بھارت میں ٹماٹر کی قیمت بلند سطح پر ہے جس سے بھارت کے ہر عام و خاص شہری متاثر ہورہے ہیں۔
بھارت میں ٹماٹر کی قیمت میں اضافے کے بعد کئی دلچسپ و عجیب ویڈیو سامنے آئی ہے جس میں سے اب سامنے آنے والی ویڈیو ایک چوری کی واردات کی ہے۔
یہ واقعہ بھارت کے شہر حیدرآباد میں موجود ایک سبزی منڈی میں پیش آیا، جہاں کسان ٹماٹر فروخت کرنے کے لیے 75 کلو ٹماٹر لے کر سبزی مارکیٹ پہنچا تاہم ایک موٹر سائیکل سوار چور وہاں سے 3 ٹوکری لے کر فرار ہوگیا۔
https://twitter.com/dialnewsinfo/status/1683013071214886913?s=20
اس واردات کی فوٹیج بھی سامنے آگئی ہے جس میں دیکھا جاسکتا ہے کہ چور بار بار چکر لگاتا ہے اور موقع سے فائدہ اٹھاتے ہوئے ٹماٹر سے بھری ہوئی 3 ٹوکری چوری کرکے فرار ہوجاتا ہے۔
بھارتی میڈیا کے مطابق سر پر ہیلمٹ کی وجہ سے چور کی شناخت نہیں ہوسکی، تاہم پولیس نے واردات کا مقدمہ درج کرلیا۔
شلپا شیٹی کو ’ٹماٹر‘ نے کھری کھری سنا دی، دلچسپ ویڈیو وائرل
واضح رہے کہ ٹماٹر کی قیمتوں میں اضافے پر معروف شخصیات دلچسپ ویڈیو بھی وائرل کر رہی ہیں جیسا کہ گزشتہ دنوں معروف بالی ووڈ اداکارہ شلپا شیٹھی کی ایک مزاحیہ ویڈیو وائرل ہوئی۔
https://twitter.com/dialnewsinfo/status/1683013127439532033?s=20