کراچی: شاہراہ فیصل پراسٹارگیٹ سے ڈرگ روڈ تک گھنٹوں ٹریفک جام رہنے سےگاڑیوں کی قطاریں لگ گئیں، جس سے لوگوں کو شدید مشکلات کا سامنا رہا۔
کراچی میں ٹریفک جام کا مسئلہ پُرانا ہے لیکن حل کوئی نہیں، ٹریفک جام شہریوں کیلئے مشکلات کھڑی کر دیتا ہے، شاہراہ فیصل پر اسٹار گیٹ سے ڈرگ روڈ تک بد ترین ٹریفک جام رہا، صبح آٹھ بجے دفاتر پہنچنے والے لوگ کئی کئی گھنٹے تاخیر سے پہنچے۔
ٹریفک جام کے دوران ٹریفک اہلکار غائب رہے اور شہری پھنسے رہے کئی گھنٹوں تک شاہراہ فیصل پر گاڑیاں انتہائی سست رفتاری سے چلتی رہیں، منٹوں کا سفر گھنٹوں میں طے ہوا۔
بڑی گاڑیوں والے ٹریفک میں پھنسے ایک دوسرے کا منہ تکتے رہے جبکہ چھوٹی گاڑی والے جگہ ملنے کی تگ و دو کرتے رہے۔
