ARYNews.tv | Urdu – Har Lamha Bakhabar

Tag: ٹویٹ

  • آئی سی سی کے تنقیدی ٹویٹ پر پی سی بی کا کرارا جواب

    آئی سی سی کے تنقیدی ٹویٹ پر پی سی بی کا کرارا جواب

    پاکستان کرکٹ بورڈ نے انٹرنیشنل کرکٹ کاؤنسل کی جانب سے مذاق اڑائے جانے کے بعد کرارا جواب دے دیا جس کے بعد آئی سی سی کی بھی بولتی بند ہوگئی۔

    تفصیلات کے مطابق چند روز قبل انٹرنیشنل کرکٹ کاؤنسل (آئی سی سی) کے آفیشل ٹویٹر اکاؤنٹ سے پاکستان آسٹریلیا ٹی 20 سیریز کی ٹرافی کا مذاق اڑایا گیا۔

    اس موقع پر کئی لوگوں نے آئی سی سی کو تنقید کا نشانہ بنایا کہ آئی سی سی ایک بڑے ٹورنامنٹ کے بارے میں اطلاعات دینے کے بجائے نان پروفیشل انداز میں ٹویٹ کر رہا ہے۔

    ایک ٹویٹ میں کہا گیا کہ آئی سی سی کو اپنے ارکان کا احترام کرنا چاہیئے اور اس طرح ٹویٹ کرنے سے گریز کرنا چاہیئے۔

    تاہم پاکستان کرکٹ بورڈ کے ٹویٹر اکاؤنٹ سے اسی انداز میں جواب دیتے ہوئے آئی سی سی کی بولتی بند کردی گئی۔

    آئی سی سی کی جانب سے کی جانے والی ٹویٹ میں پاک آسٹریلیا ٹی 20 سیریز اور چیمپیئنز ٹرافی 2017 کی ٹرافی کا مقابلہ کیا گیا تھا جس پر پی سی بی نے ٹویٹ کیا، ’کیا فرق پڑتا ہے، دونوں ٹرافیز اب ہماری ہیں‘۔

    جواباً آئی سی سی نے اپنے ٹویٹ میں حیرت کا اظہار کیا۔

    خیال رہے کہ گزشتہ روز پاکستان نے آسٹریلیا کے خلاف دوسرا ٹی 20 جیت کر سیریز اپنے نام کرلی تھی۔ آئی سی سی کے ٹویٹ میں دکھائی گئی چیمپیئنز ٹرافی کا فاتح بھی پاکستان تھا۔

  • عمران خان کا نام ملک میں کامیابی کی نوید لائے گا، فواد چوہدری

    عمران خان کا نام ملک میں کامیابی کی نوید لائے گا، فواد چوہدری

    جہلم : پاکستان تحریک انصاف کے ترجمان فواد چوہدری نےٹویٹ میں کہا ہے کہ اللہ سے دعا ہے کہ آج کا تاریخی دن پی ٹی آئی کی فتح کا دن ہو۔

    پاکستان تحریک انصاف کے مرکزی ترجمان فواد چوہدری نے سماجی رابطے کی ویب سایٹ ٹویٹر پر ٹویٹ میں کہا ہے کہ دن کا آغاز خدا کے حضور دعا اور صدقے سے کیا ہے۔

    پاکستان تحریک انصاف کے مرکزی رہنما کا ٹویٹ میں کہنا تھا کہ اللہ سے دعا ہے آج کا تاریخی دن پاکستان تحریک انصاف کی فتح و کامرانی کا دن ہو۔

    فواد چوہدری نے اپنے ٹویٹ میں کہا ہے کہ خدا کے حضور دعا کرتا ہوں کہ پاکستان تحریک انصاف کے چیئرمین عمران خان کا نام ملک بھر میں کامیابی کی نوید لائے۔

    عام انتخابات 2018 کے لیے پولنگ کا عمل شروع

    واضح رہے کہ پاکستان کے گیارہویں عام انتخابات کے لیے ملک بھر میں پولنگ کا آغاز ہوگیا جہاں 10 کروڑ 59 لاکھ 55 ہزار 409 ووٹرز حق رائے دہی استعمال کریں گے۔

    انتخابی عمل کے دوران حفاظتی اقدامات کے پیش نظر3لاکھ 70 ہزار فوجی جوان جبکہ ساڑھے چار لاکھ پولیس اہلکار تعینات ہیں، 17 ہزار سے زائد پولنگ اسٹیشنزکوانتہائی حساس قرار دیا گیا ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • ایک ٹویٹ نے 26 لڑکیوں کو اسمگل ہونے سے بچا لیا

    ایک ٹویٹ نے 26 لڑکیوں کو اسمگل ہونے سے بچا لیا

    نئی دہلی: بھارت میں ایک عقلمند شخص کے ٹویٹ نے 26 لڑکیوں کو اسمگل ہونے سے بچا کر مجرموں کو جیل پہنچا دیا۔

    بھارتی میڈیا کے مطابق واقعہ اس وقت پیش آیا جب ادراش شری واستو نامی ایک شخص نے چند پریشان حال لڑکیوں کو دیکھا۔

    یہ شخص اتر پردیش میں ایک مسافر ٹرین میں سفر کر رہا تھا جب اس نے اپنی بوگی میں موجود لڑکیوں کو پریشان دیکھا۔ ان میں سے چند لڑکیاں نہایت کمسن تھیں اور کچھ رو بھی رہی تھیں۔

    اس مشکل صورتحال میں مسافر نے سوشل میڈیا کا سہارا لیا اور سماجی رابطوں کی ویب سائٹ ٹویٹر پر ٹویٹ کرتے ہوئے ساری صورتحال لکھ ڈالی۔

    اس نے ٹرین اور بوگی نمبر کے ساتھ لکھا کہ بوگی میں موجود لڑکیاں پریشان ہیں اور رو رہی ہیں۔

    اس کے ساتھ اس نے اپنے ٹویٹ میں وزیر اعظم مودی، بھارتی وزیر ریلوے، وزیر اعلیٰ اور ریلوے کی انتظامیہ کے اکاؤنٹ کو بھی مینشن کیا۔

    اس کے بعد اس نے ایک اور ٹویٹ میں اپنے راستے سے بھی آگاہ کیا۔

    مسافر کے اس ٹویٹ نے فوراً ہی توجہ حاصل کرلی اور تھوڑی ہی دیر بعد مذکورہ علاقے کے پولیس اسٹیشن الرٹ ہوگئے۔

    ذرا سی تلاش و تفتیش کے بعد پولیس مدد کے لیے پہنچ گئی اور فوری طور پر لڑکیوں کو اپنی تحویل میں لے لیا۔

    لڑکیوں کو اسمگل کرنے والے دو ملزمان کو بھی حراست میں لے لیا گیا۔ ان میں سے ایک کی عمر 22 جبکہ دوسرے کی 55 سال بتائی جارہی ہے۔

    واقعے کے بعد مسافر کو سوشل میڈیا پر بے حد سراہا گیا۔ بعض افراد کا کہنا تھا کہ سوشل میڈیا کو ایسے ہی مثبت انداز میں استعمال کرنے کی ضرورت ہے۔

    کچھ ٹویٹر صارفین نے وزیر اعظم سے مطالبہ کیا کہ مذکورہ شخص کو ایوارڈ سے نوازا جائے جبکہ کچھ اس کی سیکیورٹی کے لیے بھی فکر مند نظر آئے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ن لیگ کی ساری ترقی اشتہارات تک محدود رہی: عمران خان

    ن لیگ کی ساری ترقی اشتہارات تک محدود رہی: عمران خان

    اسلام آباد: پاکستان تحریک انصاف کے چیئرمین عمران خان کا کہنا ہے کہ ن لیگ کی ساری ترقی اشتہارات تک ہی محدود رہی۔ نگران حکومت قوم کو ملکی معیشت کی حقیقی صورتحال سے آگاہ کرے۔

    تفصیلات کے مطابق پاکستان تحریک انصاف کے چیئرمین عمران خان نے سماجی رابطے کی ویب سائٹ ٹویٹر پر اپنے ٹویٹ میں کہا کہ مسلم لیگ ن نے سرکاری ادارے خسارے میں چھوڑے ہیں۔

    انہوں نے کہا کہ کرنٹ اکاؤنٹ خسارہ اور گردشی قرضے بلند ترین سطح پر ہیں۔ عالمی سطح پر تیل قیمتیں کم ہونے سے سالانہ اربوں ڈالرز کی بچت ہوئی۔

    انہوں نے کہا کہ ترقی تو ساری اشتہارات تک ہی محدود رہی۔ نگران حکومت قوم کو ملکی معیشت کی حقیقی صورتحال سے آگاہ کرے۔

    اپنے ٹویٹ میں عمران خان نے مزید کہا کہ یہ سمجھنے کے لیے کہ ن لیگ نے اپنے 5 سالہ دور حکومت میں معیشت کے ساتھ کیا کیا، 3 شہ سرخیاں کافی ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ن لیگ کے لوڈ شیڈنگ ختم کرنے کے دعوے جھوٹ کا پلندہ تھے: عمران خان

    ن لیگ کے لوڈ شیڈنگ ختم کرنے کے دعوے جھوٹ کا پلندہ تھے: عمران خان

    اسلام آباد: پاکستان تحریک انصاف کے چیئرمین عمران خان کا کہنا ہے کہ لوگ شہباز شریف کے آخری بیان کی سچائی جاننا چاہتے ہے۔ انہوں نے کہا تھا کہ اب لوڈ شیڈنگ کی ذمہ دار نگراں حکومت ہوگی۔

    پاکستان تحریک انصاف کے چیئرمین عمران خان نے سماجی رابطے کی ویب سائٹ ٹویٹر پر اپنے ٹویٹ میں کہا کہ ہیٹ ویو کے ساتھ ملک میں بجلی اورپانی کا بحران ہے۔ نگراں وزیر اعظم کو خط میں کہا ہے کہ قوم کو اعتماد میں لیں۔

    عمران خان نے کہا کہ قوم کو بجلی اور پانی کے بحران کی اصل صورتحال بتائیں۔ مسلم لیگ ن کے چھوڑے گئے گردشی قرضوں سے بھی قوم کو آگاہ کریں۔

    انہوں نے کہا کہ لوگ شہباز شریف کے آخری بیان کی سچائی جاننا چاہتے ہیں۔ شہباز نے کہا تھا اب لوڈ شیڈنگ کی ذمہ دار نگراں حکومت ہوگی۔ ’مشکلات کا سامنا کرتے عوام کا حق ہے کہ حقیقت جان لے‘۔

    عمران خان کا مزید کہنا تھا کہ ن لیگ کے لوڈ شیڈنگ ختم کرنے کے دعوے جھوٹ کا پلندہ تھے۔ ’نگراں وزیر اعظم کو پوائنٹ آؤٹ کروں گا، قوم کو بتائیں پاور سیکٹر کی اس ابتر صورتحال کا ذمہ دار کون ہے‘۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • امیتابھ بچن نے دپیکا پڈون کو اپنی ’’ سی وی ‘‘ پیش کردی

    امیتابھ بچن نے دپیکا پڈون کو اپنی ’’ سی وی ‘‘ پیش کردی

    ممبئی : بالی ووڈ کے بے تاج بادشاہ امیتابھ بچن نے خوبصورت و دراز قد حسینہ دپیکا پڈون کو ملازمت کے لیے اپنی ’’ سی وی ‘‘ پیش کردی ہے۔

    گزشتہ پانچ دہائیوں سے بھارتی فلم انڈسٹری میں راج کرنے والے امیتابھ بچن کی فن اداکاری نے فلم بینوں کے دلوں وہ انمٹ مہر ثبت کی ہے کہ جس کے بعد کوئی اور اداکار اس کی جگہ نہیں لے پایا ہے، وہ اپنی بزلہ سنجی کی وجہ سے ہر دلعزیز شخصیت بھی ہے جس کا عملی مظاہرہ انہوں نے اپنی حالیہ ٹویٹ میں بھی کیا جس کا زکر آگے آ رہا ہے۔

    بہتر سالہ امیتابھ بچن آج بھی شوخ اور شرارت سے بھرپور شخصیت کے مالک ہے جو حس مزاح کے کسی بھی موقع کو ہاتھ سے جانے نہیں دیتے یہی وجہ ہے کہ سماجی رابطے کی ویب سایٹس پر اُن کے چاہنے والوں کی تعداد کسی بھی بین الااقوامی شخصیت کے مقابلے میں کہیں زیادہ ہے جب کہ مائکرو بلاگنگ کی ویب سایٹ ٹویٹر پر متحرک امیتابھ بچن کے فالورز کی تعداد 33.1 ملین تک جا پہنچی ہے۔

    اپنی ایک حالیہ ٹویٹ میں امیتابھ بچن نے شوبز سے متعلق خبر کے ایک ٹکڑے کی تصویر شیئر کی جس میں کہا گیا تھا کہ عامر خان اور شاہد کپور کے مقابلے میں دپیکا پدون دراز قد اداکارہ ہے جس کے باعث ہدایت کاروں کو سین کی فلم بندی میں مشکلات کا سامنا رہتا ہے اور دپیکا کے قد کے برابر کے ہیروز نہ ہونے کے برابر ہیں اس لیے دپیکا کے مدمقابل ہیرو منتخب کرنا جان جوکھوں کا کام ہے۔

    اس تصویر پر امیتابھ بچن نے اپنی ’’ سی وی ‘‘ بنا کر پیش کردی جس میں بتایا گیا ہے کہ 76 سالہ امیتابھ بچن اپنے 49 سالہ فلمی کیریر میں 200 سے زائد فلموں میں کام کرچکے ہیں جب کہ اُن کا قد بھی 6 فٹ 2 انچ ہے چنانچہ دپیکا کے مد مقابل کبھی قد کا ایشو نہیں رہے گا۔

    امیتابھ بچن کے مداح اور ٹویٹر صارفین اس مزاحیہ پوسٹ سے انتہائی محظوظ ہوئے اور 57 ہزار لوگوں نے اس ٹویٹ کو پسند کیا جب کہ تین ہزار لوگوں نے دلچسپ تبصرے کیے جب دس ہزار لوگوں نے اس ٹویٹ کو ری ٹویٹ کیا اور لوگوں نے رومانٹک ہیرو کی حس مزاح کو سراہا ہے۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔ 

  • امریکیوں سےزیادہ پاکستانیوں نےدہشت گردی کےخلاف قربانیاں دیں‘ بلاول بھٹو

    امریکیوں سےزیادہ پاکستانیوں نےدہشت گردی کےخلاف قربانیاں دیں‘ بلاول بھٹو

    واشنگٹن: چیئرمین پاکستان پیپلزپارٹی بلاول بھٹو زرداری نے کہا ہے کہ امداد فراہم کرنا یا معطل کرنا یہ امریکہ کا اپنا فیصلہ ہے۔

    تفصیلات کے مطابق پیپلزپارٹی کے سربراہ بلاول بھٹو زرداری نے امریکی ٹی وی کو انٹرویو کے دوران کہا کہ ڈونلڈ ٹرمپ کا پاکستان مخالف ٹویٹ شاید کچھ امریکیوں کی خواہش ہو۔

    بلاول بھٹو زرداری نے کہا کہ امریکی صدر کے ٹویٹ سے پاکستانیوں کو دکھ پہنچا جبکہ ڈونلڈ ٹرمپ کا ٹویٹ میرے لیے زیادہ تکلیف دہ تھا۔

    پیپلزپارٹی کے سربراہ نے کہا کہ کئی پاکستانی اپنے پیاروں کو دہشت گردی کی جنگ میں کھوچکے ہیں، امریکی صدرڈونلڈ ٹرمپ کے ٹویٹ نے پاکستان میں غلط پیغام پہنچایا۔

    انہوں نے کہا کہ امداد فراہم کرنا یا معطل کرنا یہ امریکہ کا اپنا فیصلہ ہے جبکہ کولیشن سپورٹ فنڈ امداد نہیں امریکی افواج کے اخراجات ہیں۔

    بلاول بھٹو زرداری نے کہا کہ پاکستان میں دہشت گردی میں 75 فیصد کمی آئی ہے، امریکیوں سے زیادہ پاکستانیوں نے دہشت گردی کے خلاف قربانیاں دیں۔

    انہوں نے کہا کہ افغانستان کا45 فیصد حصہ طالبان کے قبضے میں ہے، امریکی اتحادی افواج افغانستان میں طالبان کو شکست نہیں دے سکی۔

    پیپلزپارٹی کے سربراہ نے کہا کہ پاکستان تواکیلا دہشت گردی کا مقابلہ کررہا ہے جبکہ دہشت گرد امریکیوں سے زیادہ پاکستانیوں کونشانہ بنا رہے ہیں۔

    بلاول بھٹو زرداری نے کہا کہ امریکہ نے افغان جنگ میں طالبان کی حمایت ومعاونت کی، آج دہشت گردوں کی پشت پناہی کا الزام پاکستان پرنہیں لگایا جاسکتا۔

    ہم نے امداد دی، پاکستان نے دھوکا دیا، اب ایسا نہیں ہوگا: امریکی صدر

    یاد رہے کہ رواں برس یکم جنوری کو امریکی صدر ڈونلڈ ٹرمپ نے کہا تھا کہ پاکستان امریکہ کو ہمیشہ دھوکہ دیتا آیا ہے، پاکستان نے امداد کے بدلے امریکہ کو بے وقوف بنانے کے بجائے کچھ نہیں کیا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔

  • مشعال قتل کیس میں پختونخواہ پولیس نے ذمہ داری کا مظاہرہ کیا: عمران خان

    مشعال قتل کیس میں پختونخواہ پولیس نے ذمہ داری کا مظاہرہ کیا: عمران خان

    اسلام آباد: پاکستان تحریک انصاف کے چیئرمین عمران خان کا کہنا ہے کہ مشعال کیس میں فیصلے کے بعد خیبر پختونخواہ پولیس نے ذمہ داری کا مظاہرہ کیا۔ پختونخواہ پولیس قاتل ہجوم کو قانون کے کٹہرے میں لائی۔

    تفصیلات کے مطابق مشعال قتل کیس کا فیصلہ آنے کے بعد پاکستان تحریک انصاف کے چیئرمین عمران خان نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ مشعال کیس میں فیصلے کے بعد خیبر پختونخواہ پولیس نے ذمہ داری کا مظاہرہ کیا۔

    ان کا کہنا تھا کہ خیبر پختونخواہ پولیس قاتل ہجوم کو قانون کے کٹہرے میں لائی۔ پاکستان میں پہلی بار پولیس اصل مجرم ہجوم کو انصاف کی گرفت میں لائی۔

    انہوں نے کہا کہ میر شکیل اور ان کامیڈیا گروپ خیبر پختونخواہ پولیس کو بلا جواز نشانہ بنا رہا ہے۔ میر شکیل اور ان کا میڈیا ہاؤس خیبر پختونخواہ پولیس اور حکومت سے معذرت کریں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • قصورکے گھناؤنے واقعات میں‌ بااثرافراد ملوث ہیں، مضبوط جے آئی ٹی بنائی جائے: عمران خان

    قصورکے گھناؤنے واقعات میں‌ بااثرافراد ملوث ہیں، مضبوط جے آئی ٹی بنائی جائے: عمران خان

    اسلام آباد:‌چیئرمین پی ٹی آئی عمران خان نے کہا ہے کہ واضح نظرآرہا ہے کہ معصوم بچوں کے ساتھ گھناؤنے جرائم میں بااثرافراد ملوث ہیں.

    ان خیالات کا اظہار انھوں‌ نے سماجی رابطے کی ویب سائٹ ٹویٹر پر کیا.

    عمران خان کا کہنا تھا کہ زینب کیس کے بعد جنسی زیادتی اور فحش فلموں سے متعلق ہولناک انکشافات ہورہے ہیں۔ زینب کے قاتل عمران علی کی گرفتاری اور بینک اکاؤنٹس ان تمام انکشافات کا ثبوت ہیں.

    ان کا کہنا تھا کہ واضح نظرآرہا ہے کہ قصور کے گھناؤنے جرم میں بااثرلوگ ملوث ہیں، قتل کے انکشافات اس کا بات کو ثابت کرتے ہیں.

    چیئرمین پی ٹی آئی نے اپنے ٹویٹ میں مطالبہ کیا کہ قصور میں‌ بچوں‌ کی زیادتی کے ان ہولناک واقعات سے متعلق ایک مضبوط جے آئی ٹی بنائی جائے، جسے وزیر قانون رانا ثنا اللہ نے بڑے افسوس ناک طریقہ سے زمین کا تنازع قرار دے دیا تھا.

    زینب قتل کیس: عدالت کی طلبی پر شاہد مسعود عدالت میں پیش

    یاد رہے کہ آج سپریم کورٹ میں‌ ازخود نوٹس کی سماعت کے دوران عدالت میں نجی ٹی وی چینل کے اینکر شاہد مسعود پیش ہوئے۔

    شاہد مسعود کا اپنے بیان میں کہنا تھا کہ ملزم عمران نہ تو ذہنی مریض ہے، نہ ہی پاگل ہے۔ زیادتی کے اس اسکینڈل میں‌ پورا گینگ ملوث ہے، جس میں سیاسی شخصیات بھی شامل ہیں۔ ان کا یہ بھی کہنا تھا کہ ملزم عمران کے 37 فارن کرنسی اکاؤنٹس ہیں۔ ان اکاؤنٹس میں ڈالر اور یورو میں ٹرانزکشن ہوتی ہے۔ عدالت کی ہدایت پر شاہد مسعود نے ملوث افراد کے نام لکھوائے تھے.

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں

  • ٹرمپ کی ٹویٹ کوپیچھےچھوڑکراب آگےبڑھنےکی ضرورت ہے‘ رچرڈہاگلینڈ

    ٹرمپ کی ٹویٹ کوپیچھےچھوڑکراب آگےبڑھنےکی ضرورت ہے‘ رچرڈہاگلینڈ

    واشنگٹن : سابق امریکی نائب سفیر رچرڈ ہاگلینڈ کا کہنا ہے کہ امریکی سفارت کار امریکہ کے لیے کام کرتے ہیں کسی خاص سوچ کے لیے نہیں کرتے۔

    تفصیلات کے مطابق پاکستان میں سابق امریکی نائب سفیر رچرڈہاگلینڈ نے پاک امریکہ تعلقات پرگفتگو کرتے ہوئے کہا کہ امریکہ پاکستان کے ساتھ تعلقات ختم نہیں کرے گا۔

    رچرڈ ہاگلینڈ نے کہا کہ ڈونلڈ ٹرمپ کی ٹویٹ کوپیچھے چھوڑکراب آگے بڑھنےکی ضرورت ہے، سفارت کاری کے ذریعے معاملات میں بہتری لائی جاسکتی ہے۔

    سابق امریکی نائب سفیرنے کہا کہ پاکستان کوکانگریس اراکین سے روابط بڑھانا ہوں گے جبکہ امریکہ کوپاکستان سے تعلقات کوطویل مدتی بنیاد پردیکھنا ہوگا۔

    انہوں نے کہا کہ بھارت سے امریکی تعلقات پرپاکستان کوخدشات نہیں ہونے چاہیے، ہرملک کواپنےاتحادیوں کا چناؤ کرنے کا مکمل اختیار ہے۔

    رچرڈ ہاگلینڈ نے کہا کہ پشاورمیں سفارت کارکی حیثیت سے اور اسلام آباد میں بطور نائب امریکی سفیر کی حیثیت سے بہترین وقت گزارا۔

    سیکورٹی امداد روکنے سے واشنگٹن کو کوئی فائدہ حاصل نہیں ہوگا‘ رابن رافیل

    خیال رہے کہ چار روز قبل اے آروائی نیوزسے گفتگو کرتے ہوئے سابق امریکی نائب وزیر خارجہ برائے جنوبی ایشیا رابن رافیل کا کہنا تھا کہ سیکورٹی امداد روکنے سے واشنگٹن کو کوئی فائدہ حاصل نہیں ہوگا۔

    یاد رہے رواں سال کے آغاز پر امریکی صدر ڈونلڈ ٹرمپ نے کہا تھا کہ امریکہ نے گزشتہ 15 سال میں33 ارب ڈالرز پاکستان کو دے کر بے وقوفی کی، پاکستان امریکہ کو ہمیشہ دھوکہ دیتا آیا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔