Tag: ٹڈی دل

اسلام آباد: ڈپٹی چیئرمین سینیٹ سلیم مانڈوی والا نے کہا ہے کہ ملک میں کھیتوں پر ٹڈی دل کے حملوں سے اربوں روپے مالیت کی فصلیں تباہ ہوئیں۔

تفصیلات کے مطابق ملک کے مختلف صوبوں میں ٹڈی دل نے اپنی جزوی تباہ کاریاں جاری رکھی ہوئی ہیں۔ فصلوں کے دشمنوں نے کئی کسانوں اور زمین داروں کی محنت پر پانی پھیر دیا۔

ڈپٹی چیئرمین سینیٹ کا اپنے ایک بیان میں کہنا تھا کہ ٹڈی دل نے اربوں روپے مالیت کی فصلیں تباہ کردیں، ٹڈی دل حملے پر قابو پانے کے لیے مناسب حکمت عملی کا فقدان ہے۔

کرونا اور ٹڈی دل سے نمٹنے کے لئے پاکستان کی مدد کرتے رہیں گے، چین

ان کا یہ بھی کہنا تھا کہ عالمی ادارہ خوراک نے پھر خبردار کیا ہے کہ ٹڈی حملہ ہوگا۔

خیال رہے کہ ٹڈی دل سے نمٹنے کے لیے چین نے پاکستان کو بہت ساتھ دیا۔ چین سے بڑی تعداد میں امداد پاکستان پہنچی تھی، امداد میں 50ٹن ادویات اور 15اسپرے مشینیں شامل تھیں جبکہ چین سے کرونا کے ٹیسٹ کی 12ہزار خصوصی کٹس بھی آئیں۔ چینی حکومت نے ہرممکن مدد کی یقین دہانی کرائی ہے۔

اسلام آباد: وزیراعظم عمران خان نے کہا ہے کہ حکومت کو ٹڈی دل کے مسئلے کی سنجیدگی کا مکمل ادراک ہے اور ٹڈی دل خاتمے کیلئے مطلوبہ وسائل فراہم کرنے کیلئے پرعزم ہیں۔

تفصیلات کے مطابق وزیراعظم عمران خان کی زیرصدارت اعلیٰ سطح کا اجلاس ہوا جس میں ٹڈی دل کے خاتمے سے متعلق حکومتی اقدامات کا جائزہ لیا گیا۔

شرکا کو بریفنگ میں بتایا گیا کہ ٹڈی دل کےخاتمے کیلئے نیشنل ایکشن پلان پر عمل درآمد جاری ہے، بین الصوبائی کوآرڈینیشن، سرویلنس، کنٹرول اور مانیٹرنگ کمیٹیاں تشکیل دی جا چکی ہیں۔

بریفنگ میں کہا گیا کہ ایپکیس کمیٹی کی تشکیل اور این ڈی ایم اے میں کنٹرول روم بھی قائم کر دیا گیا، ضلعی سطح پر متعلقہ ٹیمیں تشکیل دی گئیں جب کہ چین کے ساتھ اس ضمن میں بات چیت جاری ہے۔

سیکرٹری خزانہ نے بتایا کہ ٹڈی دل کےخاتمے کیلئے فنڈز این ڈی ایم اے کو دیدیے ہیں، اجلاس میں وزرائے اعلیٰ نے وزیر اعظم کو صوبوں میں ٹڈی دل کی صورتحال سے آگاہ کیا اور صوبوں کی جانب سے صورتحال اور مسئلے سے نمٹنےکیلئے تجاویز پیش کیں۔

اس موقع پر وزیراعظم عمران خان کا کہنا تھا کہ حکومت کو ٹڈی دل کے مسئلے کی سنجیدگی کا مکمل ادراک ہے، حکومت ٹڈی دل خاتمے کیلئے مطلوبہ وسائل فراہم کرنےکیلئے پرعزم ہے، چیلنج سے نمٹنے کیلئے صوبائی حکومتوں اور اداروں میں رابطہ ضروری ہے۔

اسلام آباد: وفاقی حکومت نے ٹڈی دل کے حوالے سے نیشنل ایمرجنسی ڈکلیئر کرنے کا فیصلہ کر لیا، چیئرمین این ڈی ایم اے کو ٹڈی دل کے خاتمے سے متعلق فوکل پرسن تعینات کر دیا گیا۔

تفصیلات کے مطابق وزیراعظم عمران خان کی زیر صدارت اجلاس ہوا جس میں ملک میں ٹڈی دل کے حملے سے نمٹنے کے لیے اقدامات پر غور کیا گیا۔

اجلاس میں خسرو بختیار، حفیظ شیخ، فردوس عاشق اعوان، چیئرمین این ڈی ایم اے، وفاقی و صوبائی حکومتوں کے سینئر افسران نے شرکت کی۔ ٹڈی دل کے خاتمے کے لیے ترتیب دیے گئے نیشنل ایکشن پلان پر وزیراعظم کو بریفنگ دی گئی۔

بریفنگ کے دوران بتایا گیا کہ نیشنل ایکشن پلان میں وفاقی، صوبائی اورضلعوں کی سطح پر ذمہ داریوں کا تعین ہوگا، ٹڈی دل کے تدارک کے لیے وفاق کی سطح پراقدامات سے متعلق اعلیٰ سطحی کمیٹی قائم کی گئی جس کے سربراہ چیئرمین سیکریٹری فوڈ سیکورٹی ہوں گے۔

اجلاس میں ٹڈی دل کے خاتمے کے لیے نیشنل ایکشن پلان منظور کیا گیا، چیئرمین این ڈی ایم اے کو ٹڈی دل کے خاتمے سے متعلق فوکل پرسن تعینات کر دیا گیا۔

اس موقع پر وزیراعظم عمران خان کا کہنا تھا کہ زراعت اورکسانوں کا تحفظ حکومت کی اولین ترجیح ہے۔

کراچی: صوبہ سندھ میں ٹڈی دل کا فصلوں پر حملے کے بعد وزیر زراعت سندھ اسماعیل راہو نے سندھ حکومت کی جانب سے وفاق کو خط لکھ دیا جس میں کہا گیا ہے کہ وفاق سندھ حکومت کو اسپرے کے لیے 3 جہاز، 32 گاڑیاں فراہم کرے۔

تفصیلات کے مطابق سندھ حکومت کی جانب سے وفاقی حکومت کو لکھے گئے خط میں کہا گیا ہے کہ ٹڈی دل سے نمٹنے کے لیے وفاق 3 جہاز اور 32 گاڑیاں فراہم کرے، ایک جہاز سے چاروں ڈویژن کے تمام اضلاع میں اسپرے نہیں ہوسکتا۔ خط میں کہا گیا ہے کہ ٹڈی دل کا خاتمہ کرنے کی ادویات باہر سے منگوانا بھی وفاق کی ذمہ داری ہے۔

وزیر زراعت سندھ اسماعیل راہو کے مطابق خط میں کہا گیا ہے کہ سندھ کے چار ڈویژن شہید بینظیرآباد، لاڑکانہ، سکھر اور میرپور خاص میں ٹڈی دل مزید بڑھ رہی ہے، وفاق نے فوری مدد نہ کی تو ٹڈی دل سندھ میں فصلوں کو بڑا نقصان پہنچا سکتی ہے، تمام اضلاع کے لیے الگ الگ 8،8 گاڑیاں دی جائیں تاکہ ٹڈی دل کا خاتمہ کیا جاسکے۔

وزیر زراعت سندھ نے کہا کہ وفاق سندھ حکومت کی کوئی مدد نہیں کر رہا، وفاق ڈزرٹ ایریازمیں اسپرے کے لیے 3 مزید جہاز فراہم کرے۔

سندھ حکومت کی طرف سے ٹڈی دَل کے خاتمے کے لیے فنڈ جاری

یاد رہے کہ رواں سال جولائی میں حکومتِ سندھ نے ٹڈی دَل کے خاتمے کے لیے 31 کروڑ 90 لاکھ جاری کیے تھے، ٹڈی دل سے بچاؤ کے لیے کمیٹیاں بھی بنالی گئی ہیں۔