واشنگٹن : سعودی عرب میں آئل کمپنی آرامکو پر ڈرون حملے سے عالی برادری میں تشویش کی لہر دوڑ گئی ، امریکی صدر ٹرمپ نے حملے کے ذمہ داران کیخلاف فوجی کارروائی کا اشارہ دے دیا ہے۔
تفصیلات کے مطابق سعودی عرب میں آئل تنصیبات پر ڈرون حملے سے دنیا بھرمیں ہل چل مچ گئی اور تیل کی قمیتیں آسمان پر پہنچ گئیں۔
امریکی صدر ٹرمپ نے سماجی رابطے کی ویب سائٹ ٹوئٹر پر حملوں پر برہمی کا اظہار کرتے ہوئے کہا سعودی عرب کی تیل کی سپلائی پرحملہ ہوا، امریکہ جانتا ہے کہ مجرم کون ہے اور وہ ان حملوں کے ذمہ داران کے خلاف کارروائی کے لیے تیار ہیں لیکن وہ سعودیوں سے سننا چاہتے ہیں کہ اس حملے کے پیچھے کون ملوث تھا اور وہ کس طرح آگے بڑھنا چاہتے ہیں۔
Saudi Arabia oil supply was attacked. There is reason to believe that we know the culprit, are locked and loaded depending on verification, but are waiting to hear from the Kingdom as to who they believe was the cause of this attack, and under what terms we would proceed!
— Donald J. Trump (@realDonaldTrump) September 15, 2019
امریکی حکام نے ایران کو ان حملوں کا ذمہ دار قرار دیا ہے تاہم ایران نے الزام کی تردید کرتے ہوئے کہا کہ ان حملوں سے خطے میں کشیدگی بڑھ سکتی ہے۔
دوسری جانب متحدہ عرب امارت نے حملوں کی مذمت کرتے ہوئےکہ اس مشکل وقت سعودی عرب کیساتھ ہیں جبکہ اقوام متحدہ کے سیکریٹری جنرل انتونیو گوتریس نے بھی آرامکو پر حملے کی شدید مذمت کی۔
خیال رہے یمن کے حوثی باغیوں نے ہفتے کوآئل کمپنی آرامکو پر حملوں کی ذمہ داری قبول کی تھی، ڈرون حملوں میں دنیا میں تیل صاف کرنے کا سب سے بڑا کارخانہ بھی متاثر ہوا ہے۔
