ARYNews.tv | Urdu – Har Lamha Bakhabar

Tag: ٹوئٹر

  • روہنگیا مسلمانوں پر تشدد قوانین کی سنگین خلاف ورزی ہے، خواجہ آصف

    روہنگیا مسلمانوں پر تشدد قوانین کی سنگین خلاف ورزی ہے، خواجہ آصف

    اسلام آباد : وزیر خارجہ خواجہ آصف نے کہا ہے کہ روہنگیا مسلمانوں کی حالت زار عالمی برادری کے ضمیر کیلئے چیلنج ہے، نہتے انسانوں پرتشدد عالمی انسانی قوانین کی سنگین خلاف ورزی ہے، ہم کشمیری اور فلسطینیوں کی اخلاقی و سیاسی حمایت جاری رکھیں گے۔

    تفصیلات کے مطابق وزیرخارجہ خواجہ آصف نے روہنگیا مسلمانوں کیخلاف پرتشدد کارروائیوں کی شدید الفاظ میں مذمت کی ہے، اپنے ایک بیان میں انہوں نے کہا ہے کہ روہنگیا مسلمانوں کی حالت زار عالمی برادری کے ضمیر کیلئے چیلنج ہے۔

    خواجہ آصف نے مزید کہا کہ روہنگیا مسلمانوں پرتشدد عالمی انسانی قوانین کی سنگین خلاف ورزی ہے، روہنگیا مسلمانوں کے تحفظ اور ان پر میانمار فوج کے بد ترین تشدد کے خاتمے کا مطالبہ کرتے ہیں۔

    وزیرخارجہ نے مقبوضہ کشمیر، فلسطین،روہنگیا کے مسلمانوں کی حمایت کےعزم کا اعادہ بھی کیا۔ ان کا کہنا تھا کہ پاک بھارت تعلقات اور خطے کا امن ایک دوسرے سےجڑا ہے،

    ان خیالات کا اظہارانہوں نے سماجی رابطے کی ویب سائٹ ٹوئٹر پراپنے پیغام میں کیا۔ خواجہ آصف نے اپنے پیغام میں مزید کہا کہ کشمیری بھائیوں کے حقوق کیلئے پاکستان ہمیشہ آواز اٹھاتا رہے گا اور فلسطینیوں کی علیحدہ ریاست کیلئے جدوجہد بھی ہمارے دل کے قریب ہے۔

    پاکستان اس ضمن میں ہمیشہ فلسطینیوں اور کشمیریوں کی حمایت جاری رکھےگا، عالمی برادری مقبوضہ کشمیر میں بھارتی فوج کی جارحیت ختم کرانے میں اپنا کردار ادا کرے۔

    وزیر خارجہ کا کہنا تھا کہ مسلم دنیا نے روہنگیا کے مظلوم مسلمانوں کشمیریوں اور فلسطینی عوام کا کیس صحیح طریقے سے نہیں لڑا، روہنگیا، کشمیر، فلسطین پر مظالم مسلم دنیا کی ناکامی کا ثبوت ہے۔

    انہوں نے کہا کہ پاکستان نے تین ملین سے زائد افغان مہاجرین کی میزبانی کی۔ وزیر خارجہ نے مزید کہا کہ کشمیری اپنے منصفانہ حق خودارادیت کے حصول کیلئے انجام سے بے پرواہ ہوکر جدوجہد جاری رکھے ہوئے ہیں۔

  • مجمع بڑا دکھانے کے لیے خواجہ آصف نے جنازے کی تصاویر ٹوئٹ کردیں

    مجمع بڑا دکھانے کے لیے خواجہ آصف نے جنازے کی تصاویر ٹوئٹ کردیں

    اسلام آباد: وزیر خارجہ خواجہ آصف نے سابق وزیر اعظم نواز شریف کی ریلی میں لاکھوں عوام ظاہر کرنے کے لیے سماجی رابطوں کی ویب سائٹ ٹوئٹر پر جنازے کی تصاویر پوسٹ کردیں۔

    سپریم کورٹ کی جانب سے سابق وزیر اعظم نواز شریف کی اسلام آباد سے لاہور واپسی تک کی جی ٹی روڈ ریلی نے پورے پنجاب کو مفلوج کردیا ہے۔

    ریلی کے لیے جہاں ایک طرف سرکاری مشینری کا بے دریغ استعمال کیا جارہا ہے وہیں وفاقی وزرا بھی کار مملکت چھوڑ کر نواز شریف اور ان کی ریلی کی حمایت میں میڈیا اور سوشل میڈیا کا میدان سنبھالے ہوئے ہیں۔

    ایسے موقع پر وفاقی وزیر خواجہ آصف بھی پیچھے نہیں رہے اور انہوں نے نواز شریف کو عوام کا پسندیدہ لیڈر دکھانے کی کوشش کرتے ہوئے ریلی کی کچھ تصاویر ٹویٹ کیں جن میں لوگوں کا جم غفیر نظر آرہا ہے۔

    تاہم ان میں سے صرف ایک تصویر حالیہ ریلی کی ہے، بقیہ دیگر تصاویر کے بارے میں قیاس ہے کہ وہ کسی جنازے کی ہیں۔ ایک تصویر مسلم لیگ ن ہی کے ماضی میں کیے جانے والے کسی جلسے کی ہے۔

    ٹویٹ کے سامنے آتے ہی خواجہ آصف تنقید کی زد میں آگئے۔ لوگوں نے حیرت کا اظہار کیا کہ کسی ملک کا وزیر خارجہ اس قسم کے خیالات کا اظہار کیسے کر سکتا ہے۔

    اس موقع پر مسلم لیگ ن کے حمایتیوں اور کارکنان نے بھی خواجہ آصف کو تنقید کا نشانہ بنایا۔

    گزشتہ روز وزیر مملکت عابد شیر علی نے بھی پارٹی قائد سے وفاداری کا اظہار کرتے ہوئے ایک شعر ٹویٹ کیا تھا جس میں انہوں نے نواز شریف کو یہودی سردار سے تشبیہہ دی تھی۔

    تاہم بعد ازاں ٹوئٹر پر تنقید کا نشانہ بننے کے بعد انہوں نے ٹویٹ ڈیلیٹ کردیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • !پاناما کیس: پکی گوٹ پٹ گئی

    !پاناما کیس: پکی گوٹ پٹ گئی

    اسلام آباد: پاناما کیس کا تاریخی فیصلہ آنے اور وزیر اعظم کو نااہل قرار دیے جانے کے بعد حسب معمول سماجی رابطوں کی ویب سائٹ ٹوئٹر پر تبصروں کا طوفان امڈ آیا۔

    کسی نے اس فیصلے کو پاکستان کی سیاسی تاریخ کا اہم موڑ قرار دیا تو کوئی اس موقع پر بھی طنز و مزاح سے باز نہ آیا۔

    ایک صارف نے تبصرہ کیا، ’نواز شریف نے ضیا الحق کے سائے تلے سیاست میں قدم رکھا، اب وہ اسی ضیا کے بنائے ہوئے قانون کے تحت نا اہل ہوگئے‘۔

    ایک صارف نے تحریک انصاف کے چیئرمین عمران خان کی خوشگوار موڈ میں تصویر پوسٹ کرتے ہوئے کہا، ’جب آپ ان کی پکی گوٹی پیٹ ڈالیں‘۔

    ایک شخص نے وفاقی وزیر اطلاعات مریم اورنگزیب کی حالت زار پر افسوس کا اظہار کرتے ہوئے کہا، ’ان کی وزارت کو ابھی ایک سال ہی تو ہوا تھا‘۔

    ایک بھارتی صارف نے اپنے تاثرات کا اظہار کچھ یوں کیا۔

    ایک خاتون کا کہنا تھا، ’ججوں کی وجہ سے مجھے پاکستانی ہونے پر فخر ہے‘۔

    ایک اور صارف نے تبصرہ کیا، ’تمام 5 ججز اور جے آئی ٹی پاکستان کے ہیروز ہیں جنہیں یہ قوم کبھی فراموش نہیں کرے گی‘۔

    ایک شخص نے اپنی خواہش کا اظہار یوں کیا، ’میں چاہتا ہوں کہ نیوز چینلز پس منظر میں ’دل دل پاکستان‘ نغمہ چلائیں‘۔

    اور ایک صارف نے تمام منظر کے جوش و خروش اور خوشی کا اظہار یوں کیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ 

  • ٹرمپ کے ٹوئٹس پر مشتمل لائبریری

    ٹرمپ کے ٹوئٹس پر مشتمل لائبریری

    واشنگٹن: امریکی صدر ڈونلد ٹرمپ کے ٹوئٹس اکثر اوقات دنیا کو ناخوش اور ناراض کرنے اور الجھن میں مبتلا کردینے کا سبب بنتے ہیں، اس کے ساتھ ساتھ بعض اوقات یہ اخبارات کی ہیڈ لائنز بھی بن جاتے ہیں۔

    تاہم اب ٹرمپ کے انہی یادگار ٹوئٹس کی ایک لائبریری قائم کردی گئی ہے جہاں ٹرمپ کے ٹوئٹس ڈسپلے کیے گئے ہیں۔

    تاہم یہ لائبریری سرکاری طور پر نہیں بلکہ امریکی ٹی وی کے مقبول طنزیہ پروگرام ’دی ڈیلی شو‘ کی جانب سے پیش کی گئی ہے اور اس آئیڈیے کے خالق پروگرام کے میزبان ٹریور نوح ہیں۔

    اس لائبریری میں ٹرمپ کے وہ یادگار ٹوئٹس پیش کیے گئے ہیں جنہوں نے دنیا بھر میں طوفان کھڑا کردیا۔

    نوح کا کہنا ہے کہ ٹرمپ امریکی تاریخ کے منفرد ترین صدر ہیں جو ابلاغ کے راویتی طریقوں اور حتیٰ کہ وائٹ ہاؤس کے ترجمانوں تک کو نظر اندز کر کے عوام سے براہ راست مخاطب ہوتے ہیں۔

    یاد رہے کہ چند روز قبل کانگریس کے ایک ڈیموکریٹک نمائندہ مائیک کیوگلے نے ڈونلڈ ٹرمپ کی سوشل میڈیا پوسٹس کو محفوظ رکھنے اور ریکارڈ کا حصہ بنانے کے لیے کووفیفی ایکٹ بھی پیش کیا تھا۔

    یہ ایکٹ ٹرمپ کے اس ٹوئٹ سے منسوب تھا جس میں انہوں نے لفظ کوریج کی غلط ہجے لکھ دی تھی۔

    مزید پڑھیں: ٹوئٹ میں غلطی کے بعد ٹرمپ ایک بار پھر مذاق کی زد میں

    کمیونیکیشن اوور ویریئس فیڈز الیکٹرونکلی فار اینگیج منٹ نامی اس ایکٹ میں یہ بھی کہا گیا کہ اس کے تحت ٹرمپ کی سوشل میڈیا پوسٹس کا احتساب کیا جائے۔

    بعد ازاں مائیک کیوگلے نے کہا تھا کہ ہمیں اس بات کو یقینی بنانا ہوگا کہ یہ پیغامات محفوظ رہیں اور انہیں مستقبل میں ایک دستاویز کی صورت میں پیش کیا جاسکے جن سے سبق سیکھا جائے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • خواجہ آصف کا صفر لوڈ شیڈنگ کا دعویٰ، لوگ پھٹ پڑے

    خواجہ آصف کا صفر لوڈ شیڈنگ کا دعویٰ، لوگ پھٹ پڑے

    کراچی: گرمی اور بدترین بجلی بحران کے ستائے ہوئے شہریوں نے اپنا سارا غصہ وفاقی وزیر پانی و بجلی خواجہ آصف کے ٹوئٹ پر نکال دیا۔ کسی نے انہیں جھوٹا کہا، اور کسی نے شرم دلائی۔

    تفصیلات کے مطابق وفاقی وزیر پانی و بجلی خواجہ آصف نے حسب معمول سماجی رابطوں کی ویب سائٹ ٹوئٹر پر اپنے ٹوئٹ میں بجلی کے دقیق اعداد و شمار پیش کیے۔

    آخر میں انہوں نے لکھا، ’اعلانیہ اور غیر اعلانیہ لوڈ شیڈنگ = صفر‘۔

    ان کا یہ ٹوئٹ کرنا تھا کہ لوڈ شیڈنگ سے ستائی ہوئی عوام پھٹ پڑی۔

    لوگوں نے خواجہ آصف کے ٹوئٹ کے جواب میں شدید غصے کا مظاہرہ کرتے ہوئے انہیں جھوٹا قرار دیا۔

    ایک صارف نے اپنے علاقے کی لوڈ شیڈنگ کا احوال بتاتے ہوئے کہا، ’صبح 9 بجے سے دوپہر دیڑھ بجے تک کی لوڈ شیڈنگ، کیا یہ اعلانیہ تھی؟ کوئی شرم، حیا ہوتی ہے‘؟

    ایک شخص نے انہیں اطلاع فراہم کی، ’یہ اعداد و شمار غلط ہیں۔ یہ مت سمجھیں کہ ہم بیوقوفوں کی جنت میں رہتے ہیں‘۔

    ایک صارف نے وزیر اعظم کی دختر مریم نواز شریف کو بھی گفتگو میں شامل کرتے ہوئے وفاقی وزیر سے پوچھا، ’خواجہ صاحب کیا آپ خواب خرگوش میں ہیں‘؟

    ایک دل جلے نے اپنے دل کی بھڑاس یوں نکالی۔

    حیدر آباد کے ایک شہری نے ان سے شرم اور رحم کرنے کی اپیل کی۔

    ایک شخص نے کہا، ’پھر سے اعداد و شمار، یہ آپ کہاں سے نقل کرتے ہیں‘؟

    ایک صارف نے شکایت کی، ’ہمارے پاس تو شیڈول کے مطابق نہ آتی ہے نہ جاتی ہے، پتہ نہیں یہ کس ملک کے وزیر کا ٹوئٹ ہے‘۔

    ایک شخص نے دہائی دی، ’یااللہ جو جھوٹ بولے اس پر تو اپنی پکڑ کرو‘۔

    یاد رہے کہ گرمیاں شروع ہوتے ہی ملک بھر میں طویل لوڈ شیڈنگ کا سلسلہ شروع ہوگیا ہے جس سے عوام تنگ آچکی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • کبھی اسپاٹ یامیچ فکسنگ نہیں کی‘ محمدعرفان

    کبھی اسپاٹ یامیچ فکسنگ نہیں کی‘ محمدعرفان

    لاہور: فاسٹ باؤلر محمد عرفان کاکہناہےکہ کبھی اسپاٹ یا میچ فکسنگ نہیں کی لیکن کچھ لوگ تاثر دے رہے ہیں کہ میں نے فکسنگ کی۔

    تفصیلات کےمطابق فاسٹ باؤلر محمد عرفان نےسماجی رابطے کی ویب سائٹ ٹوئٹر پر اپنے پیغام میں کہاہےکہ اسپاٹ فکسنگ سےمتعلق بروقت بورڈ کو آگاہ نہ کرنے کی غطی پر پوری قوم سےمعافی مانگتاہوں۔

    فاسٹ باؤلر محمد عرفان کاکہناہےکہ کچھ لوگ تاثردےرہے ہیں کہ میں نےفکسنگ کی لیکن میری غلطی اتنی ہےکہ بروقت بورڈ کو نہیں بتایا۔

    خیال رہےکہ گزشتہ ماہ پی ایس ایل فکسنگ اسکینڈل میں ملوث فاسٹ باؤلر محمد عرفان نے پی سی بی اینٹی کرپشن یونٹ کی چارج شیٹ کا جواب جمع کرا دیاتھا۔جس میں محمد عرفان نے اپنی غلطی تسلیم کی تھی۔

    عرفان نے غلطی مان لی‘ دس لاکھ جرمانہ اور1 سال کی پابندی عائد

    بعدازاں پی سی بی کی جانب سے فاسٹ باؤلر کو ایک سال کے لیے معطل کر دیا گیاتھاجبکہ ان پرچھ ماہ تک کرکٹ کھیلنے پابندی کےساتھ ان کا سینٹرل کانٹریکٹ بھی چھ ماہ کے لیے معطل کر دیا گیاتھا۔اور ان پر10 لاکھ روپےجرمانہ بھی عائد کیا گیاتھا۔

    پی سی بی ہیڈکوارٹرز میں اپنے وکیل اور بورڈ حکام کے ساتھ پریس کانفرنس کرتے ہوئےمحمد عرفان نےکہا تھاکہ میں اپنی غلطی تسلیم کرتا ہوں اور قوم سے معافی مانگتا ہوں۔

    یاد رہےکہ محمد عرفان نے پاکستان کی جانب سے 4 ٹیسٹ میچ، 60 ون ڈے انٹرنیشنل، اور 20 ٹی ٹوئنٹی میچ کھیلے ہیں۔

    واضح رہے کہ رواں سال فروری میں کھیلے جانے والی پاکستان سپر لیگ کے سیزن ٹو کے آغاز پر پاکستانی کھلاڑیوں شرجیل خان، خالد لطیف، ناصر جمشید، شاہ زیب حسن خان اور محمد عرفان پراسپاٹ فکسنگ کا الزام عائدکیاگیا تھا۔

  • الیکشن فکسر کرکٹ اسپاٹ فکسنگ ختم کرے گا: عمران خان

    الیکشن فکسر کرکٹ اسپاٹ فکسنگ ختم کرے گا: عمران خان

    پاکستان سپر لیگ میں مبینہ اسپاٹ فکسنگ سامنے آنے کے بعد پاکستان تحریک انصاف کے چیئرمین عمران خان کا کہنا ہے کہ الیکشن فکسر سیٹھی کرکٹ اسپاٹ فکسنگ ختم کرے گا۔

    اپنے سماجی رابطوں کی ویب سائٹ ٹوئٹر پر عمران خان کا کہنا تھا کہ کیا مذاق ہے کہ الیکشن فکسر کرکٹ اسپاٹ فکسنگ ختم کرے گا۔

    انہوں نے مزید کہا کہ اسپاٹ فکسنگ سے صرف کرکٹ پر اثر ہوتا ہے۔ الیکشن فکسنگ بڑا جرم ہے اور جمہوریت کے لیے خطرہ ہے۔

    یاد رہے کہ پاکستان سپر لیگ میں مبینہ طور پر اسپاٹ فکسنگ کا انکشاف ہوا تھا جس کے بعد پی سی بی نے اسلام آباد یونائیٹڈ کے 2 کھلاڑیوں شرجیل خان اور خالد لطیف کو معطل کرتے ہوئے ایونٹ سے باہر کردیا تھا۔

  • حافظ سعید کیخلاف کارروائی سے مطمئن نہیں ہیں، بھارت

    حافظ سعید کیخلاف کارروائی سے مطمئن نہیں ہیں، بھارت

    نئی دہلی: جماعت الدعوۃ کے سربراہ حافظ سعید احمد کی نظر بندی کے حوالے سے بھارت کا کہنا ہے کہ حافظ سعید کیخلاف کارروائی سے مطمئن نہیں ہیں کیونکہ اس سے قبل بھی ان کو نظر بند کیا جا چکا ہے، جب تک پاکستان صحیح معنوں میں شدت پسند عناصر کے خلاف کارروائی نہیں کرتا تب تک یہ یقین کرنا مشکل ہوگا کہ وہ دہشت گردی کے خلاف واقعی سنجیدہ ہے۔

    یہ بات وزارتِ خارجہ کے ترجمان وکاس سوارپ نے سماجی رابطے کی ویب سائٹ ٹوئٹرپر اپنے بیان میں کہی، ان کا کہنا تھا کہ بھارت کی جانب سے پہلے بھی یہ بات کہی گئی کہ اقوام متحدہ کی سیکورٹی کونسل کی قرارداد کے تحت دہشت گردوں اور تنظیموں کےخلاف کارروائی تمام رکن ممالک کی جانب سے کی جائے۔

    برطانوی نشریاتی ادارے بی بی سی کے مطابق انڈیا کے داخلی امور کے وزیرِ مملکت کرن ریجیجو نے کہا کہ انڈیا نے پاکستان پر مسلسل دباؤ ڈالا ہوا ہے۔

    ہم دنیا کو بتاتے رہے ہیں کہ پاکستان نے صرف حافظ سعید کو ہی نہیں بلکہ دوسرے دہشت گردوں کو بھی پناہ دے رکھی ہے۔ اگر پاکستان پر ہر طرف سے دباؤ پڑے گا تو وہ ان عناصر کے خلاف صحیح معنی میں کارروائی کرنے کے لیے مجبور ہو گا۔

    دوسری جانب بھارت کے ایک تجزیہ کار قمر آغا نے کہا ہے کہ پاکستان اگر واقعی سنجیدہ ہے تو اسے حافظ سعید کو باضابطہ طور پر گرفتار کرنا چاہیے اور ان کے خلاف عدالت میں مقدمہ چلانا چاہیے۔

  • میں اپنی سرپرست خود: سعودی خواتین کا صنفی تفریق کے خلاف سخت احتجاج

    میں اپنی سرپرست خود: سعودی خواتین کا صنفی تفریق کے خلاف سخت احتجاج

    ریاض: سعودی عرب میں چند برقع پوش خواتین نے ایک میوزک ویڈیو جاری کی ہے جس میں وہ سعودی معاشرے کے ان قوانین کو کڑی تنقید کا نشانہ بنا رہی ہیں جن کے تحت صرف خواتین پر پابندیاں عائد ہیں۔

    ویڈیو کا آغاز چند برقع پوش خواتین سے ہوتا ہے جو ایک گاڑی کی پچھلی سیٹوں پر آ کر بیٹھتی ہیں، اس کے بعد ڈرائیونگ سیٹ پر ایک چھوٹا سا بچہ آ کر بیٹھتا ہے۔

    song-5

    سعودی عرب میں چونکہ خواتین کی ڈرائیونگ پر سخت پابندی عائد ہے لہٰذا اس بات کو ایک مضحکہ خیز انداز میں لیا جاتا ہے کہ وہاں چھوٹے بچے بھی صرف اس لیے گاڑی چلا سکتے ہیں کیونکہ وہ مرد ہیں۔

    اس کے بعد ان خواتین کی تفریحات کے مناظر شروع ہوتے ہیں جو عموماً سعودی معاشرے میں خواتین کے لیے ممنوع سمجھے جاتے ہیں۔

    song-4

    song-3

    song-1

    گانے میں وہ گاتی نظر آتی ہیں، ’کاش دنیا سے سارے مرد غائب ہوجائیں، یہ ہمیں نفسیاتی مسائل کے علاوہ اور کچھ نہیں دے سکتے‘۔

    ویڈیو میں سعودی عرب کے ’سرپرستی نظام‘ کو ہدف تنقید بنایا گیا ہے جس کے تحت خواتین اپنے گھر کے مردوں کے بغیر نہ تو سفر کر سکتی ہیں، نہ ہی ان کی اجازت کے بغیر شادی کر سکتی ہیں اور نہ انہیں ان کی اجازت کے بغیر کام کرنے کی اجازت ہے۔

    بعض اوقات وہ سخت بیماری کی حالت میں بھی صرف اس لیے بھی طبی سہولیات حاصل کرنے سے محروم ہوجاتی ہیں کیونکہ انہیں ڈاکٹر کے پاس لے جانے کے لیے کوئی مرد دستیاب نہیں ہوتا۔

    گانا جاری ہوتے ہی ٹوئٹر پر ’سعودی خواتین کا سرپرستی کے نظام کے خاتمے کا مطالبہ‘ کا ہیش ٹیگ مقبول ہوگیا۔

    خواتین نے ایک اور ہیش ٹیگ ’میں اپنی سرپرست خود ہوں‘ استعمال کرتے ہوئے اپنے دل کی بھڑاس نکالی اور خواتین کے حقوق کی خلاف ورزی کرنے والے قوانین کے خاتمے کا مطالبہ کیا۔

    یاد رہے کہ چند روز قبل سعودی شہزادے ولید بن طلال نے بھی مطالبہ کیا تھا کہ سعودی عرب میں خواتین کی ڈرائیونگ پر عائد پابندی کو فوری طور پر ختم کیا جائے۔ ان کا کہنا تھا کہ خواتین کو ڈرائیونگ سے محروم کرنا ایسا ہی ہے جیسے انہیں ان کے بنیادی حق سے محروم کردیا جائے۔

  • نومنتخب امریکی صدرڈونلڈ ٹرمپ کو ٹویٹرکی وارننگ

    نومنتخب امریکی صدرڈونلڈ ٹرمپ کو ٹویٹرکی وارننگ

    نیویارک: نومنتخب امریکی صدرڈونلڈ ٹرمپ کوسماجی رابطے کی ویب سائٹ ٹویٹر نےاکاؤنٹ بندکرنےسےمتعلق تنبیہ کردی۔

    تفصیلات کےمطابق سماجی رابطے کی معروف سائٹ ٹویٹرکے ترجمان نےڈونلڈٹرمپ کوخبردار کیا ہے کہ اگرانہوں نے ٹویٹرکےقوانین کوتوڑاتوڈونلڈ ٹرمپ کااکاؤنٹ بند کردیا جائے گا۔

    سماجی رابطے کی ویب سائٹ ٹویٹرکےترجمان کاکہناہےکہ اشتعال انگیزی،ہراساں کرنے اور نفرت انگیز ٹوئٹس کرنے کی کسی کو اجازت نہیں ہے۔

    ترجمان ٹویٹر کے مطابق کسی نے بھی ٹویٹرقوانین کی خلاف ورزی تواس کے خلاف ایکشن لینے کے مجاز ہیں۔

    دوسری جانب فیس بک نے عندیہ دیا ہے کہ وہ نو منتخب صدر کو قوانین توڑنے کی اجازت دے گی اور انہیں اپنی سروس پر متحرک رکھے گی۔

    یاد رہے کہ اس سے قبل بھی فیس بک ماضی میں عندیہ دے چکی ہے کہ وہ ڈونلڈ ٹرمپ پر پابندی عائد نہیں کرے گی چاہے وہ سائٹ کے اصولوں کی خلاف ورزی ہی کیوں نہ کریں۔

    واضح رہے کہ ڈونلڈ ٹرمپ کا فیس بک اکاﺅنٹ ان کی ٹیم چلاتی ہے تاہم ٹویٹر پراکثر پوسٹس نومنتخب صدر خود کرتے ہیں۔