کا تعلق مذہبی تنظیموں سے ہے جب کہ تین ٹارگٹ کلرزکا تعلق ایم کیو ایم حقیقی سے ہے۔

    متحدہ قومی موومنٹ کا گرفتار ٹارگٹ کلر نبیل عرف شیری شاہ فیصل ٹاؤن کا رہائشی ہے نبیل عرف شیری کو رینجرزسے مقابلے کے بعد زخمی حالت میں گرفتار کیا گیا۔

    فائرنگ کے تبادلے میں رینجرز کا سپاہی طارق حسین زخمی بھی ہوا ،ترجمان رینجرز کا کہنا ہے کہ پکڑے جانیوالے تمام ٹارگٹ کلرز کو انسداد دہشت گردی کی عدالتوں میں پیش کیا جائے گا۔

    انہوں نے کہا کہ انشاء اللہ پاکستان رینجرز سندھ ہر حالت میں عوام کے تعاون سے ٹارگٹ کلرز اور ان کے سرپرستوں کا خاتمہ کرے گی۔

  • ٹارگٹ کلرز کی حوالگی کیلئے رینجرز کا ایم کیو ایم کو خط

    ٹارگٹ کلرز کی حوالگی کیلئے رینجرز کا ایم کیو ایم کو خط

    کراچی : رینجرز نےایک سوستاسی ٹارگٹ کلرز کی حوالگی کیلئے ایم کیوایم کوخط لکھ دیا۔ خط ایم کیوایم کےمرکزنائن زیرو کے پتے پر ارسال کیاگیا ہے۔

    رینجرز نے ایم کیوایم کے رہنما فاروق ستار کو خط میں ایک سو ستاسی ٹارگٹ کلرز کی حوالگی کا مطالبہ کیا ہے۔ رینجرز نے خط کے ساتھ ایک سو ستاسی ٹارگٹ کلرز کے کے نام اور جرائم کی فہرست بھی فاروق ستار کو دی ہے، رینجرز حکام کا کہنا ہے ایک سو ستاسی ٹارگٹ کلرز کا تمام ریکارڈ موجود ہے۔

    رینجرز کا کہنا ہے کہ ایم کیوایم کے ٹارگٹ کلرز کراچی میں پولیس افسران اور اہلکاروں کے قاتل ہیں۔ایم کیوایم کے مرکز نائن زیرو پر بھیجے جانے والے رینجرز کے خط کے ساتھ دی گئی فہرست کے مطابق ایم کیوایم کے ایک سو ستاسی ٹارگٹ کلرز نے کس کس پولیس اہلکار کو قتل کیاتھا اس کی تفصیل بھی دی گئی ہے۔

    کراچی میں ٹارگٹ کلنگ کے شکار پولیس افسران میں ڈی ایس پی رحیم بنگش، ڈی ایس پی محمد نواز رانجھا ایس پی او جمشید ٹاؤن، ڈی ایس پی بشیر احمد نوارانی، ڈی ایس پی شمیم حسین ڈسٹرکٹ سینٹرل شامل ہیں۔

    رینجرز کا کہنا ہے کہ ایم کیوایم کے ٹارگٹ کلرز ڈی ایس پی، انسپکٹر، سب انسپکٹر، اے ایس آئی، ہیڈ کانسٹیبل اور کانسٹیبلز کے قاتل ہیں۔

    رینجرز کی فہرست کے مطابق ایم کیوایم کے ساجدعرف ایل ایم جی،سعیدعرف ڈانسرٹارگٹ کلرز میں شامل ہیں۔ سعیدعرف چھوٹاپہلوان،سلیم ڈینٹر شکیل عرف سرکٹ،شاہد عرف دنبہ، شکیل عرف ریپیٹر پولیس افسران اور اہلکاروں کے قاتل ہیں۔

    ساجدعرف ایل ایم جی پرسی آئی اےصدرکےاہلکارکے قتل کا الزام ہے۔ سعد احمد ڈی ایس پی بشیر احمد نورانی کی ٹارگٹ کلنگ میں ملوث ہے۔

    اکرم عرف کانا 3پولیس اہلکاروں کاٹارگٹ کلر ہے۔ امجد ٹی ٹی 2پولیس اہلکاروں کاقاتل ہے۔ سابق ایس ایچ او ذیشان کاظمی کے قتل میں ٹارگٹ کلر حیدر ملوث ہے۔

      ڈاکٹرفاروق ستار کو خط رینجرز کے لیفٹیننٹ کرنل حسن اختر کی جانب سے بھیجا گیا ہے۔

    علاوہ ازیں پولیس افسران و اہلکاروں کےٹارگٹ کلرزکےبعد رینجرز نےپراسیکیوٹرزکےٹارگٹ کلرزکی فہرستیں بھی تیار کرلیںْ۔

    ذرائع کے مطابق پراسیکیوٹرزکےقاتلوں کی فہرست جلد منظرعام پر لائی جائے گی، اس کے علاوہ دھمکیاں دینےوالےگروپس کی فہرست بھی تیار کرلی گئی ہے۔

    واضح رہے کہ رینجرزنےسینیٹ میں340ٹارگٹ کلرزکی فہرست پیش کی تھی، اس کے علاوہ 340ٹارگٹ کلرزکی فہرست گورنرسندھ کوبھی ارسال کی گئی تھی۔