Tag: ٹرالر کی ٹکر

لاہور : شہر کے علاقے بیگم کورٹ میں ٹرالر کی زد میں آکر ایک بچی جاں بحق اور دو بچے زخمی ہوگئے جب کہ شہریوں نے ٹرالر کے ہیلپر کو پکڑ کر پولیس کے حوالے کردیا۔ 

تفصیلات کے مطابق دس سالہ بچی نشاء دو بچوں کے ہمراہ اسکول سے واپس گھرجا رہی تھی کے سڑک پار کرتے ہوئے تیز رفتار ٹرالر کی زد میں آکر جاں بحق ہو گئی جب کہ دیگر دو بچے شدید زخمی ہو گئے ہیں۔

جائے وقوعہ پر موجود شہریوں نے اپنی مدد آپ کے تحت دس سالہ نشاء اور دیگر دو بچوں کو قریبی اسپتال منتقل کیا جہاں زخمیوں بچوں کو فوری طبی امداد دے کر حادثے میں بچی کے ساتھ موجود دو بچے بھی زخمی ہوئے جنہیں ابتدائی طبی امداد دے کر گھر روانہ کر دیاگیا ہے۔

تیز رفتار ٹرالر کا ڈرائیور حادثے کے بعد فرار ہو گیا تا ہم جائے وقوعہ پر موجود لوگوں نے ٹرالر کے ہیلپر کو تعاقب کر کے پکڑ لیا اور پولیس کے حوالے کردیا ہے۔

اہل علاقہ کے مطابق نے نشاء ماں باپ کی اکلوتی بیٹی تھی، میت گھر پہنچنے پر ماں بچی کی لاش دیکھ کر غم سے نڈھال ہوگئی اور غم سے نڈھال باپ دھاڑیں مار کر رونے لگا۔