Tag: ٹریفک جرمانہ

ریاض: سعودی محکمہ ٹریفک نے بتایا ہے کہ ڈرائیونگ کے دوران جرمانے سے بچتے ہوئے لین کیسے تبدیل کر سکتے ہیں؟

تفصیلات کے مطابق سعودی محکمہ ٹریفک نے ڈرائیورز کو لین کی پابندی کی اہمیت واضح کرتے ہوئے کہا ہے کہ اس کی خلاف ورزی پر خود کار نظام کے تحت جرمانہ ہوگا۔

محکمے کا کہنا ہے کہ لین کی تبدیلی سے قبل قاعدوں اور ضابطوں کی پابندی کی جائے، یہ اپنی اور دوسرے لوگوں کی سلامتی کے لیے ضروری ہے۔

محکمے کے مطابق لین کی تبدیلی سے پہلے اس بات کا یقین کر لینا ضروری ہے کہ اس سے خود ڈرائیور اور دوسرے مسافروں کی سلامتی محفوظ رہے گی۔

محکمے نے بتایا کہ لین کیسے تبدیل کریں کہ جرمانہ نہ ہو، اس سلسلے میں بتایا گیا کہ لین تبدیل کرنے سے مناسب وقت پہلے انڈیکیٹر دینا ضروری ہے، یہ بھی دیکھنا چاہیے کہ جس لین کی طرف منتقل ہو رہے ہیں وہ گاڑیوں سے خالی ہے۔

محکمے کے مطابق اس بات کو بھی دیکھنا ہوگا کہ جس لین کی طرف منتقل ہونے جا رہے ہیں وہاں گاڑی چلانے میں کوئی ممانعت تو نہیں نہ ہی وہاں چلنے پر کوئی ٹریفک خلاف ورزی ہے۔

واضح رہے کہ ریاض، جدہ اور دمام کی سڑکوں پر لین کی پابندی نہ کرنے والوں کی خلاف ورزیوں کا اندراج خود کار نظام کے ذریعے ہوگا۔ جو ڈرائیور لین کی پابندی نہیں کریں گے ان پر ٹریفک کو معطل کرنے اور راہ گیروں کی زندگیوں کو خطرات سے دوچار کرنے کی خلاف ورزیاں ریکارڈ کی جائیں گی۔

ریاض: آپ سعودی عرب کی سڑکوں پر گاڑی چلا رہے ہوں اور اس دوران پیٹرول کی ٹینکی میں فیول ایک خاص مقدار سے کم ہو جائے تو کیا ٹریفک جرمانے کا سامنا کرنا پڑے گا؟

اس پریشان کن سوال کا جواب محکمہ ٹریفک نے اپنے ٹویٹر اکاؤنٹ کے ذریعے دے دیا ہے، ایک شہری نے سوال کیا تھا کہ کیا گاڑی میں پیٹرول کم ہو جانے پر ٹریفک جرمانہ ہوگا؟

سبق ویب سائٹ کے مطابق محکمہ ٹریفک نے سوال کا جواب دیتے ہوئے کہا ’گاڑی میں پیٹرول کی مقدار کے حوالے سے ٹریفک قوانین میں کوئی وضاحت موجود نہیں۔‘

محکمہ ٹریفک کا یہ جواب خاصا حوصلہ افزا تھا، محکمے نے یہ بھی کہا کہ ٹینکی میں ایک چوتھائی سے کم مقدار پیٹرول رہ جانے پر جرمانہ نہیں ہوتا۔

سعودی محکمہ ٹریفک کی ٹریفک قوانین کے حوالے سے وضاحت

دراصل اس حوالے سے سوشل میڈیا پر ایک ویڈیو وائرل ہوئی تھی، ایک شہری نے ویڈیو اپ لوڈ کی جس میں اس نے شکایت کی کہ گاڑی میں پیٹرول کم ہو جانے پر انھیں ٹریفک جرمانہ ہوا ہے۔

ٹویٹر پر شیئر ہونے والی ویڈیو میں شہری نے دعویٰ کیا تھا کہ ان کی گاڑی میں پیٹرول ایک چوتھائی سے کم تھا جس پر انھیں 150 ریال کا جرمانہ کیا گیا۔

شہری نے یہ بھی کہا تھا کہ اگر ٹریفک جرمانے سے بچنا ہے تو گاڑی کی ٹینکی کم سے کم آدھی فُل ہونی چاہیے۔