ساہیوال: صوبہ پنجاب کے شہر ساہیوال میں ٹریکٹر ٹرالی اور ٹریلر میں تصادم کے نتیجے میں 2 خواتین جاں بحق جبکہ 25 افراد زخمی ہوگئے۔
تفصیلات کے مطابق ساہیوال میں ہڑپہ ٹول پلازہ کے قریب ٹریکٹر ٹرالی اور ٹریلر میں تصادم ہوا، افسوس ناک حادثے میں 2 خواتین جان کی بازی ہار گئیں۔
ریسکیو حکام کا کہنا ہے کہ حادثے میں 24 خواتین سمیت 25 افراد زخمی ہوئے جنہیں فوری طور پر قریبی اسپتال منتقل کر دیا گیا جہاں انہیں طبی امداد دی جا رہی ہے۔
پولیس حکام نے بتایا کہ ٹریکٹر ٹرالی میں خواتین کپاس کی چنائی کے لیے کھیت جا رہی تھیں۔
یاد رہے کہ گزشتہ ہفتے بونیر میں چلندری چغرزئی میں گاڑی کھائی میں گرنے سے 8 افراد جان کی بازی ہار گئے تھے جبکہ 12 افراد زخمی ہوگئے تھے۔
پولیس حکام کا کہنا تھا کہ گاڑی میں سوار افراد شادی میں شرکت کے بعد واپس لوٹ رہے تھے کہ افسوس ناک حادثہ پیش آیا، جاں بحق افراد میں 2 خواتین اور 2 بچے بھی شامل تھے۔
2 سال قبل اپنی صلاحیتوں سے سب کو دنگ کردینے والی، تہلکہ مچادینے والی ونڈر وومن ایک بار پھر دھماکے دار انداز میں واپس آرہی ہے، ونڈر وومن 1984 کا ٹریلر ریلیز کردیا گیا۔
سنہ 2017 میں ڈی سی کامکس کی ونڈر وومن نے دنیا بھر میں تہلکہ مچا دیا تھا۔ اب تک تخلیق کیے گئے تمام سپر ہیروز کو ٹکر دیتی اور دشمنوں کو پچھاڑتی ونڈر ویمن نے سپر وومن کے تصور کو نئی جہت دی۔
اس سے پہلے سپر وومن پر بنائی گئی فلمیں اتنی زیادہ مقبول نہ ہوسکیں تاہم ونڈر وومن کی جاندار اداکاری اور اسکرین پلے نے مقبولیت اور پسندیدگی میں تمام سپر ہیروز فلموں کو بہت پیچھے چھوڑ دیا۔
سپر وومن یا ونڈر وومن کا آئیڈیا سب سے پہلے سنہ 1941 میں سامنے آیا جب ایک امریکی کامک سیریز میں ایک خاتون کو جادوئی اور ماورائی قوتوں کا حامل دکھایا گیا۔
امریکی پرچم سے مشابہہ لباس میں ملبوس اس ونڈر وومن نے نہ صرف اس وقت خواتین کے بارے میں قائم تصورات کو کسی حد تک تبدیل کیا بلکہ اس کی تخلیق خواتین کی خود مختاری کی طرف ایک اہم قدم تھی۔
بعد ازاں ڈی سی کامکس کی فلم ونڈر وومن نے سپر وومن کو ایک نئی شناخت دے دی۔
سنہ 2017 میں ریلیز کی جانے والی ونڈر وومن جنگ عظیم اول کے زمانے کی تھی جس میں ڈیانا (ونڈر وومن) کو اپنی صلاحیتوں کا ادراک ہوتا ہے جس کے بعد وہ دنیا کو بچانے والے افراد کی پہلی صف میں جا کھڑی ہوتی ہے اور اپنی صلاحیتوں سے سب کو دنگ کردیتی ہے۔
اب اگلی فلم سنہ 1984 کے زمانے کی ہے، جہاں دور تو نیا ہے تاہم ونڈر وومن پہلے سے بھی زیادہ مستعد اور حیران کن ہے اور بجلی کی سی تیزی سے اپنی راہ میں آنے والے دشمنوں کو پچھاڑ رہی ہے۔
فلم میں ونڈر وومن کا مرکزی کردار ادا کرنے والی گال گیڈوٹ نے اس بار بھی اس کردار کو بے مثال انداز میں پیش کیا ہے۔
گال گیڈوٹ کا تعلق اسرائیل سے ہونے کی وجہ سے پہلی فلم کو متنازعہ بنانے کی کوشش کرتے ہوئے اس پر کچھ ممالک میں پابندیاں بھی عائد کی گئی تھیں اس کے باوجود فلم نے بزنس میں کئی مشہور فلموں کو پیچھے چھوڑ دیا۔
اب فلم ونڈر وومن 1984 اگلے برس جون 2020 میں ریلیز کی جائے گی۔
میانوالی: صوبہ پنجاب کے شہر میانوالی میں ٹریلر اور ایمبولینس میں تصادم کے نتیجے میں بچوں اور خواتین سمیت 9 افراد جاں بحق ہوگئے۔
تفصیلات کے مطابق میانوالی کے قریب ملتان روڈ ہیڈپکا کے قریب ایمبولینس اور ٹریلر میں تصادم ہوا، حادثے کے بعد ایمبولینس میں سلنڈر پھٹنے سے آگ لگ گئی۔
ایمبولینس میں آگ لگنے سے بچوں اور خواتین سمیت 9 افراد جھلس کر جاں بحق ہوگئے۔ حادثے کی شکار ایمبولینس مریض اور اس کے اہل خانہ کو بھکرسے راولپنڈی لے کرجا رہی تھی۔
پولیس حکام کے مطابق لاشوں کوڈی ایچ کیو اسپتال میانوالی منتقل کردیا گیا، قانونی کارروائی کے بعد لاشوں کو ورثا کے حوالے کیا جائے گا۔
یاد رہے کہ دو روز قبل صوبہ پنجاب کے ضلع لیہ میں جیسل روڈ کے قریب تیز رفتار پک موڑ کاٹتے ہوئے الٹ گئی تھی، حادثے میں 6 افراد جان کی بازی ہار گئے تھے جبکہ 15 افراد زخمی ہوگئے تھے۔
واضح رہے کہ بلوچستان کے علاقے قلات کے قریب دو گاڑیوں میں تصادم ہوا جس کے نتیجے میں 4 افراد جان کی بازی ہار گئے۔ جاں بحق ہونے والوں میں کمشنر مکران ڈویژن کیپٹن ریٹائرڈ طارق زہری ان کا ڈرائیور اور گن مین بھی شامل ہیں۔
جہلم : صوبہ پنجاب کے علاقے پنڈدادن خان میں ٹریلر اور بس میں تصادم کے نتیجے میں 5 افراد جاں بحق جبکہ 12 افراد زخمی ہوگئے۔
تفصیلات کے مطابق جہلم کی تحصیل پنڈدادن خان میں موٹروے سالٹ رینج پر ٹریلر اور بس میں تصادم ہوا جس کے نتیجے میں 5 افراد جان کی بازی ہار گئے۔
ریسکیو حکام کے مطابق افسوس ناک حادثے میں زخمی ہونے والے افراد کو اسپتال منتقل کردیا گیا جہاں انہیں طبی امداد دی جا رہی ہے۔ پولیس حکام کے مطابق زائرین کی بس سرگودھا سے کلرکہارجا رہی تھی۔
یاد رہے کہ گزشتہ روز اسکردوسے راولپنڈی جانے والی مسافر کوچ موڑ کاٹتے ہوئے بابوسرٹاپ کے قریب گٹی داس کے مقام پر پہاڑ سے ٹکرا گئی تھی، حادثے میں خواتین اور بچوں سمیت 26 افراد جاں بحق ہوگئے تھے۔
آئی ایس پی آر کے مطابق زخمیوں کو آرمی ایوی ایشن کے ہیلی کاپٹرز کے ذریعے سی ایم ایچ گلگت پہنچایا گیا تھا جبکہ 26 افراد کی لاشیں بھی اسپتال پہنچا دی گئی تھیں۔
یاد رہے کہ رواں سال اگست میں صوبہ پنجاب کے علاقے سکھیکی کے قریب موٹروے ایم ٹو کوٹ سرور انٹرچینج کے قریب بس الٹ گئی تھی جس کے نتیجے میں 2 افراد جاں بحق 15 زخمی ہوگئے تھے۔
ہالی ووڈ کی مشہور فلم فرنچائز فاسٹ اینڈ فیورس کی نئی فلم ’ہوبز اینڈ شا‘ کا ٹریلر پیش کردیا گیا، یہ فلم سیریز کے مرکزی کرداروں کے بجائے 2 علیحدہ کرداروں کے گرد گھومتی ہے۔
سیریز میں ڈوم (ون ڈیزل) اور اس کے ساتھیوں کی مدد کرنے والے پولیس افسر ہوبز (ڈوائن جانسن) اور ان کے دشمن آئن شا (جیسن اسٹیتھم) کو اس نئی فلم میں پیش کیا جارہا ہے۔
گو کہ یہ دونوں ایک دوسرے کے دشمن ہیں تاہم اب ان کو ایک مشترکہ دشمن کا سامنا ہے جس سے لڑنے کے لیے انہیں مجبوراً متحد ہونا پڑتا ہے۔
ادریس البا نامی دشمن نہایت مضبوط، خطرناک اور بلٹ پروف ہے اور اس کے آگے یہ دونوں، جو خود بھی اپنے دشمنوں کو ناکوں چنے چبوا دیتے ہیں، بے بس نظر آتے ہیں چنانچہ ان کے پاس ایک یہی راستہ ہے کہ دونوں مل کر اس دشمن کا مقابلہ کریں۔
اس مقبول سیریز کا تسلسل پیش کرنے کے بجائے ایک نئی فلم کیوں پیش کی جارہی ہے جو ضمنی کرداروں کے گرد گھومتی ہے؟
اس سوال کا جواب دیتے ہوئے نئی فلم کے مصنف کرس مورگن نے برطانوی نشریاتی ادارے کو بتایا کہ سیریز کے آخری حصے میں جب یہ دونوں جیل میں اکٹھے ہوتے ہیں تو ان کے درمیان نہایت متاثر کن کیمسٹری سامنے آئی جسے فلم بینوں نے بے حد پسند کیا۔
مورگن کا کہنا ہے کہ آن اسکرین اور آف اسکرین ان دونوں اداکاروں کی جوڑی نہایت شاندار ہے جو کسی فلم کو ایکشن بنانے کے ساتھ ساتھ پر مزاح بھی بنا سکتی ہے۔
ان کا کہنا تھا کہ چونکہ فلم کی ٹیم اس سیریز کو ہمیشہ سے مزید وسعت دینا چاہتی تھی، اور ان دونوں کرداروں کی کیمسٹری کو بھی بہت پسند کیا گیا، یہی وجہ ہے کہ اس سیریز کی ضمنی فلم پیش کی جارہی ہے۔
خیال رہے کہ فاسٹ اینڈ فیورس فلم فرنچائز کا آغاز سنہ 2001 سے کیا گیا تھا جس کے بعد ہر نیا حصہ پہلے سے بہترین اور مداحوں کو دنگ کردینے والا ہوتا ہے۔
سنہ 2013 میں فلم کے کرداروں میں سے ایک پال واکر کی ناگہانی موت نے نہ صرف دنیا بھر میں ان کے مداحوں بلکہ فلم کی شوٹنگ کو بھی دھچکہ پہنچایا تھا۔ فیورس 7 کی بقیہ شوٹنگ پال واکر کی موت کے بعد ان کے بھائیوں کی مدد سے پوری کی گئی۔
سیریز کی آخری فلم ’فیٹ آف دی فیوریس‘ سنہ 2017 میں پیش کی گئی جس نے دنیا بھر میں 1 ارب 239 کروڑ ڈالر کی کمائی کی۔
سیریز کی تمام فلمیں اب تک 5 ارب ڈالر کا بزنس کر چکی ہیں اور یہ ہالی ووڈ کی سب سے زیادہ کمانے والی آٹھویں فلم سیریز ہے۔
مسٹر بین کا شہرہ آفاق کردار ادا کرنے والے برطانوی اداکار روون اٹکنسن کی نئی فلم ’جونی انگلش سٹرائکس اگین‘ کا ٹریلر جاری کردیا گیا۔ فلم میں برطانوی جاسوس (روون اٹکنسن) ایک اور مشن کے لیے برسر پیکار دکھائی دے رہے ہیں۔
ہالی ووڈ کی معروف فلم سیریز ’جیمز بانڈ‘ کی پیروڈی کے طور پر بنائی جانے والی فلم ’جونی انگلش‘ کے تیسرے حصے جونی انگلش سٹرائکس اگین کا ٹریلر جاری کردیا گیا ہے۔
ٹریلر میں برطانوی خفیہ ایجنسی ایم آئی 7 کے جاسوس (روون اٹکنسن) کو ایک تعلیمی ادارے سے منسلک دکھایا گیا ہے۔ وہیں اسے اپنے ادارے کی جانب سے واپسی کا بلاوا موصول ہوتا ہے جس کے بعد وہ ایک بار پھر ایک اور مشن کے لیے روانہ ہوجاتا ہے۔
جونی انگلش ایک ایسے جاسوس کی کہانی ہے جو بظاہر اتنا ذہین نہیں ہے، تاہم وہ اپنی احمقانہ حرکتوں سے اپنے مشن کو پایہ تکمیل تک پہنچانے میں کامیاب رہتا ہے۔
فلم میں جاسوس کا کردار شہرہ آفاق مسٹر بین ہی سے اخذ کیا گیا ہے جو اپنی حماقتوں سے سب کو ہنسنے پر مجبور کردیتا ہے۔
فلم جونی انگلش کے تیسرے حصے میں فرانسیسی اداکارہ اولگا کرلنکو بھی اداکاری کے جوہر دکھا رہی ہیں جو جیمز بانڈ سیریز کی فلم کوانٹم آف سولس میں بھی جلوہ گر ہوچکی ہیں۔
فلم کو رواں برس 12 اکتوبر کو نمائش کے لیے پیش کردیا جائے گا۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
اے آر وائی فلمز کے تحت اینی میٹڈ فلم 3 بہادر کے بعد اب ایک اور اینی میٹڈ فلم ’اللہ یار اینڈ دا لیجنڈ آف مار خور‘ پیش کی جارہی ہے جس کے ٹریلر نے منظر عام پر آتے ہی تہلکہ مچادیا ہے۔
تھرڈ ورلڈ اسٹوڈیو کے تحت بننے والی فلم کے مصنف، ہدایت کار اور پروڈیوسر عذیر ظہیر خان ہیں۔ فلم میں پاکستان کے خوبصورت قدرتی مناظر، مقامی جانوروں اور ماحولیاتی ذخائر کے بارے میں نہایت دلچسپ انداز میں بتایا گیا ہے کہ تاکہ بچے ماحول اور جانوروں کی حفاظت کرنا سیکھیں۔
فلم میں ایک معصوم مگر ذہین بچے اللہ یار کو دکھایا گیا ہے جو اپنے گھر والوں کے ساتھ پرسکون زندگی گزار رہا ہوتا ہے۔ تاہم وہ اپنے والدین سے بچھڑ کر ایک انجان جگہ جا پہنچتا ہے جہاں جانوروں سے اس کی دوستی ہوجاتی ہے۔
اس کے بعد وہ اپنے دوستوں کے ساتھ مل کر شکاریوں کا مقابلہ کرتا ہے۔
فلم کی اینی میشن اور گرافکس نہایت جاندار اور خوبصورت ہیں جنہیں دیکھ کر یہ انداہ لگانا مشکل نہیں کہ یہ فلم بچوں اور بڑوں میں یکساں مقبول ہوگی۔
اللہ یار اینڈ دا لیجنڈ آف مار خور 2 فروری کو سینما گھروں میں نمائش کے لیے پیش کردی جائے گی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
جامشورو: جامشورو میں نوری آباد کے قریب وین اور ٹریلر کے تصادم کے نتیجے میں 7 افراد جاں بحق جبکہ 6 افراد زخمی ہوگئے۔
تفصیلات کے مطابق صوبہ سندھ کے ضلع جامشورو کے علاقے نوری آباد میں ایک مسافر وین اور ٹریلر میں تصادم کے نتیجے میں 7 افراد جاں بحق جبکہ 6 افراد زخمی ہوئے۔
ریسکیو ذرائع کے مطابق حادثے میں جاں بحق ہونے والے 7 افراد میں 4 خواتین بھی شامل ہیں جبکہ لاشوں اور زخمیوں کو اسپتال منتقل کردیا گیا۔
خیال رہے کہ گزشتہ ہفتے 20 نومبر کو سندھ کے شہرخیرپور میں شاہ حسین بائی پاس پر کوئلے سے بھرا ٹرک مسافروین پر الٹنے کے نتیجے میں 20 افراد جاں بحق جبکہ 11 زخمی ہوگئے تھے۔
یاد رہے کہ گزشتہ ماہ 24 اکتوبر کو بلوچستان کے علاقے دالبندین میں وین اور ٹریلر کے درمیان تصادم کے باعث 10 افراد جاں بحق اور 35 زخمی ہوگئے تھے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
ہالی ووڈ کی سسپنس فلم ’آ کیور فور ویل نیس‘ کا سنسنی خیز ٹریلر جاری کردیا گیا۔ فلم کی کہانی میں دکھایا گیا ہے کہ انسانی ذہن ہوش کی سرحدوں سے دور ہو کر کیا کیا کمالات دکھا سکتا ہے۔
شہرہ آفاق فلم سیریز ’پائریٹس آف دی کیربیئن‘ کے ڈائریکٹر گور وربنسکی کی آنے والی فلم ’آ کیور فور ویل نیس‘ اس بار عقل و شعور کی سرحد سے دور پیش آنے والے واقعات کو بڑے پردے پر پیش کرنے والی ہے۔
جاری کیے جانے والے ٹریلر میں ڈین ڈہان کو دکھایا گیا ہے جنہیں ذہنی صحت کی بحالی کے ایک ادارے میں بھیجا جاتا ہے۔
لیکن یہاں پہنچ کر انہیں احساس ہوتا ہے کہ اس ادارے میں پس پردہ بھی کچھ پراسرار کام جاری ہیں جن کا تعلق انسانی دماغ سے ہے۔
ٹریلر میں دکھائے گئے مختلف تخیلاتی مناظر سے ایک ہلکی سی جھلک دکھانے کی کوشش کی گئی ہے کہ ہمارا دماغ کس قدر طاقت ور ہے اور صحت مندی، بیماری یا انتشار کی حالت میں ہمیں کیا کیا دکھا سکتا ہے۔
ٹریلر کے ایک منظر میں ایک کردار کو کاغذ پر گول گول دائرے بناتے ہوئے دکھایا گیا ہے جو ذہنی انتشار کا شکار افراد کی عمومی عادت ہوتی ہے۔
اسی طرح خود کشی کا ایک منظر دکھا کر ذہنی بیماریوں کا شکار افراد کی دماغی کشمکش کو ظاہر کرنے کی کوشش کی گئی ہے۔
ایک منظر میں اداکارہ میا گوتھ بھی دکھائی دیں جو اس سے قبل فلم ’ایورسٹ‘ میں اپنی اداکاری کے جوہر دکھا چکی ہیں۔
ڈین ڈہان ان اسرار بھرے واقعات اور مخفی رازوں کا کھوج لگانے کی کوشش کرتے ہیں جو اس ادارے میں وقوع پذیر ہو رہے ہیں، جس کے بعد ان کی اپنی دماغی صحت کی خرابی کے خدشات پیدا ہوجاتے ہیں۔
ٹریلر کے آخری سین میں ڈین ایک سبز محلول میں کچھ انسانوں کو دیکھتا ہے جو بے ہوشی کی حالت میں وہاں موجود ہوتے ہیں تب اس پر انکشاف ہوتا ہے کہ وہ خود بھی اسی بیماری میں مبتلا ہے جس میں یہ لوگ مبتلا تھے اور انہیں ’علاج‘ کی خاطر اس محلول میں ڈالا گیا ہے۔
سیکوئل ’لاہور سے آگے‘ میں کئی تبدیلیاں کی گئی ہیں۔ فلم میں شہزاد شیخ کی جگہ یاسر حسین جبکہ عائشہ عمر کی جگہ صبا قمر کو مرکزی کردار کے لیے منتخب کیا گیا ہے۔ دیگر فنکاروں میں بہروز سبزواری، روبینہ اشرف، عتیقہ اوڈھو، عبد اللہ فرحت اللہ اور عمر سلطان شامل ہیں۔
جاری کیے جانے والے ٹریلر میں پاکستان کے مختلف خوبصورت مقامات کو دکھایا گیا ہے۔
دراصل یہ فلم مرکزی کرداروں کے سفر پر مشتمل ہے جس کے دوران انہیں مختلف سنگین و رنگین حادثات و واقعات کا سامنا کرنا پڑتا ہے۔
فلم میں مزاح کا عنصر بھی شامل کیا گیا ہے۔
عبداللہ فرحت اللہ ایک کم عقل بدمعاش جبکہ عتیقہ اوڈھو طوائف کے روپ میں نظر آئیں۔
صبا قمر فلم میں راک اسٹار کے روپ میں نظر آئیں گی۔ وہ اس سے قبل کئی پاکستانی ڈراموں میں مختلف نوعیت کے گھریلو کردار ادا کر چکی ہیں لہٰذا ان کا یہ روپ ان کی اداکاری کا امتحان اور ان کے مداحوں کے لیے دلچسپی کا باعث ہوگا۔
فلم کے ٹریلر سے اندازہ ہو رہا ہے کہ وہ اپنے اس نئے کردار کو خوبصورتی سے نبھانے میں کافی حد تک کامیاب رہی ہیں۔
فلم میں پانچ گانے شامل کیے گئے ہیں۔ ایک آئٹم سانگ بھی شامل ہے جسے صبا قمر اور یاسر حسین پر فلمایا گیا ہے۔ فلم کی موسیقی شیراز اوپل نے ترتیب دی ہے۔
فلم ’لاہور سے آگے‘ رواں سال 11 نومبر کو سینما گھروں میں نمائش کے لیے پیش کردی جائے گی۔
