Tag: ٹریفک جام

کراچی: آئی جی سندھ ڈاکٹر کلیم امام نے پاک سری لنکا سیریز کے دوران سڑکوں پر ٹریفک جام کے حوالے سے عوامی ردِ عمل پر ناراضی کا اظہار کر دیا۔

تفصیلات کے مطابق آئی جی سندھ نے کہا ہے کہ مسائل ہوں تو ان کے حل پر فوکس کرنا چاہیے، چھوٹے چھوٹے واقعات پر ٹویٹ کرنا شروع کر دیتے ہیں، غلطی ہوتی ہے لیکن بنا پروف کے سوشل میڈیا پر پروپیگنڈہ شروع ہو جاتا ہے۔

ڈاکٹر کلیم کا کہنا تھا ہم دباؤ میں نہیں ہیں، اپنا کام کر رہے ہیں اور کرتے رہیں گے، ٹریفک جام کے مسائل کچھ تو سڑکوں کی وجہ سے بھی ہے، شہر میں 15 سو موٹر سائیکلیں رجسٹر ہو رہی تھیں، اب کرائسز کی وجہ سے 3 سو ہو رہی ہیں، جب 15 سو موٹر سائیکلوں کا روزانہ اضافہ ہوگا تو ٹریفک کا کیا حال ہوگا۔

تازہ ترین:  تیسرا ون ڈے: سری لنکا کا پاکستان کے خلاف ٹاس جیت کر بیٹنگ کا فیصلہ

انھوں نے کہا ہم نے پی ایس ایل کے میچز کو کام یاب کرایا، اب بھی پاک سری لنکا سیریز کے لیے تمام سہولیات فراہم کی گئی ہیں، ہمارا ہیومن رائٹ سیل، شکایتی مراکز کام کر رہے ہیں، کوشش ہے گریجوٹ آفیسرز کو بڑھایا جائے۔

واضح رہے کہ شہر قائد میں پاکستان اور سری لنکا کے مابین ون ڈے میچز پر مشتمل کرکٹ سیریز جاری ہے، آج سیریز کا آخری میچ نیشنل اسٹیڈیم میں کھیلا جا رہا ہے، جس کے لیے انتظامیہ نے سیکورٹی کے سخت انتظامات کر رکھے ہیں۔

سیکورٹی انتظامات کی وجہ سے کراچی کی مرکزی شاہراہوں پر ٹریفک جام کا بھی شدید مسئلہ پیدا ہوا ہے جس کے باعث شہری پریشانی میں مبتلا ہیں۔

کراچی: شہر قائد میں بارشوں کا چوتھا اسپیل شروع ہو چکا ہے جس کی وجہ سے شہریوں کو شدید ترین مسائل کا سامنا کرنا پڑ رہا ہے۔

تفصیلات کے مطابق کراچی میں بارشوں کے چوتھے اسپیل کا آغاز ہو گیا ہے، جس کی وجہ سے آج شہر کے مختلف علاقوں کی سڑکوں پر شدید ٹریفک جام رہا، کورنگی سمیت بیش تر شاہ راہوں پر سگنل بند اور ٹریفک پولیس غائب رہی۔

کورنگی صنعتی ایریا میں سیکڑوں گاڑیاں گھنٹوں سے پھنسی رہیں، بروکس چورنگی، قیوم آباد چورنگی، کورنگی کراسنگ، جام صادق پل، کورنگی کاز وے، کورنگی ایکسپریس وے، نرسری اور ٹیپو سلطان پل پر شدید ٹریفک جام رہا۔

لیاقت آباد، سخی حسن، کے ڈی اے چورنگی، سولجر بازار، نشتر روڈ، ملیر کالا بورڈ، کشمیر روڈ اور طارق روڈ پر بھی گاڑیوں کی قطاریں لگ گئیں، نمایش، جہانگیر روڈ، تین ہٹی اور لیاقت آباد میں بھی ٹریفک جام رہا۔

ادھر چیف میٹرولوجسٹ سردار سرفراز نے کہا ہے کہ کراچی میں بارش کا یہ چوتھا اسپیل ہے، شہر میں کل بھی بارش کا امکان ہے، خلیج بنگال میں ہوا کے کم دباؤ کا ایک اور سسٹم بن رہا ہے، جس کی وجہ سے مزید بارش کے ایک سے دو اسپیل کا امکان ہے۔

دوسری طرف محکمہ موسمیات نے صبح 8 بجے سے رات 8 بجے تک کا بارش کا ریکارڈ پیش کرتے ہوئے کہا ہے کہ لانڈھی میں 18 ملی میٹر، اولڈ ایئر پورٹ پر 5 ملی میٹر بارش ریکارڈ کی گئی۔

موسمیات کے مطابق فیصل بیس پر 13 ملی میٹر، جناح ٹرمینل میں 6.8 ملی میٹر جب کہ یونی ورسٹی روڈ پر 6.5 ملی میٹر بارش ریکارڈ کی گئی ہے۔

کراچی: شہرِ قائد میں اپوزیشن جماعتوں کی جانب سے یوم سیاہ کے موقع پر جلسے کے انعقاد کی وجہ سے مختلف علاقوں میں بد ترین ٹریفک جام ہو گیا ہے۔

تفصیلات کے مطابق کراچی میں اپوزیشن جماعتوں کے جلسے کی وجہ سے شارع فیصل، شاہراہ قائدین اور کشمیر روڈ کے اطراف ٹریفک جام ہو گیا ہے، جس کی وجہ سے عوام کو شدید پریشانی کا سامنا ہے۔

جلسے کی وجہ سے گرومندر، گارڈن، سولجر بازار، لیاقت آباد، سوک سینٹر کے اطراف میں ٹریفک جام کے ساتھ ساتھ ایم اے جناح روڈ، جیل چورنگی، صدر، پیپلز چورنگی، جمشید روڈ اور لکی اسٹار پر بھی شدید ٹریفک جام ہے۔

اپوزیشن کے جلسے کے باعث نیو پریڈی اسٹریٹ، دادا بھائی، جہانگیر روڈ، ناراجن روڈ پر بھی ٹریفک جام ہے۔

یہ بھی پڑھیں:  نوازشریف سے جیل میں اے سی اور ٹی وی کی سہولت واپس لے لی گئی

ٹریفک جام میں گھنٹوں سے پھنسی سیکڑوں گاڑیوں کا ایندھن بھی ختم ہو چکا ہے، جن میں ایمبولینسز بھی شامل ہیں، ٹریفک جام کی بڑی وجہ اپوزیشن جماعتوں کی مختلف علاقوں میں ریلیاں ہیں۔

کئی گھنٹوں سے سڑکوں پر پھنسے شہری بری طرح رُل گئے ہیں، جن میں خواتین اور بچے بھی شامل ہیں جن کا برا حال ہو چکا ہے۔

واضح رہے کہ آج 25 اکتوبر کی مناسبت سے جب کہ پاکستان تحریک انصاف کی حکومت کا ایک سال پورا ہو گیا ہے، اپوزیشن کی جانب سے ملک بھر کے بڑے شہروں میں ریلیاں اور جلسے منعقد کیے گئے اور آج کے دن کو یوم سیاہ کے طور پر منایا۔