Tag: ٹک ٹاک

نئی دہلی: بھارت کی عدالت نے سوشل میڈیا کی موبائل ایپلیکشن ٹک ٹاک پر سے فوری پابندی ہٹانے کا فیصلہ جاری کردیا۔

تفصیلات کے مطابق بھارت کی ریاست تامل ناڈو کی ہائی کورٹ نے گزشتہ دنوں ٹک ٹاک کو فحاشی پھیلانے کا سبب قرار دیتے ہوئے اس پر فوری پابندی کا فیصلہ جاری کیا تھا۔ چینی کمپنی کی موبائل ایپ کے مالک بائٹ ڈانسی نے تامل ناڈو عدالت کے فیصلے کو چیلنجر کرتے ہوئے چینائی کی عدالت میں درخواست دائر کی تھی۔

انہوں نے اپنی درخواست میں مؤقف اختیار کیا تھا کہ ہم اپنے پلیٹ فارم کی کڑی نگرانی کرتے ہیں اور خلاف ضابطہ ویڈیوز کو فوری طور پر ہٹا دیا جاتا ہے، ٹک ٹاک پر عائد ہونے والا عریانی پھیلانے کا الزام بے بنیاد اور غلط ہے۔

مزید پڑھیں: فحاشی پھیلانے کا الزام، بھارت میں ٹک ٹاک بند کردی گئی

بائٹ ڈانسی نے اپنی درخواست میں انکشاف کیا تھا کہ بھارت میں ٹک ٹاک پر پابندی عائد ہونے کے بعد سے کمپنی کو یومیہ پانچ لاکھ ڈالر کا نقصان ہورہا ہے کیونکہ تیس کروڑ کے قریب بھارتی ایپلیکشن استعمال کرتے ہیں۔

چینائی کی عدالت نے ٹک ٹاک پر عائد ہونے والی پابندی کے فیصلے کو کالعدم قرار دیتے ہوئے ملک بھر میں اس کے استعمال کی اجازت دے دی، بائٹ ڈانسی نے عدالتی فیصلے کا خیرمقدم کیا اور کہا کہ ’مستقبل میں کمپنی اپنی پالیسیوں کو مزید مربوط بنائے گی تاکہ بھارتی صارفین کے خدشات کو ختم کیا جاسکے‘۔

ٹک ٹاک کے ترجمان کا کہنا تھا کہ ’ہمیں عدالتی فیصلے پر بہت خوشی ہے کیونکہ یہ فیصلہ تیس کروڑ لوگوں کی خواہشات کے عین مطابق ہے، ہمیں امید ہے صارفین ہمارے پلیٹ فارم کا مثبت استعمال کریں گے‘۔

یاد رہے کہ گزشتہ برس بھارت میں 24 سالہ نوجوان نے خودکشی کی تھی، اہل خانہ نے نوجوان کی موت کا ذمہ دار ٹک ٹاک ایپ کو قرار دیا تھا جس کے بعد کمپنی نے ایکشن لیتے ہوئے تقریباً 60 لاکھ ویڈیوز اپنے پلیٹ فارم سے حذف کیں تھیں اور نئی پالیسی متعارف کرائی تھی۔

یہ بھی پڑھیں: فیس بک کا ٹک ٹاک سے ٹکر لینے کا فیصلہ

یہ بھی یاد رہے کہ خلیجی ممالک سمیت روس اور میکسیکو میں بھی ٹک ٹاک پر پابندی کے حوالے سے چند فیصلے کیے گئے جس کے تحت 13 سال سے کم عمر بچے اپنا آئی ڈی نہیں بنا سکتے۔

نئی دہلی: بھارتی حکومت کی درخواست پر گوگل اور ایپل نے اپنے اسٹورز سے سوشل ویڈیو کریئیٹنگ اور شیئرنگ ایپلی کیشن ٹک ٹاک کو ہٹادیا۔

غیرملکی خبررساں ادارے کے مطابق بھارتی حکومت کی درخواست پر گوگل اور ایپل نے 17 اپریل کو ٹک ٹاک کو اپنے اسٹورز سے ہٹالیا، ٹک ٹاک کو اسٹورز سے ہٹائے جانے کے بعد اب بھارت میں صارفین اس ایپلی کیشن کو ڈاؤن لوڈ نہیں کرسکیں گے۔

ٹاک ٹاک کو بھارت میں بلاک کیے جانے پر گوگل، ایپل اور خود ٹک ٹاک نے مزید کوئی بیان نہیں دیا، کمپنیوں کے مطابق چوں کہ تاحال معاملہ عدالت میں زیر سماعت ہے، اس لیے اس پر مزید کچھ نہیں کہا جاسکتا ہے۔

میڈیا رپورٹ کے مطابق بھارتی حکومت نے 2 دن قبل ہی گوگل اور ایپل کو خط لکھ کر ٹک ٹاک کو اپنے اسٹورز سے ہٹانے کا حکم دیا تھا۔

مزید پڑھیں: بھارتی پولیس نے ٹک ٹاک ویڈیو سے گینگسٹرز کا سراغ لگا لیا

بھارتی سپریم کورٹ نے ٹک ٹاک پر پابندی کے خلاف دائر ایک درخواست کی سماعت میں دو دن قبل حکومت کو حکم دیا تھا کہ ٹک ٹاک ملک میں فحاشی پھیلانے کا سبب بن رہی ہے اس لیے ہائی کورٹ کے حکم پر عمل کیا جائے۔

سپریم کورٹ سے قبل بھارتی ریاست تامل ناڈو کے دارالحکومت چنئی کی مدارس ہائی کورٹ نے رواں ماہ اپریل کے آغاز میں ہی حکومت کو ہدایت کی تھی کہ ملک میں ٹک ٹاک ڈاؤن لوڈنگ پر پابندی لگائی جائے۔

مدارس ہائی کورٹ کے مطابق جو افراد اپریل سے قبل ٹک ٹاک اپنے موبائل میں ڈاؤن لوڈ کرچکے ہیں انہیں کچھ نہ کیا جائے مگر اس ایپلی کیشن کی مزید ڈاؤن لوڈنگ پر پابندی عائد کی جائے۔

عدالت نے اپنے ریمارکس میں کہا تھا کہ ٹک ٹاک سے بھارت کی قومی سلامتی کو اور غیرت کو خطرہ ہے، اس سے نئی نسل تیزی سے گمراہی کی جانب بڑھ رہی ہے۔