Tag: ٹریلر

کراچی: بنارس چوک پر ٹریلر نے موٹرسائیکل سوارخاتون کو کچل دیا، خاتون کو ٹکر مارنے والے ٹریلر ڈرائیور کو گرفتار کرلیا گیا۔

بنارس میں ٹریلر کی ٹکر سے موٹرسائیکل سوار خاتون جاں بحق ہوگئی، پولیس نے ڈرائیور کو حراست میں لے لیا ہے، پولیس نے بتایا کہ حادثے میں جاں بحق ہونے والی خاتون کنواری کالونی منگھوپیر کی رہائشی تھی۔

پولیس نے واقعے سے متعلق بتایا کہ ٹریلر ڈرائیور نے سائیڈ دی تو موٹر سائیکل سوار خاتون اپنا توازن برقرارنہ رکھ سکی۔

خاتون موٹرسائیکل سے گری اور ٹریلر کی زد میں آگئی، پولیس نے ٹریلر کو تحویل میں لےلیا ہے، واقعے کا مقدمہ درج کیا جارہا ہے۔

کراچی: شہر قائد میں آئی سی آئی پل پر ایک تیز رفتار ٹریلر حفاظتی ریلنگ سے ٹکرا کر لٹک گیا، خوش قسمتی سے حادثے میں کوئی جانی نقصان نہیں ہوا۔

تفصیلات کے مطابق کراچی میں نیٹی جیٹی کے قریب واقع آئی سی آئی پل پر تیز رفتار ٹریلر حفاظتی جالیاں توڑتا ہوا پل سے لٹک گیا، حادثے میں کوئی جانی نقصان نہیں ہوا۔

ٹریفک پولیس کے مطابق ٹریلر لٹکنے سے ٹریفک کی روانی متاثر ہوئی، جسے پل پر واپس لانے کے لیے بھاری کرین طلب کی گئی، ریسکیو عملے نے کرین کی مدد سے ہیوی گاڑی کو ہٹا کر ٹریفک کی روانی بحال کر دی۔

نجی ایئرلائن کی پرواز حادثے سے بچ گئی، طیارے کی بہ مشکل لینڈنگ

ریسکیو ذرائع کے مطابق حادثہ ہفتہ کی صبح اس وقت پیش آیا جب تیز رفتار ٹریلر ڈرائیور سے بے قابو ہو گیا، جس کی وجہ سے وہ پل کی ریلنگ سے ٹکرایا اور اس کا اگلا حصہ پل سے لٹک گیا، حادثے کی وجہ سے ماری پور روڈ سے مائی کلاچی جانے اور مائی کلاچی سے ماری پور روڈ جانے والے ٹریک کو بند کر دیا گیا تھا۔

ٹریفک پولیس کے ترجمان کا کہنا تھا کہ حادثہ تیز رفتاری کے باعث پیش آیا، حادثے کے بعد ڈرائیور کو ٹریلر سے بہ حفاظت نکال لیا گیا ہے۔

کراچی: شہر قائد کے سپر ہائی وے ایریا میں ایک تیز رفتار ٹریلر نے سواری کے انتظار میں کھڑے رکشے کو کچل دیا جس سے رکشہ ڈرائیور جاں بحق ہو گیا۔

تفصیلات کے مطابق سپر ہائی وے بس ٹرمنل کے قریب ایک ٹریلر کی ٹکر سے رکشہ ڈرائیور جاں بحق ہو گیا، رکشہ پنجاب بس اڈہ کے قریب سواری کے انتظار میں کھڑا تھا۔

اس افسوس ناک حادثے میں رکشہ ڈرائیور موقع ہی پر جاں بحق ہو گیا تھا، پولیس نے ٹریلر ضبط کر لیا، اور ٹریلر ڈرائیور کو بھی گرفتار کر لیا گیا ہے، جس کے خلاف مقدمہ درج کر لیا گیا ہے، مقدمہ قتل خطا اور غفلت سے ڈرائیونگ کی دفعات کے تحت درج کیا گیا ہے۔

پولیس حکام کا کہنا ہے کہ رکشہ ڈرائیور کی لاش ورثا کے سپرد کر دی گئی ہے، متوفی رکشہ ڈرائیور کی شناخت قطب الدین کے نام سے ہوئی ہے، متوفی بس اڈے کے قریب سڑک کنارے سواری کے انتظار میں تھا کہ تیز رفتار ٹریلر آ کر چڑھ دوڑا۔

کراچی میں ڈمپر نے باپ بیٹے سمیت 3 افراد کی جان لے لی

کراچی میں ہیوی گاڑیوں کے حادثات نہیں رک سکے ہیں، گزشتہ روز بھی ایک اور افسوس ناک حادثے میں ایک خاندان کی زندگی کا چراغ گل ہو گیا تھا، یہ واقعہ سرجانی ٹاؤن میں ناردرن بائی پاس پر پیش آیا تھا، جس میں ایک ڈمپر نے کار کو ٹکر مار دی تھی۔

ریسکیو حکام کے مطابق اس حادثے میں کار سوار باپ بیٹے سمیت 3 افراد جاں بحق ہوئے تھے، جاں بحق افراد منگھوپیر کے علاقے گل محمد قلندرانی گوٹھ کے رہائشی تھے۔ 9 مئی کو بھی کراچی میں ہیوی ٹریفک نے ایک فیملی کو اجاڑ دیا تھا، جب ایک ٹرک نے موٹر سائیکل سوار باپ بیٹے کو کچل دیا تھا۔ یہ حادثہ اورنگی 15 نمبر میں تیز رفتار ٹرک کی ٹکر سے پیش آیا تھا۔

کراچی: سپرہائی وے کاٹھور ایم تھری کے قریب ٹریلر نے راہ گیر کو کچل دیا اور ٹریلر کا ڈرائیور موقع سے فرار ہوگیا۔

تفصیلات کے مطابق کراچی میں سپرہائی وے کاٹھور ایم تھری کے قریب ٹریلر کی ٹکر سے راہ گیر جاں بحق ہوگیا۔

ریسکیو حکام نے کہا کہ متوفی کی شناخت 23 سالہ نردیش کمار کے نام سے ہوئی تاہم لاش کو عباسی شہید اسپتال منتقل کردیا گیا ہے۔

حادثے کے بعد ٹریلر کا ڈرائیور موقع سے فرار ہوگیا تاہم پولیس نے ٹریلر کو قبضے میں لے کر مقدمہ درج کر لیا ہے۔

مزید پڑھیں : کراچی : واٹر ٹینکر نے ایک اور موٹر سائیکل سوار کو کچل ڈالا

متوفی گڈاپ ٹاؤن میمن گوٹھ کا رہائشی تھا، پولیس نے ضابطے کی کارروائی کے بعد لاش ورثا کے حوالے کر دی۔

یاد رہے کراچی میں قوانین اورقواعد کے باوجود ہیوی وہیکل کو لگام نہیں ڈالی جاسکی، گذشتہ روز سعدی ٹاؤن میں پانی کے ٹینکر کی ٹکر سے موٹر سائیکل سوار جاں بحق ہوگیا تھا، شہری کی شناخت تنویر کےنام سے ہوئی۔

ڈرائیور واٹر ٹینکر چھوڑ کر فرار ہوگیا تاہم پولیس نے ٹینکرتحویل میں لے تحقیقات شروع کردی تھیں۔

کراچی: شہر قائد میں ٹریلر نے مزید 2 نوجوانوں کو کچل کر مار ڈالا۔

تفصیلات کے مطابق کراچی میں شہریوں کے ہیوی گاڑیوں کا نشانہ بن کر جان سے ہاتھ دھو بیٹھنے کے واقعات تسلسل سے جاری ہیں، اگرچہ گزشتہ شب نارتھ کراچی کے واقعے کے بعد 11 ہیوی گاڑیاں اور واٹر ٹینکر جلا دیے گئے ہیں، تاہم دو مزید واقعات بھی رپورٹ ہوئے ہیں۔

کورنگی ویٹا چورنگی پر ٹریلر کی ٹکر سے عدنان نامی شہری جاں بحق ہو گیا ہے، پولیس نے ڈرائیور کو گرفتار کر لیا ہے، حادثے کے بعد شہریوں نے ٹریلر کے شیشے توڑ ڈالے، معلوم ہوا ہے کہ مرحوم عدنان نجی کمپنی میں سیکیورٹی سپروائزر تھا۔

دوسرے واقعہ مانسہرہ کالونی لانڈھی میں پیش آیا، جس میں ایک ٹریلر کی موٹر سائیکل کو ٹکر کے نتیجے میں 25 سال کا مسعود خان جاں بحق ہو گیا، پولیس نے اس واقعے میں بھی ٹریلر ڈرائیور کو گرفتار کر لیا ہے۔

نارتھ کراچی حادثہ : مشتعل افراد نے 10 ٹرک اور ڈمپروں کو جلا دیا

واضح رہے کہ کراچی میں رات گئے مشتعل افراد نے 5 ڈمپرز سمیت 11 گاڑیوں کو آگ لگا دی ہے، نارتھ کراچی پاور ہاؤس چورنگی پر ڈمپر کی ٹکر سے موٹر سائیکل سوار زخمی ہو گیا تھا، پولیس کے مطابق ڈمپر ڈرائیور ناگن چورنگی سے مختلف گاڑیوں کو ٹکریں مارتا ہوا آ رہا تھا، حادثے کے بعد مشتعل افراد نے پاور ہاؤس کے قریب پانچ ڈمپروں کو آگ لگائی۔

مدیحہ اسٹاپ پر پانی کے 3 ٹینکروں اور ٹرک کو بھی آگ لگائی گئی، سرجانی ٹاؤن بابا موڑ پر بھی ٹینکر نذر آتش کیا گیا، مشتعل افراد نے ڈمپر مافیا کے خلاف احتجاج بھی کیا، جسے پولیس نے منتشر کر دیا، دوسری طرف گاڑیاں جلائے جانے پر ڈمپر مالکان نے بھی احتجاج کیا، جسے پولیس سے مذاکرات کے بعد ختم کر دیا گیا۔