Tag: ٹریفک حادثہ

کراچی (13 اگست 2025): نارتھ ناظم آباد میں اسکول وین کی رکشے کو خوف ناک ٹکر کے باعث شدید طور پر زخمی ہونے والی طالبہ سندس کے چہرے کی آج سرجری ہوگی۔

تفصیلات کے مطابق گزشتہ روز نارتھ ناظم آباد میں فتح پارک کے قریب مین روڈ پر ایک اسکول وین نے رکشے کو ٹکر مار دی تھی، حادثے کے بعد وین ڈرائیور اسکول کے بچوں کو چھوڑ کر فرار ہو گیا تھا، تاہم پولیس نے اسے پکڑ لیا ہے۔

واقعے سے متعلق تھانہ حیدری مارکیٹ میں درج ایف آئی آر کے مطابق حادثے کے وقت ڈرائیور موبائل فون پر بات کر رہا تھا، اور لاپروائی کے ساتھ ایک گلی سے تیز رفتاری کے ساتھ سڑک پر آیا اور رکشے کو زبردست ٹکر مار دی۔

اس حادثے میں زخمی ہونے والی 22 سالہ لڑکی میڈیکل کالج کی طالبہ تھی، بہادر آباد کی رہائشی سندس کو شدید زخمی حالت میں نجی اسپتال منتقل کیا گیا تھا۔ فیملی ذرائع کا کہنا ہے کہ سندس کے ماتھے سے گوشت اکھڑ گیا ہے، اندرونی چوٹیں لگی ہیں، ناک کی ہڈی ٹوٹ گئی ہے، گردن کی ہڈی پر بھی ضرب لگی ہے۔

فیملی کا کہنا ہے کہ سندس کو پورے چہرے پر چوٹیں آئی ہیں، اور جسم کے مختلف حصے بھی متاثر ہوئے، ایک ہاتھ کی انگلی ٹوٹی، پیر پر بھی چوٹیں آئیں۔ فیملی ذرائع کا یہ بھی کہنا ہے کہ سندس کے چہرے کی آج سرجری کی جائے گی۔

فیملی کا کہنا ہے کہ حادثہ وین ڈرائیور کی غفلت کی وجہ سے پیش آیا تھا، وین میں بیٹھے بچے نالے میں گر سکتے تھے اور بڑا نقصان ہو سکتا تھا، اس لیے ڈرائیور کے خلاف قانونی کارروائی کروائیں گے۔

کراچی کی خبریں

کراچی: ناردن بائی پاس، بلدیہ رئیس گوٹھ میں تیز رفتار ٹرک کی ٹکر سے موٹر سائیکل سواروں کے جاں بحق اور زخمی ہونے کے واقعے کی تحقیقات کے سلسلے میں ٹریفک پولیس کی خصوصی تجزیاتی ٹیم نے جائے حادثہ کا دورہ کیا۔

خصوصی ٹیم نے حادثے سے متعلق اہم شواہد اور معلومات حاصل کر لی ہیں، ٹریفک پولیس ٹیم کا کہنا ہے کہ واقعہ ٹرک ڈرائیور کی غفلت اور غلط سمت پر ڈرائیونگ کی وجہ سے پیش آیا۔

ٹریفک ٹیم کے مطابق جس مقام پر حادثہ ہوا وہ موٹر وے کی حدود میں آتا ہے، حادثے کے مقام پر سڑکیں بھی خستہ حالی کا شکار ہیں، موٹر سائیکل سوار افراد ہیلمٹ پہنے ہوئے تھے اور ان کے پاس لائسنس بھی موجود تھے۔

موچکو پولیس نے فرار ٹرک ڈرائیور کی گاڑی کو تحویل میں لے کر حادثے کا مقدمہ درج کر لیا ہے، مقدمہ جاں بحق سرکاری ملازم اشفاق کے بھائی کی مدعیت میں درج کیا گیا، جس میں قتل خطا اور غفلت سے ڈرائیونگ کی دفعات شامل کی گئی ہیں۔

کراچی کی سڑکوں پر دندناتی ہیوی گاڑیوں نے مزید 2 افراد کو کچل ڈالا

پولیس حکام کا کہنا ہے کہ ٹرک ڈرائیور کی گرفتاری کے لیے چھاپے مارے جا رہے ہیں۔

کراچی: اورنگی ٹاؤن سیکٹر 11.5 عزیز نگر میں سوزوکی لوڈر اور موٹر سائیکل میں تصادم کے نتیجے میں 3 بائیک سوار طلبہ زخمی ہو گئے۔

اس ٹریفک حادثے کی سی سی ٹی وی فوٹیج سامنے آ گئی ہے جس سے پتا چلتا ہے کہ واقعہ کس طرح پیش آیا، واضح دیکھا جا سکتا ہے کہ حادثہ رانگ سائڈ سے آنے والی سوزوکی لوڈر کے باعث پیش آیا۔

حادثے میں موٹر سائیکل اور سوزوکی کے درمیان تصادم ہوتے دیکھا جا سکتا ہے، حادثے کے بعد تینوں طلبہ بائیک سے گرتے ہیں، اس واقعے میں سوزوکی میں بیٹھے افراد کو بھی چوٹ لگی۔

حادثے میں سوزوکی اور موٹر سائیکل کو بھی شدید نقصان پہنچا ہے، دو زخمیوں کی شناخت 18 سالہ محمد اسماعیل اور 16 سالہ عبدالرحیم کے ناموں سے ہوئی ہے، دونوں نوجوانوں کو جسم کے مختلف حصوں میں چوٹیں آئی ہیں، جو اسکول یونیفارم میں تھے۔

اسکول جاتے ہوئے 2 لڑکیاں لا پتا ہو گئیں

اگرچہ فوٹیج سے واضح ہے کہ سوزوکی لوڈر غیر قانونی طور پر رانگ سائڈ سے سڑک پر آ رہا تھا، تاہم طلبہ بھی ایک ایسے مقام پر تیز رفتاری سے موٹر سائیکل چلاتے ہوئے آ رہے تھے جہاں انھیں رفتار ہلکی کرنی چاہیے تھی، تھوڑی سی جلد بازی بعض اوقات بڑی تکلیف کا باعث بن جاتی ہے۔

کراچی: شہر قائد میں ایک اور حادثہ پیش آیا ہے، ایک اور زندگی کا چراغ گُل ہو گیا، مسکن چورنگی کے قریب گاڑی تیز رفتاری کے سبب بے قابو کار سڑک کی دوسری جانب بیٹھے لوگوں پر چڑھ دوڑی، ملزم نے انکشاف کیا ہے کہ گاڑی فلسطین یکجہتی ریلی میں شرکت کے لیے کرائے پر لی گئی تھی۔

تفصیلات کے مطابق گلشن اقبال تھانے کی حدود میں ڈسکو بیکری سے مسکن چورنگی کی جانب جانے والی تیز رفتار فارچیونر گاڑی گرین بیلٹ توڑتے ہوئے مخالف سمت میں بیٹھے شہریوں سے جا ٹکرائی، جس سے ایک شخص جاں بحق، 3 زخمی ہوئے، پولیس حکام کا کہنا ہے کہ شہری کی شناخت حنان کے نام سے ہوئی ہے۔

پولیس حکام کے مطابق زخمیوں میں عبدالوحید اور فیضان شامل ہیں، عبدالوحید کے ساتھ سڑک کراس کرتی ان کی اہلیہ محفوظ رہیں، مشتعل شہریوں نے گاڑی کو آگ لگائی، جب کہ ڈرائیور سمیت گاڑی میں سوار 3 افراد گرفتار کر لیا گیا ہے، پولیس نے گاڑی کو آگ لگانے والے متعدد افراد بھی حراست میں لے لیے ہیں۔

پولیس حکام کا کہنا ہے کہ گاڑی میں 6 افراد سوار تھے، تیز رفتاری کے باعث وہ ایک سڑک سے دوسری پر آئی، گاڑی ساجد نامی شخص سے رینٹ پر لی گئی تھی، حادثہ ہوتے ہی 3 افراد گاڑی سے اتر کر فرار ہو گئے۔

پولیس حکام کے مطابق گاڑی جلانے والے 3 افراد زیر حراست ہیں، دیگر کی تلاش جاری ہے، جلائی گئی گاڑی گلشن اقبال تھانے منتقل کر دی گئی ہے، ملزم نے اپنے بیان میں بتایا کہ یہ گاڑی 8 ہزار روپے کرائے پر فلسطین یکجہتی ریلی میں شرکت کے لیے لی تھی، ڈرائیور بشارت نے بتایا کہ اس نے 2024 میں لرنر لائسنس بنوایا تھا۔

دوسری طرف گاڑی جلانے میں ملوث 2 ملزم ریسٹورنٹ ملازم نکلے ہیں، جو جائے وقوعہ کے قریب ریسٹونٹ میں کام کر رہے ہیں، انھیں گرفتار کر لیا گیا ہے، گاڑی جلانے والوں میں ایک طالب علم بھی شامل ہے۔