اسلام آباد : ایران سے ٹماٹر اور پیاز سے لدے ٹرالرز پاک افغان سرحدی شہر تفتان پہنچ گئے۔
تفصیلات کے مطابق سیلاب کی وجہ سے ملک بھر میں ٹماٹر اور پیاز کی بڑھتی ہوئی قیمتوں کے معاملے پر ایران سے ٹماٹر اور پیاز سے لدے ٹرالرز پاک افغان سرحدی شہر تفتان پہنچ گئے۔
ٹماٹر اور پیاز کے ٹرالرز کو کلیئرنس کے بعد اندرون ملک روانہ کر دیا گیا ہے۔
وفاقی حکومت نے ایران سے ڈیوٹی فری درآمد کی اجازت دی تھی، اقدام سے پیازاورٹماٹر کی قیمتوں میں کمی آئے گی۔
خیال رہے سیلاب سے فصلوں کونقصان اور مقامی منڈیوں میں پیاز،ٹماٹرکی قیمتوں میں غیر معمولی اضافہ ہوا، جس کے بعد پیاز اور ٹماٹر ایران اور افغانستان سے درآمد کرنے کا فیصلہ کیا گیا تھا۔
وزارت تجارت کا کہنا تھا کہ آئندہ 3 ماہ میں ملک کو ٹماٹر اور پیاز کی قلت کا سامنا کرنا پڑے گا، حالیہ سیلاب نے فصلوں کو نقصان پہنچایا جس سے قیمتوں میں اضافہ اور قلت متوقع ہے، درآمد سے قیمتوں میں استحکام اور دستیابی میں مدد ملے گی۔
