Tag: ٹارگٹ کلر

کراچی : سندھ رینجرز نے صوبائی دارالحکومت کے مختلف علاقوں میں چھاپا مار کارروائی کرتے ہوئے ایم کیو ایم لندن کے ٹارگٹ کلر سمیت 11 ملزمان کو حراست میں لے لیا ہے.

تفصیلات کے مطابق سندھ رینجرز نے استحکام امن اور جرائم کی بیخ کنی کے لیے مخلتف علاقوں میں خفیہ اطلاعات کی بنیاد پر کارروائی کرتے ہوئے 11 خطرناک ملزمان کو گرفتار کرلیا ہے.

ترجمان رینجرز کے مطابق کلفٹن کے علاقے میں ایک کارروائی کے نتیجے میں ایم کیوایم لندن کے ٹارگٹ کلر فیصل رضا خان کو حراست میں لیا گیا ہے جو ٹارگٹ کلنگ، بھتہ خوری اور دیگر سنگین الزام میں پولیس کو مطلوب تھا.

ترجمان رینجرز کا کہنا تھا کہ چھاپا مار کارروائیاں گزری اور بہادرآباد کے علاقوں میں کی بھی گئیں جہاں سے عوام کے ساتھ سرِ راہ لوٹ مار کر نے والے 2 ملزمان کو گرفتار کیا گیا ہے.

ترجمان رینجرز کے مطابق شاہراہ نور جہاں سے بھتہ خور کو گرفتار کیا گیا ہے، اسی طرح دیگر علاقوں سے مزید مختلف کرائم میں ملوث 7 ملزمان کو گرفتار کیا گیا ہے.

ترجمان رینجرز کا کہنا تھا کہ کراچی سے حراست میں لیے گئے ملزمان سے اسلحہ، مسروقہ سامان اور منشیات بر آمد کیا گیا ہے جب کہ ملزمان کو مزید قانونی چارہ جوئی کے لیے متعلقہ تھانوں کے حوالے کردیا گیا ہے.

کراچی : سندھ رینجرز نے شہر قائد کے مختلف علاقوں میں کارروائی کرتے ہوئے 15 ملزمان کو گرفتار کرلیا ہے، ملزمان ٹارگٹ کلنگ، بھتہ خوری اور لوٹ مار کی وارداتوں میں ملوث تھے.

تفصیلات کے مطابق سندھ رینجرز کی جانب سے چھاپا مار کارروائیاں سعود آباد، کلاکوٹ، عوامی کالونی،بریگیڈ اور گلبرگ کے علاقے میں کی گئی جس کے نتیجے میں 15 ملزمان کو حراست میں لے لیا گیا.

ترجمان رینجرز کے مطابق گرفتار ملزمان مختلف جرائم میں ملوث ہیں جن سے اسلحہ، گولیاں، مسروقہ سامان اور منشیات بر آمد کر کے ملزمان کو مزید قانونی چارہ جوئی کے لیے متعلقہ تھانوں اور اداروں کے حوالے کردیا گیا ہے.

ترجمان رینجرز کا کہنا ہے کہ ضلع وسطی کے علاقے گلبرگ سے ملزم یوسف علی عرف بادی کو حراست میں لیا گیا ہے، گرفتار ملزم کی سیاسی وابستگی ایم کیوایم پاکستان سے ہے جو ٹارگٹ کلنگ سمیت متعدد وارداتوں میں ملوث ہے.

ترجمان سندھ رینجرز نے مزید کہا کہ سعود آباد، کلاکوٹ اور عوامی کالونی سے 5 ملزمان کو گرفتار کیا گیا ہے جو منشیات فروشی سمیت سنگین جرائم میں پولیس کو مطلوب تھے.

ترجمان رینجرز کا مزید کہنا تھا کہ بریگیڈ کے علاقے سے ملزم شاہ رخ کو گرفتار کیا گیا ہے اور حراست میں لیے گئے ملزمان ڈکیتی اور اسٹریٹ کرائم کی وارداتوں میں ملوث ہیں.