Tag: ٹام ہالینڈ

زینڈایا اور ٹام ہالینڈ ہالی ووڈ کے ان جوڑوں میں سے ایک ہیں جنھیں سب سے زیادہ پسند کیا جاتا ہے تاہم دونوں اپنی نجی زندگی کو میڈیا کے سامنے لانے سے گریز ہی کرتے ہیں۔

شاذ و نادر ہی عوام اور میڈیا کے ساتھ اپنے تعلقات کے بارے میں خبریں شیئر کرنے والے جوڑے کی آپس میں منگنی کی خبریں سامنے آرہی ہیں۔ سوشل میڈیا پر زینڈایا کی ایک حالیہ پوسٹ سامنے آنے کے بعد ان کے درمیان منگنی کی افواہیں زیر گرش ہیں۔

کئی لوگوں کہنا ہے کہ پوسٹ اس بات کا اشارہ ہے کہ ہالینڈ اور زینڈایا اب شادی کے بندھن میں بندھنے والے ہیں۔

زینڈایا کی جانب سے انسٹاگرام پر اسٹوری شیئر کی گئی جس میں انھوں نے سنہری ہیٹ پہنا ہوا ہے جب کہ ان کے انگلیوں میں ایک موتی سے جڑی انگھوٹی بھی موجود ہے جس نے شائقین کی توجہ اپنی جانب مبذول کروالی ہے۔

مداح قیاس آرائی کررہے ہیں کہ اداکارہ اپنے بوائے فرینڈ کے ساتھ منگنی کرچکی ہیں۔ ان افواہوں کے تیزی سے پھیلنے کے بعد، ’ڈیون‘ میں کام کرنے والی اداکارہ نے پوسٹ کو ہٹا دیا اور اس کی جگہ سیلفی ویڈیو لگا دی،

بعدازاں انھوں نے پوسٹ کے ذریعے ہی مداحوں کو مزاحیہ انداز میں ڈانٹتے ہوئے کہا کہ ’میں کچھ بھی پوسٹ نہیں کر سکتی، تم لوگ بھی نا۔ میں نے اسے اپنے ہیٹ کی وجہ سے پوسٹ کیا تھا، نہ کہ اس لیے کہ میری دائیں انگلی میں انگوٹھی موجود ہے‘۔

انھوں نے مزید لکھا کہ ’’سنجیدگی کے ساتھ کہوں تو آپ لوگوں کو لگتا ہے کہ میں اس طرح کی خبر بتانے کے لیے یہ انداز اپناؤں گی۔‘‘

بعدازاں انھوں نے وہ پوری تصویر شیئر کی جس کی وجہ سے ان کی انسٹاگرام اسٹوری پر ہنگامہ برپا ہوا تھا۔ دنوں کے درمیاں محبت کی خبریں 2021 سے میڈیا پر آرہی ہیں جب ایک کار سے دونوں کی کچھ تصاویر وائرل ہوئی تھیں۔