Tag: ٹیسٹ کرکٹ

بھارتی فاسٹ بولر جسپریت بمراہ نے انگلینڈ کے خلاف سیریز کے چوتھے ٹیسٹ میچ میں ناپسندیدہ ریکارڈ اپنے نام کرلیا۔

جسپریت بمراہ نے ہفتہ کو انٹرنیشنل کرکٹ میں انگلینڈ کے خلاف اپنی وکٹوں کی سنچری تو مکمل کرلی مگر ایک ناپسندیدہ ٹیسٹ ریکارڈ بھی اپنے کھاتے میں درج کرالیا، ٹیسٹ میچ کے چوتھے دن انھوں نے لیان ڈاسن کے آؤٹ کرکے انگلینڈ کےخلاف 100 وکٹیں حاصل کرنے کا اعزاز حاصل کیا۔

وہ انگلینڈ کے خلاف 100 انٹرنیشنل وکٹیں حاصل کرنے والے چوتھے بھارتی بولر بنے، جسپریت بمراہ لیجنڈری کپل دیو، روی چندرن اشون، اور رویندر جڈیجہ کے ہم پلہ ہوگئے

جسپریت بمراہ نے وسیم اکرم کا ریکارڈ توڑ دیا

تاہم بمراہ نے 2018 میں ہندوستان کےلیے ٹیسٹ میچ میں ڈیبیو کرنے کے بعد سے اپنے 5 روزہ کیریئر میں پہلی بار 100 سے زیادہ رنز دیے اور یہ ناپسندیدہ ریکارڈ اپنے کھاتے میں درج کرایا۔

انگلینڈ کی پہلی اننگز کے دوران بمراہ نے 33 اوورز میں صرف 2 وکٹوں کے لیے 112 رنز دیے۔ اس سے پہلے بمراہ نے ٹیسٹ اننگز میں سب سے زیادہ 99 رنز دیے تھے۔

انگلینڈ کے خلاف، بمراہ نے ٹیسٹ میں 74، ون ڈے میں 17 اور ٹی ٹوئنٹی فارمیٹ میں 9 وکٹیں حاصل کی ہیں، اینڈرسن ٹنڈولکر ٹرافی میں بمراہ ک اب تک 14 وکٹیں لے چکے ہیں۔

https://urdu.arynews.tv/jasprit-bumrah-hints-test-retirement-indian-cricket-in-shock/

آسٹریلیا نے تیسرے ٹیسٹ میچ میں ویسٹ انڈیز کو صرف ڈھائی دن میں شکست دے کر تین میچوں کی سیریز میں کلین سوئپ کر دیا۔

آسٹریلیا اور ویسٹ انڈیز کے درمیان تیسرا اور آخری ٹیسٹ میچ کنگسٹن میں کھیلا گیا۔ تاہم یہاں کی وکٹ میزبان بلے بازوں کے لیے ڈراؤنا خواب اور کینگروز بولرز کے لیے مہربان ثابت ہوئی۔ ویسٹ انڈیز کی ٹیم جیت کے لیے ملنے والے 204 رنز کے تعاقب میں صرف 27 رنز پر ڈھیر ہو گئی، جو ٹیسٹ کرکٹ کی تاریخ کا دوسرا کم ترین اسکور ہے۔

ڈے اینڈ نائٹ ٹیسٹ میچ کو آسٹریلیا نے ڈھائی دن میں ہی اپنے نام کر کے میچ میں 176 رنز سے کامیابی حاصل کی۔

میچ کے تیسرے روز آسٹریلیا کی ٹیم دوسری اننگ میں 22 رنز کا اضافہ کرنے کے بعد 121 رنز پر آؤٹ ہو گئی۔ میزبان ٹیم کو جیت کے لیے 204 رنز کا ہدف ملا لیکن ویسٹ انڈیز نے جیت کے بجائے ایک بدترین ریکارڈ اپنے نام بنا لیا۔

ویسٹ انڈین بیٹرز جیسے ہی دوسری اننگ کے لیے میدان میں اترے تو کینگرو فاسٹ بولر مچل اسٹارک نے ان پر قہر ڈھا دیا۔ پہلے ہی اوور میں تین وکٹیں اڑانے کے ساتھ انہوں ںے 15 گیندوں پر تیز ترین پانچ شکار کر کے میزبان ٹیم کی بیٹنگ لائن کو تہس نہس کر دیا۔ انہوں ںے دوسری اننگ میں 6 وکٹیں حاصل کیں۔ رہی صحیح کسر اسکاٹ بولینڈ نے پوری کر دی۔ ہیٹ ٹرک کرکے ویسٹ انڈیز کی ٹیل کا خاتمہ کیا۔

ٹیسٹ میچ میں ریکارڈ 7 کھلاڑی صفر پر آؤٹ ہوئے۔ ان میں چار بیٹرز کو تو گولڈن ڈک کی خفت اٹھانی پڑی۔

مچل اسٹارک کو میچ میں 7 وکٹیں لینے پر میچ کا بہترین کھلاڑی اور سیریز میں مجموعی طور پر 15 وکٹیں لینے پر سیریز کا بہترین کھلاڑی قرار دیا گیا۔

واضح رہے کہ یہ ٹیسٹ میچ مچل اسٹارک کا 100 واں ٹیسٹ میچ تھا، جس کو انہوں نے اپنی شاندار کارکردگی سے یادگار بنا لیا۔

فاسٹ بولر نے نہ صرف 2.3 اوورز یعنی 15 گیندوں پر 5 وکٹیں حاصل کرکے تیز ترین 5 وکٹیں حاصل کرنے والے باؤلر بن گئے، بلکہ اس کے ساتھ ہی 400 ٹیسٹ وکٹوں کا سنگ میل بھی عبور کیا۔

آسٹریلیا اپنا اعزاز برقرار رکھے گا یا جنوبی افریقہ نیا ٹیسٹ چیمپئن بنے گا فیصلے کے لیے کل سے تاریخی لارڈ کرکٹ گراؤنڈ میں میدان سجے گا۔

آئی سی سی ٹیسٹ چیمپئن شپ سائیکل 25-2023 کا فائنل دفاعی چیمپئن آسٹریلیا اور پہلی بار فائنل کھیلنے والی جنوبی افریقہ کی ٹیموں کے درمیان کرکٹ کے گھر لارڈز میں شروع ہو رہا ہے۔

ڈبلیو ٹی سی کا تاج سجانے والی ٹیم مالا مال ہوگی اور فاتح ٹیم کو ٹیسٹ میس کے ساتھ 3.6 ملین ڈالر ( لگ بھگ ایک ارب پاکستانی روپے سے زائد) انعامی رقم ملے گی، جو گزشتہ دونوں ایڈیشنز 2021 اور 2023 سے کئی گنا زیادہ ہے۔

رنر اپ ٹیم بھی خالی ہاتھ نہیں جائے گی اور اس کو 2.16 ملین ڈالر (تقریباً 60 کروڑ پاکستانی روپے سے زائد) کی رقم ملے گی۔

دفاعی چیمپئن آسٹریلیا کی کمان پیٹ کمنز کے پاس ہی ہے، جنہوں نے 2023 میں کینگروز کو آئی سی سی ورلڈ ٹیسٹ چیمپئن بنوایا تھا اور اسی سال ون ڈے ورلڈ کپ کی ٹرافی بھی اٹھائی تھی جب کہ حریف جنوبی افریقہ کی قیادت ٹیمبا باوما کر رہے ہیں۔

پیٹ کمنز کی خواہش ہوگی کہ وہ اپنے اعزاز کا دفاع کریں اور ٹیمبا باوما چاہیں گے کہ وہ جنوبی افریقہ پر سے چوکر کا ٹیگ ہٹائیں اور 27 سال بعد دوسری بار آئی سی سی ٹائٹل جیتیں۔

واضح رہے کہ جہاں جنوبی افریقہ اب تک صرف 1998 میں آئی سی سی ناک آؤٹ ٹورنامنٹ جیتا ہے۔ دوسری جانب آسٹریلیا کے پاس ٹرافیز جیتنے کا وسیع تجربہ ہے۔

کینگروز ورلڈ ٹیسٹ چیمپئن شپ کے دفاعی چیمپئن ہونے کے ساتھ ریکارڈ 6 مرتبہ ون ڈے ورلڈ کپ، دو بار چیمپئنز ٹرافی اور ایک بار ٹی 20 ورلڈ کپ جیت چکے ہیں۔

آئی سی سی ورلڈ ٹیسٹ چیمپئن شپ  کے آغاز سے قبل پاکستان 2016 میں ٹیسٹ نمبر ون ٹیم رہی ہے۔ اس وقت کے کپتان مصباح الحق نے ٹیسٹ میس آئی سی سی سے وصول کی تھی۔

سری لنکا کے تجربہ کار کرکٹر اور سابق کپتان نے ٹیسٹ کرکٹ سے ریٹائرمنٹ کا اعلان کر دیا ہے اگلے ماہ وہ آخری بار ایکشن میں نظر آئیں گے۔

سری لنکا کرکٹ ٹیم کے سب سے تجربہ کار بیٹر اور سابق کپتان اینجلو میتھیوز نے ٹیسٹ کرکٹ سے ریٹائرمنٹ کا اعلان کر دیا ہے۔ یہ اعلان انہوں نے ایک سوشل میڈیا پوسٹ کے ذریعہ کیا ہے۔ اگلے ماہ جون میں بنگلہ دیش کے خلاف پہلا ٹیسٹ ان کے کیریئر کا آخری ٹیسٹ میچ ہوگا۔

سوشل میڈیا پلیٹ فارم ایکس پر ایک طویل جذباتی پوسٹ میں سینئر کرکٹر نے وائٹ بال فارمیٹ جاری رکھنے کا اعلان کرتے ہوئے کہا کہ وہ ون ڈے اور ٹی 20 میں سری لنکا کی نمائندگی کرنے کے لیے تیار ہیں۔

اپنے پیغام میں سابق سری لنکن کپتان نے کھیل اور اپنے حامیوں کا شکریہ ادا کیا۔
انہوں نے لکھا کہ "میرے پیارے دوستو اور خاندان، شکر گزار دل اور ناقابل فراموش یادوں کے ساتھ۔ اب وقت آگیا ہے کہ میں کھیل کے سب سے پیارے فارمیٹ، انٹرنیشنل ٹیسٹ کرکٹ کو الوداع کہہ دوں! سری لنکا کے لیے گزشتہ 17 سال کی کرکٹ کھیلنا میرے لیے سب سے بڑا اعزاز اور فخر ہے۔

کوئی بھی چیز حب الوطنی اور خدمت کے جذبے سے مماثل نہیں ہو سکتی۔
اینجلو میتھیوز کا کیریئر 16 برس پر محیط ہے۔

pic.twitter.com/nqsnpkpekD

— Angelo Mathews (@Angelo69Mathews) May 23, 2025

انہوں نے 2009 میں اپنا ٹیسٹ ڈیبیو کیا تھا اور اب تک 118 میچز کھیلے ہیں۔ انہوں نے 34 میچوں میں اپنی ٹیم کی قیادت کی اور کئی یادگار فتوحات دلائیں۔ ان میں مشہور 2014 کا ہیڈنگلے ٹیسٹ بھی شامل ہے،جہاں ان کی 160 رنز کی میچ ٹرننگ اننگز نے سری لنکا کی جیت میں اہم کردار ادا کیا تھا۔

تجربہ کار بلے باز نے ٹیسٹ کرکٹ میں 16 سنچریوں کی مدد سے 8167 رنز بنائے اور وہ سری لنکا کی آل ٹائم لسٹ میں لیجنڈری سنگاکارا (12400) اور مہیلا جے وردھنے (11814) کے بعد تیسرے نمبر پر ہیں۔ انہوں نے 33 وکٹیں بھی حاصل کر رکھی ہیں۔

آسٹریلیا کے مایہ ناز بلے باز اسٹیو اسمتھ نے ٹیسٹ کرکٹ میں بڑا سنگ میل عبور کرتے ہوئے کیریئر کے 10 ہزار رنز مکمل کر لیے ہیں۔

آسٹریلیا کے مایہ ناز بلے باز اسٹیو اسمتھ نے ٹیسٹ کرکٹ میں بڑا سنگ میل عبور کرتے ہوئے 10 ہزار ٹیسٹ رنز کرکٹرز کا کلب جوائن کر لیا ہے۔

اسٹیو اسمتھ نے یہ سنگ میل سری لنکا کے خلاف گال میں کھیلے جا رہے پہلے ٹیسٹ میچ میں کیا۔ دلچسپ بات یہ ہے کہ انہیں 10 ہزار رنز کی تکمیل کے لیے صرف ایک رن ہی درکار تھا۔ وہ پہلا رن بناتے ہی 10 ہزار رنز بنانے والے ٹیسٹ کرکٹرز کلب کے 15 ویں ممبر بن گئے ہیں۔

View this post on Instagram

A post shared by ICC (@icc)

اسٹیو اسمتھ سری لنکا کے خلاف پہلے ٹیسٹ میچ کے پہلے روز کے کھیل کے اختتام تک 35 ویں سنچری مکمل کرتے ہوئے نا قابل شکست 104 رنز بنا چکے ہیں۔ اس کے ساتھ ہی وہ پاکستان کے ریکارڈ ساز سابق کپتان یونس خان کے کو پیچھے چھوڑ چکے ہیں۔

آسٹریلوی بیٹر نے 115 ویں ٹیسٹ اور 205 ویں اننگ میں یہ اعزاز حاصل کیا۔ ان سے قبل دنیائے کرکٹ کے 14 کھلاڑی ٹیسٹ کرکٹ میں 10 ہزار رنز بنا چکے ہیں۔

اس کے ساتھ ہی وہ رکی پونٹنگ کے بعد یہ سنگ میل حاصل کرنے والے دوسرے تیز ترین آسٹریلوی کھلاڑی اور دنیا کے پانچویں تیز ترین بلے باز بھی بن گئے ہیں۔

اس سے قبل ٹنڈولکر، برائن لارا اور کمارا سنگاکارا نے یہ اعزاز 195 جب کہ رکی پونٹنگ نے 196 ویں اننگ میں انجام دیا تھا۔

واضح رہے کہ ٹیسٹ کرکٹ کے 10 ہزار کلب میں یونس خان واحد پاکستانی بیٹر ہیں۔ انہوں نے 10099 رنز بنائے ہوئے ہیں۔

https://urdu.arynews.tv/champions-trophy-pakistani-squad-3-player-may-be-not-inculded/

گال: قومی کرکٹ ٹیم کے سرفراز احمد ٹیسٹ کرکٹ میں بطور وکٹ کیپر تاریخ رقم کردی ہے۔

پاکستان اور سری لنکا کے درمیان کھیلے جارہے پہلے ٹیسٹ میچ کے دوسرے روز وکٹ کیپر بیٹر سرفراز احمد نے اپنے ٹیسٹ کیریئر کے تین ہزار رنز مکمل کرلیے۔

سرفراز احمد نے 3000 ٹیسٹ رنز کا شاندار سنگ میل عبور کرلیا ہے، سرفراز احمد ٹیسٹ کرکٹ میں 3000 رنز مکمل کرنے والے پہلے پاکستانی وکٹ کیپر ہیں۔

.@SarfarazA_54 completes 3️⃣0️⃣0️⃣0️⃣ Test runs 🙌#SLvPAK pic.twitter.com/oPrMomAjFi

— Pakistan Cricket (@TheRealPCB) July 17, 2023

گال ٹیسٹ: قومی ٹیم مشکلات کا شکار، آدھے بیٹرز پویلین لوٹ گئے

سرفراز احمد نے 3000 رنز کا سنگ میل 52ویں ٹیسٹ میں عبور کیا، وکٹ کیپر بیٹر  21 ففٹی اور 4 سنچری بھی اسکور کر چکے ہیں۔

اپنے پورے کیرئیر میں وکت کیپر و بیٹر  نے بیٹنگ کی غیر معمولی مہارت کا مظاہرہ کیا ہے اور کھیل کے طویل ترین فارمیٹ میں پاکستان کی کامیابی میں اہم کردار ادا کیا ہے، سرفراز احمد پاکستان کی جانب سے 3000 رنز بنانے والے 20ویں بیٹر ہیں۔

.@imabd28 passes the 1️⃣0️⃣0️⃣0️⃣-run mark in his 24th Test innings 👏#SLvPAK pic.twitter.com/3q2gr4q6Po

— Pakistan Cricket (@TheRealPCB) July 17, 2023

دوسری جانب قومی کھلاڑی عبداللہ شفیق نے ٹیسٹ کرکٹ میں اپنے ایک ہزار رنز مکمل کیے ہیں، انہوں نے بھی گال ٹیسٹ کے دوسرے روز یہ سنگ میل عبور کیا، انہوں نے 24ویں ٹیسٹ اننگز میں ایک ہزار رنز مکمل کیے ہیں۔