Tag: ٹریفک پولیس اہلکار

کراچی: شہر قائد میں ٹریفک پولیس اہلکار سے بدتمیزی کرنے والی خاتون کی ایک اور ویڈیو سامنے آگئی، ویڈیو میں دیکھا جاسکتا ہے کہ خاتون معمر خاتون سے بدتمیزی کر رہی ہے۔

تفصیلات کے مطابق کراچی میں ٹریفک پولیس اہلکارسے بدتمیزی کرنے والی خاتون کی ایک اور ویڈیو سامنے آگئی، ویڈیو میں خاتون عوامی مقام پر معمر خاتون سے بدتمیزی کرتے دیکھی جا سکتی ہے۔

ویڈیومیں دیکھا جاسکتا ہے کہ خاتون معمر خاتون سے بدتمیزی اور ہراساں کر رہی ہے۔

کراچی میں خاتون کی ٹریفک پولیس اہلکار سے بدتمیزی، مقدمہ درج

خیال رہے کہ گزشتہ سال نومبر میں کراچی میں خاتون نے خیابان شجاعت سے خیابان شہباز کا سگنل توڑا، ٹریفک پولیس نے بدر کمرشل پر گاڑی روک لی۔

ٹریفک پولیس اہلکار کی جانب سے روکے جانے پر خاتون شرمندہ ہونے اور اہلکار سے تعاون کرنے کے بجائے کسی سے فون پر بات کررہی تھی اور مسلسل اہلکار پر بااثر ہونے کا رعب جھاڑ رہی تھی۔

اے آر وائی نیوز کی خبر پر خیابان شہباز پر پیش آنے والے واقعے کا مقدمہ درج کرلیا گیا تھا، مقدمہ تھانہ درخشاں میں کار سرکار میں مداخلت پر درج کیا گیا تھا۔

کراچی: شہر قائد کے علاقے گارڈن میں ٹریفک پولیس اہلکار کے قتل میں ملوث خاتون سمیت 4 ملزمان کو پولیس نے گرفتار کرلیا۔

تفصیلات کے مطابق کراچی کےعلاقے گاڑدن میں گزشتہ روز ٹریفک پولیس اہلکار کے قتل میں ملوث 4 ملزمان کو گرفتار کرلیا گیا۔

تفتیشی ذرائع کے مطابق مقتول اہلکاراحتشام کو فائرنگ کرکے قتل کیا گیا تھا، حراست میں لی گئی خاتون احتشام کی رشتے دارہے۔

تفتیشی حکام کا کہنا ہے کہ احتشام کو 30 بور پستول کی 4 گولیاں ماری گئی تھی۔

یاد رہے کہ گزشتہ روزکراچی کے علاقے گارڈن میں فائرنگ سے ٹریفک پولیس اہلکار جاں بحق ہوگیا تھا، مقتول اہلکار مزار قائد ٹریفک پولیس سیکشن پرتعینات تھا۔

کراچی میں فائرنگ سے ٹریفک پولیس اہلکار جاں بحق

شہید اہلکار احتشام کے چچا نے میڈیا سے بات چیت کرتے ہوئے کہا تھا کہ احتشام نے 3 دن قبل دوستوں کے ساتھ لسبیلہ میں کرائے پرمکان لیا، ڈیڑھ سال سے احتشام گارڈن کے قریب ہمارے ساتھ رہتا تھا۔

یاد رہے کہ گزشتہ ماہ کراچی کے علاقے سولجربازار میں نامعلوم ملزمان کی فائرنگ سے ایک پولیس اہلکار جاں بحق جبکہ دوسرا زخمی ہوگیا تھا۔

کراچی : شہر قائد کے علاقے گارڈن میں فائرنگ سے ٹریفک پولیس اہلکار جاں بحق ہوگیا، مقتول اہلکار مزار قائد ٹریفک پولیس سیکشن پرتعینات تھا۔

تفصیلات کے مطابق کراچی کے علاقے گارڈن ایسٹ پرنامعلوم ملزمان کی فائرنگ سے ٹریفک پولیس اہلکار جاں بحق ہوگیا۔

پولیس کے مطابق مقتول کی شناخت احتشام ولد محمد عرفان کے نام سے ہوئی ہے، مقتول ٹریفک پولیس کا اہلکار اور مزار قائد ٹریفک پولیس سیکشن پرتعینات تھا۔

پولیس کا کہنا ہے کہ مقتول واقعے کے وقت وردی میں تھا، جسے سینے اور بازو پرگولیاں لگیں۔ ڈی آئی جی ٹریفک جاوید مہر کے مطابق اہلکار کو 30 بور پستول کی 3 گولیاں لگیں جبکہ جائے وقوع سے ملنے والے خول فرانزک کے لیے بھجوا دیے گئے۔

شہید اہلکار احتشام کے چچا نے میڈیا سے بات چیت کرتے ہوئے کہا کہ احتشام نے 3 دن قبل دوستوں کے ساتھ لسبیلہ میں کرائے پرمکان لیا، ڈیڑھ سال سے احتشام گارڈن کے قریب ہمارے ساتھ رہتا تھا۔

انہوں نے کہا کہ رات کو بارش کے وقت احتشام کوکال کی مگربات نہ ہوسکی، حیدرآباد میں مقتول احتشام کے والدین کواطلاع کردی ہے۔

یاد رہے کہ گزشتہ ماہ کراچی کے علاقے سولجربازار میں نامعلوم ملزمان کی فائرنگ سے ایک پولیس اہلکار جاں بحق جبکہ دوسرا زخمی ہوگیا تھا۔