ARYNews.tv | Urdu – Har Lamha Bakhabar

Tag: ٹویٹ

  • 2 کروڑ سیلاب زدگان کو فوری امداد کی ضرورت ہے: شیری رحمٰن

    2 کروڑ سیلاب زدگان کو فوری امداد کی ضرورت ہے: شیری رحمٰن

    اسلام آباد: وفاقی وزیر برائے کلائمٹ چینج شیری رحمٰن کا کہنا ہے کہ ملک میں ابھی بھی 2 کروڑ سیلاب زدگان کو فوری امداد کی ضرورت ہے، اپوزیشن کی سیاست کا محور ملک اور عوام نہیں عمران خان کا ذاتی مفاد ہے۔

    تفصیلات کے مطابق وفاقی وزیر برائے کلائمٹ چینج شیری رحمٰن نے سماجی رابطے کی ویب سائٹ ٹویٹر پر اپنے ٹویٹ میں کہا کہ ملک میں ابھی بھی 2 کروڑ سیلاب زدگان کو فوری امداد کی ضرورت ہے، تحریک انصاف سندھ اور بلوچستان کے متاثرین کو تاثر دے رہی ہے کہ عمران خان کی سیاست اہم ہے۔

    شیری رحمٰن کا کہنا تھا کہ دوسری طرف دہشت گردی کے واقعات میں اضافہ ہو رہا ہے، ان کو سیلاب زدگان اور بڑھتی ہوئی دہشت گردی سے کوئی سروکار نہیں۔

    وفاقی وزیر نے اپوزیشن کو تنقید کا نشانہ بناتے ہوئے مزید کہا کہ لوگ اب ان کی طرز سیاست سے تنگ آچکے ہیں، ان کی سیاست کا محور ملک اور عوام نہیں عمران خان کا ذاتی مفاد ہے۔

  • الیکشن اپریل مئی میں نہ ہوئے تو حالات مزید خراب ہوجائیں گے: شیخ رشید

    الیکشن اپریل مئی میں نہ ہوئے تو حالات مزید خراب ہوجائیں گے: شیخ رشید

    اسلام آباد: پاکستان تحریک انصاف کے رہنما شیخ رشید کا کہنا ہے کہ ہائیکورٹ نے جب سے توشہ خانہ کی تفصیلات مانگی ہیں حکومت توشہ خانہ کیس سے بھاگ گئی، الیکشن اپریل مئی میں نہ ہوئے تو حالات مزید خراب ہوجائیں گے۔

    تفصیلات کے مطابق پاکستان تحریک انصاف کے رہنما شیخ رشید نے سماجی رابطے کی ویب سائٹ ٹویٹر پر اپنے ٹویٹ میں کہا کہ ہائیکورٹ نے جب سے توشہ خانہ کی تفصیلات مانگی ہیں حکومت توشہ خانہ کیس سے بھاگ گئی۔

    شیخ رشید کا کہنا تھا کہ سیاست اور معیشت دونوں تباہ ہیں، الیکشن اپریل مئی میں نہ ہوئے تو حالات مزید خراب ہوجائیں گے، سارے ہتھکنڈے عمران خان کا راستہ روکنے کے لیے ہیں۔

    انہوں نے کہا کہ غریب پر سخت سردی میں لنڈا بازار کے بھی دروازے بند ہیں اور کفن دفن کے پیسے بھی نہیں ہیں۔

  • غیر ملکی ذخائر 16 ارب ڈالر تھے جو اب 6.1 ارب رہ گئے: فواد چوہدری

    غیر ملکی ذخائر 16 ارب ڈالر تھے جو اب 6.1 ارب رہ گئے: فواد چوہدری

    اسلام آباد: سابق وفاقی وزیر فواد چوہدری کا کہنا ہے کہ جس دن عدم اعتماد کی تحریک لائی گئی فارن ریزرو 16 بلین ڈالر تھے جو اب 6.1 بلین رہ گئے ہیں اور حکمران ذاتی مفادات کے علاوہ کچھ نہیں سوچتے۔

    تفصیلات کے مطابق سابق وفاقی وزیر فواد چوہدری نے سماجی رابطے کی ویب سائٹ ٹویٹر پر اپنے ٹویٹ میں کہا کہ پی ڈی ایم کی حکومت نے معیشت کے ساتھ جو کھلواڑ کیا اس کی مثال نہیں ملتی۔

    فواد چوہدری کا کہنا تھا کہ اسٹیٹ بینک نے فارن ریزرو فگرز جاری کیے ہیں، اس رپورٹ نے خطرے کی گھنٹی بجا دی ہے۔

    انہوں نے کہا کہ جس دن عدم اعتماد کی تحریک لائی گئی فارن ریزرو 16 بلین ڈالر تھے جو اب 6.1 بلین رہ گئے ہیں اور حکمران ذاتی مفادات کے علاوہ کچھ نہیں سوچتے۔

  • ملک میں دہشت گردی میں 50 فیصد اضافہ، امپورٹڈ حکومت نمٹنے میں ناکام: عمران خان

    ملک میں دہشت گردی میں 50 فیصد اضافہ، امپورٹڈ حکومت نمٹنے میں ناکام: عمران خان

    اسلام آباد: سابق وزیر اعظم عمران خان کا کہنا ہے کہ ملک میں دہشت گردی میں 50 فیصد اضافہ ہوا اور پاک افغان سرحد سے بھی حملے ہو رہے ہیں، حکومت ان سے نمٹنے میں ناکام ہے۔

    تفصیلات کے مطابق سابق وزیر اعظم عمران خان نے سماجی رابطے کی ویب سائٹ ٹویٹر پر اپنے ٹویٹ میں کہا کہ معیشت کو زمین پر لانے کے علاوہ امپورٹڈ حکومت دہشت گردی سے نمٹنے میں ناکام رہی۔

    عمران خان کا کہنا تھا کہ چمن سے سوات، لکی مروت سے بنوں تک دہشت گردی کے واقعات میں 50 فیصد اضافہ ہوا، حکومت بین الاقوامی پاک افغان سرحد سے ہونے والے حملوں سے نمٹنے میں بھی ناکام رہی۔

    انہوں نے کہا کہ ہمارے سپاہی، پولیس اور مقامی لوگ روزانہ اپنی جانوں کے نذرانے دے رہے ہیں، دہشت گردی کے بڑھتے خطرے اور مغربی سرحد کے اس پار سے حملوں کا حکومت ذکر تک نہیں کر رہی۔

    عمران خان کا کہنا تھا کہ ان سب کی دلچسپی صرف این آر او 2 میں ہے۔

    انہوں نے مزید کہا کہ معیشت کی زبوں حالی کے باوجود حکومت انتخابات کے انعقاد سے گھبرا رہی ہے، انتخابات ہی سیاسی استحکام کے ذریعے معیشت کو مستحکم کرنے کا واحد راستہ ہے۔

  • سپریم کورٹ، اسلام آباد ہائیکورٹ کے متضاد فیصلوں کا نوٹس لے: فواد چوہدری

    سپریم کورٹ، اسلام آباد ہائیکورٹ کے متضاد فیصلوں کا نوٹس لے: فواد چوہدری

    اسلام آباد: پاکستان تحریک انصاف کے رہنما فواد چوہدری کا کہنا ہے کہ سپریم کورٹ، اسلام آباد ہائیکورٹ میں ایک ہی دن دیے گئے دو مختلف فیصلوں کا نوٹس لے، اس طرح کے فیصلے عدلیہ کی بے توقیری کا باعث ہیں۔

    تفصیلات کے مطابق سابق وفاقی وزیر فواد چوہدری نے سماجی رابطے کی ویب سائٹ ٹویٹر پر اپنے ٹویٹ میں کہا کہ سپریم کورٹ، اسلام آباد ہائیکورٹ میں ایک ہی دن دو مختلف فیصلوں کا نوٹس لے۔

    فواد چوہدری کا کہنا تھا کہ صبح اعظم سواتی کے کیس میں کہا گیا دوسرے صوبوں میں سماعت کا اختیار نہیں ہے، اسی دن مسلم لیگ ن کی کمپنی کے پنجاب اور خیبر پختونخواہ میں درج مقدموں میں مزید کارروائیاں روک دی گئیں۔

    انہوں نے کہا کہ اس طرح کے فیصلے عدلیہ کی بے توقیری کا باعث ہیں۔

  • فواد چوہدری کا اسمبلیاں تحلیل کرنے کے حوالے سے اہم بیان

    فواد چوہدری کا اسمبلیاں تحلیل کرنے کے حوالے سے اہم بیان

    اسلام آباد: سابق وفاقی وزیر فواد چوہدری کا کہنا ہے کہ اگر پی ڈیم ایم 20 دسمبر تک ملک بھر میں عام انتخابات کا کوئی حتمی فارمولا سامنے نہیں لاتی تو پنجاب اور خیبر پختونخواہ اسمبلیاں تحلیل کر دی جائیں گی۔

    تفصیلات کے مطابق سابق وفاقی وزیر فواد چوہدری نے سماجی رابطے کی ویب سائٹ ٹویٹر پر اپنے ٹویٹ میں کہا کہ امپورٹڈ حکومت کے اکابرین الیکشن نہیں چاہتے لیکن ملک کیسے چلانا ہے کوئی پتہ نہیں، صرف وزیر بنانے اور بیرونی دورے کرنے سے ملک نہیں چلتے۔

    فواد چوہدری کا کہنا تھا کہ یہ ایک پیچیدہ اور مشکل کام ہے جس کی اہلیت ان حکمرانوں میں نہیں، پاکستان کو سیاسی استحکام کی ضرورت ہے اور یہ مستحکم حکومت کے بغیر ممکن نہیں۔

    انہوں نے کہا کہ اگر پی ڈیم ایم 20 دسمبر تک ملک بھر میں عام انتخابات کا کوئی حتمی فارمولا سامنے نہیں لاتی تو پنجاب اور خیبر پختونخواہ اسمبلیاں تحلیل کر دی جائیں گی۔

    سابق وفاقی وزیر کا مزید کہنا تھا کہ پنجاب اور خیبر پختونخواہ میں 20 مارچ سے پہلے عام انتخابات کا عمل مکمل ہوگا، اس ضمن میں اتحادیوں کا مکمل اعتماد حاصل ہے۔

  • یوگنڈا کے جنرل کے دلچسپ ٹویٹس موضوع بحث بن گئے

    یوگنڈا کے جنرل کے دلچسپ ٹویٹس موضوع بحث بن گئے

    مشرقی افریقی ملک یوگنڈا کے صدر کے بیٹے، جو جنرل کے عہدے پر فائز ہیں، اپنے غیر سنجیدہ ٹویٹس کی وجہ سے مشہور ہیں، تجزیہ نگاروں کے مطابق ان کے ٹویٹس کے پیچھے سوچی سمجھی سیاسی حکمت عملی کار فرما ہے۔

    بین الاقوامی میڈیا کے مطابق یوگنڈا کے صدر یوویری موسیوینی کے بیٹے موحوزی کینیرو گابا نے کہا ہے کہ وہ اپنے والد کی جگہ صرف اس وقت تخت نشین ہوں گے اگر ان کے ٹویٹ کو زیادہ لائکس مل گئے۔

    کینیرو گابا جو اپنے ملک کی فوج میں جنرل کے عہدے پر فائز ہیں، ٹویٹر پر بہت زیادہ سرگرم ہیں۔

    انہوں نے ایک ٹویٹ میں لکھا کہ چلیں، اگر آپ میں سے جو چاہتے ہیں کہ میں اپنے والد کی جگہ صدر بنوں وہ اس ٹویٹ کو ری ٹویٹ اور لائک کریں۔ اگر آپ مجھے قائل کر سکے تو میں یہ کر لوں گا۔

    اس ٹویٹ کو 2 ہزار 400 صارفین نے ری ٹویٹ کیا جبکہ ساڑھے 7 ہزار سے زائد لائکس ملے۔

    کینیرو گابا کو عام طور پر ان کے نام کے پہلے حصے سے جانا جاتا ہے جس کا مطلب ہے، بدلہ لینے والا، وہ پرجوش ٹویٹس کا ٹریک ریکارڈ رکھتے ہیں۔

    مثال کے طور پر انہوں نے اطالوی وزیر اعظم جارجیا میلونی کو 100 گایوں کا تحفہ دینے کی پیشکش کی تھی، انہوں نے لکھا کہ ہماری ثقافت میں آپ جس لڑکی کو پسند کرتے ہیں اس کو گائے کا تحفہ دیتے ہیں۔

    انہوں نے کینیا پر حملہ کرنے کے امکان کے بارے میں موسیقی بھی شیئر کی تھی۔

    یوگنڈا کے صدر پر بیٹے کی ٹویٹس کی وجہ سے تنقید بھی کی جاتی ہے اور کئی بار ان کی غیر سنجیدہ ٹویٹس پر پابندی لگانے کا مطالبہ بھی کیا گیا۔

    اسی طرح کے ایک مطالبے پر کینیرو گابا نے ٹویٹ کیا کہ وہ بالغ ہیں اور ان پر کوئی پابندی نہیں لگا سکتا۔

    اگرچہ کینیرو گابا کے تازہ ترین ٹویٹ کو کئی افراد نے غیر سنجیدہ قرار دیا تھا تاہم بعض مبصرین کے مطابق وہ ایک سوچی سمجھی سیاسی حکمت عملی کے تحت ایسی باتیں کر رہے ہیں۔

    یوگنڈا کے صدر یوویری موسیوینی کی عمر 78 برس ہے اور موحوزی کینیرو گابا ان کے جانشین کے طور پر اقتدار سنبھال سکتے ہیں، اور اان کی ٹویٹ کو اسی تناظر میں دیکھا جا رہا ہے۔

    افریقہ پالیسی انسٹیٹیوٹ کے صدر اور سی ای او پیٹر کاگوانجا کا کہنا ہے کہ یہ خاندان یوگنڈا کو کنٹرول کرتا ہے، ان کا کہنا تھا کہ کینیرو گابا شہزادہ ہے، اس کا باپ صدر اور ماں کابینہ میں ہے۔ وہ اپنے والد کی جگہ اقتدار سنبھالنے کے وقت کا انتظار کر رہا ہے۔

    ان کے مطابق محوزی اشتعال انگیز بات کرتے ہیں، پھر ان کے والد جا کر معافی مانگنے کا بندوبست کرتے ہیں، اور اس طرح وہ اہم سیاسی حلقوں میں متعارف ہو جاتے ہیں۔

  • موسم سرما میں سیلاب متاثرین کو چھت کی فراہمی اولین ترجیح ہے: وزیر اعظم

    موسم سرما میں سیلاب متاثرین کو چھت کی فراہمی اولین ترجیح ہے: وزیر اعظم

    اسلام آباد: وزیر اعظم شہباز شریف نے مخیر حضرات سے سیلاب متاثرین کی مدد کی اپیل کرتے ہوئے کہا ہے کہ موسم سرما میں بے گھر لوگوں کو چھت فراہم کرنا ایک بہت بڑا چیلنج ہے۔

    تفصیلات کے مطابق وزیر اعظم شہباز شریف نے سماجی رابطے کی ویب سائٹ ٹویٹر پر اپنے ٹویٹ میں کہا کہ وقت گزرنے کے ساتھ ساتھ سیلاب متاثرین کی مشکلات میں مزید اضافہ ہوتا جا رہا ہے۔

    وزیر اعظم کا کہنا تھا کہ رواں موسم سرما میں بے گھر لوگوں کو چھت فراہم کرنا ایک بہت بڑا چیلنج ہے۔

    انہوں نے کہا کہ حکومت سیلاب متاثرین کی بحالی اور ان کو رواں موسم سرما میں چھت کی فراہمی کے لیے ترجیحی بنیادوں پر کام کر رہی ہے۔

    وزیر اعظم کا مزید کہنا تھا کہ میری ملک کے تمام مخیر حضرات سے گزارش ہے کہ بڑھ چڑھ کر حکومت کا ساتھ دیں، ہمیں اس مشکل وقت میں اپنے بہن، بھائیوں، بچوں اور بزرگوں کو قطعاً اکیلا نہیں چھوڑنا ہے۔

  • حکمرانوں کو سمجھ نہیں آرہی الیکشن سے کیسے جان چھڑائیں: شیخ رشید

    حکمرانوں کو سمجھ نہیں آرہی الیکشن سے کیسے جان چھڑائیں: شیخ رشید

    اسلام آباد: سابق وفاقی وزیر شیخ رشید کا کہنا ہے کہ حکمرانوں کو سمجھ نہیں آرہی کہ الیکشن سے کیسے جان چھڑائی جائے، ملک کو سینٹورس مال سمجھنے والے الیکشن کے لیے تیار ہوجائیں۔

    تفصیلات کے مطابق سابق وفاقی وزیر شیخ رشید نے سماجی رابطے کی ویب سائٹ ٹویٹر پر اپنے ٹویٹ میں کہا کہ حکمرانوں کو سمجھ نہیں آرہی کہ الیکشن سے کیسے جان چھڑائی جائے۔

    شیخ رشید کا کہنا تھا کہ فضل الرحمٰن فرسٹریشن میں خواتین کے خلاف بے ہودہ بیان دے رہے ہیں، بلاول بھٹو ورلڈ ٹور پر ہیں۔

    انہوں نے کہا کہ چوہدری شجاعت اور پرویز الٰہی دوبارہ ایک ہوچکے ہیں، اس لیے عدم اعتماد اور گورنر راج نہیں اسمبلیاں تحلیل ہوں گی۔

    شیخ رشید کا مزید کہنا تھا کہ ملک کو سینٹورس مال سمجھنے والے الیکشن کے لیے تیار ہوجائیں۔

  • ’ملک کا ہر خاندان 6 لاکھ روپے کا مقروض ہے‘

    ’ملک کا ہر خاندان 6 لاکھ روپے کا مقروض ہے‘

    اسلام آباد: پاکستان تحریک انصاف کے رہنما مزمل اسلم کا کہنا ہے کہ تجربہ کار حکومت نے 7 مہینوں میں 7 ہزار 200 ارب روپے کا قرض لیا ہے، یہ قرض عوام کو واپس دینا ہے۔

    تفصیلات کے مطابق پاکستان تحریک انصاف کے رہنما مزمل اسلم نے سماجی رابطے کی ویب سائٹ ٹویٹر پر اپنے ٹویٹ میں کہا کہ انتہائی قابل اور تجربہ کار حکومت نے 7 مہینوں میں 7 ہزار 200 ارب روپے کا قرض لیا ہے۔

    مزمل اسلم کا کہنا تھا کہ یہ قرض کل قرض کا 17 فیصد ہے، مزید قرض کے لیے دربدر الگ ہو رہے ہیں یعنی بات یہاں رکے گی نہیں۔

    انہوں نے کہا کہ پی ڈیم ایم حکومت نے جو قرض لیا ہے وہ اب آپ کو ادا کرنا پڑے گا، سود کے علاوہ آپ پر 32 ہزار 727 روپے واجب الادا ہیں۔

    مزمل اسلم کا مزید کہنا تھا کہ اگر آپ کے گھر میں 5 افراد ہیں تو آپ کا خاندان 6 لاکھ 36 ہزار 163 روپے کا مقروض ہے اور اس میں مزید اضافہ ہوتا رہے گا۔