بھارت کے تلنگانہ آر ٹی سی بس کی خوفناک ٹکر کے باعث ٹریکٹر تین حصوں میں تقسیم ہوگیا، جس کی ویڈیو سوشل میڈیا پر گردش کررہی ہے۔
بین الاقوامی خبر رساں ادارے کی رپورٹ کے مطابق یہ ہولناک حادثہ ورنگل ضلع کے وردھناپیٹ منڈل میں پیش آیا حادثے میں ٹریکٹر ڈرائیور شدید زخمی ہو گیا۔
رپورٹس کے مطابق حادثے میں بس کا ڈرائیور اور 5 مسافر بھی معمولی زخمی ہوئے، جبکہ حادثے کی ویڈیو قریب ہی لگے سی سی ٹی وی کیمرے میں قید ہوگئی، جسے دیکھ کر اندازہ لگایا جاسکتا ہے کہ بس بہت زیادہ اسپیڈ میں تھی۔
اس سے قبل اسپین کے شہر ویلنسیا میں ٹرک بریک فیل ہونے کے باعث کھیتوں میں کھڑی دو گاڑیوں سے ٹکرا گیا، جس کے نتیجے میں 3 پاکستانی جاں بحق ہوگئے۔
اسپین میں پیش آئے افسوسناک واقعے میں 5 افراد زخمی بھی ہوئے ہیں، جاں بحق ہونے والے پاکستانیوں کا تعلق منڈی بہاالدین اور وزیرآباد سے ہے۔
سمندر میں ڈوبنے والی خاتون کی لاش شارک کے پیٹ سے نکال لی گئی
زخمیوں میں ارسلان، فرحان اور ارشد چیمہ بھی شامل ہیں۔ریسکیو حکام کا کہنا ہے کہ حادثے کے زخمیوں کو تشویشناک حالت میں ہسپتال منتقل کردیا گیا۔
