Tag: ٹویٹر

اسلام آباد: وزیر اعظم کی معاون خصوصی فردوس عاشق اعوان کا کہنا ہے کہ وزیر اعظم عمران خان نے ہمیشہ کہا مذاکرات امن کا واحد راستہ ہیں، افغان امن عمل میں پاکستان کے کردار کو سونے کے حرف سے لکھا جانا چاہیئے۔

تفصیلات کے مطابق وزیر اعظم عمران خان کی معاون خصوصی برائے اطلاعات و نشریات فردوس عاشق اعوان نے سماجی رابطے کی ویب سائٹ ٹویٹر پر اپنے ٹویٹ میں کہا کہ افغان امن معاہدہ وزیر اعظم عمران خان کے مؤقف کی توثیق ہے۔

معاون خصوصی کا کہنا تھا کہ وزیر اعظم عمران خان نے ہمیشہ کہا مذاکرات امن کا واحد راستہ ہیں، افغان شہری جنگ سے متاثر ہوئے ہیں، اب وہ استحکام چاہتے ہیں۔

انہوں نے مزید کہا کہ افغانستان میں امن خطے میں استحکام کا باعث بنے گا، افغان امن عمل میں پاکستان کے کردار کو سونے کے حرف سے لکھا جانا چاہیئے۔

#AfghanPeaceDeal testifies what @ImranKhanPTI always said, that dialogue is the only way forward. Afghans suffered due to war & deserve stability. Peace in Afghanistan is imperative to stability in region. Pak role in peace process deserves to be written in letters of gold. pic.twitter.com/x63GkQwbfI

— Dr. Firdous Ashiq Awan (@Dr_FirdousPTI) March 1, 2020

گزشتہ روز افغان امن معاہدے کے بعد وزیر اعظم عمران خان نے اپنے ردعمل میں کہا تھا کہ امریکا طالبان تاریخی امن معاہدے کا خیر مقدم کرتے ہیں، افغانستان میں طویل جنگ کے بعد معاہدہ امن و استحکام کا آغاز ہے۔

انہوں نے کہا تھا کہ کسی بھی پیچیدہ مسئلے کا آخری حل مذاکرات ہیں، ہمیشہ کہا امن کا راستہ مذاکرات میں پنہاں ہے، دعائیں افغان عوام کے ساتھ ہیں جو 4 دہائیوں سے خونریزی کا شکار ہیں۔

اسلام آباد: وزیر اعظم کی معاون خصوصی فردوس عاشق اعوان کا کہنا ہے کہ احساس پروگرام وزیر اعظم عمران خان کی محروم اور پسے ہوئے طبقات کے ساتھ محبت، وابستگی اور ہمدردی کا مظہر ہے۔

تفصیلات کے مطابق وزیر اعظم عمران خان کی معاون خصوصی برائے اطلاعات و نشریات فردوس عاشق اعوان نے سماجی رابطے کی ویب سائٹ ٹویٹر پر اپنے ٹویٹ میں کہا کہ وزیر اعظم عمران خان کے عوامی ’احساس‘ کا دائرہ مسلسل بڑھ رہا ہے۔ احساس پروگرام اب لیہ میں شروع کیا جا رہا ہے۔

معاون خصوصی کا کہنا تھا کہ احساس آمدن پروگرام سے پسماندہ علاقوں کے غریب اور مستحق لوگوں کی مدد ہوگی، ان کے معیار زندگی کو بہتر بنانے میں احساس ایک اہم سنگ میل ثابت ہو رہا ہے۔

وزیراعظم عمران خان کے عوامی’ احساس‘کا دائرہ مسلسل بڑھ رہا ہے۔احساس پروگرام اب لیہ میں شروع کیاجارہا ہے۔احساس آمدن پروگرام سے پسماندہ علاقوں کے غریب اور مستحق لوگوں کی مدد ہوگی،ان کے معیارزندگی کو بہتر بنانے میں احساس ایک اہم سنگ میل ثابت ہورہاہے۔
2/1

— Dr. Firdous Ashiq Awan (@Dr_FirdousPTI) February 21, 2020

انہوں نے کہا کہ احساس صحت مند اور روشن معاشرے کا بنیادی عنصر ہوتا ہے۔ یہ پروگرام وزیر اعظم عمران خان کی محروم اور پسے ہوئے طبقات کے ساتھ محبت، وابستگی اور ہمدردی کا مظہر ہے۔

احساس صحت منداور روشن معاشرے کابنیادی عنصر ہوتا ہے۔
2/2

— Dr. Firdous Ashiq Awan (@Dr_FirdousPTI) February 21, 2020

معاون خصوصی کا کہنا تھا کہ یہ غریبوں کے روزگار کے لیے وسائل کی فراہمی کو یقینی بنانے کی جانب عملی قدم ہے، 15 بلین روپے بجٹ کے اس پروگرام سے 1.45 ملین افراد مستفید ہوں گے۔

یہ پروگرام عمران خان کی محروم اور پسے ہوئے طبقات کے ساتھ محبت، وابستگی اور ہمدردی کا مظہر ہے۔یہ غریبوں کے روزگار کے لئے وسائل کی فراہمی کو یقینی بنانے کی جانب عملی قدم ہے۔15 بلین روپے بجٹ کے اس پروگرام سے 1.45 ملین افراد مستفید ہوں گے۔

— Dr. Firdous Ashiq Awan (@Dr_FirdousPTI) February 21, 2020

انہوں نے کہا کہ پاکستان کے 23 اضلاع کی 375 دیہی یونین کونسلوں میں اس پروگرام کا آغاز، گراس روٹ سطح پر عوام کا معیار زندگی بلند کرنے اور خوشحالی منتقل کرنے کے عمران خان کے وژن کا آئینہ دار ہے۔

معاون خصوصی کا مزید کہنا تھا کہ اثاثہ جات منتقلی پروگرام کے تحت زرعی آلات، مویشی چنگچی رکشہ باڈی اور چھوٹے کاروبار کرنے کے آلات شامل ہیں۔

پاکستان کے 23 اضلاع کی 375 دیہی یونین کونسلوں میں اس پروگرام کا آغاز گراس روٹ کی سطح پر عوام کا معیار زندگی بلند کرنے اور خوشحالی منتقل کرنے کے عمران خان کے وژن کا آئینہ دار ہے۔اثاثہ جات منتقلی پروگرام کے تحت زرعی آلات،مویشی چنگچی رکشہ باڈی اورچھوٹے کاروبارکرنے کے آلات شامل ہیں۔

— Dr. Firdous Ashiq Awan (@Dr_FirdousPTI) February 21, 2020

اسلام آباد: وزیر اعظم کی معاون خصوصی فردوس عاشق اعوان کا کہنا ہے کہ ملائیشیا اور پاکستان کے درمیان دوستی، اعتماد اور محبت دونوں کے درمیان ترقی اور خوشحالی کا نیا دروازہ ثابت ہوں گے۔

تفصیلات کے مطابق وزیر اعظم عمران خان کی معاون خصوصی برائے اطلاعات و نشریات فردوس عاشق اعوان نے سماجی رابطے کی ویب سائٹ ٹویٹر پر اپنے ٹویٹ میں کہا کہ وزیر اعظم عمران خان کا کوالالمپور کا دورہ تاریخی اہمیت کا حامل ہے۔

معاون خصوصی کا کہنا تھا کہ وزیر اعظم مہاتیر محمد اور وزیر اعظم عمران خان مل کر دونوں ممالک میں دوستی، اعتماد، محبت، تعاون اور اشتراک عمل کا نیا باب لکھ رہے ہیں۔

انہوں نے کہا کہ یہ دوستی، اعتماد اور محبت پاکستان اور ملائیشیا کے درمیان ترقی اور خوشحالی کا نیا دروازہ ثابت ہوں گے۔

وزیراعظم عمران خان کاکوالالمپورکا دورہ تاریخی اہمیت کاحامل ہے۔وزیراعظم مہاتیر محمد اوروزیراعظم عمران خان مل کر دونوں ممالک میں دوستی،اعتماد،محبت،تعاون اوراشتراک عمل کانیاباب لکھ رہے ہیں۔یہ دوستی،اعتماداورمحبت پاکستان اورملائیشیاءکےدرمیان ترقی اورخوشحالی کا نیادروازہ ثابت ہوں گے۔

— Dr. Firdous Ashiq Awan (@Dr_FirdousPTI) February 4, 2020

فردوس عاشق اعوان کا مزید کہنا تھا کہ دونوں وزرائے اعظم امت مسلمہ اور اسلام کے ترجمان بن کر دنیا میں ابھرے ہیں، امت سمیت پاکستان اور ملائیشیا کے عوام کے لیے یہ دو طرفہ اشتراک عمل خوشخبری کے مترادف ہے۔

دونوں وزراءاعظم امت مسلمہ اور اسلام کے ترجمان بن کر دنیا میں ابھرے ہیں۔ امت سمیت پاکستان اور ملائیشیاءکے عوام کے لئے یہ دوطرفہ اشتراک عمل خوشخبری کے مترادف ہے۔

— Dr. Firdous Ashiq Awan (@Dr_FirdousPTI) February 4, 2020

خیال رہے کہ وزیر اعظم عمران خان 2 روزہ دورے پر ملائیشیا میں ہیں جہاں ان کی ملاقات ملائیشین ہم منصب مہاتیر محمد سے ہوئی۔

اس دوران پاکستان اور ملائیشیا کے درمیان وفود کی سطح پر مذاکرات بھی ہوئے ، مذاکرات میں تجارت، معیشت اور سیاحت کے شعبوں کو فروغ دینے پر بات چیت کی گئی۔

دونوں ممالک کے درمیان تجارتی تعاون کو فروغ دینے کے لیے مذاکرات جاری رکھنے پر اتفاق ہوا جبکہ دفاع سمیت دیگر شعبوں میں تعاون پر بھی بات ہوئی۔

اسلام آباد: وزیر اعظم کی معاون خصوصی فردوس عاشق اعوان کا کہنا ہے کہ ملائیشین وزیر اعظم مہاتیر محمد کا کشمیر پر مؤقف ان کے انصاف پسند عالمی رہنما ہونے کا ثبوت ہے، دونوں ممالک کے تعلقات مذہب، ثقافت اور باہمی اعتماد کی بنیاد پر قائم ہیں۔

تفصیلات کے مطابق وزیر اعظم عمران خان کی معاون خصوصی برائے اطلاعات و نشریات فردوس عاشق اعوان نے سماجی رابطے کی ویب سائٹ ٹویٹر پر اپنے ٹویٹ میں کہا کہ پاکستان اور ملائیشیا میں قریبی برادرانہ تعلقات استوار ہیں جن کی بنیاد مذہب، ثقافت اور باہمی اعتماد پر قائم ہے۔

معاون خصوصی کا کہنا تھا کہ ملائیشیا کے وزیر اعظم مہاتیر محمد کی گزشتہ سال یوم پاکستان پر آمد اور پریڈ کے موقع پر مہمان خصوصی کی حیثیت سے شرکت دونوں ممالک کی دوستی کا مظہر ہے۔

پاکستان اور ملائیشیاء میں قریبی برادرانہ تعلقات استوار ہیں جن کی بنیاد مذہب، ثقافت اور باہمی اعتماد پر قائم ہے۔ملائیشیا کے وزیراعظم مہاتیر محمد کی گزشتہ سال یوم پاکستان پر آمد اور پریڈ کے موقع پر مہمان خصوصی کی حیثیت سے شرکت دونوں ممالک کی دوستی کا مظہر ہے۔ 2/1

— Dr. Firdous Ashiq Awan (@Dr_FirdousPTI) February 3, 2020

انہوں نے کہا کہ وزیر اعظم عمران خان کا، منصب سنبھالنے کے بعد ملائیشیا کا دوسرا دورہ دونوں ممالک کے مابین فروغ پاتے دو طرفہ مظبوط تعلقات کا آئینہ دار ہے۔

وزیراعظم عمران خان کامنصب سنبھالنے کے بعد ملائیشیاء کا دوسرا دورہ دونوں ممالک کی مابین فروغ پاتے دوطرفہ مظبوط تعلقات کا آئینہ دار ہے۔2/2

— Dr. Firdous Ashiq Awan (@Dr_FirdousPTI) February 3, 2020

معاون خصوصی کا کہنا تھا کہ وزیر اعظم عمران خان کا دورہ دونوں ممالک کے اقتصادی روابط کو مزید مضبوط بنائے گا اور اسٹریٹجک پارٹنر شپ کو مزید تقویت ملے گی۔ مشترکہ پریس کانفرنس میں دونوں قائدین دو طرفہ تعلقات کو مزید مستحکم اور مضبوط بنانے کے حوالے سے اپنا وژن دیں گے۔

وزیراعظم عمران خان کادورہ دونوں ممالک کے اقتصادی روابط کو مزید مضبوط بنائے گا اور اسٹریٹجک پارٹنرشپ کو مزید تقویت ملے گی۔مشترکہ پریس کانفرنس میں دونوں قائدین دوطرفہ تعلقات کو مزید مستحکم اور مضبوط بنانے کے حوالے سے اپنا وژن دیں گے۔

— Dr. Firdous Ashiq Awan (@Dr_FirdousPTI) February 3, 2020

انہوں نے کہا کہ وزیر اعظم عمران خان مقبوضہ جموں و کشمیر میں انسانی حقوق کی سنگین خلاف ورزیوں پر ملائیشیا کی قیادت کو آگاہ کریں گے اور تنازعہ کشمیر کے پر امن حل کی اہمیت پر زور دیں گے۔

وزیراعظم عمران خان مقبوضہ جموں کشمیر میں انسانی حقوق کی سنگین خلاف ورزیوں پر ملائیشیاء کی قیادت کو آگاہ کریں گے اور تنازع کشمیر کے پرامن حل کی اہمیت پر زور دیں گے۔2/1

— Dr. Firdous Ashiq Awan (@Dr_FirdousPTI) February 3, 2020

معاون خصوصی کا مزید کہنا تھا کہ ملائیشیا کا مظلوم کشمیریوں کے منصفانہ حق استصواب رائے کے لیے آواز بلند کرنا لائق تحسین ہے۔ وزیر اعظم مہاتیر محمد کا کشمیر پر مؤقف ان کے ایک انصاف پسند عالمی رہنما ہونے کا ثبوت ہے۔

ملائیشیا کا مظلوم کشمیریوں کے منصفانہ حق استصواب رائے کیلئے آواز بلند کرنا لائق تحسین ہے۔ وزیراعظم مہاتیر محمد کا کشمیر پر موقف ان کے ایک انصاف پسند عالمی رہنما ہونے کا ثبوت ہے۔2/2

— Dr. Firdous Ashiq Awan (@Dr_FirdousPTI) February 3, 2020

خیال رہے کہ وزیر اعظم عمران خان آج 2 روزہ دورے پر ملائیشیا روانہ ہوگئے ہیں، دورے کے دوران وزیر اعظم کی مہاتیر محمد سے بالمشافہ ملاقات ہوگی اور دونوں رہنما مشترکہ پریس کانفرنس بھی کریں گے۔

دونوں وزرائے اعظم وفد کی سطح پر بھی ملاقات کریں گے، اس دوران دو طرفہ معاہدے بھی کیے جائیں گے جبکہ عمران خان مسئلہ کشمیر میں انسانی حقوق کی خلاف ورزیوں کو اجاگر کریں گے۔

اسلام آباد: وزیر اعظم کی معاون خصوصی فردوس عاشق اعوان کا کہنا ہے کہ انضمام شدہ علاقوں کی تعمیر و ترقی ہماری ترجیح ہے، آئینی جمہوری حقوق کی فراہمی یقینی بنا کر محب وطن قبائلی عوام کو با اختیار بنائیں گے۔

تفصیلات کے مطابق وزیر اعظم عمران خان کی معاون خصوصی برائے اطلاعات و نشریات فردوس عاشق اعوان نے سماجی رابطے کی ویب سائٹ ٹویٹر پر اپنے ٹویٹ میں کہا کہ وزیر اعظم عمران خان قبائلی عوام کی خوشحالی کے لیے پرعزم اور سرگرم عمل ہیں۔

معاون خصوصی کا کہنا تھا کہ انضمام شدہ علاقوں کی تعمیر و ترقی خصوصاً نوجوانوں کے لیے روزگار کی فراہمی ہماری ترجیح ہے۔ محب وطن قبائلی عوام کو ان کی قربانیوں، صبر اور استقامت کا پھل ہر صورت ملے گا۔

وزیراعظم عمران خان قبائلی عوام کی خوشحالی کیلئے پرعزم اورسرگرم عمل ہیں۔انضمام شدہ علاقوں کی تعمیر و ترقی خصوصاً نوجوانوں کیلئے روزگار کی فراہمی ہماری ترجیح ہے۔محب وطن قبائلی عوام کو ان کی قربانیوں،صبر اور استقامت کا پھل ہر صورت ملے گا۔
2/1

— Dr. Firdous Ashiq Awan (@Dr_FirdousPTI) February 2, 2020

انہوں نے کہا کہ آئینی جمہوری حقوق کی فراہمی یقینی بنا کر انہیں با اختیار بنائیں گے۔

آئینی جمہوری حقوق کی فراہمی یقینی بنا کر انہیں بااختیار بنائیں گے۔
2/2

— Dr. Firdous Ashiq Awan (@Dr_FirdousPTI) February 2, 2020

اپنے ٹویٹ میں معاون خصوصی نے مزید کہا کہ قیام امن کے دشمن اور شرپسند عناصر منہ کی کھائیں گے۔ پاکستان کے آئین کو رد کرنے والوں کے لیے پاکستان کے عوام کے دلوں میں کوئی جگہ نہیں۔

انہوں نے کہا کہ دوسروں کے ہاتھ کا کھلونا بننے والے شر پسندوں کو قبائلی عوام کی ترقی اور خوشحالی سے نہیں کھیلنے دیں گے۔

قیام امن کے دشمن اور شرپسند عناصر منہ کی کھائیں گے۔پاکستان کے آئین کو رد کرنے والوں کیلئے پاکستان کے عوام کے دلوں میں کوئی جگہ نہیں۔ دوسروں کے ہاتھ کا کھلونا بننے والے شر پسندوں کو قبائلی عوام کی ترقی اور خوشحالی سے نہیں کھیلنے دیں گے۔

— Dr. Firdous Ashiq Awan (@Dr_FirdousPTI) February 2, 2020

اسلام آباد: وزیر اعظم کی معاون خصوصی فردوس عاشق اعوان کا کہنا ہے کہ وزیر اعظم عمران خان کا احساس کفالت کارڈ کا اجرا کرنا ریاست کے ماں ہونے کی سوچ کے تحت ایک اور قدم ہے۔

تفصیلات کے مطابق وزیر اعظم عمران خان کی معاون خصوصی برائے اطلاعات و نشریات فردوس عاشق اعوان نے سماجی رابطے کی ویب سائٹ ٹویٹر پر اپنے ٹویٹ میں کہا کہ احساس کا جذبہ انسانی رشتوں کو مضبوط بناتا ہے، نئے پاکستان کی بنیاد اسی احساس پر قائم ہے۔

انہوں نے کہا کہ وزیر اعظم عمران خان کا احساس کفالت کارڈ کا اجرا کرنا ریاست کے ماں ہونے کی سوچ کے تحت ایک اور قدم ہے۔

احساس کا جذبہ انسانی رشتوں کو مضبوط بناتا ہے۔نئے پاکستان کی بنیاد اِسی احساس پر قائم ہے ۔ وزیر اعظم عمران خان کا احساس کفالت کارڈ کا اجراء کرنا "ریاست کےماں” ہونے کی سوچ کے تحت ایک اور قدم ہے –

— Dr. Firdous Ashiq Awan (@Dr_FirdousPTI) January 31, 2020

معاون خصوصی کا کہنا تھا کہ احساس کفالت پروگرام فلاحی ریاست کی جانب پیشرفت ہے جس کے تحت تقریباً 70 لاکھ غریب خواتین کو 2 ہزار روپے ماہانہ وظیفہ دیا جائے گا۔

انہوں نے کہا کہ یہ پروگرام وزیر اعظم عمران خان کے وژن ’ایک خاتون ایک بینک اکاؤنٹ‘ کا عکاس ہے اور یہ خواتین کی معاشی خود مختاری کی جانب اہم سنگ میل ثابت ہوگا۔

احساس کفالت پروگرام فلاحی ریاست کی جانب پیشرفت ہے جس کے تحت تقریباً ستر لاکھ غریب خواتین کو 2 ہزار روپے ماہانہ وظیفہ دیا جائے گا ۔ یہ پروگرام وزیر اعظم عمران خان کے وژن "ایک خاتون ایک بنک اکاؤنٹ” کا عکاس ہے اور یہ خواتین کی معاشی خود مختاری کی جانب اہم سنگ میل ثابت ہو گا۔

— Dr. Firdous Ashiq Awan (@Dr_FirdousPTI) January 31, 2020

خیال رہے کہ وزیر اعظم عمران خان آج احساس کفالت پروگرام کا افتتاح کریں گے، پروگرام کے تحت بیوہ خواتین سمیت نادار افراد کی مالی امداد اور انتہائی مستحق افراد کو 2 ہزار روپے ماہانہ رقم دی جائے گی۔

بے نظیر کارڈ ختم کر کے مستحقین کو احساس کفالت کارڈ پر وظیفہ ملے گا، کارڈ سے نواز شریف اور بے نظیر کی تصاویر ختم کر کے صرف قائد اعظم کی تصویر لگے گی۔

حکومت ہر ماہ 70 لاکھ خواتین کو ماہانہ 2 ہزار روپے دے گی جبکہ بی آئی ایس پی کے 40 لاکھ بینی فشریز بھی کفالت پروگرام میں شامل ہیں۔

اسلام آباد: وزیر اعظم کی معاون خصوصی فردوس عاشق اعوان نے افغان صدر اشرف غنی کو بین الاقوامی تعلقات کے اصول پیش نظر رکھنے کی تاکید کرتے ہوئے کہا ہے کہ ان کا حالیہ ٹویٹ پاکستان کے اندرونی معاملات میں مداخلت کے مترادف ہے۔

تفصیلات کے مطابق وزیر اعظم عمران خان کی معاون خصوصی برائے اطلاعات و نشریات فردوس عاشق اعوان نے سماجی رابطے کی ویب سائٹ ٹویٹر پر اپنے ٹویٹ میں کہا کہ افغان صدر اشرف غنی کی حالیہ ٹویٹ پاکستان کے اندرونی معاملات میں مداخلت کے مترادف ہے۔

معاون خصوصی کا کہنا تھا کہ افغان قیادت کو ایسے بیانات سے پہلے بین الاقوامی تعلقات میں عدم مداخلت کے اصولوں کو پیش نظر رکھنا چاہیئے۔

افغان صدراشرف غنی کی حالیہ ٹویٹ پاکستان کے اندرونی معاملات میں مداخلت کے مترادف ہے۔افغان قیادت کو ایسے بیانات سے پہلے بین الاقوامی تعلقات میں عدم مداخلت کے اصولوں کو پیش نظر رکھنا چاہیے۔

— Dr. Firdous Ashiq Awan (@Dr_FirdousPTI) January 28, 2020

انہوں نے کہا کہ پاکستان خطے میں امن و استحکام کا داعی ہے، ہم افغانستان میں قیام امن کے مشترکہ مقصد کے حصول کے لیے مل کر کام کرنے کے خواہاں ہیں۔

پاکستان خطے میں امن واستحکام کا داعی ہے۔افغانستان میں قیام امن کے مشترکہ مقصد کے حصول کیلئےملکرکام کرنے کے خواہاں ہیں۔

— Dr. Firdous Ashiq Awan (@Dr_FirdousPTI) January 28, 2020

اپنے ٹویٹ میں معاون خصوصی کا مزید کہنا تھا کہ پاکستان خود مختار ریاست ہے، آئین پاکستان سے منحرف عناصر کے ساتھ قانون کے مطابق کارروائی کرنا پاکستان کا قانون ہے۔

انہوں نے کہا کہ کسی اور ملک کا دوسرے ملک میں قانون کی بالا دستی کے خلاف بات کرنا سفارتی تقاضوں کے منافی ہے۔ پاکستان کی بہادر مسلح افواج اور غیور عوام نے اپنے لہو سے سے امن کے دیے روشن کیے ہیں۔ کسی شر پسند کو امن سے کھیلنے کی اجازت نہیں دی جا سکتی۔

پاکستان خود مختار ریاست ہے۔آئین پاکستان سے منحرف عناصر کے ساتھ قانون کے مطابق کارروائی کرنا پاکستان کا قانون ہے۔ کسی اور ملک کا دوسرے ملک میں قانون کی بالادستی کے خلاف بات کرنا سفارتی تقاضوں کے منافی ہے۔

— Dr. Firdous Ashiq Awan (@Dr_FirdousPTI) January 28, 2020

معاون خصوصی کا مزید کہنا تھا کہ شرپسندوں کے خلاف قانون اپنا راستہ خود بنائے گا۔

پاکستان کی بہادر مسلح افواج اور غیور عوام نے اپنے لہو سے سے امن کے دیے روشن کیے ہیں۔کسی شر پسند کو امن سے کھیلنے کی اجازت نہیں دی جاسکتی۔شرپسندوں کے خلاف قانون اپنا راستہ خود بنائے گا۔

— Dr. Firdous Ashiq Awan (@Dr_FirdousPTI) January 28, 2020

خیال رہے کہ گزشتہ روز منظور پشتین کو ملک میں انتشار پھیلانے اور تخریب کاری کے الزام میں گرفتار کر کے عدالت پیش کیا گیا تھا جس پر افغان صدر نے تشویش کا اظہار کیا تھا۔

بعد ازاں دفتر خارجہ کی جانب سے افغان صدر کے ٹویٹ پر اظہار ناپسندیدگی کرتے ہوئے کہا گیا کہ افغان صدر کا بیان پاکستان کے اندرونی معاملات میں واضح مداخلت ہے، ایسے بیان دونوں ملکوں میں دوستانہ تعلقات کے فروغ میں معاون نہیں ہیں۔

دفتر خارجہ کی جانب سے کہا گیا تھا کہ پاکستان افغانستان سے عدم مداخلت کے اصولوں پر تعلقات رکھنا چاہتا ہے اور پاکستان افغانستان سے قریبی اور خوشگوار تعلقات قائم رکھنے کا خواہشمند ہے۔