سڑک پر علی الصباح ٹرک کے الٹنے کے بعد ہر طرف فرنچ فرائز کا ڈھیر لگ کیا، واقعے کی ویڈیو سوشل میڈیا پر وائرل ہوگئی۔
مذکورہ واقعہ امریکی ریاست کیلیفورنیا کے شہر لاس اینجلس میں پیش آیا ، جہاں علی الصباح ہائے پر ٹرک الٹ گیا جو کہ فرنچ فرائز کے باکسز سے بھرا ہوا تھا، ٹرک کا الٹنا تھا کہ ہر طرف فرنچ فرائز ک ڈھیر لگ گیا جبکہ حادثے کی وجہ سے شاہراہ پر ٹریفک بھی جام ہوگیا۔
کیلیفورنیا ہائی وے پر پیٹرولنگ کرنے والے حکام نے بتایا کہ اسٹیڈیم وے کے قریب ساؤتھ باؤنڈ 5 فری وے پر ٹرک صبح 3 بج کر 20 منٹ پر حادثے کا شکار ہوا۔
حکام کا کہنا تھا ک ہٹرک میں چوں کہ بڑی تعداد میں فرنچ فرائز کے باکس موجود تھے اس لیے درجنوں باکسز سڑک پر گرپڑے اور سڑک پر فرنچ فرائز کا انبار نظر آیا، تاہم حادثے منیں کسی کے زخمی ہونے کی اطلاع نہیں ملی۔
صبح پیش آنے والے واقعے کے بعد ہائی وے پر ٹریفک کی روانی میں خلل واقع ہوا جبکہ عملے نے فری وے کو صاف کرنے کے لیے خدمات انجام دیں، صبح 11:15 بجے تک ٹریفک کی دونوں لین کو دوبارہ کھول دیا گیا۔
