ARYNews.tv | Urdu – Har Lamha Bakhabar

Tag: ٹریفک حادثہ

  • کراچی میں ایک اور شہری جان لیوا حادثے میں اپنی زندگی گنوا بیٹھا

    کراچی میں ایک اور شہری جان لیوا حادثے میں اپنی زندگی گنوا بیٹھا

    کراچی شارع قائدین پر تیز رفتاری کے باعث ایک اور جان چلی گئی، گذشتہ صبح حادثے کا شکار ہونے والا ڈی ایم سی کا سینٹری ورکر زخموں کی تاب نا لاتے ہوئے دم توڑ گیا۔

    تفصیلات کے مطابق کراچی میں ایک اور شہری جان لیوا حادثے میں اپنی زندگی گنوا بیٹھا، شاہراہ قائدین پر گزشتہ روز کار کی ٹکر سے زخمی شہری اسپتال میں دم توڑ گیا۔

    پولیس نے نامعلوم شخص کے خلاف قتل بالسبب کے تحت مقدمہ درج کر لیا، مقدمے کے متن کے مطابق جاں بحق سردار مسیح ڈی ایم سی پٹیل پاڑہ کا سینٹری ورکر تھا۔

    بیٹے کا کہنا ہے کہ شاہراہ قائدین سگنل پر میرے والد موٹر سائیکل پر جارہے تھے، تیز رفتار گاڑی نے ٹکر ماری اور کار سمیت فرار ہوگیا، ساتھی ورکر نے ایمبولینس کے ذریعے والد کو اسپتال منتقل کیا۔

    بیٹے نے پولیس کو مزید بتایا کہ اسپتال میں والد زخموں کی تاب نہ لاتے ہوئے دم توڑ گئے، پولیس کا کہنا ہے کہ نامعلوم کار ڈرائیور کے خلاف قانونی کارروائی کی جائے گی۔

    واضح رہے کہ شہر قائد میں نئے سال کے صرف 10 دنوں میں مختلف حادثات میں 22 افراد جان سے گئے جبکہ261 زخمی ہوئِے۔

    نئے سال کے ان 10 دنوں میں ٹینکر کی ٹکر سے 5 افراد، ٹریکٹر ٹرالی اور ٹریلر کی ٹکر سے 2 افراد جبکہ بسوں کی ٹکر سے 3 افراد جان سے گئے۔

  • بلوچستان: سال کے پہلے ہفتے میں ٹریفک حادثات میں 10 افراد جاں بحق

    بلوچستان: سال کے پہلے ہفتے میں ٹریفک حادثات میں 10 افراد جاں بحق

    کوئٹہ: سال بدل گیا لیکن بلوچستان میں ٹریفک حادثات میں کمی نہ آ سکی، نئے سال کے پہلے ہی ہفتے ٹریفک حادثات میں 10 افراد جان سے گئے۔

    قومی شاہراہوں پر قائم میڈیکل ایمرجنسی رسپانس سینٹرز کے اعداد و شمار کے مطابق بلوچستان میں 2025 کے پہلے ہفتے میں 438 ٹریفک حادثات رونما ہوئے، جن میں دس افراد جاں بحق ہوئے۔

    اعداد و شمار میں بتایا گیا ہے کہ ساڑھے چار سو کے قریب ٹریفک حادثات 6 قومی شاہراہوں پر یکم سے 7 جنوری تک پیش آئے، جن میں 615 افراد زخمی ہوئے ہیں۔

    ایم ای آر سی کے مطابق سب سے زیادہ 163 ٹریفک حادثات این 50 پر رونما ہوئے ہیں، جب کہ کوئٹہ کراچی قومی شاہراہ این 25 پر 115 حادثات پیش آئے ہیں۔

    واضح رہے کہ 2024 میں کراچی میں ٹریفک حادثات کی شرح کافی زیادہ رہی ہے، مختلف ٹریفک حادثات میں 775 افراد جاں بحق ہوئے، جن میں 602 مرد، 88 خواتین، 62 بچے اور 21 بچیاں شامل تھیں، ٹریفک حادثات میں 8 ہزار 111 افراد زخمی بھی ہوئے، 6 ہزار695 مرد،1 ہزار 58 خواتین، 280 بچے، اور 78 بچیاں زخمیوں میں شامل تھیں۔

  • برازیل میں خوفناک ٹریفک حادثہ: 40 افراد ہلاک

    برازیل میں خوفناک ٹریفک حادثہ: 40 افراد ہلاک

     برازیل میں خوفناک ٹریفک حادثے کے نتیجے میں کم از کم 40 افراد ہلاک ہوگئے، ہلاکتوں میں اضافے کا خدشہ ہے ٹرک چلتی کار کے اوپر جاگرا، تاہم اس میں موجود افراد معجزانہ طور پر بچ گئے۔

    غیر ملکی خبر رساں ادارے کی رپورٹ کے مطابق فائر ڈیپارٹمنٹ نے تصدیق کی ہے کہ مسافروں کی بس اور ٹرک کا تصادم جنوب مشرقی ریاست میناس گیرائس کے قصبے لاژینہ کے قریب پیش آیا۔

    جنوب مشرقی برازیل کی ایک شاہراہ پر ایک مسافر بس اور ٹرک کے تصادم میں کم از کم 40 افراد جان سے گئے ہیں۔

    خبر رساں ادارے ’رائٹرز‘ نے رپورٹ کیا ہے کہ ابتدائی طور پر فائر فائٹرز نے بتایا کہ 45 مسافروں کو لے جانے والی بس کا ٹائر پھٹ گیا، جس کی وجہ سے ڈرائیور کنٹرول کھو بیٹھا اور فیڈرل ہائی وے پر آنے والے ٹرک سے تصادم ہو گیا۔

    13زخمی افراد کو تھیوفیلو اوتونی کے قریبی اسپتالوں میں منتقل کیا گیا ہے۔ بد قسمت بس ساؤ پالو سے روانہ ہوئی تھی اور اس میں 45 مسافر سوار تھے۔

    مذکورہ بس ٹرک سے ٹکرا گئی۔ اس کے ساتھ ساتھ ایک کار بھی بس سے ٹکرا گئی، لیکن اس کار کے تینوں مسافر زندہ بچ گئے۔

    تمام زخمیوں کو جائے وقوعہ سے نکال لیا گیا ہے اور حادثے کی وجوہات جاننے کے لیے مزید تحقیقات کی جا رہی ہیں۔ فائر فائٹرز کا کہنا ہے کہ حادثہ 32 سے 35 جانیں لے گیا۔

    برازیلی میڈیا آؤٹ لیٹ گلوبو کے مطابق، حادثے کے بعد ٹرک ڈرائیور موقع سے فرار ہو گیا، اور پولیس اسے تلاش کر رہی ہے۔

    گلوبو نے فیڈرل ہائی وے پولیس کا حوالہ دیتے ہوئے رپورٹ کیا کہ جس ہائی وے پر حادثہ پیش آیا وہ 2023 میں ملک کی سب سے مہلک ترین سڑک تھی جس میں مختلف حادثات میں 559 اموات ریکارڈ کی گئیں۔ ٹریفک حادثات میں 10,000 سے زائد افراد ہلاک ہوئے۔

  • ٹریفک حادثے میں عفان کی دردناک موت کے مقدمے میں قتل بالسبب کی دفعہ شامل

    ٹریفک حادثے میں عفان کی دردناک موت کے مقدمے میں قتل بالسبب کی دفعہ شامل

    کراچی: شہر قائد کے علاقے لیاقت آباد میں ڈاکخانے پر ٹریفک حادثے میں عفان کی دردناک موت کے مقدمے میں قتل بالسبب کی دفعہ بھی شامل کر دی گئی ہے۔

    سپر مارکیٹ شعبہ تفتیش نے کہا ہے کہ ٹریفک حادثے میں بچے کی ہلاکت کے واقعے پر مقدمے میں قتل بالسبب کی دفعہ شامل کر دی گئی ہے، 6 دسمبر کو لیاقت آباد ڈاکحانے پر ایک ٹرک سے، شادی کی تقریب سے واپس آنے والے 7 سالہ عفان کچل کر جاں بحق ہو گیا تھا۔

    حکام کے مطابق حادثے میں ٹرک نے موٹر سائیکل سوار دو خاندانوں ٹکر ماری تھی، اس حادثے میں بچہ جاں بحق، جب کہ اس کے چچا اور چچی شدید زخمی ہوئے تھے، جس پر 7 دسمبر کو سپر مارکیٹ تھانے میں مقدمہ درج کیا گیا تھا۔

    تفتیشی حکام کے مطابق حادثے کے ذمہ دار ٹرک ڈرائیور کے ساتھ ساتھ غفلت برتنے پر ٹرک کے مالک کو بھی مقدمے میں نامزد کیا گیا ہے، ٹرک ڈرائیور بغیر لائسنس ٹرک چلا رہا تھا، اور مالک کے علم میں ہونے کے باوجود ٹرک کے مالک نے ڈرائیور کو ٹرک چلانے کی اجازت دی تھی۔

    ٹرک کی ٹکر سے جاں‌ بحق عفان کے حادثے کی دردناک فوٹیج سامنے آ گئی

    ادھر کراچی کے ایک اور علاقے منگھوپیر ناردرن بائی پاس پر بھی ٹرک اور گاڑی میں ٹکر کے باعث دو نوجوان جاں بحق ہو گئے ہیں، جن میں ایک کی شناخت 20 سالہ سجاد اور دوسرے کی شناخت 20 سالہ عباس کے نام سے ہوئی ہے، پولیس کے مطابق نوجوان سجاد بلدیہ سوات کالونی کا رہائشی تھا، حادثے کے بعد ٹرک ڈرائیور فرار ہو گیا تھا تاہم ٹرک کو تحویل میں لے لیا گیا ہے۔

    ادھر کراچی پولیس کی جانب سے ہیوی ٹریفک کے کوائف کی جانچ پڑتال کا عمل شروع کر دیا گیا ہے، کراچی ڈمپر ایسوسی ایشن نے ڈی آئی جی ٹریفک کو خط لکھ کر درخواست کی ہے کہ ڈمپر ڈرائیورز کے لائسنس کی تجدید کے لیے وین سہولت فراہم کی جائے، تنظیم کا کہنا تھا کہ ڈرائیونگ لائسنس دفتروں میں رش ہے اور ڈمپر ڈرائیونگ ٹیسٹ بھی ممکن نہیں ہے، اس لیے مناسب جگہ پر وین کی سہولت فراہم کی جائے۔

    اس سلسلے میں ایڈیشنل آئی جی کراچی نے ایسوسی ایشن کے رہنماؤں سے ملاقات کی تھی اور تمام ڈمپر اور ٹرک ڈرائیورز کے درست لائسنس یقینی بنانے کی ہدایت کی تھی۔

  • ٹرک کی ٹکر سے جاں‌ بحق عفان کے حادثے کی دردناک فوٹیج سامنے آ گئی

    ٹرک کی ٹکر سے جاں‌ بحق عفان کے حادثے کی دردناک فوٹیج سامنے آ گئی

    کراچی: لیاقت آباد ڈاکخانے پر ٹرک کی ٹکر سے جاں‌ بحق عفان کے حادثے کی دردناک فوٹیج سامنے آ گئی ہے۔

    لیاقت اباد ڈاکخانے پر 6 دسمبر کو ٹرک کی ٹکر سے 7 سالہ بچے مطوف عفان کے جاں بحق ہونے کا واقعہ پیش آیا تھا، پولیس نے اس واقعے کی سی سی ٹی وی فوٹیج حاصل کر لی ہے۔

    چھ دسمبر کو شادی کی تقریب سے واپسی پر سات سالہ عفان اپنے چچا کے ساتھ موٹر سائیکل پر سوار تھا، سی سی ٹی وی فوٹیج میں ٹرک کو ناظم آباد سے لیاقت آباد ڈاکخانے کی طرف آتے ہوئے دیکھا جا سکتا ہے۔

    عفان

    ٹرک نے پہلے ایک موٹر سائیکل اور پھر دوسری موٹر سائیکل کو روند ڈالا، اس حادثے میں موٹر سائیکل ٹرک کے نیچے چلی گئی اور سات سالہ عفان ٹائروں تلے بری طرح کچلا گیا۔

    کراچی کی سب سے بڑی شاہراہ پر ٹریفک جام، پولیس واٹر ٹینکر کے خلاف ایف آئی آر نہ کاٹ سکی

    عفان کے چچا
    عفان کے زخمی چچا، اور گرفتار ٹرک ڈرائیور محمد جمن

    مطوف عفان اپنے چچا اور چچی کے ساتھ موٹر سائیکل پر سوار تھا، فوٹیج میں حادثے کے بعد چچا کو زخمی حالت میں سڑک سے اٹھتے ہوئے دیکھا جا سکتا ہے۔

  • کراچی میں ہر دوسرا حادثہ جان لیوا ثابت ہونے لگا، پولیس چیف نے پلان بنا لیا

    کراچی میں ہر دوسرا حادثہ جان لیوا ثابت ہونے لگا، پولیس چیف نے پلان بنا لیا

    کراچی میں ہر دوسرا حادثہ جان لیوا ثابت ہونے لگا ہے، جس کے بعد کراچی پولیس چیف نے سنجیدگی سے نوٹس لیتے ہوئے پہلے مرحلے میں آگاہی مہم چلانے کا اعلان کیا ہے اور دوسرے مرحلے میں ایکشن شروع ہوگا۔

    جاوید عالم اوڈھو کے مطابق شہر میں اب اسٹریٹ کرمنلز زیادہ تعداد میں پکڑے اور مارے جانے لگے ہیں، لیکن شہری ان سے بچے تو بدقسمتی سے ٹریفک حادثات کا شکار ہونے لگے ہیں، جس کے بعد ایک نیا محاذ کھل گیا ہے۔

    کراچی پولیس چیف کے مطابق ٹریفک حادثات میں قیمتی انسانی جانوں کا ضیاع ہو رہا ہے، اس سال 900 کے قریب حادثات ہوئے جن میں 50 فی صد سے زائد حادثات جان لیوا رہے۔ پولیس چیف کے مطابق 57 فی صد حادثات موٹر سائیکل سواروں کے ساتھ پیش آئے، 75 فی صد موٹر سائیکل سوار ہیلمٹ نہیں پہنتے۔

    کراچی کی سب سے بڑی شاہراہ پر ٹریفک جام، پولیس واٹر ٹینکر کے خلاف ایف آئی آر نہ کاٹ سکی

    جاوید عالم اوڈھو کے مطابق کراچی میں 65 لاکھ گاڑیاں ہیں، جس میں 42 لاکھ موٹر سائیکلیں ہیں، بڑی تعداد میں شہری بالخصوص نوجوان بغیر لائسنس گاڑی چلاتے ہیں۔

    پولیس نے اس سال 7 ہزار سے زائد ڈرائیوز کو گرفتار کیا، آخری 2 ماہ غلط ڈرائیونگ کرنے پر پونے 400 مقدمات درج کیے، مقدمات کے اندراج اور جرمانوں کی رقم میں اضافہ کیا جا رہا ہے، جاوید عالم اوڈھو نے کہا کہ کچھ عرصہ تو یہ مہم چلائیں گے پھر اس کے بعد سختی ہوگی۔

  • ’’شاہ میر 13 سال بعد پیدا ہوا تھا‘‘ 6 ماہ کے بچے کی دردناک موت پر والد نے دل کا درد ظاہر کر دیا

    ’’شاہ میر 13 سال بعد پیدا ہوا تھا‘‘ 6 ماہ کے بچے کی دردناک موت پر والد نے دل کا درد ظاہر کر دیا

    کراچی: ’’شاہ میر 13 سال بعد پیدا ہوا تھا‘‘ ٹریفک حادثے میں 6 ماہ کے بچے کی دردناک موت پر والد نے دل کا درد ظاہر کر دیا۔

    تفصیلات کے مطابق کراچی کے علاقے کورنگی، ناصر کالونی میں ٹریفک حاثے کے نتیجے میں 6 ماہ کے بچے کے جاں بحق ہونے کا درد ناک واقعہ پیش آیا تھا، 22 وہیلر کے نیچے کچل کر جاں بحق ہونے والا چھ ماہ کا بچہ والدین کا اکلوتا اور 13 سال بعد پیدا ہوا تھا۔

    بچے شاہ میر کے والد نے اے آر وائی نیوز سے گفتگو میں درد ناک واقعے سے متعلق بتایا۔ جاں بحق بچے کے والد عبدالحمید نے ٹریفک اہل کاروں اور ضلعی انتظامیہ کو قصور وار قرار دیا اور کہا ’’حادثہ ناصر کالونی میں ہفتے کو پیش آیا تھا، شاہ میر تیرہ سال بعد پیدا ہوا تھا جو میری اکلوتی اولاد تھا، ہم سردیوں کے کپڑے لینے جا رہے تھے۔‘‘

    عبد الحمید نے کہا ’’سڑک خراب تھی، جس کے باعث میری بائیک نے توازن کھو دیا، اور میرا بیٹااپنی والدہ کی گود سے گر گیا، اور عقب سے آنے والا ٹریلر بیٹے کے اوپر چڑھ گیا۔‘‘

    بچے کے والد کا کہنا تھا کہ ایک تو سڑک خراب تھی اور دوسرا یہ کہ ہیوی ٹریفک کو چھوڑا گیا تھا، کچھ پیسوں کی خاطر ٹریفک والے ہیوی ٹریفک چھوڑ دیتے ہیں، انھوں نے یہ بھی کہا کہ جتنی سڑک نہیں ہے، اس سے زیادہ رقبے پر نرسری بنائی گئی ہے، جب کہ جائے حادثہ کے قریب مکینک نے بھی آدھی سڑک پر گاڑیاں کھڑی کر رکھی ہیں، اور لوگ سارا دن اس سڑک پر رانگ وے سے بھی آتے رہتے ہیں۔

  • خوفناک ٹریفک حادثہ : ایم بی بی ایس کے 5 نوجوان طلبہ کی دردناک موت

    خوفناک ٹریفک حادثہ : ایم بی بی ایس کے 5 نوجوان طلبہ کی دردناک موت

    بھارت میں کار اور بس کے درمیان ہونے والے خوفناک تصادم کے نتیجے میں ایم بی بی ایس کے 5 طالب علم جان کی بازی ہار گئے، حادثہ تیز بارش اور تیز رفتاری کے باعث پیش آیا۔

    بھارتی ریاست کیرالہ کے ضلع الاپوژا میں گزشتہ رات ایک کار اور مسافر بس کے درمیان تصادم میں ایم بی بی ایس سال اوّل کے پانچ طلباء کی موت واقع ہوگئی۔

    بھارتی میڈیا رپورٹ کے مطابق حادثے کے وقت بس میں 15 مسافر اور کار میں 6 طالب علم سوار تھے، جن میں سے 6 افراد زخمی بھی ہوئے، ہلاک ہونے والے تمام طلباء کی عمریں 19 سال تھیں۔

    اس حوالے سے پولیس حکام کا کہنا ہے کہ حادثہ گذشتہ رات اس وقت پیش آیا جب تیز بارش ہو رہی تھی تیز رفتار مسافر بس نے کار کو زوردار ٹکر مار دی۔

    اطلاع ملتے ہی پولیس اور امدادی ٹیموں نے ہلاک اور زخمی ہونے والوں کو اسپتال پہنچایا، حادثے کے بعد 3 طلباء نے موقع پر ہی جان دے دی جبکہ دو طلباء نے اسپتال پہنچ کر دوران علاج دم توڑ دیا۔

    واقعہ کے بعد قومی شاہراہ پر ٹریفک کا نظام درہم برہم ہوگیا۔ پولیس نے حادثے کا شکار ہونے والی گاڑیوں جائے حادثہ سے ہٹوا کر راستہ کلیئر کروایا۔

  • پی پی رہنما سابق رکن قومی اسمبلی سید علی حسن گیلانی ٹریفک حادثے میں جاں بحق

    پی پی رہنما سابق رکن قومی اسمبلی سید علی حسن گیلانی ٹریفک حادثے میں جاں بحق

    بہاولپور: پیپلز پارٹی کے رہنما اور سابق رکن قومی اسمبلی سید علی حسن گیلانی ٹریفک حادثے میں جاں بحق ہو گئے۔

    تفصیلات کے مطابق اوچ شریف میں نبی پور کے قریب ٹریفک حادثے میں سابق رکن قومی اسمبلی 52 سالہ مخدوم سید علی حسن گیلانی سمیت 2 افراد جاں بحق ہو گئے۔

    حادثہ سڑک پر کھڑے منی ٹرک کو تیز رفتار کار کی ٹکر لگنے سے پیش آیا، پیپلز پارٹی کے ڈویژنل جرنل سیکریٹری مخدوم سید علی حسن گیلانی ساتھیوں کے ہمراہ احمد پور شرقیہ سے اوچ شریف آ رہے تھے۔

    کار میں سوار 3 زخمیوں کی حالت نازک بتائی جاتی ہے، لاشوں اور زخمیوں کو اسپتال منتقل کر دیا گیا ہے، دوسرے جاں بحق شخص کی شناخت 57 سالہ محمد اکبر کے نام سے ہوئی ہے، جب کہ زخمیوں میں 30 سالہ سلطان، 45 سالہ حنیف اور 55 سالہ جند وڈا شامل ہیں۔

    حادثے میں جاں بحق ہونے والے مخدوم سید علی حسن گیلانی پاکستان پیپلز پارٹی کے ٹکٹ پر 2 بار ایم این اے منتخب ہوئے تھے۔ مرحوم فروری 2024 کے انتخابات میں بھی پاکستان پیپلز پارٹی کے ایم این اے کے امیدوار تھے، جب کہ سابق وزیر اعظم یوسف رضا گیلانی کے قریبی رشتے دار بھی تھے۔

  • شمالی وزیرستان میں ٹریفک حادثہ : پاک فوج کے بروقت ریسکیو آپریشن کی وجہ سے قیمتی جانیں بچ گئیں

    شمالی وزیرستان میں ٹریفک حادثہ : پاک فوج کے بروقت ریسکیو آپریشن کی وجہ سے قیمتی جانیں بچ گئیں

    شمالی وزیرستان : خیبرپختونخوا کے قبائلی ضلع شمالی وزیرستان میں پاک فوج نے بروقت ریسکیو آپریشن کرتے ہوئے قیمتی جانوں کو بچا لیا، بس حادثے میں ایک شخص جاں بحق اور 10مسافر زخمی ہوئے تھے۔

    تفصیلات کے مطابق شمالی وزیرستان میں ٹریفک حادثہ پیش آیا، جہاں سیدگئی کے قریب مسافر کوچ کھائی میں گرگئی تھی، بس حاثے میں ایک شخص جاں بحق اور 10مسافر زخمی ہوئے۔

    حادثے کے بعد پاک فوج نے فوراًریسکیو آپریشن کرتےہوئےزخمی مسافروں کوکھائی سے نکالا، پاک فوج نےطبی امداد دینے میں ریسکیو اداروں کی مددکی،زخمیوں کو اسپتال پہنچایا۔

    اطلاع پر پاک فوج کا ریسکو اینڈپیرامیڈیکل اسٹاف جائے حادثہ کی طرف روانہ کیا گیا، پیرا میڈیکل اسٹاف نےزخمیوں کوابتدائی طبی امدادکےبعدڈی ایچ کیو اسپتال بنوں روانہ کیا۔

    امدادی کارروائی میں پاک فوج کے ساتھ ریسکو 1122 کی ٹیم بھی موجود تھی، علاقے کے لوگوں نے بروقت ریسکیو آپریشن اورامدادپر پاک فوج کاشکریہ ادا کیا۔