Tag: ٹیسٹ رینکنگ

آئی سی سی کی نئی ٹیسٹ رینکنگ میں پاکستانی اسپنر نعمان علی نے جس برق رفتاری سے ترقی کی بابر کی اسی رفتار سے تنزلی ہوئی ہے۔

انٹرنیشنل کرکٹ کونسل (آئی سی سی) نے نئی ٹیسٹ رینکنگ جاری کر دی ہے۔ اس میں پاکستان کے اسٹار اسپنر نعمان علی نے برق رفتاری سے چار درجے ترقی کرتے ہوئے پانچویں پوزیشن حاصل کر لی ہے۔ وہ ٹیسٹ باؤلنگ رینکنگ میں 800 پوائنٹس کا ہندسہ عبور کرنے والے 12 ویں پاکستانی بولر بن گئے ہیں۔

دوسری جانب اسٹار قومی بلے باز بابر اعظم کی مستقل خراب فارم کے باعث اسی رفتار سے تنزلی ہوئی ہے اور وہ تین درجے تنزلی کے بعد 16 ویں سے 19 ویں پوزیشن پر پہنچ گئے ہیں۔

انگلینڈ اور ویسٹ انڈیز کے خلاف سیریز میں نعمان علی کے ساتھ شاندار کارکردگی کا مظاہرہ کرنے والے ایک اور قومی اسپنر ساجد خان بھی دو درجے ترقی پا کر 21 ویں نمبر پر پہنچ گئے ہیں۔ مسٹری اسپنر ابرار احمد بھی دو درجے ترقی کے بعد 51 ویں پوزیشن پر آ گئے ہیں۔

پاکستان کے محمد رضوان کی بھی ترقی ہوئی ہے اور وہ 17 ویں سے 15 ویں نمبر پر پہنچ گئے ہیں۔ ٹیسٹ ٹیم کے نائب کپتان سعود شکیل کا ایک درجہ کم ہوا ہے اور وہ ٹاپ ٹین میں سب سے نیچے یعنی 10 ویں پوزیشن پر پہنچ گئے ہیں۔

ویسٹ انڈیز کے خلاف بدترین کارکردگی کے بعد قومی ٹیسٹ کپتان نے 7 درجے تنزلی ہوئی ہے اور وہ 49 ویں نمبر پر ہیں جب کہ سلمان علی آغا بھی 5 درجے تنزلی کے بعد 32 ویں پوزیشن پر آ گئے ہیں۔

پاک ویسٹ انڈیز ٹیسٹ سیریز کے بہترین کھلاڑی قرار پانے والے جومیل واریکن نے 16 درجہ اوپر چھلانگ لگا کر کیریئر بیسٹ 25 ویں پوزیشن حاصل کر لی ہے۔ انہوں نے اس سیریز میں 19 وکٹیں حاصل کی تھیں۔

دبئی: آئی سی سی ٹیسٹ رینکنگ میں قومی ٹیم کے مڈل آرڈربیٹر سعود شکیل کی ترقی اور بابر اعظم کی تنزلی ہوگئی۔

انٹرنیشنل کرکٹ کونسل کی جانب سے ٹیسٹ پلیئرز کی نئی رینکنگ جاری کی گئی ہے جس کے مطابق جنوبی افریقا کے خلاف سنچورین ٹیسٹ کی دوسری اننگز میں 84 رنز بنانے پر سعود شکیل تین درجہ ترقی کے بعد کیریئر بیسٹ چھٹے نمبر پر آگئے ہیں۔

اسٹار بیٹر بابر اعظم دو درجہ تنزلی کے بعد 17ویں نمبر پر چلے گئے ہیں۔

بیٹرز رینکنگ میں انگلینڈ کے مایہ ناز بیٹر جو روٹ کی پہلی پوزیشن برقرار ہے۔ انگلینڈ کے ہیری بروک کا دوسرا اور نیوزی لینڈ کے کین ولیمسن کا تیسرا نمبر ہے۔

بھارت کے یشسوی جیسوال ایک درجے ترقی کے بعد چوتھے نمبر پر آ گئے جبکہ آسٹریلیا کے ٹریوس ہیڈ چوتھے سے پانچویں نمبر پر چلے گئے۔

بولرز رینکنگ میں نعمان علی ایک درجہ نیچے نویں نمبر پر چلے گئے، شاہین آفریدی کی بھی تنزلی ہوئی ہے وہ 18ویں نمبر پر چلے گئے ہیں جبکہ بھارت کے جسپریت بمراہ پہلے نمبر پر براجمان ہیں۔

ٹیسٹ آل راؤنڈرز میں رویندرا جڈیجا کا پہلا نمبر برقرار ہے اور آسٹریلیا کے پیٹ کمنز 4 درجے ترقی کے بعد تیسرے نمبر پر آگئے۔

دبئی: انٹرنیشنل کرکٹ کونسل (آئی سی سی) ٹیسٹ رینکنگ میں سابق کپتان بابر اعظم کی تنزلی ہوئی ہے۔

انٹرنیشنل کرکٹ کونسل نے ٹیسٹ کی نئی رینکنگ جاری کردی جس کے مطابق نیوزی لینڈ کے کپتان کین ولیمسن بدستور پہلے نمبر پر موجود ہیں۔

آسٹریلیا کے اسٹیو اسمتھ کا ٹیسٹ رینکنگ میں دوسرا نمبر ہے جبکہ انگلش بیٹر جو روٹ دو درجے ترقی کے بعد تیسرے نمبر پر آگئے ہیں۔

بابر اعظم ٹیسٹ رینکنگ میں چوتھے سے پانچویں نمبر پر چلے گئے ہیں۔

ٹیسٹ بولر کی رینکنگ میں بھارتی فاسٹ بولر جسپریت بمرا کی پہلی پوزیشن ہے جبکہ قومی فاسٹ بولر شاہین آفریدی ایک درجے ترقی کے بعد 12ویں نمبر پر موجود ہیں۔

ٹیسٹ کی آل راؤنڈر رینکنگ میں بھارت کے رویندرا جڈیجا کا پہلا نمبر ہے۔

انٹرنیشنل کرکٹ کونسل  نے نئی ٹیسٹ رینکنگ جاری کر دی ہے جس میں بابر اعظم کی تنزلی ہوئی ہے جب کہ محمد رضوان نے ترقی کا زینہ چڑھا ہے۔

آئی سی سی کی جانب سے جاری کردہ تازہ ٹیسٹ رینکنگ کے مطابق نیوزی لینڈ کے کپتان کین ولیمسن 864 پوائنٹس کے ساتھ پہلی پوزیشن پر براجمان ہیں جب کہ ان سے پیچھے انگلش کھلاڑی جو روٹ 859 پوائنٹ کے ساتھ دوسرے نمبر پر ہیں۔

پاکستان کے خلاف حال ہی میں ختم ہونے والی ٹیسٹ سیریز میں شاندار کارکردگی نے آسٹریلوی کھلاڑیوں اسٹیو اسمتھ اور مارنوس لبوشین کو تیسرے اور چوتھے نمبر پر پہنچا دیا ہے۔

سابق پاکستانی کپتان بابر اعظم کی آسٹریلیا میں ناکامی کے باعث دو درجے تنزلی ہوئی ہے اور وہ 768 پوائنٹس کے ساتھ چھٹی پوزیشن سے 8 ویں پوزیشن پر چلے گئے ہیں جب کہ ان کی جگہ ویرات کوہلی (775 پوائنٹس) نے لے لی ہے۔ بھارتی کپتان روہت شرما 748 پوائنٹ کے ساتھ دسویں نمبر پر ہیں۔

محمد رضوان دورہ آسٹریلیا میں پاکستان کی جانب سے 193 رنز بناکر ٹاپ اسکورر رہے ہیں۔ ان کی سڈنی ٹیسٹ کی پہلی اننگ میں کھیلی جانے والی 88 رنز کی شاندار نے انہیں ترقی کا زینہ چڑھا دیا ہے اور وہ 10 درجے چھلانگ لگا کر 668 پوائنٹ کے ساتھ 27 ویں سے 17 ویں پوزیشن پر پہنچ گئے ہیں جب کہ ان سے اوپر ایک اور قومی مڈل آرڈر بیٹر سعود شکیل 693 پوائنٹ کے ساتھ 14 ویں نمبر پر ہیں۔

بولنگ کی ٹیسٹ رینکنگ میں آسٹریلیا میں ڈیبیو کرنے والے پاکستانی فاسٹ بولر عامر جمال نے شاندار کھیل کے ساتھ ہی 45 ویں پوزیشن سے آئی سی سی رینکنگ میں اپنا کھاتہ کھولا ہے۔ اسٹار فاسٹ بولر شاہین شاہ آفریدی 733 پوائنٹ کے ساتھ 12 ویں نمبر پر موجود ہیں۔

ہندوستان کے خلاف چار وکٹیں لینے کے باوجود تیز گیند باز کاگیسو ربادا کو آسٹریلیا کے کپتان پیٹ کمنز نے پیچھے چھوڑ دیا اور درجہ بندی کی فہرست میں 858 پوائنٹس کے ساتھ دوسرے نمبر پر پہنچ گئے ہیں۔ بھارت کے جسپریت بمراہ رویندر جدیجہ کو پیچھے چھوڑ کر چوتھی پوزیشن حاصل کر لی ہے۔ محمد سراج جنوبی افریقہ کے خلاف شاندار کارکردگی کا مظاہرہ کرنے کے بعد ایک ساتھ 13 درجے ترقی کر کے کیریئر کی بلند ترین 17 ویں پوزیشن پر پنچ گئے ہیں۔

کمنز کے ساتھی جوش ہیزل ووڈ نے سڈنی ٹیسٹ میں پانچ وکٹیں حاصل کرنے کے بعد انگلینڈ کے جیمز اینڈرسن کے ساتھ مشترکہ طور پر ساتویں پوزیشن سنبھالی ہے۔ آسٹریلوی آف اسپنر نیتھن لیون کی 11ویں پوزیشن ہے۔

دبئی: انٹرنیشنل کرکٹ کونسل (آئی سی سی) نے ٹیسٹ پلیئرز کی نئی رینکنگ جاری کردی۔

ورلڈ ٹیسٹ چیمپئن شپ کے فائنل کے بعد آئی سی سی نے ٹیسٹ کی نئی رینکنگ جاری کی ہے جس میں آسٹریلوی بیٹرز کا قبضہ ہے۔

ٹاپ تین بیٹرز میں آسٹریلیا کے کھلاڑی موجود ہیں، مارنس لبوشین کی پہلی پوزیشن برقرار ہے، اسٹیو اسمتھ دوسرے اور فائنل میں سنچری بنانے والے ٹریوس ہیڈ تیسرے نمبر پر آگئے ہیں۔

قومی ٹیم کے کپتان بابر اعظم ایک درجہ تنزلی کے بعد چوتھے سے پانچویں نمبر پر چلے گئے ہیں۔

بولرز رینکنگ میں قومی ٹیم کے فاسٹ بولر شاہین شاہ آفریدی پانچویں نمبر پر موجود ہیں۔

بیٹرز رینکنگ:

ٹیسٹ بیٹرز رینکنگ میں آسٹریلیا کے مانوس لبوشین پہلے، اسٹیو اسمتھ دوسرے، ٹریوس ہیڈ تیسرے، کین ولیمسن چوتھے، بابر اعظم پانچویں، جو روٹ چھٹے، ڈیرل مچل ساتویں، سری لنکا کے کرونا رتنے آٹھویں، عثمان خواجہ نویں اور رشبھ پنت دسویں نمبر پر موجود ہیں۔

بولرز رینکنگ:

بولرز رینکنگ میں روی چندر ایشون پہلے نمبر پر براجمان ہیں جبکہ جیمز اینڈرسن دوسرے، پیٹ کمنز تیسرے، کاگیسو ربادا چوتھے، شاہین آفریدی پانچویں، انگلینڈ کے اولی روبنسن چھٹے، نیتھن لیون ساتویں، جسپریت بمرا آٹھویں، رویندر جڈیجا نویں اور اسٹیورٹ براڈ دسویں نمبر پر موجود ہیں۔