ARYNews.tv | Urdu – Har Lamha Bakhabar

Tag: ٹوئٹر

  • عمران خان کی خواتین سے متعلق ن لیگی رہنماؤں کے نازیبا بیان کی مذمت

    عمران خان کی خواتین سے متعلق ن لیگی رہنماؤں کے نازیبا بیان کی مذمت

    اسلام آباد : پاکستان تحریک انصاف کے چئیرمین عمران خان نے ن لیگی رہنماؤں کی جانب سے خواتین کیخلاف نازیبا زبان کے استعمال کی سخت مذمت کرتے ہوئے اسے شرمناک قرار دیا ہے۔

    تفصیلات کے مطابق پی ٹی آئی کے جلسے میں شریک خواتین کے لئے رانا ثناءاللہ اور عابد شیرعلی کی جانب سے نازیبا الفاظ استعمال کرنے پر چیئرمین پی ٹی آئی عمران خان نے کہا ہے کہ رانا ثناءاللہ اور اس کے گروہ کے افراد شریف خاندان کی ذہنیت کا عکاس ہے۔

    یہ بات انہوں نے سماجی رابطے کی ویب سائٹ ٹوئٹر پر اپنے پیغام میں کہی، انہوں نے کہا کہ رانا ثناءاللہ، عابد شیرعلی نے خواتین کیلئے گندی زبان استعمال کی، ان لوگوں نے گزشتہ30سال میں ہمیشہ خواتین کی بے عزتی کی۔

    خواتین کاعدم احترام ہمارے مذہب اور ثقافت کےخلاف ہے، عمران خان نے جلسے میں بڑی تعدادمیں شرکت پرپی ٹی آئی کی خواتین کاشکریہ بھی ادا کیا، انہوں نے مزید کہا کہ ہزارہ برادری کے افراد کی ٹارگٹ کلنگ کی شدید مذمت کرتاہوں، چھوٹی سی کمیونٹی کے تحفظ میں ناکامی قوم کیلئے باعث شرم ہے۔

    واضح رہے کہ پنجاب کے وزیر قانون رانا ثناءاللہ نے مینار پاکستان میں تحریک انصاف کے میگا پاور شو پر رد عمل دیتے ہوئے اخلاقیات کا دامن ہاتھ سے چھوڑ دیا تھا۔

    مزید پڑھیں: کپتان کے جلسے پر رانا ثناءاللہ کا تضحیک آمیز رویہ، پی ٹی آئی اور پی پی کا رد عمل

    ان کا کہنا تھا کہ پی ٹی آئی کے جلسے میں شریک خواتین گھریلو نہیں تھیں، ناچ گانا بتارہا تھا کہ وہ کہاں سے آئی ہیں، رانا ثناءاللہ کے اس بیان ہر پیپلزپارٹی رہنما شیری رحمان اور شہلا رضا نے بھی شدید غم و غصہ کا اظہار کیا ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔  

  • ٹوئٹر نے 10 لاکھ سے زائد اکاؤنٹس بند کردیے

    ٹوئٹر نے 10 لاکھ سے زائد اکاؤنٹس بند کردیے

    کیلی فورنیا: مائیکروبلاگنگ اور سماجی رابطے کی ویب سائٹ ٹوئٹر نے اعلان کیا ہے کہ اُس نے دہشت گردی کی ترغیب دینے یا اُس کی ترویج کرنے والے دس لاکھ سے زائد صارفین کے اکاؤنٹس بند کردیے۔

    تفصیلات کے مطابق سماجی رابطے کی ویب سائٹ ٹوئٹر نے گذشتہ برس اعلان کیا تھا کہ انتظامیہ تشدد پر اکسانے یا پھر دوسرے صارف کو ہراساں کرنے والے اکاؤنٹس کے خلاف سخت ایکشن لینے کا ارادہ رکھتی ہے۔

    ٹوئٹر انتظامیہ کی جانب سے جاری اعلامیے کے مطابق ’ہم نے اپنے پلیٹ فارم کی شفافیت کو برقرار رکھنے کے لیے اب تک 10 لاکھ سے زائد ایسے صارفین کے اکاؤنٹس بلاک کیے جو دہشت گردی کی ترغیب دیتے یا پھر اس طرف اکساتے تھے۔

    مائیکروبلاگنگ نے اس ضمن میں ایک رپورٹ جاری کی جس میں کہا گیا ہے کہ گزشتہ برس جولائی سے دسمبر تک 2لاکھ 74 ہزار اور 460 ایسے اکاؤنٹس کو نشاندہی کے بعد بند کیا گیا جو دہشت گردی کو فروغ دے رہے تھے۔

    ٹونٹر انتظامیہ کا کہنا ہے کہ ہم صارفین کو مثبت پلیٹ فارم فراہم کرنے کے لیے اس پالیسی پر گامزن ہیں جس کے لیے باقاعدہ مانیٹرنگ ٹیم بھی ترتیب دی گئی ہے جو خاص طور پر اکاؤنٹس پر نظر رکھتی ہے۔

    دہشت گردی کے خلاف نبرآزما ممالک نے ٹویٹر انتظامیہ پر زور دیا تھا کہ وہ اپنے پلیٹ فارم پر دہشت گردوں کی ترویج کو ہرصورت روکیں کیونکہ اس اقدام سے انسداد دہشت گردی کے خلاف جنگ کے مثبت نتائج سامنے نہیں آرہے۔

    ٹوئٹر رپورٹ کے مطابق گذشتہ 6 ماہ کے دوران رپورٹ کیے جانے والے 93 فیصد اکاؤنٹس عالمی قوانین کے تحت بند کردیے گئے جبکہ 74 فیصد کو پہلے ہی ٹوئٹ پر بند کیا گیا۔

    انتظامیہ کا مزید کہنا ہے کہ گذشتہ 6 ماہ کے دوران ہر قسم کے اقدامات کے باوجود سرکاری رپورٹ میں اس بات کا انکشاف کیا گیا کہ ابھی بھی 0.2 فیصد اکاؤنٹس شدت پسندی پر لوگوں کو اُکسا رہے ہیں۔ ٹوئٹر کا مزید کہنا ہے کہ کسی بھی صارف کا اکاؤنٹ بند ہونا آزادی اظہار رائے کی پابندی نہیں بلکہ یہ اقدام دہشت گردی کی روک تھام کے لیے کیا جارہا ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پرشیئر کریں۔

  • عمران خان پر تنقید: عابد شیرعلی نے ٹوئٹرپرغلط تصویرشیئرکردی

    عمران خان پر تنقید: عابد شیرعلی نے ٹوئٹرپرغلط تصویرشیئرکردی

    اسلام آباد : وزیر مملکت عابد شیرعلی نے عمران خان پر تنقید کرتے ہوئے ٹوئٹر پر غلط تصویر اپلوڈ کردی، جہانگیر ترین کے بیٹے کی جگہ سوشل میڈیا کارکن فرحان ورک کی تصویر لگادی۔

    تفصیلات کے مطابق وزیر مملکت عابد شیرعلی سماجی رابطے کی ویب سائٹ ٹوئٹر پر چیئرمین پی ٹی آئی عمران خان پر تنقید کرتے ہوئے اتنے جذباتی ہوگئے کہ انہوں نے جہانگیر ترین کے بیٹے کی جگہ سوشل میڈیا کارکن فرحان ورک کی تصویر شیئر کردی۔

    عابد شیرعلی نے تعریفی سرٹیفکیٹ کی تصویر کو عمران خان کی جانب سے علی ترین کو ٹکٹ دیئے جانے سے تشبیہ دے ڈالی۔

    اپنے ٹوئٹ میں ان کا کہنا تھا کہ یہی وجہ کہ ہم تبدیلی کے لغو نعروں کو نہیں مانتے، جس کے پاس جہاز ہو تو امیدوار بن سکتا ہے یہی اصل ہے اس عمران نیازی کی سیاست کا۔

    انہوں نے لکھا کہ ہمیں نا اہل ترین کے بیٹے کے بارے میں بھی بتائیں کہ کتنا وہ قابل ہے؟ کیسے اس کو عوام نے ٹکٹ دلوایا، کیسے وہ موروثی نہیں؟

    علی ترین ولد نااہل ترین کو تبدیلی ٹکٹ جاری کردیا گیا، موصوف ایک ریٹائرڈ پولسیے کے پوتے اور ایک اسکول ماسٹر کے سپُوت ہیں، یوٹرن نمبر گنتی جاری ہے۔

    اس حوالے سے سوشل میڈیا کارکن فرحان ورک نے جواب دیا کہ نہیں پتہ تھا کہ میرے پاس جہاز ہے۔

    مزید پڑھیں: عابد شیرعلی نے نواز شریف کو یہودی سردار سے تشبیہہ دے ڈالی

    واضح رہے کہ اس سے قبل عابد شیرعلی ٹوئٹر پر ہی اپنے قائد نوازشریف کو ایک یہودی سردار مرحب سے تشبیہ دے چکے ہیں۔

    مزید پڑھیں: عمران خان ڈاکوؤں کا سرغنہ ہے، سپریم کورٹ نےان کی اےٹی ایم بندکردی،عابد شیرعلی

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

  • مریم نوازکے ٹوئٹ : جہانگیرترین کا جوابی وار

    مریم نوازکے ٹوئٹ : جہانگیرترین کا جوابی وار

    اسلام آباد : مریم نواز نے کہا ہے کہ جہانگیر ترین نے انسائیڈر ٹریڈنگ میں فراڈ کا اعتراف کیا، ان کا کیس نیب کیوں نہیں بھیجا گیا؟ جبکہ جہانگیر ترین کا کہنا ہے کہ میرے اور نوازشریف کے کیس کا موازنہ کرنا مضحکہ خیز ہے۔

    یہ بات دونوں شخصیات نے سماجی رابطے کی ویب سائٹ ٹوئٹر پر اپنے تازہ پیغامات میں کہی۔ سابق نااہل وزیراعظم کی صاحبزادی مریم نواز کا اپنے ٹوئٹ میں کہنا تھا کہ جہانگیر ترین نے انسائیڈر ٹریڈنگ میں فراڈ کا اعتراف کیا، مجرم ثابت ہونے پر بھی جہانگیر ترین کا کیس نیب کیوں نہیں بھیجا گیا؟ جہانگیر ترین پر بطور وزیر اختیارات کا ناجائز استعمال ثابت ہوا۔

    انہوں نے مزید کہا کہ جہانگیر ترین کا جرم بیٹے سے تنخواہ نہ لینا نہیں تھا، جہانگیر ترین نے اختیارات کے ناجائز استعمال سے کاروبار پھیلایا۔

    انہوں نے کہا کہ مشرف دور میں بطور وزیر اختیارات کا ناجائز استعمال ثابت ہونے پر جہانگیر ترین سے عوام کی لوٹی دولت واپس لینے میں احتساب کا راستہ کس نے روکا ؟

    دوسری جانب مریم نواز کے ٹوئٹ پر پی ٹی آئی رہنما جہانگیر ترین بھی خاموش نہ رہے اور جواباً ٹوئٹ کیا کہ مریم نواز میرے کیس کا موازنہ اپنے والد کےکیس سے کررہی ہیں جو کہ مضحکہ خیز ہے۔

    میں اپنی برطانیہ کی جائیداد کی مکمل منی ٹریل دے چکا ہوں جبکہ نوازشریف کے پاس اپنے دفاع میں جعلی قطری خط کے سوا کچھ نہیں تھا۔

    جہانگیرترین کا طنزیہ انداز میں مزید کہنا تھا کہ کوئی فیصلے کا اردو ترجمہ ہی کروا دے مریم بی بی کو۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

     

  • آج ثابت ہوگیا کہ نوازشریف کے ساتھ ناانصافی ہوئی، مریم نوازکا ٹوئٹ

    آج ثابت ہوگیا کہ نوازشریف کے ساتھ ناانصافی ہوئی، مریم نوازکا ٹوئٹ

    اسلام آباد : سابق وزیر اعظم نواز شریف کی صاحبزادی مریم نواز نے کہا ہے کہ آج کے فیصلے نے ثابت کر دیا ہے کہ نوازشریف کے ساتھ ناانصافی ہوئی، احتساب نامی انتقام کا ہدف صرف نواز شریف ہے۔

    یہ بات انہوں نے سماجی رابطے کی ویب سائٹ ٹوئٹر پر اپنے پیغام میں کہی،عمران خان اورجہانگیر ترین نااہلی کیس کے فیصلے پر اپنے ردعمل میں ان کا مزید کہنا تھا کہ آج جانبدارانہ احتساب اور احتساب کے نام پر انتقام سے تمام پردے اٹھ گئے ہیں، ثابت ہو گیا کہ اقامہ صرف بہانہ تھا نواز شریف نشانہ تھا۔

    ان کا کہنا تھا کہ آج کے فیصلے نے اس تاثر پر مہر تصدیق ثبت کر دی ہے کہ نواز شریف کے ساتھ ناانصافی ہوئی ہے اب شک کی کوئی گنجائش نہیں کہ کسی بھی سازش، دھرنوں اور احتساب نامی انتقام کا ہدف صرف نوازشریف ہے کیونکہ عوام کا اصل نمائندہ ہی نوازشریف ہے۔

    فیصلے میں عدالت کے ریمارکس کہ ’’عمران خان پر اپنی آف شور کمپنی ظاہر کرنا ضروری نہیں تھا ‘‘ پر مریم نواز نے لکھا کہ ’’ لیکن نواز شریف پر ایک خیالی تنخواہ ظاہر کرنا ضروری ٹھہرا‘‘۔

    اپنے اگلے ٹوئٹ میں جسٹس فیصل عرب کے ریمارکس کہ’’عمران خان کیس کا موازنہ نواز شریف کے کیس سے نہیں کیا جا سکتا ‘‘ پر انہوں نے کہا کہ ’’جج صاحب ! آپ کو صفائی دینے کی ضرورت کیوں محسوس ہوئی ؟ کیا آپ پاناما بنچ کا حصہ تھے؟ کیا آپ نواز شریف کے خلاف کسی سماعت کا حصہ رہے؟‘‘۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

  • ٹوئٹر کا ٹوئٹ میں حروف کی تعداد بڑھانے کا اعلان

    ٹوئٹر کا ٹوئٹ میں حروف کی تعداد بڑھانے کا اعلان

    اگر آپ سماجی رابطوں کی ویب سائٹ ٹوئٹر استعمال کرنے کے عادی ہیں لیکن بعض اوقات حروف کی محدود تعداد آپ کو الجھن میں مبتلا کردیتی ہے تو پھر آپ کے لیے خوشخبری ہے کہ ٹوئٹر نے اپنے صارفین کے لیے ایک ٹوئٹ میں حروف کی تعداد 140 سے بڑھا کر 280 کردی ہے۔

    ٹوئٹر انتظامیہ کے مطابق یہ فیصلہ صارفین کی آسانی کے لیے کیا گیا ہے جبکہ 280 الفاظ کی گنجائش تمام زبانوں بشمول انگریزی میں بھی دستیاب ہوگی۔

    ٹوئٹر نے ستمبر میں الفاظ کی گنجائش بڑھانے کا اعلان کیا تھا جس کی وجہ انہوں نے صارفین کی جانب سے کم الفاظ پر تنقید بتائی تھی، تاہم اب ٹوئٹر کے مطابق صارف کو اپنے جذبات کے اظہار کے لیے ایک سے زائد ٹوئٹ کرنے کی ضرورت نہیں ہے۔

    اس تبدیلی کا اطلاق فی الحال صرف منتخب کردہ گروپس اور اکاؤنٹس میں آزمائشی بنیادوں پر کیا گیا ہے تاہم جلد ہی یہ سہولت تمام صارفین کے لیے دستیاب ہوگی۔

    مزید پڑھیں: ٹوئٹر نے 3 لاکھ اکاؤنٹ بند کردیے

    یاد رہے کہ اس تبدیلی کا اعلان سب سے پہلے ستمبر میں کیا گیا تھا جس میں کہا گیا کہ اس تبدیلی کا اطلاق چند ممالک اور منتخب کردہ زبانوں پر ہوگا۔

    ٹوئٹر انتظامیہ کے مطابق جو لوگ جاپانی، کورین اور چینی زبان میں ٹوئٹ کریں گے ان کو 280 حروف میں ٹوئٹ کرنے کی سہولت میسر ہوگی جبکہ انگریزی، ہسپانوی، پرتگالی اور فرنچ زبان والے 140 حروف پر مشتمل ٹوئٹ ہی کرسکیں گے۔

    بعد ازاں ٹوئٹر کے اس فیصلے کو بے حد تنقید کا سامنا کرنا پڑا جس کے بعد اب ٹوئٹر انتظامیہ نے اس کا دائرہ کار تمام زبانوں تک بڑھا دیا ہے۔

    ٹوئٹر انتظامیہ کا مزید کہنا ہے کہ ٹوئٹ میں الفاظ کے اضافے کا فیصلہ کافی سوچ بچار کے بعد کیا گیا ہے۔ گروپ کے کئی ارکان اس فیصلے سے خوش نہیں تھے۔

    ان کا کہنا تھا کہ اس طرح روزانہ کی بنیاد پر ہونے والے ٹوئٹس میں کمی واقع ہوگی جس سے ٹوئٹر کی مقبولیت کم ہوجائے گی۔

    فیصلے پر اعتراض اٹھانے والے ارکان کا کہنا تھا کہ جو شخص اپنے جذبات کے اظہار کے لیے ایک سے زیادہ ٹوئٹ کرتا تھا اب اس تبدیلی کے بعد وہ ایک ہی ٹوئٹ میں اپنے دل کی بات کہہ دے گا۔

    مزید پڑھیں: سست رفتار انٹرنیٹ کے باوجود تیز ٹوئٹر چلانا ممکن

    تاہم ٹوئٹر کے سربراہ جیک ڈورسی کے مطابق ٹوئٹر اس حوالے سے ایک جائزہ بھی مرتب کر رہا ہے جس کے تحت 25 ستمبر سے 6 نومبر تک ہونے والی ٹوئٹس کا ڈیٹا محفوظ کیا گیا ہے۔ محفوظ شدہ ڈیٹا کے مطابق مذکورہ تاریخوں میں ٹوئٹر صارفین نے 2.7 ملین ٹوئٹس کیے ہیں اور اسی طرح اب آگے کا ڈیٹا بھی محفوظ کیا جائے گا جس کے بعد اس فیصلے کو حتمی شکل دی جائے گی۔

    ٹوئٹر کا یہ فیصلہ حسب معمول ٹوئٹر پر ہی موضوع بحث بن گیا۔ کچھ لوگوں کا کہنا ہے کہ ٹوئٹر کا یہ فیصلہ ایک مثبت تبدیلی ہے، کچھ لوگوں نے اس پر ناپسندیدگی کا اظہار بھی کیا ہے جبکہ کچھ صارفین نے اب ٹوئٹر میں ایڈٹ بٹن کا بھی مطالبہ کردیا ہے۔

    واضح رہے کہ مارچ 2017 میں کیے گئے سروے کے مطابق دنیا بھر میں اس وقت ٹوئٹر صارفین کی تعداد 33 کروڑ سے تجاوز کرچکی ہے جبکہ پاکستان میں ٹوئٹر استعمال کرنے والے افراد کی تعداد صرف 32 لاکھ ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • عدالتی فیصلے سے قانون اورانصاف شرمندہ ہیں، مریم نواز کا ٹوئٹ

    عدالتی فیصلے سے قانون اورانصاف شرمندہ ہیں، مریم نواز کا ٹوئٹ

    لاہور : مریم نواز نے سپریم کورٹ کے تفصیلی فیصلے پر تنقید کرتے ہوئے کہا ہے کہ قانون اورانصاف شرمندہ ہیں اسی طرح اقلیت اکثریت کو بدنام کرتی ہے، شکارنوازشریف نہیں نظام عدل ہے۔

    یہ بات انہوں نے سماجی رابطے کی ویب سائٹ ٹوئٹر پر اپنے تازہ پیغام میں کہی۔

    تفصیلات کے مطابق سپریم کورٹ کا نوازشریف کی نااہلی کے معاملے پر نظر ثانی درخواستیں مسترد کرنے کا تفصیلی فیصلہ آتے ہی سابق وزیراعظم نواز شریف کی صاحبزادی مریم نواز نے ٹوئٹرکا محاذ سنبھال لیا۔

    مریم نواز نے سپریم کورٹ کے تفصیلی فیصلے پر تنقید کرتے ہوئے کہا کہ نواز شریف کیخلاف فیصلہ دباؤ میں کیا گیا۔

    ٹوئیٹ میں مزید کہا گیا ہے کہ یہ وہی مریم نواز ہے جس کا نام پہلے فیصلےمیں تھا ہی نہیں، میں نے ناانصافی کے خلاف آواز اٹھائی اسی لیے بدلہ لیا جارہاہے ورنہ انصاف کی ایسی شکل بدلنا ناقابل تصور ہے۔

    واضح رہے کہ سپریم کورٹ نے اپنے تفصیلی فیصلے میں کہا ہے کہ نوازشریف کی نااہلی سےمتعلق حقائق غیرمتنازع تھے، افسوس کی بات ہے کہ نواشریف نے پارلیمنٹ، عوام اور عدالت کو بے وقوف بنایا، بد دیانتی کے ساتھ جھوٹا بیان حلفی دیا گیا۔

    مزید پڑھیں: نوازشریف نے جان بوجھ کر اثاثے چھپائے، تفصیلی فیصلہ

    فیصلے کے مطابق کاغذات نامزدگی میں مکمل اثاثے ظاہر کرنا قانونی ذمہ داری ہے، نوازشریف نے کاغذات نامزدگی میں جھوٹا بیان حلفی دیا اور جان بوجھ کراثاثے چھپائے۔

    ساڑھے چھ سال کی تنخواہ نوازشریف کا اثاثہ تھی،یہ نہیں کہا جاسکتا کہ سپریم کورٹ کے فیصلےنے نوازشریف کوحیران کردیا۔

  • بین الاقوامی کرکٹ کی بحالی کا سہرا نواز شریف کو جاتا ہے، مریم نواز

    بین الاقوامی کرکٹ کی بحالی کا سہرا نواز شریف کو جاتا ہے، مریم نواز

    لاہور: مریم نواز نے کہا ہے کہ پاکستان میں بین الاقوامی کرکٹ کی بحالی کا سہرا نواز شریف کو جاتا ہے، ملک میں تحفظ اور امن سب کے لیے بحال ہوگیا۔

    یہ بات سابق وزیر اعظم کی صاحبزادی نے سماجی رابطے کی ویب سائٹ ٹوئٹر پر اپنے تازہ پیغام میں کہی۔

    ان کا کہنا تھا کہ نواز دور سے پہلے دہشت گردی کی کوئی نہ کوئی واردات ہوتی تھی، لیکن آج ملک میں امن بحال ہوچکا ہے، یہ سب نوازشریف کی وجہ سےممکن ہوا۔

    ان کا مزید کہنا تھا کہ آج قذافی اسٹیڈیم شائقین سے بھرچکا ہے، کیا5سال پہلے کوئی ایسا ہونے کا سوچ بھی سکتا تھا؟ جبکہ پاکستان میں انٹرنیشنل کرکٹ بھی لوٹ آئی ہے۔

    مزید پڑھیں: نواز شریف ن لیگ کی قیادت کررہے ہیں اورکریں گے‘ مریم نواز

    دیکھ لیں پاکستانیوں کی بہتری کے لئے چیزیں کیسے تبدیل ہوگئیں، مریم نواز نے کہا کہ یہ ہیں نوازشریف پاکستان کےلئے۔

    مزید پڑھیں: کارکن تیار رہیں، بڑے امتحان کا سامنا کرنا پڑسکتا ہے،مریم نواز

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

     

     

  • انکل کو سلام کرنے گئی تھی، دراڑیں ڈالنے والےناکام ہوں گے، مریم نواز

    انکل کو سلام کرنے گئی تھی، دراڑیں ڈالنے والےناکام ہوں گے، مریم نواز

    لاہور : مریم نواز نے کہا ہے کہ اپنے انکل کو سلام اور چائے پینے گئی تھی، حیران ہوں کہ ان سے ملاقات کو کیا رنگ دے دیا گیا، ہمارے درمیان دراڑیں ڈالنے والےناکام ہوں گے۔

    یہ بات انہوں نے سماجی رابطے کی ویب سائٹ ٹوئٹر پر اپنے تازہ پیغام میں کہی، سابق وزیر اعظم کی صاحبزادی مریم نواز کا مزید کہنا تھا کہ ملاقات میں انکل شہبازشریف سے اچھی گفتگو رہی۔

    اس کے علاوہ حمزہ سلمان اور فیملی کے دیگرممبران سے بھی بات چیت ہوئی۔ انہوں نے کہا کہ ہمارے درمیان دراڑیں ڈالنے والے اپنے ارادوں میں ناکام ہوں گے۔

    مزید پڑھیں: مریم نوازکا این اے 120 کا دورہ، پارٹی رہنماؤں پربرہم

    مریم نواز کی اپنے چچا سے چھ ماہ بعد ملاقات

    واضح رہے کہ گزشتہ روز مریم نواز نے این اے 120کے دورے کے موقع پر اپنے چچا وزیر اعلیٰ پنجاب میاں شہباز شریف سے ملاقات کی۔

    چچا بھتیجی کی یہ ملاقات تقریباً چھ ماہ بعد ہوئی ہے، جس میں حمزہ شہباز بھی موجود تھے، وزیراعلیٰ پنجاب شہبازشریف نے مریم اورحمزہ کے تحفظات غور سے سنے۔

    اس موقع پر شہباز شریف نے کہا کہ اداروں سے محاذ آرائی ملک کے مفاد میں نہیں، ملک کسی ایڈونچر کا متحمل نہیں ہوسکتا، ہر ادارے کو اپنی حدود میں رہ کر کام کرناچاہئے، اداروں کے درمیان غلط فہمیاں دور ہونی چاہئیں۔

    مزید پڑھیں: پٹیشن پاناما کی، فیصلہ اقاما پر، مریم نوازکا عدالت پرطنز

    انہوں نے کہا کہ سیاسی ماحول میں استحکام ملک کے مفاد میں بہتر ہے، جمہوری نظام کاتسلسل ہی ملک کو آگے لے کرجائے گا۔

    ذرائع کے مطابق شہباز شریف نے اپنے بیٹے حمزہ شہباز اور بھتیجی مریم نواز کے درمیان اختلافات کو ختم کروا کے پارٹی کیلئے مل جل کر کام کرنے کی ہدایت کی۔

    ذرائع کا مزید کہنا ہے کہ شریف فیملی اور ن لیگ میں کھچڑی پک رہی ہے، چچا اور بھتیجی کی ملاقات اسی تناظرمیں ہوئی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پٹیشن پاناما کی، فیصلہ اقاما پر، مریم نوازکےٹوئٹ میں عدالت پرطنز

    پٹیشن پاناما کی، فیصلہ اقاما پر، مریم نوازکےٹوئٹ میں عدالت پرطنز

    لندن : سابق وزیر اعظم نواز شریف کی صاحبزادی مریم نواز نے اعلیٰ عدلیہ پر طنز کرتے ہوئے کہا ہے کہ نواز شریف کو نکالنےکیلئے پٹیشن پاناماکی، فیصلہ اقاما پر، انہوں نے کہا کہ آج ثابت ہوگیا کہ نوازشریف کے پیچھے پوری پارٹی متحد ہوکر کھڑی ہے۔

    یہ بات انہوں نے سماجی رابطے کی ویب سائٹ ٹوئٹر پر اپنے تازہ پیغام میں کہی،تفصیلات کے مطابق مریم نواز جو آج کل ٹوئٹر کے محاذ پر کافی سرگرم دکھائی دیتی ہیں۔

    انہوں نے سپریم کورٹ پر کھل کر طنز کرتے ہوئے اپنی پوسٹ میں عمران خان نااہلی کیس کی سماعت کے موقع پر اعلی عدلیہ کے ججز اور اکرم شیخ کے درمیان ہونے والی گفتگو کے اسکرین شاٹس لگائے ہیں۔

    جس میں لکھا ہے کہ ’’جس تناظرمیں بات ہوئی اسی تناظرمیں پڑھیں،چیف جسٹس‘‘ جس کے جواب مریم نواز نے لکھا کہ ’’جی! جیسے پاناما کے تناظر میں اقاما پر نااہلی،‘‘

    ایک اور ٹوئٹ میں دکھایا گیا کہ ’’جوآپ کہہ رہے ہیں وہ آپ کی پٹیشن میں نہیں،چیف جسٹس کےریمارکس‘‘ جس پر انہوں نے لکھا کہ ’’لیکن نوازشریف کو نکالنے کیلئےپٹیشن پاناما کی، فیصلہ اقاما پر‘‘ کیا گیا۔

    انہوں نے کہا کہ اگر 6 اعشاریہ 5 فیصد رقم کی ٹریل ثابت نہ ہونا کوئی جرم نہیں تو نوازشریف کے ظاہر کردہ اثاثوں میں دس ہزار درہم کا اوسط کیوں نہیں نکالا گیا؟

    مریم نواز نے اپنے ایک اور ٹوئٹ میں نواز شریف کو مسلم لیگ کا بلامقابلہ صدر منتخب کرنے کے حوالے سے کہا کہ آج ثابت ہوگیا کہ نوازشریف کے پیچھے پارٹی متحد ہوکر کھڑی ہے۔

    نوازشریف کے پارٹی صدر بننے سے خوف میں مبتلا لوگوں کو تکلیف ہے، یہ تکلیف ان لوگوں کو ہے جن کا نون لیگ سےدور کا بھی تعلق نہیں ہے، نوازشریف کے مخالف ان کے چاہنے والوں کے آگے بےبس ہیں۔

    انہوں نے کہا کہ اس سے ثابت ہوتا ہے کہ یہ کتنے بے بس ہیں کہ وہ نواز شریف کیخلاف کتنے ہی منصوبے بنا لیں مگر کامیاب نہیں ہوتے جبکہ وہ پاکستانی سیاست پر مسلسل راج کررہے ہیں۔

    انہوں نے مزید کہا کہ نوازشریف کو نکالنے کیلئےجمہوری آئین کو آمرکا آئین بنادیا گیا، ڈکٹیٹر کی بنائی ہوئی ایک شق ختم کرنے پرشور مچایا جارہا ہے۔

    دخل اندازی کرنیوالے پہلے اپنے پارٹی معاملات پرتوجہ دیں اور اپنی جماعت کو عوامی جماعت بنا کر دکھائیں۔