ARYNews.tv | Urdu – Har Lamha Bakhabar

Tag: ٹمبر مارکیٹ

  • دکانداروں نے کے الیکٹرک کے عملے پر تھپڑوں کی بارش کر دی

    دکانداروں نے کے الیکٹرک کے عملے پر تھپڑوں کی بارش کر دی

    کراچی: شہر قائد کے علاقے ٹمبر مارکیٹ کے دکانداروں نے کے الیکٹرک کی 3گاڑیوں اور عملے کو  یرغمال بنا لیا۔

    تفصیلات کے مطابق کے الیکٹرک ٹیم ٹمبر مارکیٹ کی بجلی کاٹنے کے لئے پہنچی تھی اس دوران دکانداروں نے کے الیکٹرک عملے پر تھپڑوں کی بارش کردی، 3 گاڑیوں اور عملے کو  یرغمال بنا لیا۔

    صدر ٹمبر مرچنٹ گروپ شرجیل گوپلانی نے کہا کہ کے الیکٹرک کا عملہ مارکیٹ کی بجلی کاٹنے لگا تھا، کے الیکٹرک عملہ دکانوں کے میٹر اور، جمپر کاٹنے میں مصروف تھا۔

    شرجیل گوپلانی نے کہا کہ جب عملے کو میٹر اتارنے اور جمپر کاٹنے سے منع کیا گیا لیکن وہ نہیں مانے جس کے بعد دکانداروں عملے اور گاڑیوں کو  یرغمال بنایا۔

    صدر ٹمبر مرچنٹ گروپ شرجیل گوپلانی نے مزیز کہا کہ کے الیکٹرک عملے کو کارخانے میں بٹھا دیا ہے،گرمی ہے پانی، پنکھا بھی فراہم کیا گیا ہے۔

  • ٹمبر مارکیٹ میں جوتوں کی فیکٹری میں آگ، بالائی منزل منہدم

    ٹمبر مارکیٹ میں جوتوں کی فیکٹری میں آگ، بالائی منزل منہدم

    لاہور: ٹمبر مارکیٹ میں جوتوں کی فیکٹری میں لگی آگ پر 3 گھنٹے بعد قابو پا لیا گیا، متاثرہ فیکٹری میں کولنگ کا عمل جاری ہے۔

    تفصیلات کے مطابق فائر بریگیڈ حکام کا کہنا ہے کہ لاہور میں ٹمبر مارکیٹ میں جوتوں کی فیکٹری میں لگی آگ بجھا دی گئی ہے، آگ بجھانے کے لیے 12 فائر ٹینڈرز طلب کی گئی تھیں۔

    فیکٹری میں لگی آگ کی شدت کے باعث فیکٹری کی بالائی منزل گر چکی ہے، تاہم ریسکیو عملے نے فیکٹری میں موجود 25 کے قریب ملازمین کو بہ حفاظت نکال لیا تھا۔

    ریسکیو ذرایع کا کہنا تھا کہ فیکٹری میں سلوشن اور ریگزین وافر مقدار میں موجود تھا جس کی وجہ سے آگ پر قابو پانے میں مزید تاخیر ہوئی۔

    ریسکیو ذرایع نے یہ بھی بتایا کہ فیکٹری میں آگ شارٹ سرکٹ کے باعث لگی، آگ پر فوراً قابو نہیں پایا جا سکا اور وہ شدت اختیار کر گئی، جس کی وجہ سے 3 منزلہ فیکٹری کی بالائی چھت منہدم ہو گئی، چھت گرنے کے باعث اطراف کی عمارتوں کو نقصان کا خدشہ ہے۔

    خیال رہے کہ جوتوں کی فیکٹری میں موجود کیمیکل کے باعث آتش زدگی پر قابو پانا شدید مشکل ہو جاتا ہے، دو سال قبل کراچی کی جوتوں کی ایک فیکٹری میں لگی آگ تیسرے درجے میں چلی گئی تھی جس کے باعث پوری فیکٹری ہی منہدم ہو گئی تھی۔

  • بحریہ ٹاؤن کی جانب سےٹمبرمارکیٹ کے متاثرین میں چیک تقسیم

    بحریہ ٹاؤن کی جانب سےٹمبرمارکیٹ کے متاثرین میں چیک تقسیم

    کراچی: بحریہ ٹاؤن کی جانب سےکراچی ٹمبرمارکیٹ کے متاثرین اور شہید پولیس اہلکاروں کے ورثا میں چیک تقسیم کردیئے گئے۔

    ٹمبرمارکیٹ کے متاثرین میں امدادی رقوم کے چیک تقسیم کرنے کی تقریب گورنرہاؤس کراچی میں ہوئی جس میں گورنرسندھ ،چیئرمین بحریہ ٹاؤن ملک ریاض ،شرجیل میمن اور تاجروں ،صنعتکاروں نے شرکت کی۔

    اس موقع پرگورنرسندھ نے ملک ریاض کی متاثرین کیلئے خدمات کوسراہا اور متاثرین کویقین دلایا کہ حکومت ان کے ساتھ کھڑی ہے۔

     چیئرمین بحریہ ٹاؤن ملک ریاض کاکہناتھا جب بھی مشکل پڑے حکومتوں کوتاجروں کےساتھ کھڑا ہوناچاہئے امید ہے حکومت وعدے پورے کرے گی،ملک ریاض نے کراچی کو دبئی اورہانگ کانگ کی طرزکاشہر بنانے کےعزم کابھی اظہارکیا۔

     وزیراطلاعات سندھ شرجیل میمن کاکہناتھا ٹمبرمارکیٹ کےمتاثرین نقصانات کاتخمینہ لگاکردیں ازالہ کریں گے، سینٹرل پولیس آفس میں شہید پولیس اہلکاروں کے ورثا میں دس لاکھ روپے کے چیک اور بحریہ ٹاؤن میں ایک سوپچیس گز کے پلاٹ کے کاغذات دینے کی تقریب ہوئی۔

    جس میں آئی جی سندھ سمیت دیگرافسران شریک ہوئے،بحریہ ٹاؤن کےوائس چیف ایگزیکٹیو زین ملک نے بتایا ملک ریاض کاوژن ہے کہ شہدا کی قربانیوں کو نہ بھلایاجائے۔

    اس موقع پر آئی جی سندھ غلام حیدرجمالی کاکہناتھا شہدا کوخون رائیگاں نہیں جائے گا۔

  • الطاف حسین کی جانب سے متاثرین ٹمبرمارکیٹ کوعید میلاد النبی کی مبارکباد

    الطاف حسین کی جانب سے متاثرین ٹمبرمارکیٹ کوعید میلاد النبی کی مبارکباد

    لندن: جشن عید میلادالنبی کے موقع پرمتحدہ قومی مومنٹ کے قائد الطاف حسین نے ٹمبرمارکیٹ کے امدادی کیمپ کے شرکاءکو عید میلاد النبی کی مبارک باد دی۔

    لندن سےٹیلی فونک خطاب میں الطاف حسین نے کہا کہ انسانیت کی خدمت بلا امتیاز رنگ و نسل کرنی چاہئے ،مصیبت زدہ عوام کی خدمت اللہ کی مخلوق کی خدمت ہے۔

    انہوں نے افسوس کا اظہارکرتے ہوئے کہاکہ وزیر اعلیٰ سندھ سید قائم علی شاہ نے آج تک متاثرین ٹمبر مارکیٹ کے زخموں پر مرہم رکھنے کیلیےمتاثرہ مقام کا دورہ تک نہیں کیا۔

    متاثرین کی دلجوئی وزیر اعلیٰ کا فرض ، حکم الٰہی اور رسول اللہ کی تعلیمات کے درس و ہدایت کے مطابق ہے۔ایم کیو ایم کے قائد نے کہا کہ وہ دس سال سے ملک میں طالبان دہشت گردوں کی سر گرمیوں سے آگاہ کرتے رہےلیکن ان کامذاق اُڑایا جاتا رہا۔

    انہوں نے خبردارکیا کہ اگر اب بھی سیاسی و عسکری قائدین اور قوم نہ جاگی تو خدانخواستہ ملک کو ناقابل تلافی نقصان پہنچے گا۔خطاب کے وقت کیمپ میں حق پرست اراکین اسمبلی ، سیکٹر ز و یونٹس کے ذمہ داران، مرکزی شعبہ جات کے اراکین اور متاثرین موجودتھے۔

  • ملک ریاض کا متاثرین ٹمبرمارکیٹ کو دس لاکھ روپے فی کس دینے کااعلان

    ملک ریاض کا متاثرین ٹمبرمارکیٹ کو دس لاکھ روپے فی کس دینے کااعلان

    کراچی: سندھ اورمرکزی حکومت کی بے حسی کوبھانپتے ہوئے ملک ریاض نے متاثرین ٹمبر مارکیٹ کو دس لاکھ روپے فی کس دینے کااعلان کیا ہے۔

    کراچی ٹمبرمارکیٹ میں کروڑوں کاسامان جل کرراکھ ہوگیا لیکن مرکزی اور صوبائی حکومتیں زبانی جمع خرچ سے آگے نہ بڑھ سکیں،کسی وزیر کودادرسی کی توفیق ہوئی نہ کوئی مشیر متاثرین کے زخموں پرمرہم رکھنے نہ پہنچا۔

    حکومت سندھ کمیٹی بنا کربری الذمہ ہوگئی تو وفاقی نمائندوں نے صرف ٹیلی فونک گفتگو کرپراکتفا کیا، لیکن عملی اقدامات کسی نے نہ کیے،دن رات کروڑوں میں کھیلنے والوں کو روڈ پرآگئےتو چیئرمین بحریہ ٹاؤن ملک ریاض آگے بڑھے اور ہرمتاثرہ دکاندار کیلئے دس لاکھ روپے کااعلان کردیا۔

  • ایم کیو ایم نے ٹمبرمارکیٹ متاثرین کیلئے ہیلپ لائن نمبرجاری کردیا

    ایم کیو ایم نے ٹمبرمارکیٹ متاثرین کیلئے ہیلپ لائن نمبرجاری کردیا

    کراچی: متحدہ قومی موومنٹ نے پرانا حاجی کیمپ ٹمبر مارکیٹ میں آتشزدگی کے بعد ایم کیوایم کی جانب سے قائم کئے گئے امدادی کیمپ پر سانحہ کے متاثرین کی سہولت کیلئے ہیلپ لائن نمبرجاری کردیا ہے ۔

    ایک بیان میں ایم کیو ایم شعبہ اطلاعات کی جانب سے کہا گیا ہے کہ عوام ایم کیوایم کے ٹمبر مارکیٹ امدادی کیمپ پر 32735409 نمبرپر 24گھنٹے رابطہ کرسکتے ہیں ۔

    جہاں حق پرست اراکین قومی و صوبائی اسمبلی و دیگر ذمہ داران آتشزدگی سے متاثرہ عوام و تاجروں کی رہنمائی ان کے نقصانات کے تخمینے اور ازالے کے حوالے سے انہیں تعاون فراہم کرنے کیلئے موجود رہیں گے۔