Tag: ٹک ٹاکر حریم شاہ

کراچی : ٹک ٹاکر حریم شاہ نے سوشل میڈیا پر دھمکیاں موصول ہونے کے بعد سیکورٹی کے لیے سندھ ہائیکورٹ سے رجوع کرلیا۔

تفصیلات کے مطابق ٹک ٹاکر حریم شاہ سوشل میڈیا پر دھمکیاں ملنے کے بعد اپنے شوہر بلال شاہ کے ہمراہ سندھ ہائیکورٹ پہنچ گئیں۔

حریم شاہ نے سیکیورٹی کے لئے درخواست دائر کردی ، حریم شاہ کے وکیل نے عدالت میں کہا کہ سوشل میڈیا اکاوٴنٹس کے ذریعے دھمکیاں ملی ہیں ، حریم شاہ کو سیکورٹی فراہم کی جائے۔

وکیل منیر احمد خان نے کہا کہ درخواست کی فوری سماعت کی استدعا کی گئی ہے ، درخواست میں آئی جی سندھ،محکمہ داخلہ و دیگر کو فریق بنایا گیا ہے۔

درخواست کی سماعت جسٹس افتاب احمد گورڑ پر مشتمل سنگل بینچ کرے گا۔

یاد رہے ٹک ٹاکر حریم شاہ نے وطن واپسی اور ایف آئی اے کو گرفتاری سے روکنے کیلئے بھی سندھ ہائی کورٹ سے رجوع کرلیا تھا۔

کراچی : ٹک ٹاکر حریم شاہ نے وطن واپسی اور ایف آئی اے کو گرفتاری سے روکنے کیلئے سندھ ہائی کورٹ سے رجوع کرلیا۔

تفصیلات کے مطابق سندھ ہائی کورٹ میں ٹک ٹاکر حریم شاہ کے وطن واپس آنے سے متعلق کیس کی سماعت کی۔

حریم شاہ نے وطن واپسی اور ایف آئی اے کو گرفتاری سے روکنے کیلئے درخواست دائر کی۔

جسٹس کے کے آغا نے کہا حریم شاہ نے اس سے پہلے سندھ ہائیکورٹ کے حکم نامے کا غلط استعمال کیا اور مواقع ضائع کیے، درخواست گزار چاہے تو وطن واپسی پر گرفتاری سے بچنے کیلئے عدالت سے رجوع کرسکتی ہے۔

درخواست گزار کے وکیل نے کہا حریم شاہ ایف آئی اے کے سامنے سرنڈر کرنا چاہتی ہے، حریم شاہ کو تین اکتوبر کو پاکستان واپس آنا ہے، گرفتاری سے روکا جائے۔

عدالت نے استفسار کیا کیا حریم شاہ کیخلاف مقدمہ درج ہوچکا ہے؟ وکیل نے کہا حریم شاہ کے خلاف مقدمہ درج نہیں ہوا، ایف آئی اے نے انکوائری کیلئے طلب کیا ہے۔

جس پر عدالت نے کہا جب مقدمہ درج ہی نہیں ہوا تو گرفتاری سے کیسے روک سکتے ہیں؟ وکیل نے کہا خدشہ ہے وطن واپسی پر ایف آئی اے حریم شاہ کو گرفتار کرلے گا۔

جسٹس کے کے آغا کا کہنا تھا عدالت سے گیم کھیلنا بند کیا جائے، سندھ ہائیکورٹ نے درخواست گزار کو پہلے بھی تحفظ دیا، درخواست گزار نے عدالتی حکم نامے کا غلط فائدہ لیا اور استعمال کیا۔

عدالت نے ریمارسک دیے کہ یہ وہی لیڈی ہیں ناں جس نے رقم ظاہر کی تھی اور منی لانڈرنگ کا دعویٰ کیا تھا؟ ایف آئی اے کو تحقیقات سے نہیں روکا جاسکتا۔