Tag: ٹریفک حادثات
-
ملک کے مختلف شہروں میں دھند کا راج برقرار
ملک کے مختلف شہروں میں شدید دھند کا راج ہے، حد نگاہ انتہائی کم ہونے کے باعث ٹریفک حادثات میں چار افراد جان سے ہاتھ دھو بیٹھے۔
لاہور سمیت پنجاب کے مختلف شہروں میں شدید دھند کے ڈیرے ہیں، شدید دھند کے باعث موٹروے پر حد نگاہ صفر ہوگئی ہے، جس کے بعد موٹروے کو پشاور سے صوابی تک ہر قسم کی ٹریفک کے لئے بند کردیا گیا ہے، شدید دھند کے باعث ٹریفک حادثات میں بھی اضافہ ہوگیا ہے۔
خانیوال میں موٹر سائیکل اور ٹرک میں تصادم میں دس طلبہ شدید زخمی ہوگئے، حویلی لکھا میں بس نے موٹر سائیکل کو ٹکر مار دی، جس کے نتیجے میں تین طالبعلم شدید زخمی ہوئے، نارنگ روڈ اور فیروز پور روڈ پر ٹریفک حادثات میں پندرہ افراد زخمی ہوگئے، جنہیں طبی امداد کے لئے اسپتال منتقل کردیا گیا۔
وٹر وے حکام نے عوام کو سفر کیلئے جی ٹی روڈ استعمال کرنے کی ہدایت کی ہے، ٹریفک حکام کا کہنا ہے کہ ڈرائیورز دھند میں فوگ لائٹس آن رکھیں اور احتیاط سے ڈرائیونگ کریں ۔
-
پنجاب میں شدید دھند:ٹریفک حادثات میں چھ افراد جاں بحق
پنجاب کےمختلف شہروں میں شدید دھند کا راج ہے ۔ حد نگاہ انتہائی کم ہونے کے باعث ٹریفک حادثات میں چھ افراد جان سے ہاتھ دھو بیٹھے۔ لاہور سمیت پنجاب کے مختلف شہروں میں شدید دھند کےڈیرے ہیں ،شدید دھند کے باعث لاہور میں حد نگاہ نوے میٹر سے نیچے آگئی۔
علامہ اقبال انٹرنیشنل ائیرپورٹ کوپروازوں کیلئےبند کرنا پڑا۔ جس کے بعد بیرون ملک آمدو رفت کی آٹھ پروازیں تاخیر کا شکار ہوئیں۔ پروازوں کی منسوخی اور تاخیر کے باعث مسافروں کو شدید مشکلات کا سامنا ہے۔
شدید دھند کے باعث لاہور میں ٹریفک حادثات میں چھ ا فراد جان کی بازی ہارگئے جبکہ پندرہ شدید زخمی ہیں۔ لاہور موٹروے کو کئی گھنٹوں بعد چھوٹی گاڑیوں کے لئے کھول دیا گیا ہے ۔شدید دھند کی وجہ سے اب بھی موٹروے پر سفر کرنے والے مسافروں کو شدید مشکلات کا سامنا ہے۔۔
دھند کے باعث سالم کے مقام پر آٹھ گاڑیاں آپس ٹکرا گئیں ۔۔ حادثے میں پانچ افراد زخمی بھی ہوئے ۔۔ ترجمان موٹروے نےمسافروں کو متبادل راستے اختیار کرنے کی ہدایت کی ہے۔ ٹریفک حکام کا کہنا ہے کہ ڈرائیور ز دھند میں فوگ لائٹس آن رکھیں اور احتیاط سے ڈرائیونگ کریں۔
-
دھند کے باعث مختلف ٹریفک حادثات میں 16 افراد زخمی
دھند کے باعث ٹریفک حادثات میں سولہ افراد زخمی ہوگئے، لاہور میں نالے میں گرنے والی کرین کے ڈرائیور کی لاش دو روز کی تلاش کے بعد نکال لی گئی۔
نارووال میں شکرگڑھ روڈ پر وین اور ٹرک کے درمیان تصادم کے نتیجے میں گیارہ افراد شدید زخمی ہوگئے ہیں، ریسکیو ذرائع کے مطابق حادثہ شدید دھند کے باعث حادثہ پیش آیا، جب دھند کے باعث وین ٹرک کے پیچھے والے حصے سے جاکر ٹکرائی، تمام زخمیوں کو قریبی اسپتال منتقل کردیا گیا ہے۔
کوئٹہ سے کراچی آتے ہوئے اوتھل کے مقام پر کار الٹ گئی، جس سے کار میں سوار پانچوں افراد شدید زخمی ہوگئے، ترجمان ایدھی فاونڈیشن کے مطابق زخمیوں کو اوتھل کے سول اسپتال منتقل کردیا گیا ہے۔
دوسری جانب سمن آباد کے نالے میں گرنے والی کرین کےڈرائیور کی لاش دو روز کی تگ و دو بعد نکال کر مردہ خانے منتقل کردی گئی ہے، کرین اتوار کی رات نالے میں گرگئی تھی، ریسکیو ذرائع کے مطابق کرین کا بد قسمت ڈرائیور ساجد سیالکوٹ کا رہائشی تھا۔
