ARYNews.tv | Urdu – Har Lamha Bakhabar

Tag: ٹرانس جینڈر

  • ٹرانس جینڈرز کی فوج میں بھرتیوں پر پابندی، ٹرمپ کا ایک اور حکم معطل

    ٹرانس جینڈرز کی فوج میں بھرتیوں پر پابندی، ٹرمپ کا ایک اور حکم معطل

    واشنگٹن: فوج میں ٹرانس جینڈرز کی بھرتیوں پر ٹرمپ کی جانب سے لگائی جانے والی پابندی عدالت نے معطل کر دی۔

    روئٹرز کے مطابق امریکی فیڈرل جج نے منگل کے روز ایک حکم جاری کرتے ہوئے فوج میں ٹرانس جینڈرز کی بھرتیوں پر حالیہ عائد کی گئی پابندی روک دی ہے۔

    ڈونلڈ ٹرمپ نے صدر بننے کے فوراً بعد ٹرانس جینڈرز کے فوج میں بھرتی ہونے پر پابندی لگائی تھی، عدالت نے اس پابندی کو برابری کے اصول کے خلاف قرار دیا، پابندی معطلی کا فیصلہ فیڈرل کورٹ کے جج اینا سی رئیس نے دیا۔

    عدالتی فیصلے کے مطابق حکومت کو 21 مارچ تک اعلیٰ عدالت میں اس فیصلے کے خلاف حکم امتناعی حاصل کرنے کا حق ہوگا۔

    یو ایس ایڈ کا خاتمہ ، ٹرمپ انتظامیہ کیلئے ایک اور دھچکا

    یاد رہے کہ صدر ٹرمپ نے یہ حکم نامہ 27 جنوری کو جاری کیا تھا اور کہا تھا کہ وہ صرف 2 اصناف کو مانتے ہیں، اور ٹرانس جینڈر کلچر کی اجازت نہیں دی جا سکتی، نہ ہی مرد و خواتین کی جنس تبدیل کرنے کی اجازت ہو سکتی ہے۔ خیال رہے کہ امریکی فوج میں اس وقت ایک اندازے کے مطابق 15 ہزار ٹرانس جینڈر فوجی ہیں، جب کہ فورسز کی مجموعی تعداد 20 لاکھ ہے۔

    پینٹاگون فروری میں وزیر دفاع پیٹ ہیگستھ کی جاری کردہ یادداشت کی روشنی میں ٹرانس جینڈر فوجیوں کو نکالنے کا عمل شروع کر چکا ہے۔

  • ٹرانس جینڈر كی اصطلاح غلط، غیرواضح جنس کا ابہام دور کیا جائے، اسلامی نظریاتی کونسل

    ٹرانس جینڈر كی اصطلاح غلط، غیرواضح جنس کا ابہام دور کیا جائے، اسلامی نظریاتی کونسل

    اسلام آباد: اسلامی نظریاتی کونسل نے کہا ہے کہ ٹرانس جینڈر كی اصطلاح غلط ہے اس كا استعمال نہیں ہونا چاہیے،غیرواضح جنس کا ابہام دور کیا جائے۔

    تفصیلات کے مطابق خنثی کے جنس کے تعین سے متعلق آگاہی اجلاس ہوا، اجلاس میں اسلامی نظریاتی کونسل کا کہنا تھا کہ کسی فرد کا اپنی واضح جنس کو تبدیل کرنا ناجائز ہے، تاہم غیرواضح جنس کا ابہام دور کرکے تعین جنس جائز ہے۔

    اسلامی نظریاتی کونسل نے کہا کہ جنس میں ابہام ہو تو علاج و سرجری كے ذریعے جنس كا تعین کیا جاسکتا ہے، خنثی افراد کیلئے انٹرسیکس کا لفظ استعمال کریں نہ کہ ٹرانس جینڈر کا لفظ استعمال کیا جائے۔

    چیئرمین اسلامی نظریاتی کونسل راغب نعیمی نے کہا کہ ٹرانس جینڈر میں ایسے افراد بھی شامل کیے جاتے ہیں جوحقیقی مردیا عورت ہوتے ہیں، باطنی احساسات كی بنیاد پر خود كو مخالف جنس كا فرد تصور كرتے ہیں۔

    راغب حسین نعیمی کا کہنا تھا کہ ایسے افراد جن میں پیدائشی نقص ہو ان کے لیے خنثی كا لفظ استعمال كیا جائے، اسلام میں اپنی جنس کی ازخودتعین کی اجازت نہیں۔

    چیئرمین اسلامی نظریاتی کونسل نے مزید کہا کہ باطنی احساسات كی بنیاد پر پیدائشی جنس كے برعكس شناخت بیان كرنا شرعی احكام سے متصادم ہے۔

  • آج ٹرانس جینڈر قانون میں کیا گیا وعدہ پورا ہو رہا ہے، شیریں مزاری

    آج ٹرانس جینڈر قانون میں کیا گیا وعدہ پورا ہو رہا ہے، شیریں مزاری

    اسلام آباد: وفاقی وزیر برائے انسانی حقوق شیریں مزاری کا کہنا ہے کہ آج ٹرانس جینڈر قانون میں کیا گیا وعدہ پورا ہو رہا ہے۔

    تفصیلات کے مطابق وفاقی وزیر برائے انسانی حقوق شیریں مزاری نے سماجی رابطے کی ویب سائٹ ٹویٹر پر اپنے پیغام میں کہا کہ آج ٹرانس جینڈر قانون میں کیا گیا وعدہ پورا ہو رہا ہے، خواجہ سراؤں میں صحت کارڈ تقسیم کیے جائیں گے۔

    وفاقی وزیر برائے انسانی حقوق نے اپنے پیغام میں مزید کہا کہ صحت کارڈ کی تقریب آج وزیراعظم ہاؤس میں ہوگی، پی ٹی آئی حکومت نے 2018 میں پمزمیں ٹرانس جینڈر وارڈ بنایا تھا۔

    خواجہ سراؤں کی صحت سے متعلق پی ٹی آئی حکومت کا بڑا قدم

    واضح رہے کہ وزیراعظم عمران خان آج خواجہ سراؤں میں صحت انصاف کارڈ تقسیم کریں گے، اس سلسلے میں وزیر اعظم ہاؤس میں تقریب کا انعقاد کیا جائے گا، دیگر شہروں میں بھی خواجہ سراؤں کو صحت کارڈ تقسیم کیے جائیں گے۔

  • جرمن سفیر مارٹن کوبلر کی سندھ پولیس میں خواجہ سراؤں کی ملازمت پر آئی جی سندھ کو شاباش

    جرمن سفیر مارٹن کوبلر کی سندھ پولیس میں خواجہ سراؤں کی ملازمت پر آئی جی سندھ کو شاباش

    اسلام آباد: پاکستان میں تعینات جرمن سفیر مارٹن کوبلر نے سندھ پولیس میں خواجہ سراؤں کی ملازمت کے بڑے اقدام پر آئی جی سندھ کو شاباش دے دی۔

    تفصیلات کے مطابق جرمن سفیر مارٹن کوبلر نے سندھ پولیس کا خواجہ سراؤں کو دفاعی فورس میں شامل کرنے کا فیصلہ بڑا فیصلہ قرار دیتے ہوئے اپنے ٹویٹر اکاؤنٹ پر لکھا ’شاباش ڈاکٹر کلیم۔‘

    پاکستان کے روایتی کھانوں کے انتہائی شوقین جرمن سفیر نے سماجی رابطوں کی ویب سائٹ پر لکھا کہ ہر کمیونٹی کا مرکزی دھارے میں شامل ہونا بہت اہم ہے۔

    مارٹن کوبلر کا کہنا تھا کہ اس اقدام سے کم زور کی حفاظت ہوگی اور یہ قدم کم زور کو با اختیار بنائے گا، خواجہ سرا معاشرے کا برابر کا حصہ ہیں، دیکھتے ہیں کہ اور کون اس طرح کا فیصلہ کرتا ہے۔

    یہ بھی پڑھیں:  سندھ پولیس کا پہلی مرتبہ خواجہ سراؤں کو ملازمت دینے کا اعلان

    خیال رہے کہ دو دن قبل آئی جی سندھ ڈاکٹر سید کلیم امام نے سندھ پولیس میں خواجہ سراؤں کو ملازمت دینے کا اعلان کر دیا تھا، انھوں نے کہا کہ سندھ پولیس میں پہلی مرتبہ خواجہ سراؤں کو ملازمت دی جا رہی ہے جو مختلف دفتری امور انجام دیں گے۔

    آئی جی سندھ کا کہنا تھا کہ اقلیتی برادری سے وابستہ افراد کو سندھ پولیس میں ملازمت کے مواقع دینے کے ضمن میں اقدامات کیے جائیں گے، پولیسنگ کے معیار کو جدید دور کے تقاضوں سے ہم آہنگ کیا جائے گا۔

  • اسلام آباد: پہلی مرتبہ خواجہ سرا کو ڈرائیونگ لائسنس جاری

    اسلام آباد: پہلی مرتبہ خواجہ سرا کو ڈرائیونگ لائسنس جاری

    اسلام آباد: وفاقی دار الحکومت کی پولیس نے ایک خواجہ سرا کو ڈرائیونگ لائسنس جاری کر دیا، یہ اپنی نوعیت کا اسلام آباد میں پہلا ڈرائیونگ لائسنس ہے۔

    تفصیلات کے مطابق اسلام آباد پولیس نے پہلی خواجہ سرا کو ڈرائیونگ لائسنس جاری کر دیا، علی لیلیٰ ٹرانس جینڈر کمیونٹی کی رہنما ہیں۔

    علی لیلیٰ نے پندرہ سال پہلے ڈرائیونگ شروع کی، جب کہ انھیں اسلام آباد پولیس کی جانب سے ابھی ڈرائیونگ لائسنس ملا۔ ان کا کہنا ہے کہ 2000 میں ان کے والد نے ڈرائیونگ سکھائی تھی۔

    علی لیلیٰ راولپنڈی میں آواز شی میل فاؤنڈیشن کی صدر بھی ہیں، وہ ڈرائیونگ سیکھنے کے بعد سے جڑواں شہروں میں بغیر لائسنس کے پندرہ سال تک گاڑی چلاتی رہی ہیں۔

    یہ بھی دیکھیں:  پاکستان میں پہلی بار خواجہ سراؤں کے لیے ڈرائیونگ لائسنس کا اجرا

    علی لیلیٰ کو ڈرائیونگ لائسنس کے لیے درکار تمام ٹیسٹ پاس کرنے کے بعد لائسنس جاری کیا گیا، انھوں نے کہا کہ آج میں بہت خوش ہوں، اب میری کمیونٹی کے دوسرے ممبرز کو بھی لائسنس مل سکے گا۔

    خیال رہے کہ سپریم کورٹ آف پاکستان کے احکامات کے بعد علی لیلیٰ کو صنفی نشان ایکس والا قومی شناختی کارڈ بھی جاری کیا جا چکا ہے۔

    مارچ کے شروع میں خیبر پختونخوا پولیس کی جانب سے 30 ٹرانس جینڈر پرسنز کو ڈرائیونگ لائسنس جاری کیے جا چکے ہیں۔