ARYNews.tv | Urdu – Har Lamha Bakhabar

Tag: ٹام کروز

  • آئرن مین کے کردار کے لیے پہلے کسے چنا گیا تھا؟

    آئرن مین کے کردار کے لیے پہلے کسے چنا گیا تھا؟

    شہرہ آفاق کردار آئرن مین (ٹونی اسٹارک) کے لیے معروف ہالی ووڈ اداکار ٹام کروز کو منتخب کیا گیا تھا تاہم انہوں نے اس کے لیے منع کردیا۔

    بین الاقوامی ویب سائٹ کے مطابق معروف ہالی وڈ اداکار ٹام کروز کے فلم کے کردار ٹونی اسٹارک (آئرن مین) کی حیثیت سے کام کرنے سے انکار کے بعد روبرٹ ڈاؤنی جونیئر کو منتخب کیا گیا تھا جنہیں اب مداح اسی نام سے یاد رکھتے ہیں۔

    سنہ 2000 کی دہائی میں ٹام کروز کا شمار دنیا کے بہترین اداکاروں میں کیا جاتا تھا جبکہ اسی وقت روبرٹ ڈاؤنی اپنی گھریلو مشکلات میں پھنسے ہوئے تھے اور نہ ہی ہالی وڈ میں شہرت کے معاملے میں ٹام کروز کے مد مقابل سمجھے جاتے تھے۔

    میڈیا رپورٹس کے مطابق ٹام کروز نے انکشاف کیا کہ فلم پروڈکشن کمپنی اور ان کے مابین اس حوالے سے بات چیت ہوچکی تھی جس کے چند عرصے بعد انہوں نے اپنا فیصلہ تبدیل کرنا ہی بہتر سمجھا تھا۔

    ٹام کروز کا کہنا تھا کہ جب میں کوئی چیز کرتا ہوں تو اسے مکمل انداز میں کرتا ہوں، اگر میری جانب سے کچھ کرنے کا ارادہ کیا جائے تو مجھے معلوم ہوتا ہے یہ ضرور کوئی خاص چیز بنے گی۔

    انہوں نے کہا کہ مجھے محسوس ہوا کہ یہ کردار ادا کرنے کا فیصلہ مثبت ثابت نہیں ہوسکتا، میں فلم کی شوٹنگ کے دوران اسے بہتر سے بہتر بنانے کے لیے فیصلہ سازی میں بھی حصہ لیتا ہوں اس لیے مجھے بعد میں ایسا لگا کہ اس کردار کو ادا کرنا میرے لیے ممکن نہیں ہے۔

    ٹام کروز نے اداکار روبرٹ ڈاؤنی جونیئر سے متعلق کہا کہ روبرٹ نے اس آئرن مین کے کردار کو بہت بہترین انداز میں ادا کیا ہے اور وہ روبرٹ کے علاوہ کسی دوسرے اداکارکو اس کردار کو زندہ کرنے کا تصور نہیں کرسکتے۔

  • ٹام کروز نے گولڈن گلوب ایوارڈز واپس کر دئیے

    ٹام کروز نے گولڈن گلوب ایوارڈز واپس کر دئیے

    لاس اینجلس : ہالی وڈ کے ہیرو ٹام کروز نے گولڈن گلوب کمیٹی میں اصلاحات نہ ہونے پر احتجاجاً اپنے ایوارڈز واپس کردیئے، ٹام کروز نے بہترین اداکاری پر تین ایواڈز جیتے تھے۔

    تفصیلات کے مطابق ہالی وڈ کے ہیرو ٹام کروز نے آسکر کے بعد دنیا کے دوسرے معتبر ترین ایوارڈز گولڈن گلوب انتظامیہ کی جانب سے کمیٹی میں اصلاحات نہ کیے جانے کے بعد احتجاجاً اپنے تین ایوارڈز تنظیم کو واپس کردیے۔

    ٹام کروز نے واپس کیے گئے ایوارڈز 1990 سے 2000 تک جیتے تھے، انھوں پہلا گولڈن گلوب ایوارڈ 1990 میں دوسرا بہترین اداکار کا ایوارڈ 1997 اور تیسرا بہترین معاون اداکار کا ایوارڈ اپنی 2000 کی فلم (میگنولیا) پر جیتا تھا۔

    دوسری جانب امریکی ٹی وی نیٹ ورک نے بھی اصلاحات نہ ہونے تک گولڈن گلوب ایوارڈز کی آئندہ سال کی تقریب کو ٹی وی پر نشر نہ کرنے کا اعلان کیا ہے۔

    ٹی وی نیٹ ورک کی جانب سے بیان میں کہا گیا تھا کہ گولڈن گلوب ایوارڈز منعقد کرنے والی تنظیم اصلاحات کے لیے پرعزم ہے مگر تنظیم میں اصلاحات میں کافی وقت درکار ہے تاہم جب تک مکمل اصلاحات نہیں ہوتی، گولڈن گلوب ایوارڈز کی تقریب کو 2022 میں نشر نہیں کیا جائے گا۔

    نیٹ ورک کے مطابق مکمل اصلاحات ہونے کے بعد ہی 2023 کے گولڈن گلوب ایوارڈز کی تقریب کو نشر کرنے کے لیے پرعزم ہے۔

    خیال کیا جا رہا ہے کہ ممکنہ طور پر 2022 کے گولڈن گلوب ایوارڈز کی تقریب کو بھی تنازع کے بعد ملتوی کیا جائے گا۔

    یاد رہے رواں برس فروری میں امریکی اخبار لاس اینجلس ٹائمز نے اپنی ایک تحقیقاتی رپورٹ میں انکشاف کیا تھا کہ بعض بڑے پروڈکشن اداروں کے تنظیم سے قریبی تعلقات ایوارڈز کی نامزدگیاں اور ایوارڈز دینے کے فیصلوں پر اثر انداز ہوتے ہیں۔

    رپورٹ میں کہا گیا تھا کہ جہاں تنظیم سازی کے معاملات میں جہاں رنگ و نسل کی کمی ہے، وہیں تنظیم میں اخلاقی اور پیشہ ورانہ امتیازی سلوک بھی ہوتا ہے۔

    بعد ازاں گولڈن گلوب ایوارڈز منعقد کرنے والی تنظیم ولی وڈ فورین پریس ایسوسی ایشن نے افسوس کا اظہار کرتے ہوئے اصلاحات کا اعلان کیا اور کہا کہ نئی اصلاحات کے مطابق اب سیاہ فام افراد کو بھی رکن بنایا جائے گا۔

  • کنگنا کا ایک اور مضحکہ خیز بیان، سوشل میڈیا پر تنقید

    کنگنا کا ایک اور مضحکہ خیز بیان، سوشل میڈیا پر تنقید

    نئی دہلی: بالی ووڈ اداکارہ کنگنا رناوت نے خود کو عالمی شہرت یافتہ ہالی ووڈ اداکار ٹام کروز سے بہتر اسٹنٹ پرفارمر قرار دیا ہے۔

    مقامی میڈیا کے مطابق کنگنا نے سماجی رابطے کی ویب سائٹ ٹویٹر پر اپنے ٹویٹ میں ایک پرانا مضمون شیئر کیا جو ان کی فلم منی کرنیکا کے بارے میں تھا، اس میں انہوں نے لکھا کہ لبرلز بہت پریشان ہیں، کیونکہ مشہور ایکشن فلموں کے ڈائریکٹر نے مجھے ٹام کروز سے بہتر کہا تھا۔

    اس سے قبل ایک موقع پر انہوں نے 3 دفعہ آسکر ایوارڈ جیتنے والی ہالی ووڈ اداکارہ میرل اسٹرپ کو اپنے آپ سے کمتر قرار دیا تھا۔

    اس حوالے سے بھی ایک ٹویٹ میں کنگنا نے لکھا کہ جو لوگ مجھ سے پوچھ رہے ہیں کہ میں نے (میرل اسٹریپ کے مقابلے میں) کتنے آسکر ایوارڈ جیتے ہیں، وہ لوگ میرل اسٹریپ سے بھی جا کر پوچھیں کہ انہوں نے کتنے نیشنل یا پدم شری ایوارڈ جیتے ہیں۔

    انہوں نے کہا ان کا جواب بھی کچھ نہیں ہوگا لیکن اس سے لوگوں کی غلام ذہنیت ظاہر ہوتی ہے۔

    ان کے اس قسم کے ٹویٹس پر سوشل میڈیا صارفین نے انہیں تنقید و مذاق کا نشانہ بھی بنایا۔

    خیال رہے کہ کنگنا گزشتہ کچھ عرصے سے مستقل متنازعہ بیانات دیتی رہی ہیں جبکہ مودی سرکار کی پالیسیوں کی بھی کھل کر حمایت کرتی دکھائی دی ہیں۔

  • ٹام کروز کے ایک اور خطرناک اسٹنٹ نے لوگوں کو حیران کردیا

    ٹام کروز کے ایک اور خطرناک اسٹنٹ نے لوگوں کو حیران کردیا

    معروف ہالی ووڈ اسٹار ٹام کروز اپنے خطرناک اسٹنٹس کے لیے مشہور ہیں، حال ہی میں ان کا ایک اور اسٹنٹ دیکھ کر لوگ حیران رہ گئے۔

    سماجی رابطوں کی مختلف ویب سائٹس پر پوسٹ کی جانے والی ویڈیوز میں دیکھا جاسکتا ہے کہ ٹام کروز چلتی ہوئی ٹرین کی چھت پر سوار ہیں، ان کے ساتھ فلم کا عملہ بھی موجود ہے۔

    ٹام کروز داراصل اپنی آنے والی فلم مشن امپاسبل 7 کی شوٹنگ میں مصروف ہیں جو کرونا وائرس کی وجہ سے پہلے ہی تاخیر کا شکار ہوچکی ہے۔ فلم کی شوٹنگ کے لیے ٹام کروز فی الحال ناروے میں موجود ہیں جہاں عوام نے انہیں ٹرین کی چھت پر سوار دیکھا۔

    اگلے مرحلے میں فلم کی شوٹنگ روم میں ہوگی۔

     

    View this post on Instagram

     

    Norway’s scale and beauty have left an indelible and defining imprint on our film and reminded us that anything is possible. On behalf of everyone working on Mission: Impossible, our sincerest thanks to The Norwegian Film Incentive, The Norwegian Railway Museum, the infinitely patient Stranda and Rauma Municipalities, our endlessly enduring Norwegian crew, along with everyone who supported our filming here. And, of course… The Mountain. Most of all, we give thanks to the warm and welcoming people of Norway. Your kindness and consideration are nothing less than an inspiration. We’ll miss you dearly and look forward to seeing you again. Tusen hjertelig takk. Buckle up, Roma. Here we come… #MI7MI8

    A post shared by Christopher McQuarrie (@christophermcquarrie) on

    مشن امپاسبل 7 کو 23 جولائی 2021 کو ریلیز کیا جانا تھا تاہم کرونا وائرس کے باعث شوٹنگ میں تاخیر ہونے کے بعد اب ممکنہ طور پر اسے 19 نومبر 2021 کو ریلیز کیا جائے گا۔

    اس کی وجہ سے مشن امپاسبل 8 بھی تاخیر کا شکار ہوگئی ہے جسے 5 اگست 2022 کی جگہ اب 4 نومبر 2022 میں ریلیز کیا جائے گا، سیریز کے ان دونوں ساتویں اور آٹھویں حصے کو ایک کے بعد ایک شوٹ کیا جانا تھا۔

    مشن امپاسبل 7 کی ٹیم کو گزشتہ دنوں ایک خاصا بڑا مالی نقصان بھی پہنچا تھا جب شوٹنگ کے دوران ایک اسٹنٹ ناکام ہوگیا تھا، آکسفورڈ شائر پر کیے جانے والے اس اسٹنٹ کے دوران اسٹنٹ مین کی مہنگی موٹر سائیکل میں آگ لگ گئی تھی۔

    مذکورہ حادثے میں فلم کے مذکورہ سین کے لیے لگائے گئے سیٹ کو بھی نقصان پہنچا جس کے باعث فلمسازوں کو 26 لاکھ ڈالر کا نقصان اٹھانا پڑا تھا۔

    فلم کی شوٹنگ دن رات جاری ہے اور ٹام کروز فلم کی جلد تکمیل کے لیے پرامید ہیں۔

  • ٹام کروز اپنی فلم کی شوٹنگ کے لیے خلا میں کب جائیں گے؟

    ٹام کروز اپنی فلم کی شوٹنگ کے لیے خلا میں کب جائیں گے؟

    معروف ہالی ووڈ اداکار ٹام کروز نے خلا میں فلم کی شوٹنگ کے لیے امریکی خلائی ادارے ناسا سے معاملات طے کیے تھے اور اب ان کے خلا میں جانے کی حتمی تاریخ بھی سامنے آگئی ہے۔

    سماجی رابطے کی ویب سائٹ پر خلائی مشن سے متعلق معلومات فراہم کرنے والے ادارے اسپیس شٹل المینیک نے ایک چارٹ شیئر کیا۔

    اس چارٹ میں دیکھا جاسکتا ہے کہ اکتوبر 2021 میں اسپیس ایکس نامی کمپنی کے پائلٹ لوپیز الیگریا کے ہمراہ ٹام کروز اور معروف ہدایت کار ڈوگ لیمن بھی خلا میں جائیں گے۔

    اس چارٹ میں خلا میں جانے کے لیے ان کے ساتھ ایک اور شخص کی سیٹ خالی ہے، تاہم اس پر کوئی نام سامنے نہیں آسکا ہے۔

    خیال رہے کہ رواں برس مئی میں خبریں سامنے آئی تھیں کہ ٹام کروز فلم کی شوٹنگ کے لیے خلا میں جائیں گے۔ ایک امریکی اخبار کا کہنا تھا کہ آٹو کمپنی ٹیسلا اور راکٹ کمپنی اسپیس ایکس کے سربراہ ایلن مسک بھی اس منصوبے میں شامل ہوں گے۔

    امریکی خلائی ادارے ناسا کے ایڈمنسٹریٹر جم برائیڈنسٹائن نے سماجی رابطے کی ویب سائٹ ٹویٹر پر ٹویٹ کرتے ہوئے کہا تھا کہ ناسا زمین کے مدار کے باہر بین الاقوامی خلائی اسٹیشن (اسپیس اسٹیشن) پر ٹام کروز کے ساتھ فلم کی شوٹنگ کے لیے پرجوش ہے۔

    انہوں نے کہا کہ اس طرح کے مقبول میڈیم کے ذریعے انجینیئرز اور سائنسدانوں کی نئی نسل ناسا کے منصوبوں کو حقیقت میں بدلنے کے لیے متاثر ہوگی۔

  • مشن امپاسبل 7: اسٹنٹ غلط ہوجانے سے بھاری نقصان

    مشن امپاسبل 7: اسٹنٹ غلط ہوجانے سے بھاری نقصان

    ہالی ووڈ فلم ایکشن فلم مشن امپاسبل 7 کی شوٹنگ ایک بار پھر تاخیر کا شکار ہوگئی جس سے فلم کے پروڈیوسر اور مرکزی کردار ٹام کروز سخت پریشانی کا شکار ہیں، فلم کا ایک اسٹنٹ غلط ہوجانے سے کروز کو بھاری مالی نقصان اٹھانا پڑا ہے۔

    مشن امپاسبل 7 کی شوٹنگ کرونا وائرس کی وجہ سے روک دی گئی تھی جس سے ٹیم کو خاصا مالی نقصان پہنچا تھا، اب برطانیہ میں کرونا وائرس کی پابندیوں میں نرمی کے بعد اس فلم کی شوٹنگ دوبارہ شروع کی گئی تاہم چند دن بعد ہی اس کی شوٹنگ ایک بار پھر روکنی پڑی۔

    بین الاقوامی میڈیا کے مطابق شوٹنگ کے دوران ایک اسٹنٹ ناکام ہوگیا، آکسفورڈ شائر پر کیے جانے والے اس اسٹنٹ کے دوران اسٹنٹ مین کی مہنگی موٹر سائیکل میں آگ لگ گئی۔

    مذکورہ حادثے سے فلمسازوں کو 26 لاکھ ڈالر کا نقصان پہنچا ہے۔

    رپورٹ کے مطابق حادثے میں خوش قسمتی سے کوئی زخمی نہیں ہوا تاہم مذکورہ اسٹنٹ کے لیے 6 ہفتوں تک کی گئی تیاری اور اس کے سیٹ پر خرچ کیے گئے 26 لاکھ ڈالر خاک ہوگئے۔

    ایک فلم ذرائع کے مطابق یہ ایک بڑا نقصان ہے جس کی وجہ سے خطیر رقم، محنت اور وقت ضائع ہوا ہے۔ ذرائع کا کہنا ہے کہ بدقسمتی سے یہ اسٹنٹ مس کیلکولیٹ ہوا جس کی وجہ سے بھاری نقصان اٹھانا پڑا۔

    اسٹنٹ کی ناکامی کے بعد فلم کی شوٹنگ عارضی طور پر روک دی گئی ہے۔ شوٹنگ رکنے، فلم کی ریلیز میں مزید تاخیر ہونے اور بھاری مالی نقصان کے باعث ٹام کروز سخت پریشانی کا شکار ہیں جو اس فلم کے پروڈیوسر بھی ہیں۔

    مشن امپاسبل 7 کو 23 جولائی 2021 کو ریلیز کیا جانا تھا تاہم کرونا وائرس کے باعث شوٹنگ میں تاخیر ہونے کے بعد اب ممکنہ طور پر اسے 19 نومبر 2021 کو ریلیز کیا جائے گا۔

    اس کی وجہ سے مشن امپاسبل 8 بھی تاخیر کا شکار ہوگئی ہے جسے 5 اگست 2022 کی جگہ اب 4 نومبر 2022 میں ریلیز کیا جائے گا، سیریز کے ان دونوں ساتویں اور آٹھویں حصے کو ایک کے بعد ایک شوٹ کیا جانا تھا۔

  • ٹام کروز خلا میں فلم کی شوٹنگ کریں گے

    ٹام کروز خلا میں فلم کی شوٹنگ کریں گے

    ہالی ووڈ کے معروف اداکار ٹام کروز اپنی فلم کی شوٹنگ کے لیے خلا میں جائیں گے، امریکی خلائی ادارے ناسا نے پروجیکٹ کی تصدیق کردی ہے۔

    امریکی خلائی ادارے ناسا کے ایڈمنسٹریٹر جم برائیڈنسٹائن نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ ناسا زمین کے مدار کے باہر بین الاقوامی خلائی اسٹیشن (اسپیس اسٹیشن) پر ٹام کروز کے ساتھ فلم کی شوٹنگ کرنے کے لیے پرجوش ہے۔

    انہوں نے کہا کہ اس طرح کے مقبول میڈیم کے ذریعے انجینیئرز اور سائنسدانوں کی نئی نسل ناسا کے منصوبوں کو حقیقت میں بدلنے کے لیے متاثر ہوگی۔

    مذکورہ فلم کے بارے میں تاحال کہیں سے کوئی تفصیلات موصول نہیں ہوئیں تاہم ایک امریکی اخبار کا کہنا ہے کہ آٹو کمپنی ٹیسلا اور راکٹ کمپنی اسپیس ایکس کے سربراہ ایلن مسک بھی اس منصوبے میں شامل ہوں گے۔

    تینوں کمپنیوں اور ٹام کروز کی ٹیم نے اس بارے میں کوئی تفصیلات فراہم نہیں کیں۔

    خیال رہے کہ بین الاقوامی خلائی اسٹیشن (انٹرنیشنل اسپیس اسٹیشن) زمین کے محور سے 408 کلو میٹر باہر زمین کے گرد چکر لگا رہا ہے، اگر ٹام کروز خلائی اسٹیشن کے لیے روانہ ہوتے ہیں تو وہ راکٹ پر زمین کے مدار سے باہر سفر کریں گے۔

    دوسری جانب ناسا نے فیصلہ کیا ہے کہ اسپیس اسٹیشن کو تحقیق کے علاوہ اب تجارتی مقاصد کے لیے بھی کھولا جائے گا۔

    اس سے قبل سنہ 2002 میں آئی میکس نامی ایک دستاویزی فلم اور سنہ 2012 میں سائنس فکشن فلم اپوجی آف فیئر بھی خلائی اسٹیشن پر جا کر فلمائی گئی تھی۔

  • کرونا وائرس نے مشن امپاسیبل 7 کی شوٹنگ بھی رکوا دی

    کرونا وائرس نے مشن امپاسیبل 7 کی شوٹنگ بھی رکوا دی

    وینس: نئے اور مہلک ترین وائرس کووِڈ 19 نے جہاں ایک طرف دنیا بھر میں دہشت کی فضا بنائی ہوئی ہے وہاں اس نے ہالی ووڈ کی سنسنی خیز ایکشن سے بھرپور فلم مشن امپاسیبل 7 کی شوٹنگ بھی رکوا دی۔

    تفصیلات کے مطابق اٹلی کے شہر وینس میں مشن امپاسیبل 7 کی پروڈکشن عارضی طور پر روک دی گئی ہے، اس سیریز کی یہ ساتویں فلم مشہور شہر وینس میں فلمائی جا رہی ہے، اٹلی میں کرونا وائرس کی حالیہ وبا کے بعد فلم پر تمام کام روک دیا گیا ہے۔

    پیراماؤنٹ پکچرز کے ترجمان نے میڈیا کو بتایا کہ فلم کی کاسٹ اور عملے کی حفاظت کے لیے وینس میں تین ہفتوں پر مشتمل شوٹنگ شیڈول تبدیل کیا جا رہا ہے، مقامی حکومت نے بھی کرونا وائرس کے خطرے کے پیش نظر عوامی اجتماعات سے منع کر دیا ہے۔

    اٹلی کے تین صوبے کرونا وائرس کی لپیٹ میں آ گئے

    خیال رہے کہ اٹلی کے شہر وینس میں ایکشن ہیرو ٹام کروز کی مشہور فلم سیریز مشن امپاسیبل کے ساتویں حصے کی وسیع پروڈکشن کے پہلے مرحلے کی شوٹنگ کی جا رہی ہے۔ تاہم اٹلی میں کرونا وائرس کے 229 کیس رپورٹ ہونے اور 7 افراد کی ہلاکت کے بعد حکومت کو شدید تشویش لاحق ہو چکی ہے اور وائرس کی روک تھام کے سلسلے میں وسیع پیمانے پر اقدامات کیے جا رہے ہیں، جب کہ اٹلی میں اب تک تین صوبے وائرس کی لپیٹ میں آ چکے ہیں، عبادت گاہوں تک میں لوگوں کا جمع ہونا ممنوع قرار دے دیا گیا ہے۔

  • جسٹن بیبر کا ٹام کروز کو فائٹ کا چیلنج

    جسٹن بیبر کا ٹام کروز کو فائٹ کا چیلنج

    اپنی فلموں میں ایکشن اسٹنٹ کرنے کے لیے مشہور ٹام کروز کبھی محو پرواز جہاز سے لٹکتے دکھائی دیتے ہیں، تو کبھی دنیا کی سب سے اونچی عمارت برج خلیفہ سے چھلانگ لگائی دیتے ہیں، اب ایسے دلیر انسان کو لڑنے کا چیلنج کون دے سکتا ہے؟

    تاہم یہ چیلنج کینیڈین گلوکار جسٹن بیبر نے انہیں دیا ہے، کینیڈا سے تعلق رکھنے والے نوجوان گلوکار جسٹن بیبر نے 56 سالہ ہالی ووڈ اداکار ٹام کروز کو ایم ایم اے فائٹ کا چیلنج دے دیا۔

    سماجی رابطے کی ویب سائٹ ٹویٹر پر ٹویٹ کرتے ہوئے جسٹن بیبر نے کہا کہ میں ٹام کروز کو اوکٹا گون میں فائٹ کا چیلنج کرنا چاہتا ہوں، ٹام اگر تم یہ چیلنج قبول نہیں کرتے تو اس کا مطلب ہے تم خوفزدہ ہو اور اس پر کبھی قابو نہیں پاسکو گے۔

    جسٹن بیبر نے ایم ایم اے کی سب سے بڑی تنظیم یو ایف سی کے مالک ڈانا وائٹ کو ٹیگ کرتے ہوئے کہا کہ اس مقابلے پر کون کون پیسے لگانا چاہتا ہے؟

    جسٹن بیبر کی جانب سے ٹام کروز کو کیے جانے والے چیلنج کے باعث پوری دنیا میں دونوں کے مداح حیرانی میں مبتلا ہیں اور سب کی زبان پر یہی سوال ہے کہ آخر 25 سالہ جسٹن بیبر نے 56 سالہ ٹام کروز کو فائٹ کا چیلنج کیوں دیا۔

    تاحال ٹام کروز کی جانب سے بیبر کے اس ٹویٹ کا کوئی جواب نہیں دیا گیا۔

  • فلم ’’مشن امپاسبل فال آؤٹ‘‘ کا پہلا دھماکے دارٹریلرریلیز

    فلم ’’مشن امپاسبل فال آؤٹ‘‘ کا پہلا دھماکے دارٹریلرریلیز

    لاس اینجلس : ہالی ووڈ کی ایکشن اور تھرل سے بھرپور شہرہ آفاق فلم مشن امپاسبل کا چھٹا حصہ ’’ مشن امپاسبل فال آؤٹ ‘‘ کا پہلا دھماکے دار ٹریلر ریلیز کردیا گیا، یہ فلم رواں سال 27 جولائی کو سنیما گھروں کی زینت بنے گی۔

    تفصیلات کے مطابق کروڑوں شائقین کے دلوں کی دھڑکن ٹام کروز کی نئی فلم ’’مشن امپاسبل فال آؤٹ‘‘ کا ٹریلرجاری کردیا گیا، فلم کی کہانی اس ناممکن مشن کو ممکن بنانے کے گرد گھومتی ہے جسے ممکن کرنا ناممکن ہونے لگا۔

    کوئی اپنا ہی دشمن ہے جو راہ کی رکاوٹ بنا ہوا ہے، اسی جان لیوا حقیقت کا سامنا ایف بی آئی کی ٹیم کو ہے، خطروں کے کھلاڑی کا نیا مشن کہیں ناکام تو نہیں ہوجائے گا؟

    یہ سب دیکھنے کیلئے خطرناک اسٹنٹس ،ہوش اڑانے والے ایکشن اور حیرت انگیز کمالات سے بھرپور فلم ’’مشن امپاسبل فال آؤٹ‘‘ کی جھلیکیاں سامنے آگئیں۔

    اس فلم کے خطرناک اسٹنٹ سیکھنے کے لئے ٹام کروز نے دو سال کا عرصہ لگایا، سنسنی خیز اور ایکشن سے بھرپور فلم ’’ مشن امپاسبل فال آؤٹ‘‘ رواں سال ستائیس جولائی کو ریلیز کی جائے گی۔

    یاد رہے کہ ٹام کروز لندن میں ہونے والی ’’ مشن امپوسیبل سکس‘‘ کی شوٹنگ کے دوران گر کر زخمی ہوگئے تھے، ٹام کروز ایک عمارت سے دوسری عمارت کی جانب چھلانگ لگا رہے تھے کہ ذرا سے اندازے کی غلطی سے ان کا پاؤں دیوار سے جا ٹکرایا جس کے سبب ان کے ٹخنے میں شدید چوٹ آئی تھی۔

     

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پرشیئر کریں۔