Tag: ٹرپ

  • گڈوپاورپلانٹ کے3 یونٹ شدید دھند کے باعث ٹرپ

    گڈوپاورپلانٹ کے3 یونٹ شدید دھند کے باعث ٹرپ

    کشمور: شدید دھند کے باعث گڈو تھرمل پاور ہاؤس میں 3 یونٹ ٹرپ کرگئے جس کے باعث رحیم یارخان، مظفرگڑھ اور دیگرعلاقوں کو بجلی کی فراہمی معطل ہے۔

    تفصیلات کے مطابق شدید دھند کے باعث گڈو تھرمل پاور ہاؤس میں 3 یونٹ ٹرپ کرگئے جس کے باعث سندھ، پنجاب اور بلوچستان کے مختلف اضلاع میں بجلی کی فراہمی معطل ہے۔

    گڈو تھرمل ذرائع کے مطابق یونٹ نمبر14،15،16 بند ہوگئے ہیں جس کے باعث بجلی کی فراہمی معطل ہوگئی ہے۔

    ذرائع کا کہنا ہے کہ دھند کم ہونے کے بعد یونٹ کو بحال کردیا جائے گا جس کے بعد متاثرہ علاقوں کو معمول کے مطابق بجلی فراہم کی جائے گی۔

    یاد رہے کہ گزشتہ روز بھی دھند کے باعث 4 پاور پلانٹس گدو، بلوکی، نشاط اور نشاط چونیاں پاور پلانٹس ٹرپ کر گئے تھے جس سے مجموعی طور پر 2500 میگا واٹ بجلی کے شارٹ فال کا سامنا رہا۔

    واضح رہے کہ پنجاب کے میدانی علاقوں، بالائی سندھ اور پشاور ڈویژن میں دھند پڑنے کا سلسلہ جاری ہے جبکہ ملک کے دیگر حصوں میں خشک سردی کی لہر برقرار ہے۔

  • کراچی میں ہلکی بارش‘ کےالیکٹرک کی ٹرانسمیشن لائن ٹرپ کرگئی

    کراچی میں ہلکی بارش‘ کےالیکٹرک کی ٹرانسمیشن لائن ٹرپ کرگئی

    کراچی : شہر قائد میں ہلکی بارش کے بعد کے الیکٹرک کی ٹرانسمیشن لائن ٹرپ کرگئی، شہر کے بیشترعلاقوں میں بجلی کی فراہمی معطل ہوگئی۔

    تفصیلات کے مطابق کراچی کو بجلی فراہم کرنے والے ادارے کے الیکٹرک کی ٹرانسمیشن لائن ٹرپ ہونے کے باعث شہر کے بیشترعلاقے بجلی سے محروم ہوگئے۔

    کے الیکٹرک کی ٹرانسمیشن لائن ٹرپ ہونے سے ڈیفنس، کلفٹن، گارڈن، کھارادار، گلستان جوہر، گلشن اقبال، طارق روڈ، سولجربازار میں بجلی کی فراہمی معطل ہوگئی۔

    ناظم آباد، بہادرآباد، کورنگی، صدر، لانڈھی، کے علاقے بھی متاثرہ علاقوں میں شامل ہیں، بجلی نہ ہونے کے باعث شہریوں کو شدید مشکلات کا سامنا ہے۔

    ترجمان کے الیکٹرک کا کہنا ہے کہ ٹرانسمیشن لائن ٹرپ ہونے کے باعث شہر میں بجلی کی فراہمی معطل ہوئی، متاثرہ علاقوں میں بجلی کی بحالی کا عمل تیزی سے جاری ہے۔