ARYNews.tv | Urdu – Har Lamha Bakhabar

Tag: ٹانگیں

  • ٹانگوں‌ کی جگہ سینگ کے ساتھ پیدا ہونے والا بچہ دیکھ کر ڈاکٹر حیران

    ٹانگوں‌ کی جگہ سینگ کے ساتھ پیدا ہونے والا بچہ دیکھ کر ڈاکٹر حیران

    بھوپال: بھارتی ریاست مدھیہ پردیش کے ایک قصبے میں ایک عجیب الخلقت بچے کی پیدائش نے ڈاکٹروں کو بھی حیران کر دیا۔

    تفصیلات کے مطابق مدھیہ پردیش کے ضلع شیوپوری کے علاقے مین پورہ میں ایک پرائمری ہیلتھ سینٹر میں ایک بچے کی پیدائش ٹانگوں کی بجائے سینگ جیسی ساخت کے ساتھ ہوئی ہے۔

    بچے کی پیدائش کے بعد پرائمری ہیلتھ سینٹر کے ڈاکٹروں نے فوری طور پر بچے اور ماں کو شیو پوری ضلع اسپتال ریفر کر دیا۔

    اسپتال کے ڈاکٹر کے مطابق نوزائیدہ بچے کی ابھی مکمل افزائش نہیں ہوئی ہے، اور اس کا وزن صرف 1.04 کلو گرام ہے، جو کہ نومولود کے عام وزن سے کافی کم ہے۔

    اگرچہ یہ پیدائش طبی طور پر ایک نایاب واقعہ ہے، تاہم ڈاکٹروں نے بچے کی حالت کو مستحکم قرار دیا۔ تصویر میں دیکھا جا سکتا ہے کہ بچے کی ٹانگ کی جگہ پر ایک سینگ جیسا اسٹرکچر موجود ہے۔

    بچے کو اسپتال کے اسپیشل نیو بورن کیئر یونٹ میں ماہر ڈاکٹروں کی زیر نگرانی رکھا گیا ہے۔

  • روزانہ 20 منٹ کے لیے کی جانے والی یہ ورزش حیران کن فوائد کا سبب

    روزانہ 20 منٹ کے لیے کی جانے والی یہ ورزش حیران کن فوائد کا سبب

    ورزش کرنا جسمانی و دماغی صحت کے لیے نہایت ضروری ہے، لیکن آج ہم آپ کو ایک ایسی ورزش کے بارے میں بتانے جارہے ہیں جس کے فوائد جان کر آپ حیران رہ جائیں گے۔

    ماہرین کے مطابق روزانہ 20 منٹ کے لیے اپنی ٹانگوں کو دیوار کے ساتھ لگا دینا بے شمار فوائد کا باعث بنتا ہے۔

    ماہرین کا کہنا ہے کہ اس ورزش کو باقاعدگی کے ساتھ کرنے سے آپ کو مندرجہ ذیل فوائد حاصل ہوسکتے ہیں۔

    دوران خون میں تیزی

    روزانہ 20 منٹ کے لیے ٹانگوں کو دیوار کے ساتھ لگانے سے دوران خون تیز ہوتا ہے۔ ہمارا خون کشش ثقل کی وجہ سے عموماً نیچے کی طرف جاتا ہے اور اوپر کی طرف آنے والے خون کی مقدار بہت کم ہوتی ہے۔

    اس پوزیشن کی وجہ خون تیزی سے اوپر کی طرف آئے گا جس سے گردن، سر، دماغ اور آنکھوں کو فائدہ ہوگا۔

    ہاضمے میں آسانی

    اس ورزش سے ان مسلز میں حرکت پیدا ہوگی جو نظام ہاضمہ میں اپنا کردار ادا کرتے ہیں، اس سے ہاضمے کے مسائل حل ہوں گے جبکہ وزن اور پیٹ کی چربی بھی کم ہوگی۔

    سانس لینے میں آسانی

    اس ورزش سے نتھنوں کو بھی فائدہ ہوگا اور ان میں زیادہ ہوا جائے گی جس سے جسم کو زیادہ آکسیجن ملے گی۔ زیادہ آکسیجن سے جسم کے مسلز اور ٹشوز کو آرام ملے گا اور وہ ریلیکس ہوجائیں گے۔

    پرسکون نیند

    جسم کے ٹشوز اور مسلز کا تناؤ کم ہونے سے نیند بھی اچھی اور پرسکون آئے گی۔

    ٹانگوں کی تکلیف میں کمی

    سارا دن غیر آرام دہ جوتے پہننے سے پاؤں اور ٹانگیں تکلیف اور تھکن کا شکار ہوجاتے ہیں، مذکورہ ورزش سے اس تکلیف میں بھی کمی ہوگی اور پاؤں پرسکون حالت میں آجائیں گے۔

    انتباہ: امراض قلب اور بلڈ پریشر کے مریض یہ ورزش کرنے سے گریز کریں۔

  • میری بیٹی اداکارہ بنتی تواس کی ٹانگیں توڑ دیتا‘ سنجےدت

    میری بیٹی اداکارہ بنتی تواس کی ٹانگیں توڑ دیتا‘ سنجےدت

    ممبئی : بالی ووڈ اداکار سنجےدت کا کہناہےکہ ان کی بیٹی اداکارہ بننا چاہتی تھی اگروہ اداکارہ بن جاتی میں اس کی ٹانگیں توڑ دیتا۔

    تفصیلات کےمطابق بالی ووڈ اداکارسنجےدت نےکہاکہ ان کی بڑی بیٹی ترشلا اداکارہ بننےکےخواب دیکھنےلگی تھی اگر وہ اداکارہ بن جاتی تومیں اس کی ٹانگیں توڑ دیتا۔

    سنجے دت کا کہناتھاکہ اداکارہ بننا آسان کام نہیں خاص کر ان کی بیٹی کے لیےجسےصحیح ہندی تک نہیں بولناآتی اوراس زبان کوسیکھنا ترشلا کےلیے بہت مشکل ہوتا۔

    بالی ووڈ کےکھل نایک نےکہاکہ انہوں نےترشلا کی تعلیم کےلیے بہت وقت اور توانائی صرف کی ہےاوراس کا امریکہ کےاچھے کالج میں داخلہ کروایاجہاں سے ان کی بیٹی نےفارنزاک سائنس میں تعلیم حاصل کی۔

    بالی ووڈ اسٹار نے1981میں اپنےفلمی کیریئر کا آغاز بائیس سال کی عمر میں فلم ’راکی‘سے کیا جوایک سپرہٹ فلم ثابت ہوئی۔اس فلم کےہدایت کار ان کے والد سنیل دت تھے۔

    سنجے دت کوفلمی کیریئرشروع کیے30 برس سے زیادہ عرصہ ہو چکا ہےاس دوران انہوں نے’سڑک‘، ’منا بھائی ایم بی بی ایس‘، ’کھل نایک‘ جیسی یادگار فلمیں دیں اور اب فلم ’بھومی‘سےان کی بالی ووڈ میں واپسی ہوئی ہے۔

    سنجے دت کی فلم ’بھومی‘باپ بیٹی کےتعلقات پر بن رہی ہے اور اس فلم میں اداکار والد کےکردار میں نظر آئیں گے۔

    یاد رہےکہ گزشتہ سال سنجے دت کا کہناتھاکہ’مجھے اپنی زندگی کا ایسا کوئی وقت یاد نہیں جب مجھے مشکلات کا سامنا نہ رہا ہو‘۔ان کا کہناتھاکہ جب وہ جیل میں تھے انہیں بالی ووڈ انڈسٹری بہت یاد آتی تھی۔

    مزید پڑھیں:سنجے دت کی سوانح حیات میں‌ رنبیر کپور کی پہلی جھلک

    واضح رہےکہ معروف بالی ووڈ اداکار سنجے دت کی زندگی پر بننے والی فلم ’دت‘ کی شوٹنگ جاری ہے اور اس میں سنجے دت کا کردار رنبیر کپور نبھا رہے ہیں۔

  • معذور بلیوں کے لیے مصنوعی پاؤں تیار

    معذور بلیوں کے لیے مصنوعی پاؤں تیار

    صوفیہ: بلغاریہ میں ایک ٹریفک حادثے میں اپنی ٹانگیں کھونے والی دو بلیوں کو مصنوعی پاؤں لگا دیے گئے۔ ماہرین کا کہنا ہے کہ یہ یورپ میں اس نوعیت کا پہلا آپریشن ہے۔

    پوہ اور اسٹیون نامی یہ بلیاں دارالحکومت صوفیہ کے گلی کوچوں میں اب آرام سے چوہوں کے پیچھے دوڑتی ہیں۔

    cat-1

    ان کو لگائے گئے مصنوعی پاؤں پولیمر سے تیار کیے گئے ہیں جبکہ پنجوں کے حصہ پر ربر لگایا گیا ہے۔

    cat-2

    ان بلیوں کا آپریشن کر کے انہیں مصنوعی ٹانگوں کا تحفہ دینے والے بلغارین سرجن ولادی سلاو زلاٹینوو نے پہلی بار اس نوعیت کا آپریشن کیا ہے۔ ان کا کہنا ہے کہ دونوں بلیاں کسی بھی عام بلی کی طرح چل سکتی ہیں، بھاگ دوڑ سکتی ہیں اور کھیل سکتی ہیں۔

    مزید پڑھیں: معذوری بکری کے بچے کے لیے وہیل چیئر

    انہوں نے کہا کہ کسی بلی کا ایک ٹانگ سے معذور ہوجانا عام بات ہے، لیکن اگر وہ دونوں ٹانگوں سے معذور ہوجائے تو وہ بہت مشکل سے حرکت کر سکتی ہے۔

    cat-3

    ان کا کہنا ہے کہ بلیوں کا اس نوعیت کا کامیاب آپریشن دیگر کئی معذور جانوروں کے لیے بھی امید کی کرن ثابت ہوگا۔