اسلام آباد : معاون خصوصی برائے اطلاعات ونشریات فردوس عاشق اعوان نے کہا ہے کہ احسن اقبال کے جرائم کے ثبوت سرکاری دستاویزات سے برآمد ہورہے ہیں، لیگی رہنما ان ثبوتوں کا جواب کیوں نہیں دیتے؟
یہ بات انہوں نے سماجی رابطے کی ویب سائٹ ٹوئٹر پر اپنے پیغام میں کہی۔ معاون خصوصی نے ن لیگ کے مرکزی رہنما کو مخاطب کرتے ہوئے کہا کہ احسن اقبال صاحب آپ پہلے مراد سعید کے سوالات کا جواب دیں آپ کےجرائم کے ثبوت سرکاری دستاویزات سے برآمد ہورہے ہیں، احسن اقبال صاحب آپ ان ثبوتوں کا جواب کیوں نہیں دیتے؟
احسن اقبال صاحب !آپ پہلے وفاقی وزیر مراد سعید کے سوالات کا جواب دیں۔آپ کے جرائم کے ثبوت سرکاری دستاویزات سے برآمد ہو رہے ہیں ان کا جواب کیوں نہیں دیتے؟
— Firdous Ashiq Awan (@Dr_FirdousPTI) July 10, 2019
فردوس عاشق اعوان نے مزید کہا کہ شاہد خاقان صاحب آپ اور ن لیگی ترجمان کس پر اپنا غصہ اتار رہے ہیں، نواز شریف کو عمران خان نے نہیں عدالتوں نے سزا دی ہے، ثبوت کے بجائے قطری خط پیش کرنے کی تجویز عمران خان نے نہیں دی تھی۔
شاہد خاقان صاحب! آپ اور ن لیگی ترجمان پہلے یہ فیصلہ کرلیں کہ وہ کس پر غصہ اتار رہے ہیں؟نواز شریف کو سزا عمران خان نے نہیں عدالتوں نے دی ہے۔عمران خان نے آپ سے نہیں کہا تھا کہ اپنی بےگناہی میں ثبوت پیش کرنے کی بجائے قطری خط پیش کر دیں۔
— Firdous Ashiq Awan (@Dr_FirdousPTI) July 10, 2019
انہوں نے کہا کہ آپ جیسے لوگ قوم پر مسلط تھے، عمران خان نے عوامی حمایت سے استحصالی تسلط کا خاتمہ کیا، سابق کٹھ پتلی وزیراعظم شاہد خاقان عباسی نے19غیر ملکی دورے کئے، قومی خزانے کو25کروڑ95لاکھ سے زائد کا نقصان پہنچایا گیا۔
معاون خصوصی نے کہا کہ اپنے دور حکومت میں آپ کی قیادت ذاتی کاروبار میں مصروف تھی، آپ کو ذاتی کاروبار سے فرصت ملتی تو عوام کا کاروبار چلتا، آپ لوگوں نے تو مشیر کی گاڑی کے پہیئے تک اتار کر اس کا انجن بھی بیچ دیا۔
