Tag: ٹرمپ

واشنگٹن: امریکی صدر ڈونلڈ ٹرمپ کو ایک بار پھر اپوزیشن اور چند پارٹی رہنماؤں کی جانب سے شدید تنقید کا سامنا ہے، ٹرمپ نے گزشتہ روز کروناٹیسٹنگ کی رفتار کم کرنے کا حکم دیا تھا۔

غیرملکی خبررساں ادارے کی رپورٹ کے مطابق صدر ٹرمپ کی جانب سے ٹیسٹ کی رفتار کم کرنے کا حکم دینے پر امریکی کانگریس کی اسپیکر کی برہم ہوگئیں، کئی رہنماؤں کا کہنا ہے کہ کروناٹیسٹنگ کی رفتار کم کرنے سے بحران کھڑا ہوجائے گا۔

نینسی پلوسی کا کہنا تھا کہ کرونا وبا پھیلنے سے روکنے کا طریقہ ٹیسٹنگ، ٹریسنگ اور ٹریٹمنٹ ہے، لوگ جاننا چاہتے ہیں کہ ٹیسٹ کی تعداد کم کرنے کا آخر کیوں کہا گیا؟

کرونا وائرس، ٹرمپ کے عزائم سامنے آگئے

انہوں نے کہا کہ ماہرین تجویز کررہے ہیں کہ زیادہ سے زیادہ ٹیسٹ کیے جائیں۔ اسپیکر پلوسی کا مزید کہنا تھا کہ کرونا ٹاسک فورس کے اہلکاروں کو اگلے ہفتے کمیٹی کے سامنے پیشی پر اس بارے میں جواب دینا ہوگا۔

دوسری جانب ردعمل میں صدر ٹرمپ نے ٹوئٹ کیا کہ ہماری کرونا ٹیسٹنگ کی صلاحیت سب سے بہتر اور جدید ہے، دوسرے ملکوں کے مقابلے میں ڈھائی کروڑ ٹیسٹ کے تناسب سے زیادہ کیسز رپورٹ ہوئے۔ ٹرمپ کا کہنا تھا کہ اس معاملے پر میرا پیغام واضح ہے۔

واشنگٹن: امریکی فوجی اہلکار مائیکل وائٹ کی رہائی کے ردعمل میں صدر ٹرمپ نے ایران کا شکریہ ادا کردیا۔

تفصیلات کے مطابق ایران کی جانب سے امریکی فوجی اہلکار مائیکل وائٹ کی رہائی پر صدر ڈونلڈ ٹرمپ نے تہران حکومت کا شکریہ ادا کیا اور مستقبل میں بات چیت کی بھی ڈھکے چھپے الفاظ میں پیش گوئی کردی۔

امریکی صدر نے سماجی رابطے کی ویب سائٹ ٹوئٹر پر ٹوئٹ کیا کہ ایران کی جانب سے یہ عمل بتاتا ہے کہ ڈیل ممکن ہے، ایرانی قید سے رہا پانے والے امریکی فوجی مائیکل وائٹ سے فون پر بات چیت ہوئی ہے۔

…to the UNITED STATES! We have now brought more than 40 American hostages and detainees back home since I took office. Thank you to Iran, it shows a deal is possible!

— Donald J. Trump (@realDonaldTrump) June 4, 2020

انہوں نے بتایا کہ رہائی کے بعد مائیکل وائٹ زیورخ میں ہیں،جلد امریکا پہنچیں گے، میرے دورصدارت میں بیرون ملک قید 40امریکی وطن لائے گئے۔ خیال رہے کہ ایران کے اس اقدام کو عالمی تجزیہ کاروں نے بھی سراہا ہے۔

خیال رہے کہ مائیکل وائٹ کو 2 سال پہلے اس وقت گرفتار کیا گیا تھا جب وہ اپنی ایرانی دوست سے ملنے ایران پہنچا تھا۔ اس پر سوشل میڈیا پر ایرانی سپریم لیڈر آیت اللہ خامنہ ای کی توہین کا الزام تھا۔

واضح رہے کہ اس سے قبل امریکا نے بھی ایرانی سائنسدان کو رہا کیا تھا اور ممکنہ طور پر کہا جارہا ہے کہ یہ رہائی امریکی اقدام کے ردعمل میں ہی سامنے آئی ہے۔ ایرانی سائنسدان سائرس اصغری کو چار سال قبل اس وقت امریکی حکام نے گرفتار کیا جب وہ ایک تدریسی دورے پر اوہایو پہنچا تھا۔ اس پر امریکی راز چرانے کا الزام لگایا تھا۔

واشنگٹن: امریکی صدر ڈونلڈ ٹرمپ نے ایک اہم دورے کے موقع پر کروناوائرس کے پیش نظر احتیاطی تدبیر اپناتے ہوئے فوجی افسر سے مصافحہ سے انکار کردیا۔

غیرملکی خبررساں ادارے کی رپورٹ کے مطابق حالیہ دنوں امریکی صدر پر شدید تنقید کی جارہی تھی کہ وہ خود کرونا کے باعث احتیاطی تدابیر نہیں اپنارہے اور نہ ہی سماجی فاصلے کا خیال رکھ رہے ہیں۔

رپورٹ کے مطابق ٹرمپ کے فوجی افسر سے ہاتھ نہ ملانے کے اقدام کو سوشل میڈیا صارفین بھی سراہ رہے ہیں۔ امریکی صدر نے مصافحہ تو نہیں کیا لیکن انہوں نے سرجیکل ماسک نہیں پہن رکھا تھا اور نہ ہی 6 فٹ فاصلے کا خیال رکھا گیا۔

ٹرمپ گزشتہ روز امریکی ریاست میری لینڈ میں قائم ’انڈریو فوجی ایئربیس‘ پہنچے جہاں ان کے استقبال کے لیے فوجی افسر ’کرنل ڈونلڈ اسکھیڈمٹ‘ موجود تھے، ٹرمپ جیسے ہی طیارے سے اترے تو انہیں نے خوش آمدید کہا اور مصافحہ کرنے کے لیے ہاتھ آگے بڑھایا لیکن ٹرمپ نے مسکراتے ہوئے انکار کردیا۔

البتہ دونوں خوشگوار موڈ میں نظر آئے اور امریکی صدر اپنا دورہ مکمل کرکے واپس واشنگٹن روانہ ہوگئے۔

واشنگٹن: امریکی صدر ٹرمپ نے سابق ہم منصب براک اوباما پر پھر شدید تنقید کی ہے، انھوں نے کہا کہ اپنے حالیہ بیانات میں اوباما نے سیاسی جرم کیا، انتخابات سے پہلے اور بعد میں بھی اوباما نے مجھ پر تنقید کی۔

تفصیلات کے مطابق امریکی صدر ڈونلڈ ٹرمپ نے ٹاسک فورس کے ہمراہ پریس کانفرنس میں سابق صدر کی آڈیو ریکارڈنگ کو اوباما گیٹ اسکینڈل کا نام دے دیا، انھوں نے کہا کہ سابق صدر کی آڈیو ریکارڈنگ حالیہ دنوں میں میڈیا میں لیک ہوئی تھی۔

امریکی میڈیا کے مطابق اس آڈیو ریکارڈنگ میں ٹرمپ کے مشیر مائیکل فلن کو معافی دینے کے فیصلے پر تنقید کی گئی تھی، سابق صدارتی مشیر مائیکل فلن نے ایف بی آئی کے سامنے تفتیش کے دوران جھوٹ بولا تھا، جس پر اوباما نے ٹرمپ پر تنقید کی۔

پریس کانفرنس میں صدر ٹرمپ کی چینی نژاد امریکی صحافی سے بھی تلخی ہوئی، جس کے بعد ٹرمپ غصے میں پریس کانفرنس چھوڑ کر چلے گئے، صحافی نے سوال کیا تھا کہ وائٹ ہاؤس اسٹافرز کا تو ٹیسٹ آسانی سے ہو جاتا ہے دیگر کا کیوں نہیں، آپ روز کیوں کہتے ہیں کہ امریکا ٹیسٹنگ میں آگے ہے۔ جس پر ٹرمپ نے کہا یہ سوال جا کر چین سے پوچھو۔ صحافی نے پھر کہا آپ یہ بات خاص طور پر مجھے کیوں کہہ رہے ہیں؟ ٹرمپ نے کہا جو بھی ایسا گندا سوال کرے گا اسے یہی کہوں گا۔

ایک صحافی نے سوال کیا کہ آپ وائٹ ہاؤس میں ماسک پہننا کیوں لازمی قرار نہیں دیتے، جس پر ٹرمپ نے کہا مجھ سے لوگ فاصلے پر رہتے ہیں، تمام اسٹاف بھی ایک دوسرے سے خاص فاصلہ رکھتا ہے، وائٹ ہاؤس میں بڑی تعداد میں اسٹاف ماسک استعمال کر رہا ہے۔ انھوں نے کہا کہ سب کے لیے کرونا ٹیسٹنگ موجود ہے لیکن ہر کسی کو کرانے کی ضرورت نہیں۔

قبل ازیں، امریکی صدر نے کہا کہ وائٹ ہاؤس کے چند افراد کے ٹیسٹ مثبت آئے ہیں، ہمارے پاس ٹیسٹنگ کی بہترین سہولیات موجود ہیں، دنیامیں کسی کے پاس امریکا جیسا کرونا ٹیسٹنگ نظام نہیں، بہترین کرونا ٹیسٹنگ مشینیں آ چکی ہیں، 5 سے 10 منٹ میں نتیجہ آ جاتا ہے۔ انھوں نے کہا کہ میں چین سے خوش نہیں ہوں، چین کرونا وبا پر بہت پہلے قابو پا سکتا تھا۔

انھوں نے کہا پورے ملک کو جلد کھولنا ضروری ہے، لوگ لاک ڈاؤن میں بھی مر رہے ہیں۔

پیانگ یانگ: امریکی صدر ڈونلڈ ٹرمپ سے مذاکرات میں ناکامی کے بعد شمالی کوریا نے جوہری سرگرمیاں تیز کردیں جس کے باعث ٹرمپ انتظامیہ کے لیے نیا چیلنج کھڑا ہوچکا ہے۔

غیرملکی خبررساں ادارے کی رپورٹ کے مطابق شمالی کوریا جوہری منصوبوں کے لیے بڑا اسٹوریج ایئریا تعمیر کررہا جو ملکی دارالحکومت پیانگ یانگ کے ساتھ واقع ہے۔

رپورٹ کے مطابق مذکورہ اسٹوریج ایئریا جوہری میزائلوں کے تجربے سمیت دیگر جوہری سرگرمیوں کے لیے استعمال ہوگا، ممکنہ طور پر یہ منصوبہ 2021 کے آغاز تک مکمل کرلیا جائے گا۔

بین الاقوامی میڈیا نے ممکنہ زیرتعیر بیس کی تصاویر بھی شایع کی ہیں۔ خیال رہے کہ امریکی صدر ڈونلڈ ٹرمپ اور شمالی کوریا کے سربراہ کم جونگ کے درمیان ماضی میں مرحلہ وار دو ملاقاتیں ہوئیں لیکن بے سود رہیں۔ کم جونگ نے ٹرمپ انتظامیہ کو دھمکی دی تھی کہ اگر مذاکرات کامیاب نہ ہوئے تو جوہری سرگرمیاں شروع کردیں گے۔