کراچی: صدر عارف علوی نے دھابیجی ایکسپریس کا افتتاح کردیا، اس موقع پر انھوں نے وزیر ریلوے کو مبارک باد پیش کی.
تفصیلات کے مطابق افتتاحی تقریب سے خطاب کرتے ہوئے صدر پاکستان عارف علوی نے کہا کہ کراچی میں ریلوے نظام بالکل تباہ ہوگیا، آج ضرورت محسوس ہورہی ہے کہ گرین لائن اور اورنج لائن چلائی جائیں.
[bs-quote quote=” ایک سازش کےتحت ریلوےکے نظام کو تباہ کیا گیا، امید ہے موجودہ ریلوے انتظامیہ ادارے کو درست کرے گی” style=”style-7″ align=”left” author_name=”صدر عارف علوی”][/bs-quote]
صدر عارف علوی نے کہا کہ بہترین کارکردگی پر وزیر ریلوے شیخ رشید کو مبارک باد دیتا ہوں، کراچی میں ٹرانسپورٹ بھی ایک بڑا مسئلہ ہے.
انھوں نے کہا کہ ایک سازش کے تحت ریلوےکے نظام کو تباہ وبرباد کیا گیا، امید ہے کہ موجودہ ریلوے انتظامیہ ادارے کو درست کرے گی، ٹرین وقت کی پابندی کے بغیر نہیں چل سکتی، امیدکرتاہوں تمام ٹرینیں وقت پرچلیں گی.
انھوں نے کہا کہ وزیرریلوے دورہ چین سے واپس آکر ہمیں مزید خوشخبریاں دیں، پرائیویٹ سیکٹر مختلف اداروں میں سرمایہ کاری کے لئے تیار بیٹھا ہے.
اس موقع وزیر ریلوے شیخ رشیدنے کہا کہ وسائل کی کمی کے باوجودعوام کی خدمت میں مصروف ہیں، موجود وسائل میں عوام کے لئے سہولتیں فراہم کرنے کی کوشش کر رہے ہیں.
انھوں نے مزید کہا کہ میری خواہش ہے کہ کراچی سے حیدرآباد ٹرین شروع کریں، دھابیجی ایکسپریس کے افتتاح سے بہت خوشی ہوئی، مستقبل میں مزید ٹرینیں بھی چلائیں گے۔
ان کا کہنا تھا کہ سی پیک میں ریلوے بھی بہترین کردار ادا کرے گا، ایک سال میں محکمہ ریلوے کو خسارے میں سے نکال کر دکھائیں گے۔
شیخ رشید نے کہا کہ صدرکی آمدکی خوشی میں دھابیجی ایکسپریس پہلا سفر مفت کرے گی، مستقبل میں ایسے اقدامات کریں گے، جو ریلوےکے وسائل میں اضافہ کرےگا.
کرایہ کتنا ہوگا؟
دھابیجی ایکسپریس کراچی کینٹ اور دھابیجی کے درمیان چلے گی، ٹرین کاکرایہ 40 سے 80 روپے تک ہوگا، ٹرین کے لئے ماہانہ بنیادپر ٹکٹ بھی خریدا جاسکے گا.
