Tag: ٹویٹ

اسلام آباد: سابق وفاقی وزیر فواد چوہدری کا کہنا ہے کہ حکومت کی تبدیلی کے بعد دہشت گردی کے واقعات میں 52 فیصد اضافہ ہوا ہے، تباہ حال معیشت اور گورننس اس ملک میں نئی تباہی لا رہی ہے۔

تفصیلات کے مطابق سابق وفاقی وزیر اور پاکستان تحریک انصاف کے رہنما فواد چوہدری نے سماجی رابطے کی ویب سائٹ ٹویٹر پر اپنے ٹویٹ میں کہا کہ آپریشن رجیم چینج کے بعد دہشت گردی کے واقعات میں 52 فیصد اضافہ ہوا ہے۔

فواد چودہری کا کہنا تھا کہ قبائلی علاقوں میں جہاں سب سے زیادہ تواجہ دینی چاہیئے تھی، وفاقی حکومت نے فنڈز ہی روک دیے۔

انہوں نے کہا کہ حکمران نیرو کی طرح بانسری بجانے میں مصروف ہیں اور تباہ حال معیشت اور گورننس اس ملک میں نئی تباہی لا رہی ہے۔

اسلام آباد: سابق وفاقی وزیر فواد چوہدری کا کہنا ہے کہ تحریک انصاف کا حقیقی آزادی مارچ کل سے دوبارہ شروع ہوگا، عمران خان تیسرے ہفتے میں لاکھوں لوگوں کے ساتھ راولپنڈی میں ہوں گے۔

تفصیلات کے مطابق سابق وفاقی وزیر فواد چوہدری نے سماجی رابطے کی ویب سائٹ ٹویٹر پر اپنے ٹویٹ میں کہا کہ تحریک انصاف کا حقیقی آزادی مارچ کل سے دوبارہ شروع ہوگا۔

فواد چوہدری کا کہنا تھا کہ اس سلسلے میں آج گوجرانوالہ اور لاہور ڈویژن کے ذمہ داران کی میٹنگ ہوگی جس کے بعد سینیئر لیڈر شپ کا اجلاس ہوگا۔

انہوں نے کہا کہ راولپنڈی پہنچنے کی تاریخ میں اب کوئی توسیع نہیں، عمران خان تیسرے ہفتے میں لاکھوں لوگوں کے ساتھ راولپنڈی میں ہوں گے۔

تحریک انصاف کا حقیقی آزادی مارچ کل سے دوبارہ شروع ہو گا، اس سلسلے میں آج گوجرانوالہ آور لاہور ڈویژن کے ذمہ داران کی میٹنگ ہو گی جس کے بعدسینئر لیڈرشپ کااجلاس ہو گا،راولپنڈی پہنچنے کی تاریخ میں اب کوئ توسیع نہی انشاللہ عمران خان تیسرے ہفتے میں لاکھوں لوگوں کے ساتھ راولپنڈی ہوں گے

— Ch Fawad Hussain (@fawadchaudhry) November 9, 2022

اسلام آباد: سابق وفاقی وزیر فواد چوہدری کا کہنا تھا کہ حکومتی ایوان ابھی سے لڑکھڑا گئے ہیں اور ان پر گھبراہٹ طاری ہے، میڈیا اداروں کو دھمکیاں مل رہی ہیں کہ حقیقی آزادی مارچ کور نہ کریں۔

تفصیلات کے مطابق سابق وفاقی وزیر اور پاکستان تحریک انصاف کے رہنما فواد چوہدری نے سماجی رابطے کی ویب سائٹ ٹویٹر پر اپنے ٹویٹ میں حکومت کو شدید تنقید کا نشانہ بنایا۔

فواد چوہدری کا کہنا تھا کہ ایک طرف حکومت کو اطمینان ہے کہ لوگ تو نکل نہیں رہے، دوسرا صبح سے میڈیا اداروں کو دھمکیاں آرہی ہیں کہ حقیقی آزادی مارچ کور نہ کریں۔

انہوں نے کہا کہ اگر لوگ ہی نہیں تو گھبراہٹ کیسی، ہر چینل کو دکھانے دیں اور لوگوں کو فیصلہ کرنے دیں۔

فواد چوہدری کا کہنا تھا کہ سچ یہ ہے کہ حکومتی ایوان ابھی سے لڑکھڑا گئے ہیں اور ان پر گھبراہٹ طاری ہے۔

ایک طرف حکومت کو اطمینان ہے کہ لوگ تو نکل نہیں رہے دوسرا صبح سے میڈیا اداروں کو دھمکیاں آ رہی ہیں کہ خبردار #حقیقی_آزادی_مارچ کور کریں، اگر لوگ ہی نہیں تو گھبراہٹ کیسی ہر چینل کو دکھانے دیں لوگوں کو فیصلہ کرنے دیں، لیکن سچ یہ ہے حکومتی ایوان ابھی سے لڑکھڑا گئے ہیں گھبراہٹ طاری ہے

— Ch Fawad Hussain (@fawadchaudhry) October 29, 2022