Tag: ٹریفک پولیس

کراچی: ٹریفک پولیس کا کہنا ہے کہ کراچی میں عبداللہ ہارون زینب مارکیٹ ٹریفک کے لیے بند کردی گئی ہے۔

اے آر وائی نیوز کے مطابق ٹریفک پولیس کا کہنا ہے کہ مارکیٹ میں خریداروں کی آمد بہت زیادہ ہے ، ٹریفک کو فوارہ چوک سے دین محمد وفائی روڈ کی طرف بھیج رہے ہیں۔

ٹریفک پولیس کا کہنا ہے کہ مین راشد منہاس روڈ پر سیوریج کا پانی روڈ پر جمع ہوگیا ہے، میلینیم مال جانب نیپا ٹریفک کی روانی آہستہ ہے۔

ٹریفک پولیس کا کہنا ہے کہ ایکسپو سینٹر میں کتابوں کی نمائش جاری ہے، لوگوں کی آمدورفت زیادہ ہے، گاڑیاں چیک کرکے چھوڑ رہے ہیں۔

ادھر غریب آباد جانب نیشنل اسٹیڈیم کے اطراف ٹریفک کی روانی آہستہ ہے۔

کراچی: ٹریفک پولیس کا کہنا ہے کہ شاہراہ فیصل آج رات ٹریفک کے لیے بند ہوگی شہری متبادل راستہ اختیار کریں۔

اے آر وائی نیوز کے مطابق ترجمان ٹریفک پولیس کا کہنا ہے کہ آج رات 2 سے 5 بجے تک شاہراہ فیصل ڈرگ روڈ سے کارساز دونوں اطراف بند رہے گی، سیکیورٹی وجوہات پر راستوں کو عارضی طور پر بند کیا جائے گا۔

حبیب ابراہیم رحمت اللہ روڈ، کارساز سے حسن اسکوائر تک بند رہے گی، ایئرپورٹ سے کارساز روڈ، اسٹیڈیم روڈ آنے کی اجازت نہیں ہوگی۔

ٹریفک پولیس کے مطابق ڈرگ روڈ شاہراہ فیصل سے راشد منہاس روڈ، ملینیم مال سے نیپا چورنگی کا راستہ اختیار کریں۔

شاہراہ فیصل، ایف ٹی سی، نرسری سے کارساز، ایئرپورٹ آنے کی اجازت نہیں ہوگی، شاہراہ فیصل بلوچ کالونی پل کے نیچے سے شہید ملت روڈ کا راستہ اختیار کریں۔

اسی طرح جیل چورنگی سے حسن اسکوائر، نیپا سے ملینیم، راشد منہاس روڈ، ڈرگ روڈ سے ایئرپورٹ جاسکتے ہیں۔

ترجمان ٹریفک پولیس کا کہنا ہے کہ یونیورسٹی روڈ سے سر شاہ سلیمان روڈ، اسٹیڈیم کی جانب جانے کی اجازت نہیں ہوگی، نیو ٹاؤن یونیورسٹی روڈ سے اسٹیڈیم روڈ، کارساز اور ملینیم  جانے کی اجازت نہیں ہوگی۔

شہری یونیورٹی روڈ سے جیل فلائی اوور سے پی پی چورنگی یا شہید ملت روڈ کا راستہ اختیار کریں، لیاقت آباد دس نمبر سے حسن اسکوائر پل سے اسٹیڈیم روڈ جانے کی بھی اجازت نہیں ہوگی۔