ARYNews.tv | Urdu – Har Lamha Bakhabar

Tag: ٹرافی کی رونمائی

  • سہ فریقی سیریز کی ٹرافی کی رونمائی، تینوں کپتانوں کی شرکت

    سہ فریقی سیریز کی ٹرافی کی رونمائی، تینوں کپتانوں کی شرکت

    یو اے ای (28 اگست 2025): متحدہ عرب امارات میں کل سے شروع ہونے والی ٹرائی نیشن ٹی 20 سیریز کی ٹرافی کی رونمائی ہوئی تینوں کپتانوں نے شرکت کی۔

    ایشیا کپ سے قبل یو اے ای میں سہ فریقی ٹی 20 سیریز کا آغاز کل سے ہو رہا ہے۔ اس میں میزبان یو اے ای کے علاوہ پاکستان اور افغانستان کی ٹیمیں شامل ہیں۔

    سیریز کے آغاز سے ایک روز قبل ٹرائی نیشن سیریز کی خوبصورت ٹرافی کی رونمائی ہوئی۔ تقریب رونمائی میں پاکستان ٹیم کے کپتان سلمان علی آغا، افغان کپتان راشد خان اور یو اے ای کی ٹیم کے کپتان محمد وسیم نے شرکت کی اور ٹرافی کے ساتھ تصاویر بنوائیں۔

    29 اگست سے 7 ستمبر تک جاری رہنے والی سیریز کا افتتاحی میچ پاکستان اور افغانستان کے درمیان کھیلا جائے گا۔ ہر ٹیم مخالف ٹیم سے دو، دو میچ کھیلے گی اور ٹاپ دو ٹیمیں 7 ستمبر کو فائنل میں مدمقابل ہوں گی۔

    سیریز اور ایشیا کپ کے لیے پاکستان ٹیم کئی روز قبل یو اے ای پہنچ چکی ہے اور سیریز کے لیے تیاریاں زور وشور سے جاری ہیں۔

     

  • پاک نیوزی لینڈ ٹی 20 سیریز ٹرافی کی رونمائی

    پاک نیوزی لینڈ ٹی 20 سیریز ٹرافی کی رونمائی

    پاکستان اور نیوزی لینڈ کے درمیان پانچ ٹی 20 میچوں پر مشتمل سیریز کا آغاز 16 مارچ سے ہوگا جس کی ٹرافی کی رونمائی کر دی گئی۔

    پاکستان ٹی 20 سیریز کھیلنے کے لیے نیوزی لینڈ پہنچ گئی ہے۔ 16 مارچ سے شروع ہونے والی یہ سیریز پانچ میچوں پر مشتمل ہے۔

    گزشتہ روز کرائسٹ چرچ کے خوبصورت مقام پورٹ ہلز پر سیریز کی دلکش ٹرافی کی رونمائی کی گئی۔

    پاکستان کی جانب سے محمد حارث اور نیوزی لینڈ کے کپتان ایش سودھی نے ٹی 20 ٹرافی کی رونمائی میں شرکت کی اور تصاویر بنوائیں۔

     

    View this post on Instagram

     

    A post shared by Pakistan Cricket (@therealpcb)

    دریں اثنا ٹی 20 سیریز کے لیے قومی کرکٹ ٹیم جو گزشتہ روز کرائسٹ چرچ پہنچی تھی۔ ایک دن آرام کے بعد آج پہلے ٹریننگ سیشن میں شرکت کی۔

    قومی ٹی 20 اسکواڈ نے ہیگلے اوول میں پریکٹس کی۔ بیٹرز او بولرز نے نیٹ میں پریکٹس سے قبل ایکسر سائز ڈرلز میں بھی حصہ لیا۔

    واضح رہے کہ سلیکشن کمیٹی نے محمد رضوان سے ٹی 20 ٹیم کی کپتانی واپس لینے کے ساتھ انہیں ڈراپ بھی کیا۔ ان کے ساتھ اسٹار بیٹر بابر اعظم اور نسیم شاہ بھی ٹی 20 اسکواڈ کا حصہ نہیں ہیں۔

    پاکستان کرکٹ بورڈ نے ٹی 20 ٹیم کی قیادت سلمان علی آغا کے سپرد کی ہے جب کہ آل راؤنڈر شاداب خان کی طویل عرصہ بعد ٹیم میں واپسی ہوئی ہے اور انہیں نائب کپتان بنایا گیا ہے۔

    ٹی 20 سیریز کے بعد تین ایک روزہ میچوں پر مشتمل سیریز کھیلی جائے گی۔ ون ڈے اسکواڈ کی قیادت حسب سابق محمد رضوان ہی کریں گے۔ بابر اعظم اور نسیم شاہ بھی اسکواڈ کا حصہ ہوں گے تاہم شاہین شاہ آفریدی کو ون ڈے ٹیم سے ڈراپ کر دیا گیا ہے۔

  • چیمپئنز ٹی 20 کپ کل سے شروع ہوگا، ٹرافی کی رونمائی

    چیمپئنز ٹی 20 کپ کل سے شروع ہوگا، ٹرافی کی رونمائی

    پی سی بی کے تحت چیمپئنز ٹی ٹوئنٹی کپ کا کل سے پنڈی میں آغاز ہو رہا ہے ٹورنامنٹ کی ٹرافی کی رونمائی کر دی گئی۔

    پاکستان کرکٹ بورڈ کے تحت چیمپئنز ٹی 20 کپ کا کل سے پنڈی کرکٹ اسٹیڈیم میں آغاز ہو رہا ہے۔ ٹورنامنٹ کے آغاز سے ایک روز قبل ٹرافی کی رونمائی ہوئی۔ ٹیموں کے تمام کپتانوں اور مینٹورز نے فوٹو شوٹ کرایا۔

    ایونٹ 7 سے 25 دسمبر تک پنڈی اسٹیڈیم میں کھیلا جائے گا۔ ٹورنامنٹ میں پانچ ٹیمیں شرکت کر رہی ہے۔ روزانہ دو میچز کھیلے جائیں گے۔ ٹورنامنٹ کا آغاز میچ لائنز اور مارخوز کے درمیان میچ سے ہوگا اور اسی روز دوسرا مقابلہ اسٹالینز اور پینتھرز کے درمیان ہوگا۔

    اسٹالینز کی قیادت محمد حارث کر رہے ہیں۔ مارخور کی کمان افتخار احمد کے ہاتھ میں ہے۔ ڈولفنز کے کپتان فہیم اشرف ہیں۔ لائنز امام الحق کی کپتانی میں کھیلیں گے جب کہ شاداب خان کو پنتھرز کی قیادت سونپی گئی ہے۔

    ٹرافی کی رونمائی کے موقع پر مینٹورز نے میڈیا سے گفتگو میں کہا کہ ون ڈے کپ کی طرح چیمپئنز ٹی ٹوئنٹی ٹورنامنٹ سے بھی نیا ٹیلنٹ سامنے آئے گا۔

    وقار یونس نے کہا کہ گزشتہ چیمپئن ون ڈے کپ میں کافی ٹیلنٹ سامنے آیا۔ نئے کھلاڑیوں کو چیمپئنز ٹی 20کپ سے مواقع دیے جائیں گے۔ اس ٹورنامنٹ سے ماڈرن کرکٹ کھیلنے والے کھلاڑی ملیں گے۔

    مصباح الحق نے کہا کہ ٹیسٹ کرکٹ میں بھی کافی تبدیلیاں آ گئی ہیں۔ بھارت نے گھر پر تین صفر سے شکست کھائی لیکن آسٹریلیا میں ٹیسٹ میچ جیت لیا۔ اس سے پتہ چلتا ہے کہ غیر یقینی ہر ٹیم کے ساتھ ہوتی ہے صرف پرفارمنس دینے کی ضرورت ہے۔