Tag: ٹنڈولکر

بھارت کے لیجنڈری کرکٹر سچن ٹنڈولکر نے چائے کے کپ کے ساتھ ٹویٹ کیا کی پاکستانیوں نے بھارتیوں کو فنٹاسٹک ٹی کی یاد دلا دی۔

چائے دنیا میں سب سے زیادہ پسند اور پیا جانے والا مشروب ہے۔ 21 مئی کو چائے کا عالمی دن منایا جاتا ہے۔ بھارت کے سابق کپتان لیجنڈری سچن ٹنڈولکرنے چائے کے عالمی دن کے موقع پر چائے کا کپ ہاتھ میں ہاتھ کر اپنی ایک تصویر ٹویٹ کی لیکن ایسا کرنا انہیں مہنگا پڑ گیا۔

ٹنڈولکر نے ایکس پر خوبصورت پس منظر میں چائے کا کپ ہاتھ میں تھامے اپنی ایک تصویر شیئر کی جس پر لکھا کہ ’’جب چائے کی بات ہو تو ہمیشہ ایک کپ اور ہو جائے ہوتا ہے۔‘‘

سابق بھارتی کرکٹر کا یہ ٹویٹ کرنا تھا کہ پاکستانیوں نے نہ صرف ٹنڈولکر بلکہ ایک ارب سے زائد بھارتیوں کو 2019 کی ’’فنٹاسٹک ٹی‘‘ کی یاد دلا دی۔

When it’s about chai, it’s always
Ek aur cup ho jaye! ❤️#InternationalTeaDay ☕️ pic.twitter.com/90u4eJAvKf

— Sachin Tendulkar (@sachin_rt) May 21, 2025

ٹنڈولکر کے مذکورہ پوسٹ کرتے ہی پاکستانی صارفین نے اس پر تبصرے شروع کر دیے۔

ایک صارف نے کہا کہ فنٹاسٹک چائے کے لیے آپ کو پاکستان لینڈ کرنا ہوگا تو ایک اور صارف نے بھارتیوں کے زخم ہرا کرتے ہوئے لکھا کہ کبھی ایک کپ چائے کی قیمت لڑاکا طیارہ ہوتی ہے۔

ایک منچلے نے بھارتیوں کو ابھینندن کی یاد دلاتےہوئے کہا کہ اس بار رافیل میں تشریف لائیے اور ہمیں ایک اور محبت بھری چائے کی میزبانی کا موقع دیجیے۔

واضح رہے کہ 2019 میں پلوامہ فالس فلیگ آپریشن کی آڑ میں بھارتی طیاروں نے پاکستانی حدود کی خلاف ورزی کی لیکن شاہین پوری طرح چوکس تھے۔ انہوں نے یک آن حملہ کر کے بھارتی طیارہ مار گرایا اور پائلٹ ابھیندن کو گرفتار کر لیا تھا۔

تاہم پاکستان نے روایتی مہمان نوازی کا مظاہرہ کرتے ہوئے ابھینندن کا میڈیکل کرانے کے بعد انہیں چائے پیش کی تھی اور ابھینندن نے چائے پی کر کہا تھا کہ ’’ٹی از فنٹاسٹک‘‘۔ بعد ازاں پاکستان نے جذبہ خیر سگالی کے تحت بھارتی پائلٹ کو رہا بھی کر دیا تھا۔

https://urdu.arynews.tv/pahalgam-pakistani-cricketers-trolled-indians-fantastic-tea/

بھارت کے ریکارڈ ساز بیٹر لیجنڈ ٹنڈولکر کو ویرات کوہلی کی ٹیسٹ کرکٹ سے ریٹائرمنٹ پر جذباتی واقعہ یاد آ گیا اور اس کو شیئر کر دیا۔

بھارتی کپتان روہت شرما کی ریٹائرمنٹ کے دو دن بعد ویرات کوہلی نے بھی ٹیسٹ کرکٹ سے اچانک ریٹائرمنٹ کا اعلان کر کے سب کو حیران کر دیا۔ کوہلی کی ریٹائرمنٹ پر جہاں مختلف افواہیں جاری ہیں وہیں لیجنڈ کرکٹرز انہیں خراج تحسین بھی پیش کر رہے ہیں۔

ویرات کوہلی کے اعلان ریٹائرمنٹ پر سچن ٹنڈولکر نے انہیں کرکٹ کی خدمات پر خراج تحسین پیش کیا اور اس موقع پر انہیں اپنی ریٹائرمنٹ سے جڑا ایک واقعہ یاد آیا اور یہ جذباتی کہانی انہوں نے سوشل میڈیا پر بھی شیئر کی۔

سچن ٹنڈولکر نے لکھا کہ آج سے 12 سال قبل جب وہ اپنے طویل کرکٹ کیریئر سے ریٹائر ہوئے تھے تو نوجوان ویرات نے اس خاص دن انہیں ایک بہت ہی خاص تحفہ دیا تھا، جس کو وہ آج تک نہیں بھلا سکے۔

لیجنڈری کرکٹر کا کہنا تھا کہ میری ریٹائرمنٹ پر ویرات نے انہیں اپنے آنجہانی والد کا دھاگا تحفے کے طور پر دینے کی پیشکش کی تھی جو کہ ان کے لیے بہت ہی جذباتی تھا۔

ٹنڈولکر نے کہا کہ ویرات سے انہیں جو کچھ ملا، اس سے زیادہ ان کے پاس دینے کے لیے کچھ نہیں۔ اب ان کی ریٹائرمنٹ پر میں انہیں اس طرح کا کوئی خراج تحسین تو پیش نہیں کر سکتا لیکن اس کی گہری تعریف ضرور کر سکتا ہوں۔

انہوں نے کہا کہ ویرات کو مخاطب کرتے ہوئے کہا کہ آپ نے اپنے کرکٹ کیریئر کے دوران ان گنت نوجوان کرکٹرز کو متاثر کیا ہے۔ میرے پاس آپ کے تحفے کے بدلے میں پیش کرنے کے لیے کوئی دھاگا نہیں ہے لیکن میری تمام نیک خواہشات آپ کے ساتھ ہیں۔

https://urdu.arynews.tv/delhi-coachs-shocking-revelation-on-virat-kohlis-sudden-retirement/