لاہور : چیف سلیکٹر انضمام الحق نے ویسٹ انڈیز کے خلاف تین ٹیسٹ میچوں کی سیریز کے لیے 14 رکنی قومی ٹیم کا اعلان کردیا۔
Inzamamul Haq announces 15 member test squad… by arynews
تفصیلات کے مطابق ٰٹیسٹ اسکواڈ میں جگہ پانے والوں بلے باز اظہرعلی،سمیع اسلم،اسد شفیق،مصباح الحق بابراعظم،وکٹ کیپرسرفرازاحمد آل راؤنڈر محمد نواز اور وہاب ریاض فاسٹ بالر محمد عامر، راحت علی،سہیل خان اورعمران خان جب کہ اسپینرز میں یاسر شاہ اور ذوالفقاربابرشامل ہیں۔
دوسری جانب شان معسود،محمد حفیبظ،محمد رضوان اور افتخار احمد ٹیم میں جگہ بنانے میں ناکام رہے جب کہ محمد یونس علیل ہونے کے باعث ٹیم کے لیے دوسرے ٹیسٹ میں دستیاب ہوں گے فاسٹ محمد عامر کی والدہ علیل ہیں اس لیے وہ ٹیم کو پیر کے روز جوائن کریں گے۔
واضح رہے 14 رکنی قومی ٹیسٹ ٹیم ویسٹ انڈیز اور پاکستان کے درمیان 13 اکتوبر کو کھیلے جانے والے پہلے ٹیسٹ کے لیے منتخب کی گئی ہے جو متحدہ عرب امارات کے شہر دبئی میں کھیلا جائے گا۔
ایک سوال کے جواب میں انہوں نے کہا کہ عماد وسیم کو ٹیم میں اس لئے شامل نہیں کیا گیا کیونکہ ان کا باﺅلنگ ریکارڈ اتنا اچھا نہیں ہے اور ان کی جگہ محمد نواز کو اس لئے موقع دیا گیا ہے کہ ان کا باﺅلنگ اور بیٹنگ دونوں میں ریکارڈ اچھا ہے۔
محمد عامر سے متعلق سوال کے جواب میں انہوں نے کہا کہ وہ اس وقت قومی ٹیم کے ساتھ نہیں ہیں اور والدہ کی طبیعت خرابی کے باعث پاکستان میں ہی موجود ہے لیکن ممکنہ طور پر پیر سے قومی ٹیم کو جوائن کر لیں گے۔
شاہد آفریدی سے متعلق ایک سوال پر انضمام الحق نے کہا کہ شاہد آفریدی 20 سال کرکٹ کھیل چکا ہے اسے خود پتہ ہے کہ کب جانا ہے تاہم قومی کھلاڑیوں کو اعزاز کے ساتھ رخصت کرنا چاہئے۔ انہوں نے کہا کہ میری کسی بھی کھلاڑی کے ساتھ دشمنی نہیں ہے، سب کھلاڑی میرے چھوٹے بھائیوں کی طرح ہیں۔
