Tag: ٹارگٹ کلنگ

کراچی : انچولی میں ایک شخص کو ٹارگٹ کر کے قتل کردیا گیا، تاہم شاہین فورس نے فائرنگ میں ملوث تین ملزمان کو گرفتار کرلیا ہے۔

تفصیلات کے مطابق کراچی کے علاقے انچولی میں ہوٹل پرفائرنگ سے ایک شخص جاں بحق اور ایک زخمی ہوگیا۔

پولیس نے بتایا کہ مقتول کی شناخت ابو حیدر رضا اور زخمی راہگیر کی شناخت رضوان کے نام سے ہوئی ہے تاہم شاہین فورس نے فائرنگ میں ملوث تین ملزمان کو گرفتار کرلیا ہے۔

مقتول اور زخمی سے کوئی لوٹ مار کا واقعہ پیش نہیں آیا, ابتدائی طور پر مقتول کو ٹارگٹ کر کے متعدد گولیاں مار کر قتل کیا گیا۔

مقتول کی لاش کو پوسٹ مارٹم کے لیے عباسی شہید اسپتال منتقل کردیا گیا ہے۔

گذشتہ روز ایک واقعے میں کراچی کے علاقے نیو کراچی میں گھر میں ضعیف شخص کو قتل کردیا گیا، مقتول ریحان گھر میں تنہا رہائش پذیر اورنشے کاعادی تھا۔

پولیس کا کہنا تھا کہ گھر کا دروازہ کھلا ہوا تھا ،گلی میں کھیلنےوالوں نے لاش دیکھی، مقتول ریحان کے ہاتھ بندھے ہوئے تھے،پھندا لگا کر قتل کیا گیا ہے۔

حکام نے شبہ ظاہر کیا تھا کہ ریحان کے کسی ساتھی منشیات کے عادی شخص یا افراد نے قتل کیا۔

اسلام آباد : وفاقی دارلحکومت اسلام آباد میں مبینہ جنونی شخص بزرگ شہریوں کا دشمن بن گیا، دو دن میں دو افراد کو قتل کردیا جبکہ تیسرے کو اہل علاقہ نے بچالیا۔

تفصیلات کے مطابق اسلام آباد میں ڈکیتیوں کے بعد ٹارگٹ کلنگ کے واقعات سامنے آنے لگے ، جنونی شخص نے 65 سے 70 سالہ بزرگوں کو ٹارگٹ کرنا شروع کردیا۔

تھانہ بہارہ کہو میں 2 روز کے دوران 3 افراد کو ٹارگٹ کیا گیا ، 3 میں سے 2 بزرگ جاں بحق ہوگئے جبکہ تیسرے کو اہل علاقہ بچانے میں کامیاب ہوگئے۔

نامعلوم ملزم نے 70 سالہ محمد اشرف کی گردن کاٹ کر قریبی جنگل میں پھنک دیا جبکہ گزشتہ روز 68 سالہ بزرگ عبد القیوم کا بھی گھر کے باہر گلا کاٹ دیا گیا تھا۔

پولیس کو تاحال جنونی شخص کاکوئی سراغ نہ مل سکا، حکام کا کہنا ہے کہ وارداتوں کا طریقہ کار ایک جیسا ہے اور ایک ہی تیز دھارے کا استعمال کیا گیا۔

پولیس کا کہنا تھا کہ تیسرے واقعے سے متعلق تحقیقات کی جارہی ہیں، جلد ملزم کو گرفتار کرلیں گے۔

کراچی :نارتھ کراچی سیکٹر 5 ایم میں پولیس اہلکار واحد پرویز کی ٹارگٹ کلنگ کا مقدمہ درج کرلیا گیا، واحد پرویز پولیس سیکیورٹی زون ون میں تعینات تھا۔

تفصیلات کے مطابق کراچی کے علاقے نارتھ کراچی سیکٹر 5 ایم میں پولیس اہلکار واحد پرویز کی ٹارگٹ کلنگ کے واقعے کا مقدمہ بلال کالونی تھانے میں چھوٹے بھائی واجد کی مدعیت میں درج کرلیا گیا۔

مقدمہ قتل اور دہشتگردی کی دفعات کے تحت درج کیا گیا، جس میں مدعی مقدمے نے کہا کہ میں پولیس میں ہوں بڑا بھائی پولیس سیکیورٹی زون ون میں تعینات تھا اور سٹی کورٹ میں اے ڈی جی ویسٹ کا گن میں تھا۔

مقدمے کے متن میں کہا گیا کہ میرا بھائی حسب معمول ڈیوٹی کے لیے گھر سے نکلا، میں گھر کے بالکونی سے اسے جاتے ہوئے دیکھ رہا تھا
کہ اچانک موٹر سائیکل پردو افراد آئے اور بھائی کو ٹارگٹ کیا۔

بھائی واجد کا کہنا تھا کہ اسلحے سے پیچھے بیٹھے شخص نے فائرنگ کرکے زخمی کیا اور ملزمان اندھا دھند فائرنگ کرتے ہوئے فرار ہوگئے۔

مدعی مقدمے نے مزید بتایا کہ میں نیچے آیا بھائی سر میں گولی لگنے سے شدید زخمی تھافوری طور پراسپتال پہنچے جہاں ڈاکٹرز نے موت کی تصدیق کردی۔

پولیس حکام کے مطابق ملزمان کے خلاف قانونی کارروائی شروع کردی ہے اور فرار ملزمان کی سی سی ٹی وی فوٹیجز بھی حاصل کرلی ہیں۔

کراچی : اورنگی ٹاون میں فائرنگ سے نعت خواں مولانا رحیم اللہ جاں بحق ہوگئے، مقتول کو موٹر سائیکل پر سوار دو ملزمان نے نشانہ بنایا۔

تفصیلات کے مطابق کراچی اورنگی ٹاؤن پاکستان بازار کے علاقے میں ٹارگٹ کلنگ کا واقعہ پیش آیا، مقتول کو موٹر سائیکل پر سوار دو ملزمان نے نشانہ بنایا، مقتول رحیم اللہ علاقےکی مسجدکےموذن تھے۔

ایس ایس پی ویسٹ مہزور علی نے بتایا کہ مقتول کی شناخت مولانا رحیم اللہ کے نام سے ہوئی، واقعہ ٹارگٹ کلنگ کا ہے، مقتول کو تین گولیاں ماری گئی۔

حکام کا کہنا تھا کہ مقتول کےپاس موبائل فون اوردیگر سامان موجود ہے ،جائے وقوعہ سے نائن ایم ایم گولی کا ایک خول ملا ہے تاہم لاش عباسی شہید اسپتال منتقل کردی گئی ہے۔

جاں بحق رحیم اللہ کےاہلخانہ نے عباسی شہید اسپتال میں میڈیا سے گفتگو کرتے ہوئے کہا کہ فائرنگ کے واقعے کے وقت رحیم اللہ نعت خوانی کی تقریب میں جا رہے تھے ، مقتول کا چھ مہینے کا بیٹا ہے اور ان کی کسی سے دشمنی نہیں تھی۔