ARYNews.tv | Urdu – Har Lamha Bakhabar

Tag: ٹرالر

  • ٹرالر نے ایک اور خاندان اجاڑ دیا، باپ، 2 بیٹے اور بیٹی جاں بحق

    ٹرالر نے ایک اور خاندان اجاڑ دیا، باپ، 2 بیٹے اور بیٹی جاں بحق

    اوکاڑہ میں ٹرالر نے ایک اور خاندان اجاڑ دیا، موٹر سائیکل کو ٹکر کے نتیجے میں ایک ہی خاندان کی 4 افراد جاں بحق ہوگئے۔

    تفصیلات کے مطابق اوکاڑہ میں جی ٹی روڈ پر پنجاب کالج کے قریب ٹرالر اور موٹر سائیکل کے درمیان ایک خوفناک حادثہ پیش آیا ہے، حادثے میں موٹر سائیکل سوار 4 افراد  جاں بحق ہوگئے۔

    ریسکیو 1122 کے مطابق جاں بحق افراد میں باپ، 2 بیٹے اور بیٹی شامل ہیں، عینی شاہدین کا کہنا ہے کہ حادثہ تیز رفتاری کے باعث پیش آیا۔

    پولیس حکام کا اس حوالے سے کہنا ہے کہ حادثے کے بعد ٹرالر ڈرائیور فرار ہوگیا ہے جبکہ لاش کو اسپتال منتقل کردیا گیا ہے اور ڈرائیور کی تلاش جاری ہے۔

    اس سے قبل کراچی میں ٹرالر نے موٹر سائیکل کو ٹکر مارتے ہوئے ایک اور شہری کی جان لے لی تھی، واقعہ کراچی کے علاقے لیاقت آباد گجر نالے کے قریب پیش آیا تھا۔

    جہاں ٹرالر نے موٹر سائیکل کو ٹکر مار دی جس سے موٹر سائیکل سوار جاں بحق ہوگیا تھا، ٹکر مارنے کے بعد ٹرالر ڈرائیور موقع سے فرار ہوگیا جبکہ مشتعل افراد کی ٹرالر کو جلانے کی کوشش پولیس نے ناکام بنا دی تھی۔

    https://urdu.arynews.tv/karachi-father-and-son-crushed-traffic-accident/

  • کراچی میں ٹرالر نے کار کو کچل ڈالا

    کراچی میں ٹرالر نے کار کو کچل ڈالا

    کراچی: میمن گوٹھ میں ٹرالر نے کار کو کچل ڈالا ، جس کے نتیجے میں کار سوار نوجوان شدید زخمی ہوگیا۔

    کراچی میں ہیوی گاڑیوں سےحادثات کے واقعات تھم نہ سکے ، میمن گوٹھ میں ٹرالر نے کار کو کچل دیا، جس سے کار میں سوار نوجوان کو شدید زخمی ہوگیا۔

    نوجوان کو زخمی کو اسپتال منتقل کردیا گیا ، جہاں نوجوان کی شناخت امیر علی میمن کے نام سے ہوئی۔

    ٹرالر کے ایک گاڑی کو کچلنے پر اہل علاقہ مشتعل ہوگئے اور سڑکوں پر نکل آئے اور احتجاج شروع کردیا۔

    اس موقع پر علاقائی ایم پی ایے ساجد جوکھیو بھی موقع پر پہنچ گئے اور شہریوں سے پرامن رہنے کی اپیل کی۔

    پولیس نے موقع سے ٹرالر کو تحویل میں لے لیا اور مقدمہ درج کرکے تفتیش کا آغاز کردیا۔

    یاد رہے کراچی کے علاقے نارتھ ناظم آباد میں بس نے 2 موٹر سائیکل سواروں کو کچل دیا تھا، بس کی ٹکر سے موٹر سائیکل سوار 2 افراد جاں بحق ہوگئے تھے۔

    ورثا کا کہنا تھا کہ عثمان، عاطف مدرسے کے طالب علم ہیں اور اجتماع میں شرکت کے لیے جارہے تھے، دونوں چچازاد بھائی اور نصرت بھٹو کالونی کے رہائشی تھے تاہم حادثے کے بعد ڈرائیور فرار ہوگیا تھا۔

    واضح رہے کہ یکم جنوری سے اب تک سال رواں میں کراچی میں قاتلوں کی طرح دندناتے ڈمپروں، ٹینکروں، ٹرکوں اور بسوں نے 107 شہریوں کو موت کے گھاٹ اتار دیا ہے، جب کہ درجنوں زخمی اور کئی زندگی بھر کے لیے معذور ہو چکے ہیں۔

  • لیاقت آباد : تیز رفتار ٹرالر نے موٹر سائیکل سوار کو کچل ڈالا

    لیاقت آباد : تیز رفتار ٹرالر نے موٹر سائیکل سوار کو کچل ڈالا

    کراچی : شہر قائد میں ایک اور ٹریفک حادثے میں نوجوان زندگی کی بازی ہار گیا، لیاقت آباد میں ٹرالر  نے موٹر سائیکل سوار کو کچل کر مار ڈالا۔

    اے آر وائی نیوز کراچی کے نمائندے عدنان راجپوت کے مطابق کراچی کے علاقے لیاقت آباد میں ارم بیکری کے قریب تیز رفتار ٹرالر موٹر سائیکل سوار پر چڑھ گیا جس کے نتیجے میں نوجوان موقع پر ہی جاں بحق ہوگیا۔

    اس حوالے سے پولیس کا کہنا ہے کہ تاحال متوفی شہری کی شناخت نہیں ہوسکی ہے، قانونی کارروائی کیلیے متوفی کی لاش اسپتال پہنچا دی گئی ہے جبکہ حادثے کے بعد ڈرائیور ٹرالر سمیت فرار ہونے میں کامیاب ہوگیا۔

    مزید پڑھیں :کراچی میں ٹرک نے موٹر سائیکل سوار کی جان لے لی

    اس سے قبل اسی علاقے لیاقت آباد سپر مارکیٹ کے قریب تیز رفتار ٹرک نے موٹر سائیکل سوار کو کچل ہلاک کردیا تھا۔

    ڈرائیور حادثے کے بعد فرار ہوگیا جبکہ مشتعل افراد کی جانب سے ٹرک کو آگ لگانے کی کوشش کی گئی، تاہم پولیس موقع پر ہی جائے وقوع پر پہنچ گئی۔

    واضح رہے کہ گزشتہ ماہ بھی کراچی کے علاقے گل بائی پر ٹرالر کی موٹر سائیکل کو ٹکر کے نتیجے میں ماں اور ایک سال کا بچہ جاں بحق ہوگیا تھا۔

    خاتون کی شناخت شبانہ کے نام سے ہوئی جس کی عمر 45 برس تھی، خاتون کی گود میں ایک سالہ بچہ زوہان بھی تھا جو موقع پر انتقال کر گیا موٹرسائیکل پر سوار خاتون کا شوہر واقعے میں زخمی ہوا، جسے طبی امداد کے لیے سول ہسپتال منتقل کر دیا گیا تھا۔

  • کراچی: ٹرالر اور کار میں تصادم، 2 افراد جاں بحق

    کراچی: ٹرالر اور کار میں تصادم، 2 افراد جاں بحق

    کراچی: شہرقائد میں سپرہائی وے کے قریب ٹرالر اور کار میں ٹکر کے نتیجے میں دو افراد جاں بحق جبکہ دو زخمی ہوگئے۔

    تفصیلات کے مطابق کراچی میں سپرہائی وے کے قریب ٹرالر اور کار میں تصادم ہوا جس کے نتیجے میں 2 افراد جان کی بازی ہار گئے جبکہ دو زخمی ہوگئے۔

    حادثے کی اطلاع ملتے ہی ریسکیو اہلکار جائے وقوعہ پر پہنچے اور زخمیوں کو اسپتال منتقل کیا جہاں انہیں طبی امداد دی جا رہی ہے۔

    پولیس حکام کے مطابق حادثے میں جاں بحق ہونے والے افراد کراچی کے علاقے محمود آباد کے رہائشی ہیں، قانونی کارروائی کے بعد لاشوں کو ورثا کے حوالے کیا جائے گا۔

    کراچی: تیزرفتارکارکو حادثہ،1 شخص جاں بحق، متعدد افراد زخمی

    یاد رہے کہ رواں سال 21 جون کو کراچی کے علاقے کورنگی کراسنگ کے قریب تیز رفتار کار حادثے کا شکار ہوگئی تھی جس کے نتیجے میں ایک شخص جاں بحق جبکہ متعدد افراد زخمی ہوگئے تھے۔

    اس سے قبل رواں برس یکم مئی کو کوئٹہ سے کراچی جانے والی کار باغبانہ کے مقام پر تیز رفتاری کے باعث ڈرائیور سے بے قابو ہو کر بند دکان میں جا گھسی جس کے نتیجے میں ڈرائیور سمیت چار افراد غلام حسن ، محمد حسن ،سردار گل اور مستری صادق جاں بحق اور مصری خان شدید زخمی ہوگیا تھا۔

  • ڈی جی خان: بس اور ٹرالرمیں تصادم، 20 افراد زخمی

    ڈی جی خان: بس اور ٹرالرمیں تصادم، 20 افراد زخمی

    ڈی جی خان : صوبہ پنجاب کے شہر ڈیرہ غازی خان میں مسافر بس اور ٹرالر کے درمیان تصادم کے نتیجے میں 20 افراد زخمی ہوگئے۔

    تفصیلات کے مطابق ڈی جی خان میں انڈس ہائی وے پر کوٹ چٹھہ کے قریب مسافر بس اور ٹرالرمیں تصادم کے نتیجے میں 20 مسافر زخمی ہوگئے۔

    ریسکیو حکام کے مطابق حادثے میں زخمی ہونے والے افراد کو ٹراما سینٹر منتقل کردیا گیا ہے جہاں پانچ افراد کی حالت تشویش ناک بتائی جاتی ہے۔

    پولیس حکام کا کہنا ہے کہ حادثہ تیز رفتاری کے باعث پیش آیا، مسافر بس مانسہرہ سے کراچی جا رہی تھی۔

    جہلم: جی ٹی روڈ پر مسافر وین میں آگ، 8 مسافر جھلس کر جاں بحق

    دوسری جانب جہلم میں سوہاوہ کے ترکی ٹول پلازہ کے قریب بد قسمت مسافر وین ٹرالر سے ٹکرا گئی، حادثے کے دوران وین میں آگ بھڑک اٹھی جس کے نتیجے میں 8 مسافر جھلس کر دم توڑ گئے۔

    مسافر وین گوجرانوالہ سے راولپنڈی جا رہی تھی، تیز رفتاری کے باعث وین بے قابو ہو کر ٹرالر سے ٹکرا گئی۔

    ڈی جی خان: خطرناک ٹریفک حادثہ، 4 افراد جاں بحق

    یاد رہے کہ گزشتہ سال دسمبر میں صوبہ پنجاب میں خطرناک ٹریفک حادثے کے نتیجے میں ایک ہی خاندان کے 4 افراد جاں بحق ہوگئے تھے۔

  • کراچی: واٹر پمپ کے قریب ٹریفک حادثہ‘ خاتون جاں بحق

    کراچی: واٹر پمپ کے قریب ٹریفک حادثہ‘ خاتون جاں بحق

    کراچی : شہر قائد کے علاقے فیڈرل بی ایریا میں تیز رفتار ٹرالر کی زد میں آکر خاتون جاں بحق ہوگئی۔

    تفصیلات کے مطابق کراچی کے علاقے فیڈرل بی ایریا میں واٹر پمپ کے قریب تیزرفتار ٹرالر کی زد میں آکر خاتون جان کی بازی ہار گئی۔

    خاتون کی ہلاکت کے بعد علاقہ مکینوں نے شاہراہ پاکستان بلاک کردی جس سے ٹریفک کی روانہ متاثر ہوئی، پولیس اور انتظامیہ نے مظاہرین سے مذاکرات کیے۔

    مظاہرین نے کامیاب مذاکرات کے بعد احتجاج ختم کیا جس کے بعد پولیس نے روڈ ٹریفک کے لیے کھول دیا۔

    کراچی، آئل ٹینکرز اور وین میں تصادم، 2 افراد ہلاک

    یاد رہے کہ گزشتہ ہفتے شہر قائد کے علاقے گلشن حدید میں ڈیزل سے بھرے 2 ٹینکر اور وین میں تصادم ہوا تھا جس کے نتیجے میں 2 افراد جاں بحق ہوگئے تھے۔

    کراچی میں ٹرک اور پک اپ میں تصادم‘ 6 افراد جاں بحق

    واضح رہے کہ گزشتہ برس ستمبر میں کراچی کے علاقے گلشن حدید لنک روڈ کے قریب ٹرک اور پک اپ میں تصادم کے نتیجے میں 6 افراد جاں بحق جبکہ 5 افراد زخمی ہوگئے تھے۔

  • خیرپور: مسافر وین اورٹرالر میں تصادم‘ 5 افراد جاں بحق

    خیرپور: مسافر وین اورٹرالر میں تصادم‘ 5 افراد جاں بحق

    خیرپور: صوبہ سندھ کے شہر خیرپور میں لاڑکانہ پل پرٹنڈو مستی کے قریب مسافر وین اور ٹرالر کے تصادم کے نتیجے میں 5 افراد جاں بحق جبکہ 4 زخمی ہوگئے۔

    تفصیلات کے مطابق ٹنڈو مستی اور لاڑکانہ پل کے مقام پرمسافر وین اورٹرالر میں تصادم ہوا جس سے 5 مسافر جان کی بازی ہار گئےجبکہ 4 افراد شدید زخمی ہوگئے۔

    حادثے میں ہلاک ہونے والے دو افراد کی شناخت وڈیرو شیر اور علی گل کے ناموں سے ہوئی ہے جبکہ دیگر تین کی شناخت نہیں ہوسکی۔

    لاشوں کو قانونی کارروائی کے لیے قریبی ٹنڈو مستی اسپتال منتقل کیا گیا جبکہ زخمیوں کو بھی طبی امداد کے لیے اسی اسپتال لایا گیا۔

    شیخوپورہ میں بس الٹنے سے7 مسافرجاں بحق ‘ 30 زخمی

    خیال رہے کہ گزشتہ روز صوبہ پنجاب کے شہر شیخوپورہ میں تیزرفتاری کے باعث بس الٹنے سے 7 مسافر جاں بحق جبکہ 30 افراد زخمی ہوگئے تھے۔

    جامشورومیں انڈس ہائی وے پرٹریفک حادثہ‘ 10 افراد جاں بحق

    یاد رہے کہ 24 دسمبر 2017 کو صوبہ سندھ میں جامشورو کے قریب انڈس ہائی وے پروین اور دو مسافربسوں میں تصادم کے نتیجے میں 10 افراد جاں بحق ہوگئے تھے۔

    واضح رہے کہ گزشتہ سال 27 نومبرکو کراچی اور نوری آباد کے درمیان سپرہائی وے پر ٹرالر اور ویگن میں تصادم کے نتیجے میں 8 افراد ہلاک جبکہ 5 شدید زخمی ہوگئے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • رحیم یارخان میں کنٹینرسڑک کنارے قائم جھونپڑیوں پرالٹ گیا‘ 4 افراد جاں بحق

    رحیم یارخان میں کنٹینرسڑک کنارے قائم جھونپڑیوں پرالٹ گیا‘ 4 افراد جاں بحق

    رحیم یارخان : صوبہ پنجاب کے شہر رحیم یارخان میں قومی شاہراہ پرٹرالر پرلدا کنٹینرجھونپڑیوں پر الٹ گیا جس کے نتیجے میں 4 افراد جاں بحق جبکہ 2 زخمی ہوگئے۔

    تفصیلات کے مطابق رحیم یارخان کے علاقے لیاقت پور میں قومی شاہراہ پر ٹرالرپررکھا کنٹینرجھونپڑیوں پرالٹ گیا، حادثے میں خاتون اور 3 بچوں سمیت 4 افراد جان کی بازی ہار گئے۔

    پولیس حکام کے مطابق حادثے میں کنٹینر کے نیچے دب کرایک ہی خاندان کے 3 بچے اور ان کی والدہ جاں بحق جبکہ 2 افراد زخمی ہوگئے۔

    جائے حادثہ پرکرین کی مدد سے کنٹینر کو ہٹایا گیا جبکہ ریسکیو اہلکاروں نے لاشوں اور زخمیوں کو قریبی اسپتال منتقل کردیا۔

    پولیس کے مطابق ٹرالرڈرائیور موقع سے فرار ہوگیا جس کی تلاش میں چھاپے مارے جا رہے ہیں۔

    تیزرفتارٹریکٹرٹرالرنےموٹرسائیکل کوکچل دیا‘ خاتون جاں بحق

    خیال رہے کہ رواں ماہ 7 مئی کو پاکپتن میں تیز رفتار ٹریکٹر ٹرالر نے موٹرسائیکل پرسوار خاندان کو کچل دیا تھا،حادثے کے نتیجے میں ماں جاں بحق اور باپ بیٹا شدید زخمی ہوگئے تھے۔

    خانیوال میں بس اورٹرالرمیں تصادم ‘ 10 افراد جاں بحق

    یاد رہے کہ 21 دسمبر2017 کو صوبہ پنجاب کے شہرخانیوال میں موٹروے ایم فور پر دھند کے باعث مسافربس اور ٹرالر میں تصادم کے نتیجے میں 10 افراد جاں بحق جبکہ 20 سے زائد زخمی ہوگئے تھے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کراچی: نیشنل ہائی وے پرپولیس کا ٹرک ٹرالرسےٹکراگیا‘ 8 اہلکار زخمی

    کراچی: نیشنل ہائی وے پرپولیس کا ٹرک ٹرالرسےٹکراگیا‘ 8 اہلکار زخمی

    کراچی: نیشنل ہائی وے شاہ لطیف موڑپرپولیس کا ٹرک ٹرالرسے ٹکرا گیا، حادثے میں 8 پولیس اہلکار زخمی ہوگئے۔

    تفصیلات کے مطابق نیشنل ہائی وے شاہ لطیف موڑپرپولیس کا ٹرک ٹرالرسے ٹکرا گیا، حادثے میں پولیس موبائل کوبھی نقصان پہنچا۔

    ریسکیو حکام کے مطابق ٹریفک حادثے میں 8 پولیس اہلکار زخمی ہوگئے جنہیں طبی امداد کے لیے اسپتال منتقل کردیا گیا ہے۔

    پولیس حکام کا کہنا ہے کہ ٹرالرکے ڈرائیور اورکنڈیکٹرکو حراست میں لے لیا گیا، حادثہ رزاق آباد پولیس ٹریننگ سینٹر کے قریب ٹرالرکےغلط سمت سے آنے کے باعث پیش آیا۔

    کراچی میں ٹرک اور پک اپ میں تصادم‘ 6 افراد جاں بحق

    یاد رہے کہ رواں برس ستمبر میں کراچی کے علاقے گلشن حدید لنک روڈ کے قریب ٹرک اور پک اپ میں تصادم کے نتیجے میں 6 افراد جاں بحق جبکہ 5 افراد زخمی ہوگئےتھے۔

    خیرپور میں ہولناک ٹریفک حادثہ، 20 افراد جاں بحق

    یاد رہے کہ 20 نومبر کو قومی شاہراہ ہر کوئلے سے بھرا ٹرک مسافروین پرالٹ گیا تھا، خوفناک حادثےمیں خاتون سمیت بیس افراد جان کی بازی ہار گئے تھے۔

  • اسلام آباد: مسافر وین اور ٹرالر میں تصادم ‘ 14 افراد جاں بحق

    اسلام آباد: مسافر وین اور ٹرالر میں تصادم ‘ 14 افراد جاں بحق

    اسلام آباد: چکری انٹرچینج کے قریب مسافر وین اور ٹرالر میں تصادم کے نتیجے میں چار بچوں سمیت 14 افراد جاں بحق جبکہ 7 افراد زخمی ہوگئے۔

    تفصیلات کے مطابق جھنگ سے راولپنڈی آنے والی وین چکری انٹرچینج کے قریب مخالف سمت سے آنے والے ٹرالر سے ٹکرا کرالٹ گئی جس کے بعد وین میں آگ بھڑک اٹھی جس نے دیکھتے ہی دیکھتے پوری وین کو اپنی لپیٹ میں لے لیا۔

    حادثے کی اطلاع ملتے ہی ریسکیو ٹیمیں جائے وقوعہ پر پہنچیں اور آگ پر قابو پانے کے بعد حادثے میں جاں بحق 6 افراد کی لاشوں اورزخمیوں کو سی ایم ایچ راولپنڈی منتقل کیا۔

    سی ایم ایچ میں دوران علاج 8 زخمی جان کی بازی ہار گئے جس کے بعد افسوس ناک حادثے میں جاں بحق ہونے والے افراد کی تعداد 14 ہوگئی۔

    وزیراعلیٰ پنجاب شہبازشریف نے حادثے میں انسانی جانوں کے ضیاع پر افسوس کا اظہار کرتے ہوئے حادثے کے بارے میں حکام سے رپورٹ طلب کرلی۔

    کراچی میں ٹرک اور پک اپ میں تصادم‘ 6 افراد جاں بحق

    واضح رہے کہ آج صبح کراچی کے علاقے گلشن حدید میں ٹرک اور پک اپ میں تصادم کے نتیجے میں 6 افراد جاں بحق جبکہ 5 زخمی ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔