ARYNews.tv | Urdu – Har Lamha Bakhabar

Tag: ٹریکٹر ٹرالی

  • لاہور : ٹریکٹر ٹرالی نے موٹر سائیکل پر سوار 3 بھائیوں کو کچل ڈالا

    لاہور : ٹریکٹر ٹرالی نے موٹر سائیکل پر سوار 3 بھائیوں کو کچل ڈالا

    لاہور: ٹریکٹر ٹرالی نے موٹرسائیکل پر سوار تین بھائیوں کو کچل ڈالا اور ڈرائیور حادثے کے بعد موقع سے فرار ہوگیا۔

    تفصیلات کے مطابق لاہور کے علاقے کاہنہ فیروزپور روڈ پر افسوسناک حادثہ پیش آیا، جہاں ٹریکٹر ٹرالی نے موٹرسائیکل کو ٹکر مار دی۔

    پولیس کے حادثے کے نتیجے میں موٹرسائیکل پر سوار تینوں بھائی موقع پر جاں بحق ہوگئے۔

    پولیس کا کہنا ہے کہ ٹریکٹر ٹرالی کا ڈرائیور حادثے کے بعد موقع سے فرار ہوگیا، جس کی تلاش جاری ہے تاہم جاں بحق ہونے والوں کی لاشیں پوسٹ مارٹم کے لیے اسپتال منتقل کردی گئی ہیں۔

    مزید پڑھیں : لاہور شاہدرہ میں کم عمر ڈرائیور نے 3 موٹر سائیکلوں کو کچل دیا 

    یاد رہے لاہور کے علاقے شاہدرہ میں سنگیت سینما کے قریب کم عمر ڈرائیور نے تین موٹر سائیکلوں کو کچل دیا تھا ، پولیس کے مطابق حادثے میں ایک شخص جاں بحق اور 2 افراد زخمی ہوئے تھے۔

    کم عمر بچے کی ڈرائیونگ کرتے ہوئے دو سی سی ٹی وی فوٹیج منظرعام پر آئی تھیں، فوٹیج میں گاڑی چلاتے ہوئے بچے کو واضح طور پر دیکھا گیا، حادثے کے بعد مشتعل افراد نے بچے کو پکڑ کر تھپڑ مارے تھے۔

  • ٹریکٹر ٹرالی کی رکشے کو ٹکر، 3 افراد جاں بحق

    ٹریکٹر ٹرالی کی رکشے کو ٹکر، 3 افراد جاں بحق

    دادو: نواحی علاقے میں ٹریکٹر ٹرالی اور رکشے میں تصادم کے نیتجے میں 3 افراد جاں بحق ہوگئے۔

    تفصیلات کے مطابق دادو کے نواحی علاقے میں ٹریکٹر ٹرالی اور رکشے میں ٹکر کے نتیجے میں 3 افراد جاں بحق ہوگئے جبکہ 10 افراد زخمی ہوئے ہیں۔

    ریسکیو حکام کا کہنا ہے کہ حادثے میں 10 افراد زخمی ہوئے جس میں 2 بچیوں کی حالت تشویش ناک ہے، متاثرہ افراد شادی کی تقریب میں جارہے تھے۔

    دوسری جانب رحیم یار خان میں موٹر وے پر گڈو انٹرچینج کے قریب مسافر بس اور ٹرالر میں تصادم کے نتیجے میں خواتین اور بچوں سمیت 8 افراد جاں بحق جبکہ 10 شدید زخمی ہوگئے۔

    ریسکیو ذرائع کے مطابق حادثہ تیز رفتاری کے باعث پیش آیا، ریسکیو ذرائع کے مطابق مسافر بس کراچی سے راولپنڈی جا رہی تھی۔

    https://urdu.arynews.tv/hangu-bikes-collision-leaves-3-dead/

  • کراچی : ٹریکٹر ٹرالی کی زد میں آکر گلی میں کھیلتی بچی جاں بحق

    کراچی : ٹریکٹر ٹرالی کی زد میں آکر گلی میں کھیلتی بچی جاں بحق

    کراچی : گلی میں کھیلتی بچی کچرا اٹھانے والی ٹریکٹر ٹرالی کی زد میں آکر جاں بحق ہوگئی، جاں بحق بچی قریبی جھونپڑبستی کی رہائشی تھی۔

    تفصیلات کے مطابق کراچی کے علاقے گلشن اقبال ریلوے کالونی میں ٹریکٹرٹرالی کی زد میں آکر 3 سالہ بچی جاں بحق ہوگئی۔

    ریسکیوحکام نے بتایا کہ بچی گلی میں کھیلتے ہوئے کچرا اٹھانے والی ٹریکٹر ٹرالی کی زد میں آئی تاہم پولیس نے موقع پر پہنچ کر ٹریکٹر ٹرالی کے ڈرائیور کو گرفتار کرلیا۔

    حکام کا کہنا تھا کہ جاں بحق بچی قریبی جھونپڑبستی کی رہائشی تھی تاہم بچی کی لاش ضابطے کی کارروائی کیلئے اسپتال منتقل کردی ہے۔

    دوسرے واقعے میں شہر قائد کے علاقے ڈیفنس فیز7میں رات گئے ٹینکر کی ٹکرسے راہگیر جاں بحق ہوگیا ، پولیس نے بتایا کہ جاں بحق شخص کی شناخت تاحال نہیں ہوسکی تاہم ٹینکر کی زد میں آکر شہری کی ہلاکت کامقدمہ درج کر لیا گیا ہے۔

    پولیس کا کہنا تھا کہ حادثے کا مقدمہ سرکار کی مدعیت میں گزری تھانےمیں درج کیا گیا ہے، واٹر ٹینکرکراچی واٹراینڈسیوریج بورڈ کا ہے۔

    حکام نے کہا کہ ٹریفک حادثے کے بعد ٹینکر ڈرائیور موقع سے فرارہوگیا تھا لیکن ٹینکر کو قبضے میں لیکر تھانے منتقل کردیا گیا ہے۔

  • ٹریکٹر ٹرالی اور موٹرسائیکل میں تصادم، دو سگے بھائی جاں بحق

    ٹریکٹر ٹرالی اور موٹرسائیکل میں تصادم، دو سگے بھائی جاں بحق

    کروڑ لعل عیسن میں 90 موڑکے قریب ٹریکٹر ٹرالی اور موٹرسائیکل میں تصادم کے نتیجے میں دو بھائی جاں بحق ہوگئے۔

    اے آر وائی نیوز کے مطابق ریسکیو حکام کا اس حوالے سے کہنا ہے کہ حادثے میں ٹبی خورد کے رہائشی 2 بھائی عدیل اور شکیل جاں بحق ہوئے ہیں۔

    ریسکیو حکام کے مطابق حادثہ گنے سے لدی ٹریکٹر ٹرالی کے ساتھ موٹرسائیکل ٹکرانے سے پیش آیا ہے جبکہ لاشوں کو قریبی اسپتال منتقل کردیا گیا ہے۔

    اس سے قبل بلوچستان میں حب کے قریب وندر کے مقام پر کار اور ٹرک کے تصادم میں چھ سالہ بچی سمیت پانچ خواتین جاں بحق ہوگئیں۔

    تفصیلات کے مطابق بلوچستان کے علاقے وندر آدم کھنڈ کے مقام پر خوفناک ٹریفک حادثہ پیش آیا، جس میں چھ سالہ بچی سمیت پانچ خواتین جاں بحق ہوگئیں تاہم حادثے کے بعد ٹرک ڈرائیور موقع سے فرار ہوگیا۔

    حادثہ قومی شاہراہ پر ٹرک اور کار میں تصادم کے نتیجے میں پیش آیا، اہل خانہ کے مطابق جاں بحق افراد اپنی بہن کی عیادت کیلئے کراچی آ رہے تھے، متاثرہ فیملی کی ایک بہن کینسر کی مریضہ ہے، جو کراچی میں زیر علاج ہے۔

    حادثے کے بعد 6 سالہ بچی اور 4 خواتین سمیت 5 میتوں کو بلوچستان وندر سول اسپتال منتقل کیا گیا جہاں ضابطے کی کارروائی کے بعد میتوں کو کراچی حسین ہزارہ گوٹھ کے امام بارگاہ ابولفضل عباس منتقل کردیا گیا۔

    کراچی میں مختلف ٹریفک حادثات، 2 روز میں جاں بحق ہونے والوں کی تعداد 10 ہوگئی

    جاں بحق افراد میں 6 سالہ دو بچیاں، 32 سالہ خاتون، 20 سالہ لڑکی اور 27 سالہ خاتون شامل ہیں، تمام افراد کا تعلق ایک ہی خاندان سے تھا تاہم تمام میتوں کو غسل و کفن کے بعد آبادی علاقے کوئٹہ منتقل کردیا گیا ہے۔

  • باراتیوں سے بھری ٹریکٹر ٹرالی اُلٹنے سے 15 ہلاک

    باراتیوں سے بھری ٹریکٹر ٹرالی اُلٹنے سے 15 ہلاک

    بھارت کے مدھیہ پردیش میں ایک خوفناک حادثہ رونما ہوا، شادی کے مہمانوں سے بھری ٹریکٹر ٹرالی الٹنے سے 15سے زائد افراد موقع پر ہی زندگی کی بازی ہار گئے۔

    غیر ملکی ذرائع ابلاغ کے مطابق ٹریکٹر ٹرالی راجستھان سے راج گڑھ کی جانب جارہی تھی کہ حادثے کا شکار ہوگئی۔

    حکام کے مطابق حادثے میں درجن سے زائد افراد کے ہلاک ہونے کی اطلاعات سامنے آرہی ہیں، واقعہ کے بعد کلکٹر سمیت پولیس انتظامیہ موقع پر امدادی کارروائیوں میں مصروف ہے۔

    عینی شاہدین کا کہنا ہے کہ حادثہ ہوتے ہی ٹرالی الٹ گئی، متعدد افراد اس کے نیچے دب گئے۔ بعض افراد کی حالت اب بھی تشویشناک ہے۔ مرنے والوں کی تعداد میں اضافہ ہوسکتا ہے۔

    اس سے قبل مقبوضہ جموں و کشمیر میں ہندو زائرین سے بھری بس گہری کھائی میں گرنے سے 21 مسافر ہلاک ہوگئے تھے۔

    غیر ملکی میڈیا کی رپورٹس کے مطابق ہندو زائرین کی بس کو اکھنور کے نزدیک ٹانڈا کے قریب حادثہ پیش آیا جس میں 40 سے زائد افراد زخمی بھی ہیں۔

    اسرائیل نے شام کے فوجی ٹھکانوں پر بم برسا دیئے

    ابتدائی تحقیقات کے مطابق ڈرائیور کو گیئر شفٹ میں دشواری کا سامنا کرنا پڑا جس سے بس بے قابو ہو کر گہری کھائی میں جا گری۔ بس میں 60 سے زیادہ افراد سوار تھے جو بھارتی ریاست اترپردیش سے مقبوضہ جموں و کشمیر میں مندر کی زیارت کو جا رہے تھے۔

  • اسکول وین اور ٹریکٹر ٹرالی میں خوفناک تصادم، 4 بچے جاں بحق ، درجن سے زائد زخمی

    اسکول وین اور ٹریکٹر ٹرالی میں خوفناک تصادم، 4 بچے جاں بحق ، درجن سے زائد زخمی

    پیر محل: اسکول وین کی ٹریکٹر ٹرالی کے تصادم کے نتیجے میں 4بچے جاں بحق ہو گئے جبکہ درجن سے زائد بچے زخمی ہو گئے ہیں۔

    تفصیلات کے مطابق ٹوبہ ٹیک سنگھ کی تحصیل پیرمحل میں شورکوٹ روڈ پر موٹر وے پل کے قریب اسکول وین ٹریکٹر ٹرالی سے ٹکرا گئی، حادثے میں 4 بچے جاں بحق ہو گئے جبکہ درجن سے زائد بچے زخمی ہو گئے ہیں۔

    ریسکیو 1122 نے زخمیوں اور لاشوں کو ہسپتال منتقل کر دیا ہے، ذرائع نے بتایا کہ اسکول وین مختلف دیہات سے بچوں کو لے کر پیرمحل کی طرف آ رہی تھی کہ موٹر وے پل کے قریب ٹریکٹر ٹرالی نے ٹکرا گئی۔

    اسکول وین ٹریکٹر ٹرالی سے ٹکرانے کے بعد الٹ گئی، جس سے 3بچے موقع پر ہی جاں بحق ہو گئے۔

    ریسکیو نے موقع پر پہنچ کر زخمیوں اور لاشوں کو ٹی ایچ کیو اسپتال منتقل کر دیا، جہاں تشویشناک حالت کے باعث 4بچوں کو ڈی ایچ کیو ریفر کر دیا گیا ہے جبکہ جہاں ایک اور بچہ زخموں کی تاب نہ لاتے ہوئے جاں بحق ہوگیا۔

    اطلاع ملتے ہی شہریوں کی بڑی تعداد بھی اسپتال پہنچ گئی جبکہ ٹریکٹر ٹرالی ڈرائیور موقع سے فرار ہو گیا۔

    باقی زخمی بچوں کی حالت تسلی بخش بتائی جا رہی ہے تاہم جاں بحق ہونیوالوں میں 4سالہ معیز 4سالہ احمد اور 14سالہ بچی حسنہ شامل ہیں۔

    ایم ایس نے بتایا کہ اسکول وین حادثے میں 14افرادکو ٹی ایچ کیو لایا گیا، زخمیوں اورلاشوں کی ابتدائی رپورٹ اعلیٰ افسران کوبھجوادی گئی، رپورٹ کےمطابق 7زخمیوں کو طبی امداد کے بعد گھر بھیج دیا گیا جبکہ 3 شدید زخمیوں کو ڈی ایچ کیو ٹوبہ ٹیک سنگھ ریفر کیا گیا، اور ایک زخمی کو ٹی ایچ کیو اسپتال میں داخل کیا گیا ہے۔

    طالب علم کا کہنا تھا کہ حادثے کی شکار اسکول وین میں 18 بچے سوار تھے۔

  • خانیوال: ٹریکٹر ٹرالی کی رکشے کو ٹکر، 4 بچے جاں بحق

    خانیوال: ٹریکٹر ٹرالی کی رکشے کو ٹکر، 4 بچے جاں بحق

    خانیوال: صوبہ پنجاب کے شہر خانیوال میں ٹریکٹر ٹرالی اور رکشے میں تصادم کے نتیجے میں 4 بچے جاں بحق ہوگئے۔

    تفصیلات کے خانیوال کے علاقے نانک پور میں افسوس ناک حادثہ پیش آیا جہاں تیز رفتر ٹریکٹر ٹرالی نے رکشے کو ٹکر مار دی، حادثے میں 4 بچے جاں بحق جبکہ ایک زخمی ہوگیا۔

    ریسکیو حکام کا کہنا ہے کہ حادثے میں زخمی ہونے والے شخص کو فوری طور پر طبی امداد کے لیے اسپتال منتقل کر دیا گیا ہے۔

    پولیس کا کہنا ہے کہ حادثے میں جاں بحق بچوں کی لاشوں کو اسپتال منتقل کر دیا گیا ہے جہاں قانونی کارروائی کے بعد لاشوں کو ورثا کے حوالے کیا جائے گا۔

    لورالائی: ٹرک اور کار میں ٹکر،5 افراد جاں بحق

    یاد رہے کہ گزشتہ ماہ 15 اگست کو صوبہ بلوچستان کے علاقے لورالائی میں ٹرک اور کار میں تصادم ہوا تھا جس کے نتیجے میں 5 افراد جاں بحق جبکہ 3 زخمی ہوگئے تھے۔

    پولیس حکام کا کہنا تھا کہ حادثے میں زخمی ہونے والے 3 افراد کو طبی امداد کے لیے اسپتال منتقل کر دیا گیا تھا۔

  • ساہیوال: ٹریکٹر ٹرالی اور ٹریلر میں تصادم، 2 خواتین جاں بحق

    ساہیوال: ٹریکٹر ٹرالی اور ٹریلر میں تصادم، 2 خواتین جاں بحق

    ساہیوال: صوبہ پنجاب کے شہر ساہیوال میں ٹریکٹر ٹرالی اور ٹریلر میں تصادم کے نتیجے میں 2 خواتین جاں بحق جبکہ 25 افراد زخمی ہوگئے۔

    تفصیلات کے مطابق ساہیوال میں ہڑپہ ٹول پلازہ کے قریب ٹریکٹر ٹرالی اور ٹریلر میں تصادم ہوا، افسوس ناک حادثے میں 2 خواتین جان کی بازی ہار گئیں۔

    ریسکیو حکام کا کہنا ہے کہ حادثے میں 24 خواتین سمیت 25 افراد زخمی ہوئے جنہیں فوری طور پر قریبی اسپتال منتقل کر دیا گیا جہاں انہیں طبی امداد دی جا رہی ہے۔

    پولیس حکام نے بتایا کہ ٹریکٹر ٹرالی میں خواتین کپاس کی چنائی کے لیے کھیت جا رہی تھیں۔

    بونیر:گاڑی کھائی میں گر گئی، 8 افراد جاں بحق

    یاد رہے کہ گزشتہ ہفتے بونیر میں چلندری چغرزئی میں گاڑی کھائی میں گرنے سے 8 افراد جان کی بازی ہار گئے تھے جبکہ 12 افراد زخمی ہوگئے تھے۔

    پولیس حکام کا کہنا تھا کہ گاڑی میں سوار افراد شادی میں شرکت کے بعد واپس لوٹ رہے تھے کہ افسوس ناک حادثہ پیش آیا، جاں بحق افراد میں 2 خواتین اور 2 بچے بھی شامل تھے۔

  • پنجاب: ٹریکٹر ٹرالیوں کے ساتھ دیگر گاڑیوں کا تصادم، 5 افراد جاں بحق، درجنوں زخمی

    پنجاب: ٹریکٹر ٹرالیوں کے ساتھ دیگر گاڑیوں کا تصادم، 5 افراد جاں بحق، درجنوں زخمی

    ملتان/وہاڑی: پنجاب کے مختلف اضلاع میں ٹریکٹر ٹرالیوں، بس اور وین میں تصادم کے نتیجے میں 5 افراد جاں بحق جب کہ درجنوں زخمی ہو گئے۔

    تفصیلات کے مطابق پنجاب کے ضلع حافظ آباد میں چک چھٹہ کے قریب ٹریکٹر ٹرالی اور بس میں تصادم کے نتیجے میں 4 افراد جاں بحق جب کہ حادثے میں 13 سے زائد افراد زخمی ہو گئے۔

    ریسکیو ذرایع کا کہنا ہے کہ جاں بحق اور زخمیوں کو ٹراما سینٹرمنتقل کر دیا گیا ہے، حادثے کا شکار بس شادی کے لیے جوکھیاں سے ملتان جا رہی تھی، بس میں باراتی سوار تھے۔

    ادھر دوسرے حادثہ سلطان کالونی میں پیش آیا، اڈا پٹھان ہوٹل کے قریب ٹریکٹر ٹرالی ایک وین سے ٹکرا گئی، ریسکیو ذرایع کے مطابق حادثے میں 14 افراد زخمی ہوئے جنھیں ملتان کے نشتر اسپتال منتقل کیا گیا، یہ حادثہ دھند کے باعث پیش آیا۔

    ضلع وہاڑی کے علاقے ٹبہ سلطان پور میں وہاڑی روڈ پر تیز رفتار کار ٹریکٹر ٹرالی سے ٹکرا گئی، ریسکیو ذرایع کے مطابق حادثے میں ایک شخص جاں بحق، جب کہ 1 شدید زخمی ہو گیا، جاں بحق شخص کی شناخت 18 سالہ محمد انس کے نام سے ہوئی۔

    جاں بحق ہونے والا نوجوان کمالیہ کا رہایشی تھا، ریسکیو ذرایع کا کہنا ہے کہ زخمی ڈرائیورعبدالرشید کی حالت بھی تشویش ناک ہے۔

  • تونسہ بیراج پر ٹریکٹر ٹرالی کو حادثہ، 5 افراد جاں بحق، 13 زخمی

    تونسہ بیراج پر ٹریکٹر ٹرالی کو حادثہ، 5 افراد جاں بحق، 13 زخمی

    کوٹ ادو: تونسہ بیراج پر ٹریکٹر ٹرالی کو حادثہ پیش آنے کے باعث 5 افراد جاں بحق جب کہ 13 زخمی ہو گئے ہیں۔

    تفصیلات کے مطابق کوٹ ادو میں تونسہ بیراج پر ریس لگانے والی ٹریکٹر ٹرالی الٹ گئی، حادثے میں 5 افراد جاں بحق اور تیرہ زخمی ہو گئے، واقعے میں تین افراد موقع پر ہی جاں بحق ہو گئے تھے جب باقی دو افراد بعد میں دم توڑ گئے۔

    وزیر اعلیٰ پنجاب عثمان بزدار نے ہیڈ تونسہ کے قریب حادثے میں جانی نقصان پر اظہار افسوس کرتے ہوئے جاں بحق افراد کے لواحقین سے اظہار ہم دردی کیا۔ دریں اثنا، وزیر اعلیٰ پنجاب نے حادثے کے بارے میں انتظامیہ سے رپورٹ بھی طلب کر لی ہے۔

    ادھر بلوچستان کے علاقے پنجگور میں بھی ایک مسافر کوچ اور رکشے میں ٹکر ہو گئی جس کے باعث 2 افراد جاں بحق ہو گئے، ریسکیو کے مطابق تیز رفتار کوچ نے چنگ چی رکشے کو ٹکر مار دی تھی جس سے رکشے میں بیٹھے ہوئے دو افراد جاں بحق ہو گئے۔

    یہ بھی پڑھیں:  لاہور: ٹریکٹر ٹرالی کی موٹرسائیکل کو ٹکر،4 افراد جاں بحق

    یاد رہے کہ ستمبر میں لاہور میں بھی ایک تیز رفتار ٹریکٹر ٹرالی نے موٹر سائیکل کو کچل دیا تھا جس کے باعث خاتون اور تین بچے جاں بحق ہو گئے تھے، ٹریکٹر ڈرائیور جائے وقوعہ سے فرار ہو گیا تھا۔