ARYNews.tv | Urdu – Har Lamha Bakhabar

Tag: ٹویٹ

  • ٹنڈولکر ’’چائے کے کپ‘‘ کے ساتھ ٹویٹ کر کے بڑی مشکل میں پھنس گئے

    ٹنڈولکر ’’چائے کے کپ‘‘ کے ساتھ ٹویٹ کر کے بڑی مشکل میں پھنس گئے

    بھارت کے لیجنڈری کرکٹر سچن ٹنڈولکر نے چائے کے کپ کے ساتھ ٹویٹ کیا کی پاکستانیوں نے بھارتیوں کو فنٹاسٹک ٹی کی یاد دلا دی۔

    چائے دنیا میں سب سے زیادہ پسند اور پیا جانے والا مشروب ہے۔ 21 مئی کو چائے کا عالمی دن منایا جاتا ہے۔ بھارت کے سابق کپتان لیجنڈری سچن ٹنڈولکرنے چائے کے عالمی دن کے موقع پر چائے کا کپ ہاتھ میں ہاتھ کر اپنی ایک تصویر ٹویٹ کی لیکن ایسا کرنا انہیں مہنگا پڑ گیا۔

    ٹنڈولکر نے ایکس پر خوبصورت پس منظر میں چائے کا کپ ہاتھ میں تھامے اپنی ایک تصویر شیئر کی جس پر لکھا کہ ’’جب چائے کی بات ہو تو ہمیشہ ایک کپ اور ہو جائے ہوتا ہے۔‘‘

    سابق بھارتی کرکٹر کا یہ ٹویٹ کرنا تھا کہ پاکستانیوں نے نہ صرف ٹنڈولکر بلکہ ایک ارب سے زائد بھارتیوں کو 2019 کی ’’فنٹاسٹک ٹی‘‘ کی یاد دلا دی۔

    ٹنڈولکر کے مذکورہ پوسٹ کرتے ہی پاکستانی صارفین نے اس پر تبصرے شروع کر دیے۔

    ایک صارف نے کہا کہ فنٹاسٹک چائے کے لیے آپ کو پاکستان لینڈ کرنا ہوگا تو ایک اور صارف نے بھارتیوں کے زخم ہرا کرتے ہوئے لکھا کہ کبھی ایک کپ چائے کی قیمت لڑاکا طیارہ ہوتی ہے۔

    ایک منچلے نے بھارتیوں کو ابھینندن کی یاد دلاتےہوئے کہا کہ اس بار رافیل میں تشریف لائیے اور ہمیں ایک اور محبت بھری چائے کی میزبانی کا موقع دیجیے۔

    واضح رہے کہ 2019 میں پلوامہ فالس فلیگ آپریشن کی آڑ میں بھارتی طیاروں نے پاکستانی حدود کی خلاف ورزی کی لیکن شاہین پوری طرح چوکس تھے۔ انہوں نے یک آن حملہ کر کے بھارتی طیارہ مار گرایا اور پائلٹ ابھیندن کو گرفتار کر لیا تھا۔

    تاہم پاکستان نے روایتی مہمان نوازی کا مظاہرہ کرتے ہوئے ابھینندن کا میڈیکل کرانے کے بعد انہیں چائے پیش کی تھی اور ابھینندن نے چائے پی کر کہا تھا کہ ’’ٹی از فنٹاسٹک‘‘۔ بعد ازاں پاکستان نے جذبہ خیر سگالی کے تحت بھارتی پائلٹ کو رہا بھی کر دیا تھا۔

    https://urdu.arynews.tv/pahalgam-pakistani-cricketers-trolled-indians-fantastic-tea/

  • بلاول بھٹو کا اہم ٹویٹ

    بلاول بھٹو کا اہم ٹویٹ

    کراچی: پاکستان پیپلز پارٹی کے چیئرمین بلاول بھٹو زرداری نے ایک ٹویٹ میں بتایا کہ ’’وزیر اعظم شہباز شریف کی جانب سے رابطہ کیا گیا، انھوں نے درخواست کی کہ وفد کے ساتھ عالمی سطح پر پاکستان کی نمائندگی کروں۔‘‘

    پی پی چیئرمین بلاول بھٹو نے ٹویٹ میں مزید لکھا کہ ان سے درخواست کی گئی کہ وفد کی قیادت کرتے ہوئے دنیا میں پاکستان کا امن کا مؤقف پیش کروں، بلاول نے کہا ’’مجھے عالمی سطح پر پاکستان کی نمائندگی کی ذمہ داری قبول کرنے پر فخر ہے۔‘‘

    بلاول بھٹو کا ٹویٹ میں کہنا تھا کہ وہ مشکل حالات میں پاکستان کی خدمت کے لیے پر عزم ہیں۔

    واضح رہے کہ چیئرمین پی پی پاک بھارت کشیدگی کے پیش نظر حکومتی وفد کے ساتھ یورپ کا دورہ کریں گے، بلاول وفد کے ساتھ عالمی برادری کو بھارتی جارحیت سے آگاہ کریں گے، اس سلسلے میں وزیر اعظم شہباز شریف نے بلاول بھٹو سے ٹیلی فونک رابطہ کیا تھا۔

    پاکستان کی بھارت کیخلاف سفارتی سطح پر جوابی کارروائی، بلاول یورپ کا دورہ کرینگے

    ذرائع کے مطابق وزیر اعظم شہباز شریف نے بلاول بھٹو زرداری کی سربراہی میں کمیٹی قائم کر دی ہے، جس میں خرم دستگیر، حنا ربانی کھر اور جلیل عباس جیلانی شامل ہیں۔ پاکستان کی جانب سے دیگر ممالک کو بھی وفود بھیجے جائیں گے، وفود امریکا، روس سمیت کئی ممالک کے دورے کریں گے اور بھارتی جارحیت سے انھیں آگاہ کریں گے۔

    خیال رہے کہ حالیہ جنگ میں پاکستان کے ہاتھوں شرمناک شکست کے بعد بھارت نے عالمی سطح پر دوروں کے لیے وفد تشکیل دیا ہے جو پاکستان مخالف پروپیگنڈا کرے گا۔

  • ہائر ایجوکیشن کمیشن کے بجٹ میں 131 فیصد اضافہ کیا گیا ہے: احسن اقبال

    ہائر ایجوکیشن کمیشن کے بجٹ میں 131 فیصد اضافہ کیا گیا ہے: احسن اقبال

    اسلام آباد: وفاقی وزیر برائے ترقی و منصوبہ بندی احسن اقبال کا کہنا ہے کہ ہائر ایجوکیشن کمیشن کا ترقیاتی بجٹ جو 26 ارب تھا، 131 فیصد اضافے کے ساتھ 60 ارب کر دیا گیا ہے۔

    تفصیلات کے مطابق وفاقی وزیر برائے ترقی و منصوبہ بندی احسن اقبال نے سماجی رابطے کی ویب سائٹ ٹویٹر پر ٹویٹ کرتے ہوئے کہا ہے کہ سنہ 2022 میں ہمیں 550 ارب کا ترقیاتی بجٹ ورثے میں ملا تھا۔

    احسن اقبال کا کہنا تھا کہ 550 ارب کے اس ترقیاتی بجٹ کو 24-2023 کے بجٹ میں 100 فیصد اضافے 1100 ارب تک پہنچا دیا ہے۔

    انہوں نے کہا کہ اس سے ترقیاتی منصوبوں کو بروقت مکمل کرنے اور ترقی کا پہیہ چلانے میں مدد ملے گی۔

    وفاقی وزیر کا مزید کہنا تھا کہ ہائر ایجوکیشن کمیشن کا ترقیاتی بجٹ 26 ارب ملا تھا جسے 131 فیصد اضافے کے ساتھ 60 ارب کر دیا گیا ہے، اس سے نوجوانوں کے مستقبل کو محفوظ بنانے میں مدد ملے گی۔

  • سفارتی اور سروس پاسپورٹ والوں کے لیے ویزوں کے خاتمے کا معاہدہ

    سفارتی اور سروس پاسپورٹ والوں کے لیے ویزوں کے خاتمے کا معاہدہ

    اسلام آباد: وزیر خارجہ بلاول بھٹو کا کہنا ہے کہ بیلا روس کے ہم منصب کے ساتھ 2 مفاہمت کی یادداشتوں پر دستخط کیے گئے جس کے تحت سفارتی اور سروس پاسپورٹ والوں کے لیے ویزے ختم کردیے گئے۔

    تفصیلات کے مطابق وزیر خارجہ بلاول بھٹو نے سماجی رابطے کی ویب سائٹ ٹویٹر پر اپنے ٹویٹ میں کہا کہ بیلا روس کے ہم منصب کے ساتھ 2 مفاہمت کی یادداشتوں پر دستخط کیے۔

    وزیر خارجہ کا کہنا تھا کہ سفارتی اور سروس پاسپورٹ والوں کے لیے ویزوں کے خاتمے پر معاہدہ ہوا، دونوں ممالک کے درمیان تھنک ٹینک کے درمیان تعاون بڑھانے پر بھی اتفاق ہوا۔

    انہوں نے مزید کہا کہ معاہدہ دونوں ممالک کے درمیان مختلف شعبوں میں تعاون کو مزید مستحکم کرے گا۔

  • سیاستدان کا لبادہ اوڑھ کر ریاستی علامتوں پر حملہ کرنے والے مذاکرات کے اہل نہیں: وزیر اعظم

    سیاستدان کا لبادہ اوڑھ کر ریاستی علامتوں پر حملہ کرنے والے مذاکرات کے اہل نہیں: وزیر اعظم

    اسلام آباد: وزیر اعظم شہباز شریف کا کہنا ہے کہ سیاستدانوں کا لبادہ اوڑھ کر ریاستی علامتوں پر حملہ اور جلاؤ گھیراؤ کرنے والے مذاکرات کے اہل نہیں، ان کی جانب سے کی گئی مسلح کارروائیوں کا احتساب کیا جانا چاہیئے۔

    تفصیلات کے مطابق وزیر اعظم شہباز شریف نے سماجی رابطے کی ویب سائٹ ٹویٹر پر اپنے ٹویٹ میں کہا کہ مذاکرات سیاسی عمل میں گہرائی سے سرایت کرتا ہے، مذاکرات جمہوریت کو پختہ اور ترقی دینے میں مدد کرتا ہے۔

    وزیر اعظم کا کہنا ہے کہ سیاسی اور آئینی پیش رفت اس وقت ہوئی جب سیاسی رہنما اتفاق رائے کے لیے میز پر بیٹھے۔

    انہوں نے کہا کہ سیاستدانوں کا لبادہ اوڑھ کر ریاستی علامتوں پر حملہ اور جلاؤ گھیراؤ کرنے والے مذاکرات کے اہل نہیں، ان کی جانب سے کی گئی مسلح کارروائیوں کا احتساب کیا جانا چاہیئے۔

    وزیر اعظم کا مزید کہنا تھا کہ ترقی یافتہ جمہوریتوں میں بھی یہی رواج ہے۔

  • پاکستان کڈنی اینڈ لیور انسٹیٹیوٹ پاکستان کی پہچان بنے گا: وزیر اعظم

    پاکستان کڈنی اینڈ لیور انسٹیٹیوٹ پاکستان کی پہچان بنے گا: وزیر اعظم

    اسلام آباد: وزیر اعظم شہباز شریف کا کہنا ہے کہ پاکستان کڈنی اینڈ لیور انسٹی ٹیوٹ پاکستان کا جان ہاپکنز بنے گا اور گردے، جگر کی بیماریوں کے علاج معالجہ کے لیے پاکستان کی پہچان بن جائے گا۔

    تفصیلات کے مطابق وزیر اعظم شہباز شریف نے سماجی رابطے کی ویب سائٹ ٹویٹر پر اپنے ٹویٹ میں کہا کہ پاکستان کڈنی اینڈ لیور انسٹی ٹیوٹ ہمیشہ سے میرے دل کے قریب رہا ہے۔

    وزیر اعظم کا کہنا ہے کہ میری تمنا تھی اور ہے کہ یہ شاندار اسپتال پاکستان کا جان ہاپکنز بنے اور گردے، جگر کی بیماریوں کے علاج معالجہ کے لیے پاکستان کی پہچان بن جائے۔

    انہوں نے کہا کہ افسوس کہ سابق وزیر اعظم اور ایک سابق چیف جسٹس نے اس مشن کو اپنی سیاست اور ذاتی مفادات کا نشانہ بنایا اور اس اسپتال کو بے پناہ نقصان پہنچایا۔

    وزیر اعظم نے کہا کہ ہمارے قدم رکنے والے نہیں، میرا یقین ہے کہ اللہ تعالیٰ یقیناً ان لوگوں کی مدد کرتا ہے جو جذبہ خدمت سے سرشار ہوں۔

    انہوں نے کہا کہ اسپتال کو ورلڈ کلاس بنانے اور اس کی بحالی کے لیے ہم تمام کوششیں اور توانائیاں صرف کر رہے ہیں، گزشتہ روز وہاں کے دورے کا مقصد بھی وہاں بحالی کے لیے کیے جانے والے اقدامات کا جائزہ لینا تھا۔

  • معیشت سدھارنے کے لیے تحریک انصاف نے اپنا ہوم ورک مکمل کر لیا: مزمل اسلم

    معیشت سدھارنے کے لیے تحریک انصاف نے اپنا ہوم ورک مکمل کر لیا: مزمل اسلم

    اسلام آباد: پاکستان تحریک انصاف کے رہنما مزمل اسلم کا کہنا ہے کہ پاکستان تحریک انصاف نے معیشت سدھارنے کے لیے اپنا ہوم ورک مکمل کر لیا ہے، باقی جماعتوں کا علم نہیں۔

    تفصیلات کے مطابق پاکستان تحریک انصاف کے رہنما مزمل اسلم نے سماجی رابطے کی ویب سائٹ ٹویٹر پر اپنے ٹویٹ میں کہا کہ ہم تاریخ سے پہلے الیکشن لڑنے کا فیصلہ کرتے ہیں تو پاکستان ڈیفالٹ نہیں ہوگا۔

    مزمل اسلم کا کہنا تھا کہ نئی حکومت فوری آئی ایم ایف پروگرام میں جائے اور نئے پروگرام پر مذاکرات کرے۔

    انہوں نے کہا کہ نئی حکومت کو معیشت پٹری پر لانے کے لیے جارحانہ اصلاحاتی منصوبے پر عمل کرنا چاہیئے، پاکستان تحریک انصاف نے اپنا ہوم ورک مکمل کر لیا ہے، باقی جماعتوں کا علم نہیں۔

  • برطانیہ اور پاکستان کے تعلقات تاریخی ہیں: وزیر اعظم

    برطانیہ اور پاکستان کے تعلقات تاریخی ہیں: وزیر اعظم

    اسلام آباد: وزیر اعظم شہباز شریف نے برطانوی بادشاہ چارلس سوم کی تاجپوشی کی تقریب میں شرکت کے لیے روانگی کے موقع پر کہا ہے کہ برطانیہ اور پاکستان کے تعلقات تاریخی ہیں اور گزشتہ دہائیوں کے دوران مزید مضبوط ہوئے۔

    تفصیلات کے مطابق وزیر اعظم شہباز شریف نے سماجی رابطے کی ویب سائٹ ٹویٹر پر اپنے ٹویٹ میں کہا کہ بادشاہ چارلس سوم کی تاجپوشی کی تقریب میں شرکت کے لیے آج برطانیہ جا رہا ہوں۔

    وزیر اعظم کا کہنا تھا کہ برطانیہ اور پاکستان کے تعلقات تاریخی ہیں اور دہائیوں کے دوران مزید مضبوط ہوئے، برطانوی بادشاہ اور شاہی خاندان پاکستان کے عظیم دوست رہے ہیں۔

    انہوں نے کہا کہ دورے کے دوران دولت مشترکہ رہنماؤں کی کانفرنس میں شرکت بھی ہوگی جہاں دیگر عالمی رہنماؤں سے ملاقات بھی ہوگی۔

  • لال حویلی پر کارروائی کی گئی تو میں کسی نقصان کا ذمہ دار نہیں: شیخ رشید

    لال حویلی پر کارروائی کی گئی تو میں کسی نقصان کا ذمہ دار نہیں: شیخ رشید

    اسلام آباد: سابق وفاقی وزیر شیخ رشید کا کہنا ہے کہ رات کے اندھیرے میں اگر لال حویلی پر کارروائی کی گئی تو میں کسی نقصان کا ذمہ دار نہیں، اپنا آئینی اور قانونی حق استعمال کروں گا۔

    تفصیلات کے مطابق پاکستان تحریک انصاف کے رہنما شیخ رشید نے سماجی رابطے کی ویب سائٹ ٹویٹر پر اپنے ٹویٹ میں کہا کہ میری 4 مرلے کی لال حویلی پر حکومت چوتھی مرتبہ حملہ کرنے جا رہی ہے، ہائیکورٹ سے بھ 4 مرلے ملکیت کا کیس جیت چکا ہوں۔

    شیخ رشید کا کہنا تھا کہ رات کے اندھیرے میں اگر لال حویلی پر کارروائی کی گئی تو میں کسی نقصان کا ذمہ دار نہیں، اپنا آئینی اور قانونی حق استعمال کروں گا۔

    انہوں نے کہا کہ اسحٰق ڈار اقتصادی معاشی طور پر ہی ناکام نہیں ہوئے بلکہ غریب سے منہ کا نوالہ بھی چھین لیا، مذاکرات کامیاب ہوں تو بہت اچھی بات ہے لیکن ایسا ہوتا دکھائی نہیں دیتا۔

    شیخ رشید نے مزید کہا کہ ملک اور قوم کی ضرورت آئین اور قانون ہے اور حکومت اقتدار سے چمٹا رہنا چاہتی ہے۔