Tag: ٹریفک قوانین

کراچی : آئی جی سندھ غلام نبی میمن نے ٹریفک قوانین کی خلاف ورزی کرنے والے افسران و اہلکاروں کے خلاف سخت ایکشن لینے کی ہدایات جاری کردی۔

تفصیلات کے مطابق آئی جی سندھ غلام نبی میمن کی جانب سے پورے سندھ پولیس کو سخت ہدایت نامہ جاری کردیا گیا، ٹریفک قوانین کی پابندی اب صرف شہری نہیں پولیس افسران واہلکار بھی کریں گے۔

جس میں خلاف ورزی کرنے والے افسر و اہلکار کے خلاف کارروائی کا حکم دیا گیا ہے۔

ہدایت نامے میں کہا گیا ہے کہ مشاہدے میں بات آئی ہے بہت سے پولیس افسران و اہلکار ٹریفک قوانین پرعمل نہیں کرتے، سندھ پولیس کے تمام ممبران ٹریفک قوانین پر مکمل عمل کریں، کوئی بھی پولیس افسر،اہلکار کسی بھی قیمت پر ٹریفک سگنلز کی خلاف ورزی نہ کرے۔

غلام بنی میمن کا کہنا تھا کہ موٹر سائیکل پر سفر کرنے والے پولیس افسران،اہلکار ہمیشہ ہیلمٹ پہنیں ساتھ ہی تمام پولیس افسران اہلکار اپنی سرکاری اور نجی گاڑیوں پراصل نمبر پلیٹس لگائیں۔

ہدایت نامے میں کہا ہے کہ کسی افسر اہلکار کی پرائیویٹ گاڑیوں پرٹنٹڈ شیشے، فلیش لائٹس، ہوٹر نہیں ہونا چاہیے، کوئی بھی پولیس افسریا اہلکار لین ڈسپلن کی خلاف ورزی نہ کرے، جس کے پاس درست لائسنس نہ ہو اسےگاڑی چلانے کی اجازت نہیں۔

تمام سینئر کمانڈ، حتیٰ کہ ایس ایچ او کے عہدے تک کو ہدایت جاری کردی گئی، جس میں کہا کہ اپنے انڈر کمانڈ کو آئی جی پی کی اس ہدایات کے بارے میں بریف کریں۔

ڈی آئی جی پی ٹریفک کو ٹریفک قوانین کی خلاف ورزی پر حکم دیا کہ پولیس افسر اور اہلکاروں کے خلاف کارروائی کریں، بریف کرنے میں ناکامی پر سینئیر کمانڈ کے خلاف ڈسپلنری کارروائی ہوگی، ٹریفک قوانین کی خلاف ورزی پرصرف ڈسپلنری ایکشن نہیں بلکہ مقدمہ بھی درج ہوگا۔

ہدایت نامہ پورے سندھ کے ایڈیشنل آئی جیز سے لے کر ایس ایچ اوز تک کو ارسال کردیا گیا ہے۔

کراچی : ڈی آئی جی ٹریفک نے آج سے چاند رات تک ٹریفک قوانین کی معمولی خلاف ورزیوں پر چالان نہ کرنے کا اعلان کردیا۔

تفصیلات کے مطابق ڈی آئی جی ٹریفک پیر محمد شاہ نے اعلان کیا بدھ 26 مارچ سے عید کی چاند رات تک ٹریفک پولیس کہی کسی چوک پر چالان نہیں کرے گی۔

پیر محمد شاہ کا کہنا تھا کہ بدھ سے عید کی رات شہر میں ٹریفک پولیس اہلکار کوئی گاڑی اور موٹرسائیکل کی لفٹنگ نہیں کریں گے او سگنکز پر ٹریفک چالان اور گاڑی موٹر سائیکل کی لفٹنگ عارضی طور پر معطل رہے گی لیکن عملہ اسٹینڈ بائی رہے گا۔

آل صدر الائنس آف مارکیٹ کے صدر فہیم نوری کو یقین دہانی کرائی گئی کہ عید تک کوئی گاڑی کسی بھی جگہ سے لفٹ نہیں ہوگی۔

فہیم نوری نے کہا کہ عوام کی سہولت کے لیے ڈی آئی جی ٹریفک کے اعلانات کا کا شکریہ ادا کرتے ہیں ، شاپنگ سینٹرز اور بازاروں میں آنے والی عوام گاڑیاں اور موٹرسائکلیں پارکنگ مقامات پر کھڑی کریں۔

لاہور : ٹریفک پولیس نے لاہور میں تاریخ میں پہلی بار تین ارب کے چالان کر ڈالے، سب سے زیادہ خلاف ورزی کرنے والوں میں موٹر سائیکل سوار ہمیشہ کی طرح سرفہرست ہیں۔

تفصیلات کے مطابق لاہوریوں نے ٹریفک قوانین کی خلاف ورزیوں کے تمام ریکارڈ توڑ دیئے، ٹریفک پولیس نے تاریخ میں پہلی بار تین ارب کے چالان کر ڈالے۔

ٹریفک پولیس لاہور نے رواں سال 56 لاکھ سے ذائد ٹریفک خلاف ورزیوں پر چالان کیے، سب سے زیادہ خلاف ورزی کرنے والوں میں موٹر سائیکل سوار ہمیشہ کی طرح سرفہرست ہیں۔

اس حوالے سے سی ٹی او لاہور عمارہ اطہر کا کہنا ہے ٹریفک آگاہی مہم سے ٹریفک کے نظام میں بہتری آئی ہے تاہم موٹر سائیکل اور چنگ چی والوں کو بھی قانون کی پاسداری کرنا ہو گی۔

ٹریفک پولیس نے 34 لاکھ سے ذائد موٹر سائیکل سواروں کے چالان کیے۔ چنگ چی رکشہ کے دوسرے نمبر پر سب سے زیادہ چالان ہوئے تعداد 11 لاکھ رہی۔

لین لائن کی خلاف ورزی پر لاہوریوں کے 17 لاکھ سے ذائد چالان ہوئے جبکہ ہیلمنٹ کا استعمال نہ کرنے پر لاہوریوں کے چھ لاکھ سے ذائد چالان ہوئے تاہم حادثات میں بھی کمی آئی۔

عمارہ اطہر نے مزید کہا کہ ٹریفک قوانین پر عمل درآمد میں ٹریفک پولیس بھرپور کردار ادا کررہی ہے تاہم بیشتر رش والے ایریاز میں ٹریفک رواں دواں رکھنے میں پولیس ناکام نظر آتی ہے اس حوالے سے شہریوں کو بھی کردار ادا کرنا ہوگا۔

لاہور: مغلپورہ میں موٹرسائیکل سوار کی مسلسل لاپرواہی پر 1 لاکھ 54ہزار روپے جرمانہ عائد کردیا گیا، جو کسی بھی موٹر سائیکل سوار کو ہونے والا یہ سب سے بڑا جرمانہ ہے۔

تفصیلات کے مطابق لاہور میں ٹریفک قوانین کی خلاف ورزی پر ہونیوالے ای چالان نادہندگان کیخلاف گھیرا تنگ کر دیا گیا۔

مغلپورہ میں موٹرسائیکل سوار کی مسلسل لاپرواہی پر ایک لاکھ چوؤن ہزار روپے جرمانہ عائد کر دیا گیا، موٹر سائیکل سوار کو 86 مرتبہ خلاف ورزی پر ایک لاکھ چوؤن ہزار روپے جرمانہ عائد کیا گیا۔

موٹر سائیکل سوار نے مسلسل تہتر بار ہیلمٹ کی خلاف ورزی کی، سی ٹی او لاہور عمارہ اطہر نے بتایا کہ نو بار ٹریفک سگنل، تین بار ون وے اور ایک بار لین لائن کیخلاف ورزی کی، جس پر موٹر سائیکل کو تھانے بند کروا دیا گیا ہے۔

عمارہ اطہر کا کہنا تھا کہ چالان جمع کرانے کے بعد موٹر سائیکل حوالے کی جائے گی، کسی بھی موٹر سائیکل سوار کو ہونے والا یہ سب سے بڑا جرمانہ ہے۔

انھوں نے بتایا کہ ٹریفک قوانین کی انیس خلاف ورزیوں پر ای چالان کا سلسلہ جاری ہے، آرٹیفشل انٹیلی جنس سسٹم سے بلاتفریق کارروائیاں جاری ہیں۔

لاہور: سی ٹی او لاہور عمارہ اطہر کا کہنا ہے کہ بغیر لائسنس گاڑی اور موٹرسائیکل چلانے والے سے رعایت نہیں ہوگی۔

تفصیلات کے مطابق سی ٹی او لاہور عمارہ اطہر نے ٹریفک قوانین کی خلاف ورزیوں پر کریک ڈاؤن تیز کرنے کا حکم دے دیا۔

عمارہ اطہر کا کہنا تھا کہ بغیر لائسنس گاڑی اور موٹرسائیکل چلانے والے سے رعایت نہیں ہوگی اور کم عمر بچوں کو گاڑی، موٹرسائیکل دینے والے بھی کسی معافی مستحق نہیں، آج سے بغیر ہیلمٹ، ون وے ،لین لائن پر خصوصی کریک ڈاؤن ہوگا۔

سی ٹی او لاہور نے کہا کہ رواں ماہ بغیرہیلمٹ16 ہزار سے زائد موٹرسائیکلسٹ کیخلاف کارروائی ہوئی جبکہ کم عمر ڈرائیونگ پر 264 ڈرائیورز کےخلاف کارروائی کی گئی۔

انھوں نے بتایا کہ دھواں چھوڑنے پر1635 گاڑیاں بند کی گئی اور لین لائن خلاف ورزی پر57 ہزار چالان کئے گئے جبکہ ون وے ٹریفک کی خلاف ورزی پر 3ہزار 455 وہیکلز کو بند کروایا گیا۔