ARYNews.tv | Urdu – Har Lamha Bakhabar

Tag: ٹڈی دل

  • ملک میں کپاس کی قیمت 11 سال کی بلند ترین سطح پر پہنچ گئی

    ملک میں کپاس کی قیمت 11 سال کی بلند ترین سطح پر پہنچ گئی

    کراچی: پاکستان سمیت دنیا بھر میں روئی کی قیمتوں میں غیر معمولی اضافہ دیکھا گیا ہے، کاٹن جینرز ایسوسی ایشن پاکستان کا کہنا ہے کہ رواں برس ملک میں روئی کی قیمت 11 سال کی بلند ترین سطح پر پہنچ گئی ہیں۔

    تفصیلات کے مطابق کاٹن جینرز ایسوسی ایشن کے چیئرمین احسان الحق کا کہنا ہے کہ پاکستان میں روئی کی قیمت میں 200 روپے فی من اضافہ ہوگیا ہے۔

    احسان الحق کا کہنا ہے کہ روئی کی قیمت 11 سال کی بلند ترین سطح 11 ہزار 500 روپے فی من تک پہنچ گئی ہیں۔

    انہوں نے بتایا کہ امریکا میں بھی روئی کی قیمتیں پچھلے 3 سال کی نئی بلند ترین سطح پر پہنچ گئی ہیں۔

    احسان الحق کا کہنا تھا کہ سندھ کے ساحلی شہروں میں کپاس کی بوائی شروع ہوگئی ہے، وفاق نے سفید مکھی کے خاتمے کے لیے کسانوں کو 12 سو روپے فی ایکڑ سبسڈی دینے کا فیصلہ کیا ہے۔

    یاد رہے کہ گزشتہ برس فصلوں پر ٹڈی دل کے حملے کے باعث کپاس کی فصل کو شدید نقصان پہنچا ہے۔

    احسان الحق کے مطابق نہری پانی کی دستیابی کے باعث کپاس کی ریکارڈ کاشت ہونے کا امکان تھا، تاہم ٹڈی دل کے حملے کے باعث رواں سال پاکستان میں روئی کی صرف 1 کروڑ 50 لاکھ بیلز پیدا ہوئیں۔

  • بلوچستان میں ٹڈی دل تاحال موجود، کنٹرول آپریشن جاری

    بلوچستان میں ٹڈی دل تاحال موجود، کنٹرول آپریشن جاری

    کراچی: نیشنل لوکسٹ کنٹرول سینٹر (این ایل سی سی) کا کہنا ہے کہ پنجاب، خیبر پختونخواہ اور سندھ سے ٹڈی دل کا خاتمہ کر دیا گیا تاہم بلوچستان میں ٹڈی دل تاحال موجود ہے۔

    تفصیلات کے مطابق نیشنل لوکسٹ کنٹرول سینٹر (این ایل سی سی) کا کہنا ہے کہ ملک بھر میں ٹڈی دل سے متاثرہ علاقوں میں محکمہ فوڈ سیکیورٹی، محکمہ زراعت اور پاک فوج کی مشترکہ ٹیموں کے سروے اور کنٹرول آپریشن کے نتیجے میں پنجاب، خیبر پختونخواہ اور سندھ سے ٹڈی دل کا خاتمہ کردیا گیا۔

    این ایل سی سی کے مطابق بلوچستان میں ٹڈی دل موجود ہے جہاں آپریشن تاحال جاری ہے۔

    این ایل سی سی کا کہنا ہے کہ گزشتہ 24 گھنٹے کے دوران بلوچستان میں 1 لاکھ 99 ہزار 335 ہیکٹرز رقبے کا سروے کیا گیا جبکہ لسبیلہ کے متاثرہ علاقوں میں 330 ہیکٹر رقبے پر کنٹرول آپریشن کیا گیا۔

    این ایل سی سی کے مطابق گزشتہ 6 ماہ کے دوران ٹڈی دل کے خاتمے کے لیے 11 لاکھ 26 ہزار 949 ہیکٹرز رقبے پر اسپرے کیا گیا۔

    خیال رہے کہ ٹڈی دل کے خاتمے کی مہم کے دوران سروے اور کنٹرول آپریشن میں 5 ہزار 843 سے زائد افراد اور 767 گاڑیوں نے حصہ لیا۔

    اس دوران صوبہ پنجاب میں 4.02 کروڑ ایکڑ پر سروے، 11 لاکھ 59 ہزار 97 ایکڑ پر آپریشن، سندھ میں 2.46 کروڑ ایکڑ پر سروے اور 2 لاکھ 24 ہزار 670 ایکڑ پر آپریشن کیا گیا۔

    اسی طرح صوبہ خیبر پختونخواہ میں 2.21 کروڑ ایکڑ پر سروے اور 15 لاکھ 45 ہزار 27 ایکڑ پر آپریشن کیا جا چکا ہے، جبکہ بلوچستان میں اب تک 4.11 کروڑ ایکڑ پر سروے اور 11 لاکھ 64 ہزار 476 ایکڑ پر آپریشن کیا جا چکا ہے۔

  • تھر پارکر اور لسبیلہ میں ٹڈی دل کنٹرول آپریشن جاری

    تھر پارکر اور لسبیلہ میں ٹڈی دل کنٹرول آپریشن جاری

    کراچی: نیشنل لوکسٹ کنٹرول سینٹر (این ایل سی سی) کا کہنا ہے کہ گزشتہ 24 گھنٹوں کے دوران تھر پارکر اور لسبیلہ میں 10 ہزار 76 ہیکٹرز پر ٹڈی دل کا کنٹرول آپریشن کیا گیا، ملک کے بقیہ اضلاع سے ٹڈی دل کا خاتمہ ہوچکا ہے۔

    تفصیلات کے مطابق نیشنل لوکسٹ کنٹرول سینٹر (این ایل سی سی) کا کہنا ہے کہ ملک بھر میں ٹڈی دل سے متاثرہ علاقوں میں محکمہ فوڈ سیکیورٹی، محکمہ زراعت اور پاک فوج کی مشترکہ ٹیموں کا سروے اور کنٹرول آپریشن جاری ہے۔

    ترجمان این ایل سی سی کا کہنا ہے کہ گزشتہ 24 گھنٹے میں 2 لاکھ 19 ہزار 474 ہیکٹر رقبے کا سروے کیا گیا جبکہ تھر پارکر اور لسبیلہ میں 10 ہزار 76 ہیکٹرز پر کنٹرول آپریشن کیا گیا۔

    ترجمان کا کہنا ہے کہ 6 ماہ میں 11 لاکھ 20 ہزار 23 ہیکٹرز پر اسپرے کیا جا چکا ہے۔

    خیال رہے کہ ٹڈی دل اب ملک کے صرف 2 اضلاع تھر پارکر (سندھ) اور لسبیلہ (بلوچستان) تک محدود ہوچکا ہے۔ مہم کے دوران سروے اور کنٹرول آپریشن میں 5 ہزار 843 سے زائد افراد اور 767 گاڑیوں نے حصہ لیا۔

    این ایل سی سی کے مطابق ملک بھر میں 11 ہزار 180 مربع کلو میٹر پر کنٹرول آپریشن کیا جا چکا ہے جبکہ 5 لاکھ 18 ہزار 812 مربع کلو میٹر پر سروے کیا جا چکا ہے۔

  • ملک کا 90 فیصد علاقہ ٹڈی دل سے پاک کر دیا گیا

    ملک کا 90 فیصد علاقہ ٹڈی دل سے پاک کر دیا گیا

    کراچی: نیشنل لوکسٹ کنٹرول سینٹر (این ایل سی سی) کے مطابق ملک میں صرف 2 ضلعوں تھر پارکر اور لسبیلہ میں ٹڈی دل موجود ہے، ان کے علاوہ پورے ملک سے ٹڈی دل کا خاتمہ کیا جا چکا ہے۔

    تفصیلات کے مطابق نیشنل لوکسٹ کنٹرول سینٹر (این ایل سی سی) کا کہنا ہے کہ ملک بھر میں ٹڈی دل سے متاثرہ علاقوں میں محکمہ فوڈ سیکیورٹی، محکمہ زراعت اور پاک فوج کی مشترکہ ٹیموں کا سروے اور کنٹرول آپریشن جاری ہے۔

    این ایل سی سی کا کہنا ہے کہ ٹڈی دل اب ملک کے صرف 2 اضلاع تھر پارکر (سندھ) اور لسبیلہ (بلوچستان) تک محدود ہوچکا ہے۔ مہم کے دوران سروے اور کنٹرول آپریشن میں 5 ہزار 843 سے زائد افراد اور 767 گاڑیوں نے حصہ لیا۔

    این ایل سی سی کے مطابق ملک بھر میں 11 ہزار 180 مربع کلو میٹر پر کنٹرول آپریشن کیا جا چکا ہے جبکہ 5 لاکھ 18 ہزار 812 مربع کلو میٹر پر سروے کیا جا چکا ہے۔

    این ایل سی سی کا کہنا ہے کہ صوبہ پنجاب میں پچھلے 24 گھنٹوں میں 1 لاکھ 97 ہزار 835 ایکڑ پر سروے کیا گیا، اب تک صوبے بھر میں 4.02 کروڑ ایکڑ پر سروے اور 11 لاکھ 59 ہزار 97 ایکڑ پر آپریشن کیا جا چکا ہے۔

    سندھ میں گزشتہ 24 گھنٹے میں 89 ہزار 7 ایکڑ پر سروے کیا گیا، ضلع تھر پارکر میں ٹڈی دل کی موجودگی پر 2 ہزار 755 ایکڑ پر آپریشن کیا گیا۔ صوبے میں اب تک 2.46 کروڑ ایکڑ پر سروے اور 2 لاکھ 24 ہزار 670 ایکڑ پر آپریشن کیا جا چکا ہے۔

    صوبہ خیبر پختونخواہ میں پچھلے 24 گھنٹوں کے دوران 1 لاکھ 47 ہزار 28 ایکڑ پر سروے کیا گیا۔ پختونخواہ میں اب تک 2.21 کروڑ ایکڑ پر سروے اور 15 لاکھ 45 ہزار 27 ایکڑ پر آپریشن کیا جا چکا ہے۔

    بلوچستان میں گزشتہ 24 گھنٹے کے دوران 94 ہزار 535 ایکڑ پر سروے اور ضلع لسبیلہ میں ٹڈی دل کی موجودگی پر 494 ایکڑ پر آپریشن کیا گیا۔ صوبے میں اب تک 4.11 کروڑ ایکڑ پر سروے اور 11 لاکھ 64 ہزار 476 ایکڑ پر آپریشن کیا جا چکا ہے۔

  • خیبر پختونخواہ سے ٹڈی دل کا خاتمہ

    خیبر پختونخواہ سے ٹڈی دل کا خاتمہ

    اسلام آباد: ملک بھر میں ٹڈی دل کے خاتمے کے لیے آپریشن جاری ہے، صوبہ خیبر پختونخواہ سے ٹڈی دل کا خاتمہ کر دیا گیا۔

    تفصیلات کے مطابق نیشنل لوکسٹ کنٹرول سینٹر (این ایل سی سی) کا کہنا ہے کہ ملک بھر میں انسداد ٹڈی دل کے لیے کوششیں جاری ہیں، صوبہ پنجاب کے رحیم یار خان میں ٹڈی دل کی اطلاع پر آپریشن کیا گیا۔

    این ایل سی سی کا کہنا ہے کہ تھر پارکر، رحیم یار خان اور لسبیلہ میں 336 ہیکٹر رقبے پر آپریشن کیا گیا ہے، گزشتہ 24 گھنٹے میں 2 لاکھ 35 ہزار ہیکٹرز رقبے کا سروے مکمل کیا گیا۔

    کنٹرول سینٹر کے مطابق صوبہ خیبر پختونخواہ سے ٹڈی دل کا خاتمہ کر دیا گیا تاہم بلوچستان، پنجاب اور سندھ میں ٹڈی دل موجود ہے۔

    این ایل سی سی کا مزید کہنا تھا کہ انسداد ٹڈی دل کے لیے گزشتہ 6 ماہ میں 11 لاکھ 14 ہزار 853 ہیکٹرز پر اسپرے کیا گیا ہے۔

  • انسداد ٹڈی دل مہم: 26 لاکھ ایکڑ سے زائد رقبے پر کنٹرول آپریشن مکمل

    انسداد ٹڈی دل مہم: 26 لاکھ ایکڑ سے زائد رقبے پر کنٹرول آپریشن مکمل

    کراچی: ملک بھر میں ٹڈی دل کے خاتمے کے لیے بڑے پیمانے پر آپریشن جاری ہے، اب تک 26.22 لاکھ ایکڑ پر کنٹرول آپریشن کیا جا چکا ہے۔

    تفصیلات کے مطابق نیشنل لوکسٹ کنٹرول سینٹر (این ایل سی سی) کا کہنا ہے کہ محکمہ فوڈ سیکیورٹی، محکمہ زراعت اور پاکستان آرمی کی مشترکہ ٹیمیں متاثرہ علاقوں میں سروے اور کنٹرول آپریشن کر رہی ہیں۔

    سینٹر کے مطابق ملک بھر میں 26.22 لاکھ ایکڑ پر کنٹرول آپریشن کیا جا چکا ہے، 18 اضلاع کے متاثرہ علاقوں میں 1 ہزار 26 ٹیمیں مہم میں حصہ لے رہی ہیں، ملک بھر میں اب تک 10.27 کروڑ ایکڑ پر سروے کیا جا چکا ہے۔

    این ایل سی سی کا کہنا ہے کہ صوبہ پنجاب میں پچھلے 24 گھنٹوں میں 2 لاکھ 35 ہزار 454 ایکڑ پر سروے کیا جاچکا ہے۔

    سینٹر کے مطابق صوبہ سندھ میں پچھلے 24 گھنٹوں میں 1 لاکھ 38 ہزار 41 ایکڑ پر سروے اور 3 اضلاع میں ٹڈی دل کی موجودگی پر 19 سو 32 ایکڑ پر آپریشن کیا گیا۔

    صوبہ خیبر پختونخواہ میں پچھلے 24 گھنٹوں میں 1 لاکھ 79 ہزار 28 ایکڑ پر سروے کیا گیا۔

    اسی طرح صوبہ بلوچستان میں پچھلے 24 گھنٹوں کے دوران 2 لاکھ 6 ہزار 921 ایکڑ پر سروے اور 14 ضلاع میں ٹڈی دل کی موجودگی پر 635 ایکڑ پر آپریشن کیا گیا۔

  • ملک بھر میں ٹڈی دل کے خاتمے کے لیے بڑے پیمانے پر آپریشن جاری

    ملک بھر میں ٹڈی دل کے خاتمے کے لیے بڑے پیمانے پر آپریشن جاری

    اسلام آباد: ملک بھر میں ٹڈی دل کے خاتمے کے لیے بڑے پیمانے پر اسپرے آپریشن اور سروے جاری ہے، اب تک 59.22 لاکھ ایکڑ پر کنٹرول آپریشن کیا جا چکا ہے۔

    تفصیلات کے مطابق قومی انسداد ٹڈی دل سینٹر، این ایل سی سی (نیشنل لوکسٹ کنٹرول سینٹر) نے اعداد و شمار جاری کرتے ہوئے بتایا ہے کہ ملک بھر میں 59.22 لاکھ ایکڑ پر کنٹرول آپریشن کیا جا چکا ہے۔

    کنٹرول سینٹر کا کہنا ہے کہ 41 اضلاع کے متاثرہ علاقوں میں 972 ٹیمیں حصہ لے رہی ہیں۔ اب تک ملک بھر میں 24.9 کروڑ ایکڑ پر سروے کیا جا چکا ہے۔

    رپورٹ کے مطابق صوبہ پنجاب میں گزشتہ 24 گھنٹے میں 2 لاکھ 19 ہزار 328 ایکڑ پر سروے کیا گیا جبکہ 3 اضلاع میں ٹڈی دل کی موجودگی پر 469 ایکڑ پر آپریشن کیا گیا۔

    سندھ میں 24 گھنٹے میں 1 لاکھ 13 سو 75 ایکڑ پر سروے کیا گیا جبکہ 8 اضلاع میں ٹڈی دل کی موجودگی پر 6 ہزار 380 ایکڑ پر آپریشن کیا گیا۔

    صوبہ خیبر پختونخواہ میں 24 گھنٹے میں 2 لاکھ 12 ہزار 239 ایکڑ پر سروے اور 4 اضلاع میں ٹڈی دل کی موجودگی پر 551 ایکڑ پر آپریشن کیا گیا۔

    کنٹرول سینٹر کے مطابق بلوچستان میں 24 گھنٹے میں 3 لاکھ 75 ہزار 981 ایکڑ پر سروے کیا گیا جبکہ 26 اضلاع میں ٹڈی دل کی موجودگی پر 8 ہزار 345 ایکڑ پر آپریشن کیا گیا۔

  • این ڈی ایم اے نے وزیر اعلیٰ سندھ کے بیان کی تردید کر دی

    این ڈی ایم اے نے وزیر اعلیٰ سندھ کے بیان کی تردید کر دی

    اسلام آباد: نیشنل ڈیزاسٹر مینجمنٹ اتھارٹی (این ڈی ایم اے) نے وزیر اعلیٰ سندھ مراد علی شاہ کے بیان کی تردید کر دی ہے۔

    اے آر وائی نیوز کے مطابق وزیر اعلیٰ سندھ مراد علی شاہ کا ٹڈی دل آپریشن کے لیے گاڑیوں کی خریداری کے حوالے سے بیان متنازع ہو گیا، این ڈی ایم اے کے ترجمان نے وضاحت کی ہے کہ حکومت سندھ کو گاڑیوں کی خریداری کے لیے کوئی لسٹ نہیں دی گئی۔

    این ڈی ایم اے کا کہنا ہے کہ وزیر اعلیٰ سندھ کا صوبائی اسمبلی میں دیا گیا بیان حقیت کے برعکس ہے، سندھ سمیت تمام صوبوں کو این ایل سی سی (نیشنل لوکسٹ کنٹرول سینٹر) کے تعاون سے گاڑیاں دی گئی ہیں، صوبوں کو دیگر وسائل بھی این ایل سی سی کی وساطت سے مہیا کیے گئے۔

    ترجمان نے کہا کہ این ڈی ایم اے پہلے بھی اس حوالے سے اپنا مؤقف دے چکا ہے، لوکسٹ کے خلاف نیشنل ایکشن پلان وزارتِ خوراک کی جانب سے جاری کیا گیا ہے۔

    انسدادٹڈی دل آپریشن، تازہ ترین صورتحال سامنے آگئی

    واضح رہے کہ پورے ملک میں ٹڈی دل کے حملوں سے فصلوں کو شدید خطرات لاحق ہیں، بڑے پیمانے پر اس خطرے سے نمٹنے کے لیے حکومت کی جانب سے اقدامات کیے گئے، چین سے بھی اس سلسلے میں درکار سامان منگوایا جا چکا ہے۔

    دو دن قبل بھی اندرون سندھ دادو میں شہر اور گرد و نواح میں ٹڈی دل نے حملہ کر کے گھاس اور کپاس کی فصلوں کو نقصان پہنچایا تھا، ٹڈی دل کے حملوں سے کاشت کار اور کسان سخت پریشان ہو چکے ہیں۔

    جمعرات کو قومی اسمبلی اجلاس میں پاکستان پیپلز پارٹی کے چیئرمین نے بھی حکومت پر تنقید کرتے ہوئے کہا تھا کہ ٹڈی دل کے مسئلے پر حکومت نے کوئی توجہ نہیں دی، ہر کسی کو نظر آ رہا ہے کہ حکومت کے پاس جہاز نہیں، وہ ٹڈی دل کو ختم نہیں کر سکتی۔

    یکم جون کو وزیر اعلیٰ سندھ نے وزیر اعظم عمران خان کو خط لکھ کر مطالبہ کیا تھا کہ وفاق ٹڈی دل روکنے کے لیے طیارے، 110 ڈبل کیبن گاڑیاں اور سپرے فراہم کرے۔

  • ٹڈی دل کے خاتمے کے لیے 43 ہزار 72 ہیکٹرز پر اسپرے کیا گیا: صوبائی وزیر زراعت

    ٹڈی دل کے خاتمے کے لیے 43 ہزار 72 ہیکٹرز پر اسپرے کیا گیا: صوبائی وزیر زراعت

    کراچی: صوبہ سندھ کے وزیر زراعت اسماعیل راہو کا کہنا ہے کہ سندھ کے 22 متاثرہ اضلاع میں ٹڈی دل کے خاتمے کے لیے اب تک 43 ہزار 72 ہیکٹرز پر اسپرے کیا گیا، صوبائی حکومت ٹڈی دل کے خاتمے کے لیے بھی اسپرے مہم جاری رکھے ہوئے ہے۔

    تفصیلات کے مطابق سندھ حکومت نے ٹڈی دل کے خاتمے کے لیے اسپرے اور سروے آپریشن کی تفصیلات جاری کرتے ہوئے کہا ہے کہ سندھ کے 22 متاثر اضلاع میں ٹڈی دل کے خاتمے کے لیے اب تک 43 ہزار 72 ہیکٹرز پر اسپرے کیا گیا ہے۔

    سندھ کے وزیر زراعت اسماعیل راہو کا کہنا ہے کہ محکمہ زراعت نے 32 ہزار 782 ہیکٹرز پر اسپرے کر کے ٹڈی دل کا خاتمہ کیا، وفاق کی 6 ٹیموں نے اب تک ریگستانی علاقوں میں 10 ہزار 290 ہیکٹرز پر اسپرے کیا ہے۔

    انہوں نے بتایا کہ سندھ کے ٹڈی دل سے 22 متاثرہ اضلاع میں اب تک 76 لاکھ 81 ہزار 486 ہیکٹرز پر سروے کیا گیا ہے۔

    اسماعیل راہو کا کہنا تھا کہ اس وقت دادو، سکھر، خیر پور، نوشہرو فیروز، شہید بے نظیر آباد، سانگھڑ اور دیگر اضلاع میں اسپرے مہم جاری ہے جبکہ سندھ کی 98 ٹیمیں، 25 گاڑیاں، ٹریکٹر اور وفاق کی 6 ٹیمیں ٹڈی دل کے خاتمے کے لیے کام کر رہی ہیں۔

    انہوں نے کہا کہ وفاقی حکومت نے سندھ میں فضائی اسپرے کا کوئی انتظام نہیں کیا،ایک جہاز بھیجا تھا جو خراب ہوگیا، جہاز 10 دنوں سے کراچی میں مرمت کے لیے کھڑا ہے۔

    اسماعیل راہو کا مزید کہنا تھا کہ صوبائی حکومت کرونا وائرس کے ساتھ ساتھ ٹڈی دل کے خاتمے کے لیے بھی اسپرے مہم جاری رکھے ہوئے ہے۔

  • سعودی حکام کی مستعدی، ٹڈی دل خاتمے کے قریب

    سعودی حکام کی مستعدی، ٹڈی دل خاتمے کے قریب

    ریاض: سعودی حکام نے 25 ہزار ہیکٹر کے رقبے سے ٹڈی دل کا خاتمہ کردیا، حکام کا کہنا ہے کہ جون کے آخر تک ٹڈی دل کی آفت سے مکمل طور پر نجات حاصل کر لی جائے گی۔

    سعودی ویب سائٹ کے مطابق سعودی عرب میں صحرائی ٹڈی دل سے 25 ہزار ہیکٹر کا رقبہ صاف کروا لیا گیا ہے جبکہ 4 علاقوں میں کارروائی جاری ہے۔

    وزارت ماحولیات، پانی و زراعت کی ٹیمیں ریاض، قصیم، باحہ اور نجران کے علاقوں میں ٹڈی دل سے نمٹنے کے لیے کارروائیاں جاری رکھے ہوئے ہیں، وزارت ماحولیات کے مطابق ٹڈی دل سعودی عرب کے متعدد علاقوں میں 24.8 ہزار ہیکٹر کے رقبے میں پھیل گئی تھی۔

    جون کے ابتدائی 15 ایام کے دوران حائل، الجوف اور حدود شمالیہ میں 3.7 ہزار ہیکٹر کا رقبہ ٹڈی دل سے صاف کروایا گیا، علاوہ ازیں ریاض، عسیر، باحہ اور نجران کے کئی علاقوں کو بھی ٹڈی دل سے صاف کیا گیا ہے۔

    وزارت ماحولیات، پانی و زراعت نے توقع ظاہر کی ہے کہ مملکت کے بیشتر علاقوں کو صحرائی ٹڈی دل سےصاف کردیا جائے گا، کوشش یہ ہے کہ ٹڈی دل کا اس افزائش کے مرحلے سے قبل ہی اس کا خاتمہ کردیا جائے۔

    وزارت کا کہنا ہے کہ یہ کوشش بھی ہے کہ مملکت کے متاثرہ علاقوں میں ٹڈی دل کو اپنی افزائش نسل کا موقع نہ دیا جائے تاہم اگر ٹڈی دل کو افزائش نسل کا موقع مل گیا یا پڑوسی ملک سے ٹڈی دل کا طوفان مملکت پہنچ گیا تو ایسی صورت میں اس کا خاتمہ جولائی کے آخر تک ہی ممکن ہوسکے گا۔