امریکی اسٹریمنگ سروس نیٹ فلکس کی ایک اور سیریز لاک اینڈ کی کا تیسرا اور آخری سیزن جلد ریلیز کیا جانے والا ہے، آخری سیزن کا ٹریلر جاری کردیا گیا۔
لاک اینڈ کی نامی سیریز کے مداحوں کا انتظار ختم ہونے کو ہے کیونکہ اس کا تیسرا اور آخری سیزن 10 اگست کو نیٹ فلکس پر ریلیز ہونے والا ہے۔
نیٹ فلکس نے جمعرات کو لاک اینڈ کی کے سیزن 3 کا آخری ٹریلر یوٹیوب پر جاری کیا ہے، ںیٹ فلکس کے مطابق لاک اینڈ کی کا یہ سیزن اس سیریز کا آخری سیزن ہوگا۔
سنہ 2020 میں ریلیز ہونے والے اس ہارر افسانوی نوعیت کی سیریز کی کہانی 3 ایسے بہن بھائیوں کے گرد گھومتی ہے جو اپنے باپ کی موت کے بعد جادوئی چابیوں کی مدد سے مختلف راز کھولتے ہیں۔
سیریز کے بارے میں یوٹیوب پر صارفین دلچسپ تبصرے کر رہے ہیں۔
کیمسن نامی ایک صارف لکھتے ہیں کہ مجھے خوشی ہو رہی ہے کہ یہ شو واپس آرہا ہے لیکن دکھ ہے کہ یہ اس کا آخری سیزن ہے، تاہم مجھے لگتا ہے کہ یہ شو اچھا چلا ہے کیونکہ اس کا پہلا اور دوسرا سیزن بہت اچھا تھا۔
جیکوپو نامی ایک صارف نے لکھا کہ نئے سیزن کے لیے مجھے بہت خوشی ہو رہی ہے، لیکن دکھ بھی کیونکہ یہ آخری بار آرہا ہے، انہوں نے کافی اچھا کام کیا ہے، یہ اس وقت میرا پسندیدہ شو ہے۔
ایک اور صارف نے کہا کہ میرا نیٹ فلکس کا سفر اسی شو سے شروع ہوا تھا، میں ایک اطمینان دہ اختتام کے لیے پرامید ہوں۔
